1 SAMUEL 2:9 - Bibəl ta Sar̄

⁹ Ni a ngɔ̄m̄ nge ra dɔ ndūn tə́ loo njə̄rān gə̄ tə́, banī ngé kem ndul gə̄ tá a oyn̄ kum til tə́. Tɔdɔ̄ i tɔ́gə deē n i nge tetə rɔ̄ɔ̄ kadə̄n ní alé.

Bible sar

⁹ Ni a ngɔ̄m̄ nge ra dɔ ndūn tə́ loo njə̄rān gə̄ tə́, banī ngé kem ndul gə̄ tá a oyn̄ kum til tə́. Tɔdɔ̄ i tɔ́gə deē n i nge tetə rɔ̄ɔ̄ kadə̄n ní alé.

1 SAMUEL 2:9 Referans Kwoze

PĀ GƏ̄ 121:3

Ādə̄ ni-rāā adə̄ njaí tə́gā yá̰a̰ alé, ādə̄ nge ngɔ̄m̄ dɔí tún̄ ɓīī alé!

1 PIYER 1:5

Ba sḭḭ̄ kɔ́ gə̄, ré ī-taāī kem anī, Nə́ɓā kə́ tɔ́gən i ngá̰ý a ngɔ̄m̄sí yā kajəsí. Kajə ngeé ń toō ní, a gerə̄n̄ i ta ngóy ndɔ̄ gə̄ tə́.

PĀ GƏ̄ 97:10

Sḭḭ̄ ngé táŕ Kɔ́ɔ̄ɓē gə̄, ī-kídī yá̰a̰ kə́ majaĺ. Ni ngɔ̄m̄ gō deē yān gə̄, ni-taādə́ jī ngé kem ndul gə̄ tə́ əya̰də́ dɔɔ́.

PĀ GƏ̄ 94:18

Kɔ́ɔ̄ɓē, dan ń m-ə́da na: M-ā m-ə̄sō! Anī kem majə yāí əhɔm̄ kə̄ dɔɔ́.

PĀ GƏ̄ 37:28

Tɔdɔ̄ Kɔ́ɔ̄ɓē gḛy yá̰á̰ kə́ súmūú, ni əya̰ deē yān gə̄ kɔ̄ɔ́ alé, a ngɔ̄m̄də́ ngándáńg. Banī a tɔ̄ɔ̄n̄ kōō de kə́ gír kaa yā nge kem ndul gə̄ tə́ kɔ̄ɔ́.

Makətūbə̄ yā Job 5:24

Ā ī-ndi majə kem kújə yāí tə́. Ā ī-tél yā kə́nge yá̰a̰ kul̄ yāí gə̄ gogə́ kadə̄ kumdə́ ɔsə naā.

NDŪ NAJƏ̄ 33:3

Kɔ́ɔ̄ɓē táŕ gír ɓē gə̄ yā ngán Israel gə̄. Ni-ngɔ̄m̄ deē yān gə̄ malang kə́ ngé kán̄ naā ta kejən tə́ yā taāń kɔjə̄ yān gə̄.

Gōsə̄ najə̄ gə̄ 16:9

Deē ndul i nge núm̄ yá̰á̰ kə́ yā rāā, banī i Kɔ́ɔ̄ɓē n i nge rāā kadə̄ udə gírí ní.

PĀ GƏ̄ 121:8

Kɔ́ɔ̄ɓē a ngɔ̄mī ta kawīí ō, ta télí ō, a əla gír i ngɔr ń toō tə́ njɔ́ḿ kə̄ no tə́!

2 PIYER 2:17

Ngé ndóō de gə̄ yá̰á̰ kə́ rɔ̄kum aĺ gə̄ ngeé ń toō ton̄ i tītə̄ ta kəɓa man̄ kə́ man̄ gətóo tū tə́ beē ō, ton̄ i tītə̄ kil̄ man̄ gə̄ kə́ nél man̄ ɔr̄də́ kɔ̄ɔ́ beé ō. Nə́ɓā ngɔ̄m̄ loo kə́ risə til nding tām̄ yādə́ tə́.

MATIYE 8:12

Banī ngé gə̄ ń Nə́ɓā rāā Ɓē ko̰o̰ tām̄ yādə́ tə́ ní, a tə̄ɓān̄də́ ndágá kɔ̄ɔ́ kadə̄ nin̄ i kum til tə́. Loo ń noō tə́ nin̄ a nōōn̄ ō, a máyā̰n̄ ngān̄gdə́ ō.

SOPONI 1:15

Ndɔ̄ ngeé ń noō i ndɔ̄ yā wōn̄g ō, wur kɔl ō, i ndɔ̄ yā ɓōĺ ō, loo kə́ nujə ō, i ndɔ̄ yā yo ō, loo kə́ ndɔ̄ɔ́ ō, i ndɔ̄ yā loo kə́ risə til ō, yā kil̄ man̄ gə̄ ō, i ndɔ̄ yā kə́ tuútu ō.

KOHELET 9:11

M-á̰á̰ yá̰á̰ kə́ rang gə̄ ngá̰ý dɔ nang tə́ ɓáý to̰. Ngé ka̰ȳ ngɔ̄də̄ ngá̰ý gə̄ ngɔ̄dən̄ tɔy madə̄də́ gə̄ dejə loo nējə̄ naā ngɔ̄də̄ tə́ aĺ ō, i de kə́ ngan̄g gə̄ n a tetən̄ rɔ̄ɔ̄ dejə ní aĺ ō, i de kə́ kumən edə̄ tɔȳ madə̄n gə̄ n a ənge yá̰a̰ kəsa ngándáńg ní aĺ ō, i de kə́ ger̄ najə̄ yān i ngá̰ý tɔȳ yā madə̄n gə̄ n yá̰a̰ kənge yān i ngá̰ý dejə ní aĺ ō, i ngé ger̄ yá̰á̰ ngá̰ý gə̄ n de gə̄ a ɔsən̄ gondə́ ngándáńg ní aĺ ō. Tɔdɔ̄ nin̄ malang ní, kə́rēý gə̄ anī nel̄ de gə̄ sedə́ ō, kə́rēý gə̄ anī yá̰á̰ kə́ to kum kaȳ aĺ rāādə́ ō.

Gōsə̄ najə̄ gə̄ 3:26

Tɔdɔ̄ kāgə̄ ndə̄nā rɔ̄ yāí i Kɔ́ɔ̄ɓē ō, ni i nge rāā kadə̄ njaí udə kum gūmbə̄ tə́ aĺ ō.

KOHELET 5:17

Yá̰á̰ kə́ majə ń mā m̄-ger̄ ní n toó: I kadə̄ deē əsa ō a̰ȳ ō, ənge rɔ̄nel̄ tū kəla malang ń ni-rāā dɔ nang tə́ ní ō, kem ndɔ̄ gə̄ ń Nə́ɓā adə̄n kadə̄ ndiń kə kumneé tə́ ní, tɔdɔ̄ nge ń noō i núsən yān ń i kə́ sɔɔ̄ dɔn.

Gōsə̄ najə̄ gə̄ 2:8

Ni i nge ngɔ̄m̄ gō róbə gə̄ kə́ súmūú ō, nge kəndā kumən gō hál deē yān gə̄ kə́ ngé ran̄ dɔ ndūdə́ tə́ ō.

PĀ GƏ̄ 121:5

Kɔ́ɔ̄ɓē i nge ngɔ̄m̄ dɔí, Kɔ́ɔ̄ɓē i ndíl yāí. Ni i dɔ jī ko̰í tə́.

Makətūbə̄ ń Jud ndang ní 1:13

Nin̄-ton̄ i tītə̄ bəngál bā bo gə̄ beé, adə̄ húūlú dɔdə́ i yá̰a̰ rāādə́ kə́ to rɔ̄sɔl̄ gə̄ ō, ton̄ i tītə̄ tə́yō̰ gə̄ kə́ a dáȳn̄ dɔɔ́, kə́ Nə́ɓā ngɔ̄m̄ loo kə́ risə til nding tām̄ yādə́ tə́ kadə̄ ndin̄ kum tə́ ngándáńg beé ō.

Makətūbə̄ ń Jud ndang ní 1:3

Kó tár yāḿ gə̄, najə̄ kə́ dɔ kajə deē tə́ ń i najə̄ kə́ sɔɔ̄jí malang ní, m̄-gḛy ngá̰ý kadə̄ m̄-ndang makətūbūú m-ādə̄sí. M-á̰a̰ā̰ ní majə kadə̄ m̄-ndang m-ə́lań go̰ kemsí tə́, kadə̄ ī-rɔ̄ɔ̄īneé dɔ taā kem ń i yá̰á̰ kə́ Nə́ɓā adə̄ deē yān gə̄ i nja kógə̄ḿ beē ngóý ní tə́.

Makətūbə̄ ń Jud ndang ní 1:1

I mā Jud, nge kəla yā Jeju Kərist kə́ ngōkó̰o̰ Jakə n m̄-ndang makətūbə̄ ń toō m-ə́lań m-ādə̄ ngé gə̄ ń Nə́ɓā ɓāŕdə́ ní, adə̄ i ngé gə̄ ń Bɔbə̄jí Nə́ɓā táŕdə́ ō, Jeju Kərist ngɔ̄m̄də́ ō ní.

Makətūbə̄ ń Pol ndang adə̄ Rom gə̄ ní 3:19

Ba jə-gerī majə kadə̄ yá̰a̰ malang ń ndū najə̄ əda ní, əda i tām̄ yā de gə̄ ń ndū najə̄ i dɔdə́ tə́ ní, yā kadə̄ loo nējə̄ najə̄ dɔ rɔ̄ tə́ gətóo ō, kadə̄ sarya yā Nə́ɓā i dɔ de kə́ dɔ nang tə́ gə̄ tə́ malang ō.

JEREMI 9:23

Ré deē kógə̄ḿ sāā tɔ̄ȳ rɔ̄n anī, ādə̄ kɔ́ɔ̄ tɔ̄ȳ rɔ̄n i tām̄ ger̄ ń ni gerə̄m̄ mā Kɔ́ɔ̄ɓē kə́ nge kem majə ō, nge kadə̄ deē yá̰á̰ kə́ sɔɔ̄ dɔn ō, nge rāā yá̰a̰ gōtə́ dɔ nang tə́ ō ní. Rɔ̄kum, i yá̰á̰ ń noō n nelə̄m̄ mā ní. Najə̄ ń Kɔ́ɔ̄ɓē əda ní n noó:

JEREMI 8:14

I tām̄ rí tə́ á jə-ndiī kanjə̄ kɔdə rɔ̄jí ní? Ɔ́siī dɔsí naā tə́. J-udiī kem loo ndi kə́ ngan̄g gə̄ tə́, ba j-awī loo alé. Tɔdɔ̄ Kɔ́ɔ̄ɓē Nə́ɓā yājí ɔgə̄jí ndɔ́tə̄ loo. Ni-adə̄jí man̄ kə́ yḛl kum adə̄ j-a̰ȳī. Kə́ rɔ̄kum tə́ ní, jə-rāāī majaĺ kə Kɔ́ɔ̄ɓēé.

Makətūbə̄ yā Job 5:16

Ngé gə̄ ń tɔ́gə́də́ gətóo al̄ naā ní, ni-rāā adə̄ nin̄ tél əndān̄ kemdə́ dɔ yá̰á̰ kógə̄ḿ tə́ ɓáý ō, ni utə̄ ta ngé rāā yá̰a̰ majaĺ gə̄ malang kɔ̄ɔ́ ō.

TƏ́DA 6:24

Ādə̄ Kɔ́ɔ̄ɓē rāā majə sesí ō, ngɔ̄m̄sí ō.

PĀ GƏ̄ 31:17

Á̰a̰m̄ mā nge kəla yāí kə kumií kə́ majaá, ájəm̄ tām̄ kem majə yāí tə́.

IJAI 27:3

Mā Kɔ́ɔ̄ɓē, mā i nge ngɔ̄m̄ kāgə̄ nduú ngeē ń toō. m̄-rāā man̄ gírí i kə kum mbangən gēé malang. m̄-ngɔ̄mən kadaá ō, ndɔ̄ɔ́ ō, yā kadə̄ deē kógə̄ḿ rāān yá̰á̰ kə́ majaĺ alé.

1 SAMUEL 25:26

Ba kə́ ngɔr ń toō tə́ ní, tītə̄ ń Kɔ́ɔ̄ɓē ndiń noō ō tītə̄ ń ī-ndiń kə taí toō ō ní, i Kɔ́ɔ̄ɓē nəkɔ́ n ɔgī kadə̄ āw̄ bátə́ ī-tɔ̄l̄ deē ə̄gań kə̄rā rɔ̄í īkɔ́ ní. Kɔ́ɔ̄ḿ, ādə̄ ngé ba̰ā̰í gə̄ ō ngé gə̄ ń sāān̄ rāāī yá̰á̰ kə́ majaĺ ō ní, ādə̄ ta tɔ̄l̄ tadə́ i tītə̄ yā Nabal.

Makətūbə̄ yā Job 18:18

A mbərenən̄ dan loo kə́ unjə̄ kow tə́ yā kənīn kum til tə́ ō, a tə̄ɓānən̄ kɔ̄ɔ́ dɔ nang ń de gə̄ ndin̄ tū tə́ i kə́ njɔ́ḿ gə̄ tə́ ní ō.

Makətūbə̄ yā Job 40:13

Ī-ɓɔ̄ɔ̄də́ kə̄ loo gə̄ tə́ gíŕ nángāá, ūtə̄ tadə́ kem kújə dəngáý yā yo tə́.

PĀ GƏ̄ 1:6

Tɔdɔ̄ Kɔ́ɔ̄ɓē ger̄ róbə yā de kə́ súmūú gə̄. Banī róbə yā ngé kem ndul gə̄ i róbə́ kə́ ta to siriri.

PĀ GƏ̄ 105:37

Gō tə́ anī teē kə deē yān gēé kɔ̄ɔ́, nin̄ ətōn̄ gində̄ arjā̰a̰ ō lɔ́r ō. Deē kógə̄ḿ kə́ dan gír ɓē yān gə̄ tə́ kə́ njan əhɔ dɔ nang aĺ gətóo.

PĀ GƏ̄ 145:20

Kɔ́ɔ̄ɓē i nge ngɔ̄m̄ de gə̄ malang ń a tárnən̄ ní, banī ni i nge tɔ̄l̄ ngé kem ndul gə̄ malang kɔ̄ɔ́.

IJAI 47:5

Ɓē yā Babilon gə̄, ī-ndi nang tə́ kə taí kə́ mbóó, ī-ɓɔ̄ɔ̄ rɔ̄í kum loo kə́ ndɔ̄ɔ́ tə́. Tām̄ a ɓāríīn̄ na i mban̄g kə́ dəyá̰ yā ɓē ko̰o̰ gə̄ to̰ aĺ i kə́ bátə́ gə̄ tə́.

NAHUM 1:8

dan ń yá̰á̰ kə́ to kum kaȳ aĺ mān̄ tītə̄ man̄ dɔ mbal̄ beé ní. Banī ni-nujə madə̄ ba̰ā̰n gə̄ ō, tə̄ɓādə́ aw̄ sedə́ kum loo kə́ risə til yā yo tə́ ō.