1 SAMUEL 20:30 - Bibəl ta Sar̄

³⁰ Wōn̄g rāā Saul ngá̰ý kə Jonatan adə̄ ni ədan na: Ngōn̄ dəyá̰ kə́ kaya, m̄-ger̄ kadə̄ ī-ndigə i najə̄ yā ngōn̄ Jese kadə̄ ə́lań rɔ̄sɔl̄ dɔ rɔ̄í tə́ ō, dɔ kó̰ó̰í tə́ ō.

Bible sar

³⁰ Wōn̄g rāā Saul ngá̰ý kə Jonatan adə̄ ni ədan na: Ngōn̄ dəyá̰ kə́ kaya, m̄-ger̄ kadə̄ ī-ndigə i najə̄ yā ngōn̄ Jese kadə̄ ə́lań rɔ̄sɔl̄ dɔ rɔ̄í tə́ ō, dɔ kó̰ó̰í tə́ ō.

1 SAMUEL 20:30 Referans Kwoze

Gōsə̄ najə̄ gə̄ 21:24

De kə́ nge kídə̄ loo ō, nge ndájə̄ najə̄ ō i de kə́ nge mbóo kə yá̰a̰ malang, kɔjə rɔ̄ yān i ngá̰ý tū yá̰a̰ rāān gə̄ tə́ malang.

EPEJƏ 6:4

Sḭḭ̄ bɔbə̄ ngán gə̄ ō kó̰ó̰ ngán gə̄ ō, ī-rāāī ngáńsí gə̄ ādə̄ wōn̄g rāādə́ alé, ba ɔ̄jīdə́ ō, ī-tāāīdə́ ō, kə gō ń Kɔ́ɔ̄ɓē ndigəń ní.

EPEJƏ 4:31

Ādī wur katə̄ ō, kum kil kóróró ō, wōn̄g ō, lur ō, tájə̄ ndū ō, kem ndul kə́ tayā tayā gə̄ ō, gətóon̄ dɔ dáńsí tə́.

MATIYE 5:22

Ba mā m-ə́dásí na deē ń a rāā wōn̄g kə ngōkó̰o̰neé anī, a aw̄n̄ seneé no nge gān̄g sarya tə́. Deē ń a əda ngōkó̰o̰n na ḭ̄ i de kə́ mbóó ní, a aw̄n̄ seneé no ngé sarya kə́ bo gə̄ tə́. Deē ń əda ngōkó̰o̰n na ḭ̄ i de kə́ sapə ní, majə kadə̄ aw̄ kum hor Gehen tə́.

Gōsə̄ najə̄ gə̄ 27:3

Mbal̄ i yá̰á̰ kə́ ɔȳ ō, nán̄g ngárə̄ḿnjēý i yá̰á̰ kə́ ɔȳ ō, banī wōn̄g yā nge kɔ̄r̄ ɔȳ tɔȳdə́ jōó mbak.

Gōsə̄ najə̄ gə̄ 25:28

Deē ń ger̄ kəhɔ rɔ̄n dɔ yá̰á̰ tə́ aĺ ní, to i tītə̄ ɓē kə́ nujə kɔ̄ɔ́ kə́ ndogə̄ mbal̄ gətóo gidə tə́ beē.

Gōsə̄ najə̄ gə̄ 19:19

De kə́ wōn̄g ngá̰ý a əgā lamán wōn̄g, ré ə́ya̰n karī anī ī-mērən i tél rāā gogə́ ɓáý.

Gōsə̄ najə̄ gə̄ 19:12

Wōn̄g yā mban̄g i yá̰á̰ kə́ to ɓōĺ ngá̰ý tītə̄ nōō ɓɔl beé, banī kem majə yān rāā majə kə deé tītə̄ tal kə́ əhɔ dɔ mu tə́ beé.

Gōsə̄ najə̄ gə̄ 15:2

Dan ń de kə́ nge kum kedə̄ ɔr̄ najə̄ anī ngur ndóō yá̰á̰ rāā deē, banī de kə́ mbóo a ɔr̄ najə̄ i tītə̄ de kə́ nge kɔ̄r̄.

Gōsə̄ najə̄ gə̄ 14:29

De kə́ rāā wōn̄g láẃ alé i de kə́ ngáā ngá̰ý, banī de kə́ rāā wōn̄g láẃ ngá̰ý i de kə́ nge kɔjə kə̄ ndágá kadə̄ kur̄ dɔn na gətóo.

Makətūbə̄ yā Job 5:2

Tɔdɔ̄ wōn̄g tɔ̄l̄ de kə́ ɓodə ō, nii tɔ̄l̄ mbóo deē ō.

1 SAMUEL 20:29

Ni-rāām̄ ɓɔ́ ba ədam̄ na kə m-ə́ya̰n kadə̄ n-aw̄, na yá̰a̰ tun̄ kə́ tām̄ yā gír kojə yādə́ tə́ na to kem ɓē kə́ Betlehem tə́ noō, adə̄ ngōkó̰o̰n kə́ dəngam ədan na kə n-aw̄ kum tə́. Ré na m̄-gḛy najə̄ yān rɔ̄kum anī kə m-ə́ya̰n kadə̄ n-aw̄ n-a̰a̰ ngéén gə̄. I tām̄ najə̄ ń noō tə́ n ni gətóoń loo kəsa yá̰a̰ yāí tə́ ní.

1 SAMUEL 20:31

Banī ōō najə̄ ń toō majə, ré ngōn̄ Jese ń noō ndi kə kumneé ta kaw̄ jóo anī, ngəraī ḭ̄ a əhɔ nang aĺ ō, ngəra ko̰o̰ ɓē yāí a əhɔ nang aĺ ō. Adə̄ ī-mēr̄ kəhɔn ngɔr ń toō tə́ ādə̄ reēn̄ seneé adə̄mə̄n̄, tɔdɔ̄ ni-rāā yá̰á̰ kə́ asə yon.