1 SAMUEL 20:41 - Bibəl ta Sar̄

⁴¹ Dan ń balsáá ní aw̄ kɔ̄ɔ́ anī, Dabid teē loo ń ɓɔ̄ɔ̄ rɔ̄n tū tə́ ní tə́ dām̄ mbɔ́r ɓē kə́ geleé tə́. Ni-ɔsə non nang tə́ nja mətá kə̄ no Jonatan tə́. Gō tə́ anī ɓirə̄n̄ naā dagə ba nōōn̄ mbak bátə́ kadə̄ asəń Dabid.

Bible sar

⁴¹ Dan ń balsáá ní aw̄ kɔ̄ɔ́ anī, Dabid teē loo ń ɓɔ̄ɔ̄ rɔ̄n tū tə́ ní tə́ dām̄ mbɔ́r ɓē kə́ geleé tə́. Ni-ɔsə non nang tə́ nja mətá kə̄ no Jonatan tə́. Gō tə́ anī ɓirə̄n̄ naā dagə ba nōōn̄ mbak bátə́ kadə̄ asəń Dabid.

1 SAMUEL 20:41 Referans Kwoze

1 SAMUEL 18:3

Jonatan əhɔ madə̄ naā kə Dabidí tɔdɔ̄ tárən tītə̄ rɔ̄n nəkɔ́ beē.

TA KƏLA 29:11

Jakob əhɔ Rasel kə̄ rɔ̄n tə́ ɓirə̄n dagə, ba un ndūn kə̄ dɔɔ́ nōoń.

KƏLA RĀĀ 20:37

Loo ń noō tə́ de gə̄ malang mbutən̄ kə́ nōō tə́ ō, əsōn̄ míndə Pol tə́ ō, ɓir̄nən̄ kə̄ rɔ̄də́ tə́ ō.

2 SAMUEL 19:39

Mban̄g əda na: Majə, ādə̄ Kimham aw̄ seḿ. Yá̰á̰ ń nelī ní m-ā m̄-rāā tām̄ yān tə́ ō, yá̰a̰ malang ń ā ī-dəjem̄ ní, m-ā m̄-rāā tām̄ yāí tə́ ō.

2 SAMUEL 9:6

Dan ń Mepiboset kə́ ngōn̄ Jonatan ń i kaa Saul ní ugə̄ rɔ̄ Dabid tə́ anī, ɔsə non nang tə́ no mban̄g tə́. Dabid dəjen na ké i ni Mepiboset ń toó wa, anī ni-tél əda na: Mā nge kəla yāí n toó.

2 SAMUEL 1:26

Ngōkó̰ó̰ḿ Jonatan, wurəḿ ɔləm̄ ngá̰ý, tɔdɔ̄ o̰o̰m̄ tɔdɔ̄í. Táŕ ń ī-tárəm̄ ní nelə̄m̄ ngá̰ý tɔȳ tár yā dəyá̰ gə̄.

1 SAMUEL 25:23

Dan ń Abigail a̰a̰ Dabid anī risə láẃ kɔ̄ɔ́ dɔ kərō yān tə́. Ni-əsō sébə kumən nang tə́ kə̄ no Dabid tə́ ba ɔsə non nang tə́.

1 SAMUEL 10:1

Samuel un yibə̄ ń ətō jīn tə́ kem kūú ní ur dɔ Saul tə́. Gō tə́ anī ɓirə̄n kə̄ rɔ̄n tə́ dagə ba ədan na: I Kɔ́ɔ̄ɓē nəkɔ́ n ur yibə̄ dɔí tə́ kadə̄ ḭ̄ i ngār yā deē yān gə̄ ní.

TA KƏLA 45:15

Ni tél əhɔ ngákó̰o̰n gə̄ malang kə̄ rɔ̄n tə́ ɓir̄də́ dagə kə nōó kumən tə́ ō. Gō tə́ anī ngákó̰o̰n gə̄ tél ndi wálə̄n̄ najə̄ seneé.

TA KƏLA 43:28

Nin̄ tél ədanən̄ na bɔbə̄də́ nge kəla yān na to karī, na ndi kə kumneé noō ɓáý. Anī əlan̄ dɔdə́ nang tə́ ō, ɔsən̄ nodə́ nang tə́ non tə́ ō.

TA KƏLA 29:13

Dan ń Laban oō na i Jakob ngōn̄ ngōkó̰o̰n kə́ dəyá̰ anī, a̰ȳ ngɔ̄də̄ tə́nī tan. Ni əhɔn kə̄ rɔ̄n tə́ ɓirə̄n dagə, ba aw̄ seneé ɓēé looneé. Jakob ənīn gotə yá̰a̰ gə̄ ń rāān̄ yá̰á̰ ní malang.

TA KƏLA 42:6

Jəjep ndi dɔ ɓē tə́. I ni n i nge kadə̄ de kə́ kem ɓēé gə̄ malang kōō kadə̄ mangən̄ ní. Ngákó̰o̰ Jəjep gə̄ reē ɔsən̄ nodə́ nang tə́ non tə́.

1 SAMUEL 20:40

Jonatan adə̄ balsáa yān ní ga̰ gərā ō, gərā gə̄ ō, ba ədan na kə tél kə aw̄ń gogə́ ɓēé.

TA KƏLA 33:4

Esau a̰ȳ ngɔ̄də̄ tə́nī tan, əhɔn kə̄ rɔ̄n tə́ ɓirə̄n dagə ō, əsō kə̄ kɔ́ɔn tə́ ō, ba nōōn̄ jōó mbak.

1 SAMUEL 24:9

Gō tə́ anī Dabid ḭḭ dɔɔ́, teē bəlo mbalá kə̄ ndágá ba ɓāŕ gō Saul, əda na: Kɔ́ɔ̄ḿ, mban̄g. Anī Saul mbel a̰a̰ loo kumən kə̄ gogə́. Dabid tétə̄ kəjən nang tə́ ba ɔsə non nang tə́ no mban̄g tə́.

2 SAMUEL 1:2

Kə ndɔ̄ kə́ nge ko̰ mətá anī deē kógə̄ḿ ḭḭ gérger yā Saul tə́ reē ugə̄. Kūbə̄ kə́ rɔ̄n tə́ i kə́ rə̄yā̰ kɔ̄ɔ́ ō, nán̄g i dɔn tə́ ō. Dan ń deē ní reē ugə̄ ngɔr rɔ̄ Dabid tə́ anī əsō ɔsə non nang tə́.

2 SAMUEL 14:4

Adə̄ dəyá̰ kə́ Tekoa ní aw̄ kɔr̄ najá kə mbangāá. Ni-əsō ɔsə non nang tə́ no mban̄g tə́, ba əda na: Kɔ́ɔ̄ ɓē gə̄, ī-dḭḭ̄m̄ tə́!

1 MBAN̄G GƏ̄ 1:16

Batəseba ɔsə non nang tə́ no mban̄g tə́. Anī mban̄g dəjen na ké i rí wa.

1 MBAN̄G GƏ̄ 1:23

Ədan̄ mban̄g na Natan kə́ nge koō ta na ra ndágá laā. Ni udə gō mban̄g tə́, ɔsə̄ non nang tə́ non tə́,

1 MBAN̄G GƏ̄ 1:31

Batəseba ɔsə non nang tə́ ō no mban̄g tə́ ō, ba əda na: Ādə̄ dɔ kɔ́ɔ̄ ɓē gə̄, mban̄g Dabid, ngan̄g májə́ májə́!