1 SAMUEL 21:10 - Bibəl ta Sar̄

¹⁰ Anī nge tun̄ yá̰á̰ tél ədan na: Pilistin ń ī-tɔ̄lə̄n wól loo kāgə̄ sén gə̄ tə́ á rīn na i Goliat ní, kaskar yān to laā. I kə́ ɓír̄ gidə kə kūbūú ba to gidə kūbə̄ yā nge tun̄ yá̰á̰ tə́ noō. Ré ī-ndigə kun anī ún, tɔdɔ̄ yá̰a̰ rɔ̄ɔ̄ kə́ rang gətóo laā. Dabid əda na: Kaskar kə́ rang kə́ to tītə̄n gətóo, adə̄ ādə̄m̄ seneé laā.

Bible sar

¹⁰ Anī nge tun̄ yá̰á̰ tél ədan na: Pilistin ń ī-tɔ̄lə̄n wól loo kāgə̄ sén gə̄ tə́ á rīn na i Goliat ní, kaskar yān to laā. I kə́ ɓír̄ gidə kə kūbūú ba to gidə kūbə̄ yā nge tun̄ yá̰á̰ tə́ noō. Ré ī-ndigə kun anī ún, tɔdɔ̄ yá̰a̰ rɔ̄ɔ̄ kə́ rang gətóo laā. Dabid əda na: Kaskar kə́ rang kə́ to tītə̄n gətóo, adə̄ ādə̄m̄ seneé laā.

1 SAMUEL 21:10 Referans Kwoze

JEREMI 26:21

Mban̄g Joakim ō, go̰ rɔ̄ɔ̄ yān gə̄ ō, de kə́ bo yān gə̄ ō ōōn̄ najə̄ gə̄ ní, adə̄ mban̄g sāā tɔ̄lən. Najə̄ ń noō əsō mbī Uria tə́ anī, ɓōĺ rāān adə̄ a̰ȳ aw̄ Ejiptə tə́.

1 MBAN̄G GƏ̄ 19:3

Eli a̰a̰ beé anī a̰ȳ yā kajəń rɔ̄n. Ni-aw̄ ugə̄ Beer Seba kə́ gō nang kə́ Juda tə́ anī əya̰ nge kəla yān noó.

PĀ GƏ̄ 56:1

Pā kə́ kem makətūbə̄ yā ngār yā gōsə̄ pā gə̄ tə́. A ənīn̄ i tītə̄ loo kənī pā déŕ kə́ dɔ kāgə̄ kə́ bo gə̄ kə́ loo kə́ sa̰y ngá̰ý tə́. I pā yā Dabid kə́ yā ndóoń deē yá̰a̰. Ɔr̄ i najə̄ yā Dabid ń Pilistin gə̄ əhɔnən̄ kem ɓē kə́ Gat tə́ ní.

1 SAMUEL 17:2

Saul nin̄ kə de kə́ Israel tə́ gə̄ kánə̄n̄ naā ō. Nin̄ əndān̄ gérger yādə́ wól loo kāgə̄ sén gə̄ tə́, ba aw̄ tə́nīn̄ rɔ̄də́ no Pilistin gə̄ tə́ kə ta naá kə jī loo rɔ̄ɔ́.

1 SAMUEL 17:51

Dabid a̰ȳ ngɔ̄də̄ aw̄ ra dɔ Pilistin ní tə́. Ni-ɔr̄ kaskar yā Pilistin ní kem hɔ̄pə̄n tə́ tɔ̄l̄ənneé ba əja dɔn gān̄g. Pilistin gə̄ a̰a̰n̄ kadə̄ go̰ rɔ̄ɔ̄ yādə́ oy kɔ̄ɔ́ anī a̰ȳn̄ naā.

1 SAMUEL 22:10

Ahimelek sāā dɔn tə́ rɔ̄ Kɔ́ɔ̄ɓē tə́ ba adə̄n yá̰a̰ kəsa ō kaskar yā Goliat kə́ Pilistin ní ō.