1 SAMUEL 21:7 - Bibəl ta Sar̄

⁷ Adə̄ nge tun̄ yá̰a̰ adə̄ Dabid mápá kə́ kɔr̄ kam̄ gə̄ ní, tɔdɔ̄ mápá kə́ rang gətóo. Mápá gə̄ ní i kə́ ndējə̄n̄ Kɔ́ɔ̄ɓē pá tá gō tə́ anī ɔyn̄ kɔ̄ɔ́ kem loo kə́ táĺ tə́ yā ɓōkə́nń kə́ kijə gotoó.

Bible sar

⁷ Adə̄ *nge tun̄ yá̰a̰ adə̄ Dabid mápá kə́ kɔr̄ kam̄ gə̄ ní, tɔdɔ̄ mápá kə́ rang gətóo. Mápá gə̄ ní i kə́ ndējə̄n̄ Kɔ́ɔ̄ɓē pá tá gō tə́ anī ɔyn̄ kɔ̄ɔ́ kem *loo kə́ táĺ tə́ yā ɓōkə́nń kə́ kijə gotoó.

1 SAMUEL 21:7 Referans Kwoze

1 SAMUEL 22:9

Anī Doeg kə́ Edom ń ra kadə ngé kəla yā Saul gə̄ tə́ ní əda Saul na: Ndɔ̄ kógə̄ḿ tə́ m-á̰a̰ ngōn̄ Jese aw̄ Nob rɔ̄ Ahimelek ngōn̄ Ahitub tə́.

1 YÁ̰A̰ GƏ̄ 27:29

Man̄g gə̄ ń a əsan̄ yá̰a̰ wól loo kə́ Saron tə́ ní, de kə́ dɔ ngé kuldə́ gə̄ tə́ i Sitərai kə́ Saron. Man̄g gə̄ ń a əsan̄ yá̰a̰ wól loo kə́ rang gə̄ tə́ ní, de kə́ dɔ ngé kuldə́ gə̄ tə́ i Sapat kə́ ngōn̄ Adəlai.

MATIYE 15:8

De gə̄ ń toō rɔȳmə̄n̄ i kə tadə́ karī, ba kemdə́ i sa̰y rɔ̄ḿ tə́.

AMOS 8:5

Sḭḭ̄ ə́daī na: Kadə̄ gír ndɔ̄ rāā nāā kə́ teē kíjə kə gān̄g láẃ! Loo ń noō tə́ j-a j-asiī gātə̄ kōō yājí. Kadə̄ gír sabat kə gān̄g láẃ! Loo ń noō tə́ j-a j-asiī teē ta mō̰ȳ yājí gə̄. J-a jə-ndégī ta yá̰a̰ gātə̄ gə̄ kɔ̄ɔ́ ō, j-a j-ənī gātə̄ dɔ madə̄ tə́ ō, j-a jə-rāāī kadə̄ yá̰a̰ mbɔ̄jə́ kɔȳ yá̰a̰ i gōtə́ aĺ ō.

EJEKIEL 33:31

Adə̄ nin̄ reēn̄ ngá̰ý ndin̄ nang tə́ noí tə́. Nin̄ oōn̄ najə̄ kɔrīí gə̄, banī rāān̄ yá̰a̰ gə̄ ń ə́dá ní alé. Nin̄ a rāān̄ i yá̰á̰ kə́ nel̄də́ gə̄ ō, a sāān̄ i yá̰á̰ kə́ majə tām̄ yādə́ tə́ gə̄ ō ngóy.

2 YÁ̰A̰ GƏ̄ 26:10

Ni-rāā kújə́ kə́ ngāl̄ ɓururu gə̄ kem dəla loo tə́ ō, ndēr̄ bəlo taā man̄ gə̄ ngá̰ý ō, tɔdɔ̄ yá̰a̰ kul̄ yān gə̄ i ngá̰ý loo kə́ mbal̄ bo gə̄ gətóon̄ tū tə́ tə́ ō, wól loo tə́ ō. Ni-aw̄ kə ngé ndɔr̄ gə̄ ō, ngé ndɔr̄ kāgə̄ nduú gə̄ ō, tɔdɔ̄ kəla ndɔr̄ nelə̄n ngá̰ý.

1 SAMUEL 14:47

Dan ń Saul o̰o̰ ɓē dɔ Israel gə̄ tə́ ní, ni-ənī madə̄ ba̰ā̰n gə̄ malang ń ndin̄ gīrə̄n̄ gidən ní rɔ̄ɔ̄. Ni-rɔ̄ɔ̄ Moab gə̄ ō, Amon gə̄ ō, Edom gə̄ ō, mban̄g kə́ Soba ō, Pilistin gə̄ ō. Kə dɔ kaw̄n rɔ̄ɔ̄ tə́ gə̄ malang ń noō ni a tetə i rɔ̄ɔ̄. Ndɔ̄ kə́rēý tə́ ni tetə Amalek gə̄ rɔ̄ɔ̄ ɔjəń tɔ́gən kə̄ ndágá.

1 SAMUEL 11:5

Kum mbang ngeé ń noō tə́ ní Saul tél bembeé kə man̄g yān gēé. Ni-dəje de gə̄ na ké i rí n rāā yá̰á̰ á de gə̄ a nōōn̄ naā beé wa. Anī ɔjənən̄ najə̄ ń de kə́ Yabes gə̄ ədan̄ ní.

TA KƏLA 26:20

Anī ngé kul̄ yá̰á̰ kə́ Gerar tə́ gə̄ sāān̄ ta ngé kul̄ yá̰a̰ yā Isaak gə̄, ədan̄ na man̄ na i yādə́. Adə̄ Isaak ənda rī bəlo man̄ ni na i Esek, kumən na i sāā tām̄, tɔdɔ̄ sāān̄ tan dɔ man̄ ní tə́.

1 SAMUEL 21:8

Ba ndɔ̄ ngeé ń noō tə́ ní nge kəla yā Saul kógə̄ḿ ndi ta kum Kɔ́ɔ̄ɓē tə́ yā rāā yá̰á̰ kə́ sɔɔ̄ dɔn. Deē ní rīn na i Doeg. Ni i Edom deē. Ba ni i ngol ngé kul̄ yá̰a̰ gə̄ yā Saul.

1 SAMUEL 22:22

Anī Dabid ədan na: Ndɔ̄ tə́ gēé ní m-á̰a̰ Doeg kə́ Edom, adə̄ m̄-ger̄ kadə̄ a əda Saul. I mā n m̄-rāā yá̰á̰ á najə̄ əsōń dɔ ngééí gə̄ tə́ ní.

1 YÁ̰A̰ GƏ̄ 27:31

De kə́ dɔ ngé kul̄ batə̄ gə̄ tə́ ō, bə̄yā̰ gə̄ tə́ ō, i Yajijə ń ni i Hagəri deē ní. Rī de kə́ dɔ yá̰a̰ kənge gə̄ yā mban̄g Dabid tə́ gə̄ malang n noó.

LEBI GƏ̄ 22:10

Ngōn̄ Israel ń i nge tun̄ yá̰a̰ aĺ ní, a əsa yá̰a̰ kə́ tál alé. Mbā yā nge tun̄ yá̰a̰ nin̄ kə nge rāā kəla gír naraá ɓē nge tun̄ yá̰á̰ ní, a əsan̄ aĺ ō.

LEBI GƏ̄ 22:13

Banī ngōn̄ nge tun̄ yá̰á̰ ń ngaan oy, aké ngaan mbātə́n, ba ojə ngōn̄ aĺ ō, tél reē ndi ɓē bɔbə̄neé tītə̄ ń ndiń kə mandəneé kété ní, a əsa yá̰a̰ kəsa bɔbə̄n ń ɔgə̄n̄ deē ń i nge tun̄ yá̰a̰ aĺ kəsa ní karī.

LEBI GƏ̄ 24:5

Ā ún ndujə̄ yā rāā mápá tə́ dɔ bəra kutə gidə i jōó. Dɔ bəran kógə̄ḿ a taā ndujə̄ kem lāngá mehḛ́.

LEBI GƏ̄ 24:8

A ɓōkə́n̄ mápá ní ta kum Kɔ́ɔ̄ɓē tə́ ngándáńg kə ndɔ̄ sabat gə̄ malang. Nge ń noō i yá̰á̰ kə́ əndān̄ dɔ ngán Israel gə̄ tə́ kadə̄ rāān̄ tām̄ yā madə̄ naā ń Nə́ɓā rāā sedə́ tə́ ní.

1 SAMUEL 22:10

Ahimelek sāā dɔn tə́ rɔ̄ Kɔ́ɔ̄ɓē tə́ ba adə̄n yá̰a̰ kəsa ō kaskar yā Goliat kə́ Pilistin ní ō.