1 SAMUEL 20:32 - Bibəl ta Sar̄

³² Jonatan tél əda bɔbə̄n Saul na: Kadə̄ tɔ̄l̄nən̄ kɔ̄ɔ́ i tām̄ rí tə́? Rāā i rí?

Bible sar

³² Jonatan tél əda bɔbə̄n Saul na: Kadə̄ tɔ̄l̄nən̄ kɔ̄ɔ́ i tām̄ rí tə́? Rāā i rí?

1 SAMUEL 20:32 Referans Kwoze

MATIYE 27:23

Pilatə dəjedə́ na ké yá̰a̰ kə́ majaĺ ń rāā ní ké i rí wa. Banī nin̄-əgan̄ kɔŕ tɔȳ kə́ kété gə̄ ədan̄ń na: Ādə̄ əndanən̄ kə máyá̰ tū kāgə̄ kə́ dēsə́ tə́!

1 SAMUEL 19:5

Ni-un rɔ̄n adə̄ i yo n tɔ̄ləń Pilistin deē ní. Kɔ́ɔ̄ɓē tetə i rɔ̄ɔ̄ kə́ bo ngá̰ý n adə̄ ngán Israel gə̄ ndɔ̄ ń noō tə́ ní. Īkɔ́ á̰a̰ā̰ ō, rɔ̄í nelī ō. Ba i tām̄ rí tə́ á ī-sāā ɓōkə́ mósə de kə́ kanjə̄ najə̄ dɔn tə́ nang tə́ yā rāań yá̰á̰ kə́ majaĺ ní? I tām̄ rí tə́ á ī-sāā tɔ̄l̄ Dabid kanjə̄ kumən ní?

Najə̄ kə́ Majə yā Jeju ń Luk ndang ní 23:22

Pilatə ədadə́ ɓáý to̰ nja kə́ nge ko̰ mətá na: Yá̰a̰ nəkɔ́ kə́ majaĺ ń deē ń toō rāā ní i rí? Mā m-ə́nge yá̰á̰ kógə̄ḿ dɔn tə́ kə́ əɓa kum kadə̄ oyń alé, ní i beé ɓáa, m-ādə̄ a əndanən̄, ba gō tə́ a m-ā m-ə́ya̰n dɔɔ́.

TA KƏLA 31:36

Wōn̄g rāā Jakob adə̄ kɔ̄l̄ seneé ədan na: Yá̰á̰ kə́ gōtə́ aĺ ń m̄-rāā ní i rí? Yá̰á̰ kə́ majaĺ ń m̄-rāā ní i rí á ī-sōngəń gōḿ kə ngangá ngá̰ý ní?

JA̰A̰ 7:51

Kə gō ndū najə̄ yājí ní, j-asiī gān̄g sarya dɔ deē kógə̄ḿ tə́ kanjə̄ koō najə̄ yān ō, ger̄ yá̰á̰ ń ni-rāā ní ō a?

JEREMI 17:9

Gír̄ kə́ kem de gə̄ tə́ tə́la naā ngá̰ý. Dum̄ kadə̄ ḭ̄ deē ɔ̄r̄də́ dɔ tə́.

KOHELET 9:3

Kadə̄ yá̰á̰ kə́ kógə̄ḿ beē rāā de gə̄ malang tū yá̰a̰ malang ń de gə̄ a rāān̄ tə́ dɔ nang tə́ ní i yá̰á̰ kógə̄ḿ kə́ majaĺ. I yá̰á̰ ń noō n rāā adə̄ ngam i ngá̰ý kem ngán kaa Adam gə̄ tə́ ō, mbóo i kemdə́ tə́ dan ndidə́ kə kumdə́ tə́ ō ní. Ba gō tə́ anī a oyn̄ i mbéé ngóy.

KOHELET 7:9

Ī-lōō kadə̄ wōn̄g rāāī láẃ ngá̰ý, tɔdɔ̄ i de kə́ mbóo gə̄ n i ngé rāā wōn̄g láẃ gə̄ ní.

Gōsə̄ najə̄ gə̄ 22:24

Ī-lōō kəhɔ madə̄ naā kə de kə́ nge rāā wōn̄g laý ngá̰ý ō, ī-lōō njə̄rā kə de kə́ nge kəndā tɔ́gən ta róbə́ tə́ ō,

1 SAMUEL 20:7

Ré ni ədaī na majanī yá̰a̰ a rāām̄ alé. Ba ré rāā wōn̄g anī i loo ń noō tə́ n ā ī-gerə̄ń kadə̄ ni-əndā kemən dɔ tɔ̄lə̄ḿ tə́ ní.

1 SAMUEL 18:11

Saul un nənga kə̄ dɔɔ́ ba əda na: M-ā m-ɔ́sə Dabid yā kəren kadə ndogə̄ mbal̄ tə́. Banī Dabid əja rɔ̄n kɔ̄ɔ́ ta nənga tə́ nja jōó.

1 SAMUEL 19:4

Jonatan ɔr̄ najə̄ kə́ majə tām̄ yā Dabid tə́ kə bɔbə̄n Saulú əda na: Bɔbə́ḿ, majə kadə̄ ī-rāā yá̰á̰ kə́ majaĺ kə nge kəla yāí Dabid alé, tɔdɔ̄ ni-rāā yá̰á̰ kə́ majaĺ seí alé. Tá kəla kə́ bo gə̄ ń ni-rāā ní i majə ngá̰ý tām̄ yāí tə́.

1 SAMUEL 22:14

Ahimelek tél əda mban̄g na: Kɔ́ɔ̄ ɓē gə̄ dan ngé kəla yāí gə̄ tə́ malang ní, de kə́ sew tītə̄ Dabid i noó a? Ni i umií ō, pajā yāí kə́ nge ngɔ̄mī ō i ni n de gə̄ rɔȳnən̄ ɓēé looí ní ō.

1 SAMUEL 20:1

Dabid teē Nayot kə́ Rama tə́ a̰ȳ kɔ̄ɔ́. Ni-aw̄ ənge Jonatan ba dəjen na: m̄-rāā i rí yā bɔbí? I yá̰á̰ rí kə́ gōtə́ aĺ n m̄-rāā seneé ní? I majaĺ rí n m̄-rāā kə bɔbí á sāań tɔ̄lə̄m̄ ní?