1 SAMUEL 20:1 - Bibəl ta Sar̄

¹ Dabid teē Nayot kə́ Rama tə́ a̰ȳ kɔ̄ɔ́. Ni-aw̄ ənge Jonatan ba dəjen na: m̄-rāā i rí yā bɔbí? I yá̰á̰ rí kə́ gōtə́ aĺ n m̄-rāā seneé ní? I majaĺ rí n m̄-rāā kə bɔbí á sāań tɔ̄lə̄m̄ ní?

Bible sar

¹ Dabid teē Nayot kə́ Rama tə́ a̰ȳ kɔ̄ɔ́. Ni-aw̄ ənge Jonatan ba dəjen na: m̄-rāā i rí yā bɔbí? I yá̰á̰ rí kə́ gōtə́ aĺ n m̄-rāā seneé ní? I majaĺ rí n m̄-rāā kə bɔbí á sāań tɔ̄lə̄m̄ ní?

1 SAMUEL 20:1 Referans Kwoze

2 PIYER 2:9

Kumən na Kɔ́ɔ̄ɓē asə kɔr̄ de kə́ ngé rāā yá̰a̰ kə gō ń ni-ndigə ní gə̄ kum yá̰a̰ nāā tə́ ō, asə ngɔ̄m̄ de kə́ gōtə́ aĺ gə̄ yā rāādə́ yá̰á̰ kə́ tōr̄ ndɔ̄ gān̄g sarya tə́ ō.

1 JA̰A̰ 3:21

Kó tár yāḿ gə̄, ré kemjí əhɔjí kə najá aĺ anī, j-a jə-sōlī yá̰á̰ kógə̄ḿ ta kum Nə́ɓā tə́ alé.

2 KORḚNTƏ 1:12

Yá̰á̰ ń ɔjə kɔr ta rɔ̄ yājí ní, i najə̄ ń toō ń kemjí ɔjəjí ní. Kemjí ɔjəjí kadə̄ háĺjí ń jə-ndiń dan de kə́ dɔ nang tə́ gə̄ tə́, ba mandang ɓáa i sesí sḭḭ̄ḭ́ ní, i háĺ kə́ kanjə̄ gól̄ loo ō, kə́ unjə̄ njáý njáý ō, adə̄ i hál yā Nə́ɓā. I hál kum kedə̄ yā de gēé alé, banī i hál kem majə yā Nə́ɓā.

1 SAMUEL 24:17

Dan ń Dabid ɔr̄ najə̄ oy anī, Saul dəjen na: Ngōnə̄ḿ Dabid, i īkɔ́ n ɔ̄r̄ najə̄ seḿ toō a? Gō tə́ anī Saul mbutə kə̄ nōō tə́,

1 SAMUEL 24:11

Ḭ̄kɔ́ á̰a̰ā̰ kə kumií ɓōólaā kadə̄ Kɔ́ɔ̄ɓē əlaī jīḿ tə́ kem bəlo mbal̄ ń toō tə́. Deē yāḿ gə̄ mēr̄mə̄n̄ tɔ̄lī, banī kumḿ o̰o̰m̄ tām̄ yāí tə́ adə̄ m-ə́da na: M-ā m-ə́la jīḿ yā kɔdəń rɔ̄ kɔ́ɔ̄ḿ alé, tɔdɔ̄ ni i deē ń Kɔ́ɔ̄ɓē ur yibə̄ ngār dɔn tə́ ní.

1 SAMUEL 24:9

Gō tə́ anī Dabid ḭḭ dɔɔ́, teē bəlo mbalá kə̄ ndágá ba ɓāŕ gō Saul, əda na: Kɔ́ɔ̄ḿ, mban̄g. Anī Saul mbel a̰a̰ loo kumən kə̄ gogə́. Dabid tétə̄ kəjən nang tə́ ba ɔsə non nang tə́ no mban̄g tə́.

1 SAMUEL 12:3

Mā n m̄-rā toó. Ré āwī kə najá seḿ kemsí tə́ anī, ə́daī kə̄ ta kum Kɔ́ɔ̄ɓē tə́ ō, ta kum mban̄g ń ni gə̄rā tə́ ní ō. I náā n m̄-taā man̄g yān aké kərō yān ní? I náā n m-ə́sa tətōn, aké m̄-rāā kumən ndoō tə́ ní? I náā n m̄-taā nar jīn tə́ yā kótəń kumḿ kɔ̄ɔ́ dɔ najə̄ yān tə́ ní? M-ā m̄-téləń yā kadə̄sí gogə́.

1 SAMUEL 20:2

Anī Jonatan tél ədan na: M-ā m-á̰a̰ kumḿ tə́ alé, ḭ̄ ā óy alé. Bɔbə́ḿ a rāā yá̰a̰ kanjə̄ kɔr̄ najə̄n seḿ kété alé, a mundə̄m̄ najə̄ ń toō i tām̄ rí tə́? Yá̰á̰ ń noō a rāā yá̰a̰ alé.

PĀ GƏ̄ 54:3

Nə́ɓā, ájəm̄ kə ta kūl̄ rīí ō, ī-gān̄g sarya yāḿ kə ta kūl̄ tɔ́gí ō.

1 SAMUEL 19:1

Saul əda ngōnən Jonatan ō ngé kəla yān gə̄ malang ō, najə̄ núm̄ ń ni núm̄ tɔ̄l̄ Dabid ní. Ba Jonatan ń i ngōn̄ Saul ní tár Dabid ngá̰ý.

1 SAMUEL 19:18

I beé n Dabid teē aȳń ní. Ni-aw̄ rɔ̄ Samuel tə́ Rama aw̄ ɔjən gotə yá̰a̰ malang ń Saul rāā seneé ní. Ni ō, Samuel ō, aw̄ ndin̄ Nayot.

1 SAMUEL 20:32

Jonatan tél əda bɔbə̄n Saul na: Kadə̄ tɔ̄l̄nən̄ kɔ̄ɔ́ i tām̄ rí tə́? Rāā i rí?

1 SAMUEL 24:12

Bɔbə́ḿ, á̰a̰ā̰, ta kūbə̄ yāí n to jīḿ tə́ toō. Dan ń m̄-gān̄g ta kūbə̄ yāí ba m̄-tɔ̄lī aĺ ní, asə kadə̄ ī-ger̄ na m-ə́hɔī kemḿ tə́ aĺ ō, m̄-gír̄ kənī wúȳ jīí tə́ aĺ ō, m̄-rāā majaĺ seí aĺ ō. Ba i ḭ̄ n ā ī-ndəlem̄ patə patə yā tɔ̄lə̄m̄ ní.

1 SAMUEL 26:18

Gō tə́ anī əda na: Kɔ́ɔ̄ ɓē gə̄, ā ī-ndəlem̄ i tām̄ rí tə́? m̄-rāā i rí yāí? I rí kə́ majaĺ n m̄-rāā ní.