1 SAMUEL 20:13 - Bibəl ta Sar̄

¹³ ādə̄ Kɔ́ɔ̄ɓē rāām̄ yá̰á̰ kə́ tōr̄ ba tél rāām̄ ɓáý to̰. Ba ré bɔbə́ḿ gír̄ rāāī yá̰á̰ kə́ to kum kaȳ aĺ anī m-ā m̄-tāāī kadə̄ āw̄ kɔ̄ɔ́ kanjə̄ sōl̄ yá̰á̰ kógə̄ḿ. Ba ādə̄ Kɔ́ɔ̄ɓē i naā tə́ seí tītə̄ ń ni i naā tə́ kə bɔbə́ḿ kété ní.

Bible sar

¹³ ādə̄ Kɔ́ɔ̄ɓē rāām̄ yá̰á̰ kə́ tōr̄ ba tél rāām̄ ɓáý to̰. Ba ré bɔbə́ḿ gír̄ rāāī yá̰á̰ kə́ to kum kaȳ aĺ anī m-ā m̄-tāāī kadə̄ āw̄ kɔ̄ɔ́ kanjə̄ sōl̄ yá̰á̰ kógə̄ḿ. Ba ādə̄ Kɔ́ɔ̄ɓē i naā tə́ seí tītə̄ ń ni i naā tə́ kə bɔbə́ḿ kété ní.

1 SAMUEL 20:13 Referans Kwoze

1 YÁ̰A̰ GƏ̄ 22:16

Lɔ́r ō, gində̄ arjā̰a̰ ō, gində̄ nə̄ngá kasə ō, gində̄ kə́ karī ō ní, deē asə tə́dádə́ alé. Ḭ́ḭ dɔɔ́ ī-rāā kəla ba ādə̄ Kɔ́ɔ̄ɓē i naā tə́ seí!

1 YÁ̰A̰ GƏ̄ 22:11

Beé ní, ngōnə̄ḿ, ādə̄ Kɔ́ɔ̄ɓē Nə́ɓā yāí i naā seí kadə̄ ī-rāań kújə yān ādə̄ majə tītə̄ ń əndāń dɔí tə́ ní.

1 SAMUEL 17:37

Dabid əda to̰ na: Kɔ́ɔ̄ɓē ń ɔrə̄m̄ kɔ̄ɔ́ ta hēl̄ jī ɓɔl tə́ ō, ta hēl̄ jī dā̰ úrsə tə́ ō ní, a ɔrə̄m̄ kɔ̄ɔ́ jī Pilistin ń toō tə́ ō. Saul əda Dabid na: Āw̄ ba ādə̄ Kɔ́ɔ̄ɓē i naā tə́ seí.

RUTƏ 1:17

Loo ń ā óy tū tə́ ní m-ā m-óy tū tə́ ō, a dubə̄mə̄n̄ i loo ní tə́ ō. Ré i yo tá a kēgə̄jí naā tə́ seí, ba ré i yá̰á̰ kə́ rang anī ādə̄ Kɔ́ɔ̄ɓē rāām̄ yá̰á̰ kə́ tōr̄ ń toō ō, rāām̄ adə̄ tɔȳ dɔ ō!

JOJUE 1:5

De kə́ asə ra ta kumií tə́ yā dumī a gətóó bátə́ kadə̄ óyń. Tɔdɔ̄ mā i naā tə́ seí tītə̄ ń mā i naā tə́ kə Moijə kété ní. M-ā m-ə́ya̰ī kɔ̄ɔ́ aĺ ō, m-ā m̄-lo dḭḭ̄ aĺ ō.

1 SAMUEL 3:17

Anī Eli dəjen najə̄ əda na: Ədaī na i rí? Ɓɔ́, najə̄ ń ədaī ní ī-lōō mundə̄m̄. Ré ī-mundə̄m̄ najə̄ kógə̄ḿ kə́ dan najə̄ gə̄ ń ɔr̄ seí tə́ ní anī, ādə̄ Nə́ɓā rāāī yá̰á̰ kə́ tōr̄ ń toō ō, nge kə́ tōr̄ ń toō ō.

PILIPƏ 4:9

Ī-rāāī yá̰á̰ ń m̄-ndóōsí ní ō, yá̰á̰ ń m-ɔ́jə́sí kadə̄ ī-rāāī ní ō, yá̰á̰ ń teē taḿ tə́ á ōōī ní ō, yá̰á̰ ń á̰a̰mī loo rāā tə́ ní ō. Loo ń noō tə́ Nə́ɓā kə́ nge kadə̄jí kem sɔl̄ lɔm a ndi sesí.

MATIYE 28:20

Ī-ndóōīdə́ yá̰a̰ malang ń m-ə́dásí kadə̄ ī-rāāī ní. Ba mā i sesí kə dɔ ndɔ̄ gə̄ bátə́ ta ngóy ndɔ̄ gə̄ tə́.

1 MBAN̄G GƏ̄ 20:10

Ben Hadad əla əda na: Ré bumbə́rú kə́ Samari asə kadə̄ de gə̄ malang ń dānə̄mə̄n̄ ní əngen̄ asə kem jīdə́ kógə̄ḿ kógə̄ḿ anī, ādə̄ nə́ɓā gə̄ rāāmə̄n̄ yá̰á̰ kə́ tōr̄ kə́ beē ba tél rāāmə̄n̄ nge kə́ beē.

1 MBAN̄G GƏ̄ 19:2

Anī Jesabel əla deē kadə̄ aw̄ əda Eli na: Bírí kə mbang ké beē, ré m̄-tɔ̄lī tītə̄ ń ī-tɔ̄ləń ngé koō ta gə̄ ní aĺ anī, ādə̄ nə́ɓā gə̄ rāāmə̄n̄ yá̰á̰ kə́ tōr̄ kə́ beé ba tél rāāmə̄n̄ nge kə́ beé!

2 SAMUEL 19:13

Nin̄ na i kojə yān gə̄, ba ké i ba̰ý á nin̄ i de kə́ gō gogə́ gə̄ loo tél reē kə mbangāá gogə́ ɓēé tə́ wa.

2 SAMUEL 7:15

Banī m-ā m-ɔ̄r̄ jīḿ gírən tə́ kɔ̄ɔ́, tītə̄ ń m-ɔ̄rəń jīḿ gír Saul tə́ ba m-ə̄ndāīneé gotən tə́ ní alé.

2 SAMUEL 3:35

Gō tə́ anī reē mērə̄n̄ Dabid kəsa yá̰á̰ pá tá kadə̄ mbang udə ɓáý, banī ni-ənī míndən əda na: Ré m-ə́sá mápa aláa yá̰á̰ kə́rēý kə́ rang kété no mbang kudə tə́ anī, ādə̄ Kɔ́ɔ̄ɓē rāām̄ yá̰á̰ kə́ tōr̄ ń toō ō, tél rāām̄ nge ń toō ō, tām̄ majaĺ yāḿ tə́!

1 SAMUEL 25:22

Beé ɓáa de gə̄ malang kə́ ta kújə yā Nabal tə́ ní, ká ré i dəngam kógə̄ḿ n m-ə́ya̰n adə̄ loo tīī dɔn tə́ gə̄gē anī ādə̄ Nə́ɓā rāām̄ yá̰á̰ kə́ tōr̄ ba tél rāām̄ ɓáý to̰.

1 SAMUEL 18:12

Loo ń noō tə́ Saul ɓōĺ Dabid, tām̄ ni ger̄ kadə̄ Kɔ́ɔ̄ɓē i naā tə́ seneé ba əya̰n ni kɔ̄ɔ́.

1 SAMUEL 14:47

Dan ń Saul o̰o̰ ɓē dɔ Israel gə̄ tə́ ní, ni-ənī madə̄ ba̰ā̰n gə̄ malang ń ndin̄ gīrə̄n̄ gidən ní rɔ̄ɔ̄. Ni-rɔ̄ɔ̄ Moab gə̄ ō, Amon gə̄ ō, Edom gə̄ ō, mban̄g kə́ Soba ō, Pilistin gə̄ ō. Kə dɔ kaw̄n rɔ̄ɔ̄ tə́ gə̄ malang ń noō ni a tetə i rɔ̄ɔ̄. Ndɔ̄ kə́rēý tə́ ni tetə Amalek gə̄ rɔ̄ɔ̄ ɔjəń tɔ́gən kə̄ ndágá.

1 SAMUEL 10:7

Ré yá̰a̰ gə̄ ń noō rāān̄ yá̰a̰ malang anī, yá̰á̰ ń kadə̄ ī-rāā ní ī-rāā tɔdɔ̄ Nə́ɓā i naā tə́ seí.

1 SAMUEL 19:3

Mā m-ā m̄-teē yā dān̄ bɔbə́ḿ kaw̄ seneé kem bembə ń ā ī-ɓɔ̄ɔ̄ rɔ̄í tū tə́ ní tə́. M-ā m-ɔ̄r̄ najə̄ yāí kə bɔbə́ḿ. Ba yá̰á̰ ń m-ā m-á̰a̰ā̰ tū tə́ ní m-ā m-ə́daī.

1 SAMUEL 20:12

Jonatan əda Dabid na: Kɔ́ɔ̄ɓē Nə́ɓā yā Israel gə̄ i kə́ kum tə́ yāḿ. Bírí aláa loo tīī m-ā m̄-nāā bɔbə́ḿ yā ka̰a̰ń gír̄ kə́ kemən tə́ kə kum mbang ń toō. Ré gír̄ kə́ kemən tə́ i kə́ majə tām̄ yāí tə́ tá m-ə́lá m-ə́daī aĺ anī,

1 SAMUEL 20:14

Ndɔ̄ń tə́ ré m̄-ndi kə kumḿ ɓáý anī ī-rāā seḿ kə ta kūl̄ kem majə yā Kɔ́ɔ̄ɓēé. Ba ré m-óy anī,

1 MBAN̄G GƏ̄ 1:37

Ādə̄ ni i naā tə́ kə Salomo̰ó̰ tītə̄ ń ni i naā tə́ seí ní ō, ādə̄ ni-rāā adə̄ ɓē ko̰o̰ yā Salomo̰ bo tɔȳ yāí ō!