1 SAMUEL 2:35 - Bibəl ta Sar̄

³⁵ Gō tə́ anī m-ā m̄-gə̄rā nge tun̄ yá̰á̰ kə́ sew kə́ ni a rāā i yá̰á̰ ń kemḿ ndigə ní ō, yá̰á̰ ń ɓōn i kemḿ tə́ ní ō. M-ā m̄-rāā kadə̄ gír kɔjə yān a ndi kem kəla tun̄ yá̰á̰ tə́ ndi kə́ dan gān̄g aĺ. Ni a njə̄rā i ta kum mban̄g yāḿ ń urən̄ yibə̄ dɔn tə́ ní ngándáńg.

Bible sar

³⁵ Gō tə́ anī m-ā m̄-gə̄rā nge tun̄ yá̰á̰ kə́ sew kə́ ni a rāā i yá̰á̰ ń kemḿ ndigə ní ō, yá̰á̰ ń ɓōn i kemḿ tə́ ní ō. M-ā m̄-rāā kadə̄ gír kɔjə yān a ndi kem kəla tun̄ yá̰á̰ tə́ ndi kə́ dan gān̄g aĺ. Ni a njə̄rā i ta kum mban̄g yāḿ ń urən̄ yibə̄ dɔn tə́ ní ngándáńg.

1 SAMUEL 2:35 Referans Kwoze

2 SAMUEL 7:27

Tɔdɔ̄ Kɔ́ɔ̄ɓē kə́ bo kə́ tɔ́gən i ngá̰ý, Nə́ɓā yā Israel, i īkɔ́ n ə́dam̄ na ā ī-rāā kújə yā kadə̄m̄ ní. I tām̄ ń noō tə́ n m-ə́ngeń tɔ́gə yā ndɔ̄yī tītə̄ ń toō ní.

1 MBAN̄G GƏ̄ 11:38

Ré na ōō yá̰a̰ malang ń n-ədaī ní ō, na ún gō róbə gə̄ ń n-ɔjiī ní ō, na ī-rāā yá̰á̰ kə́ gōtə́ ta kumən tə́ ō, na ī-rāā yá̰a̰ gə̄ kə gō ndū najə̄ gə̄ ń n-adī ní ō, na ī-rāā gō míndə gə̄ ń n-ədaī kadə̄ ī-rāā ní tītə̄ ń nge kəla yān Dabid rāań kété ní ō anī, ni na i naā tə́ seí ō, gír kojə yāí na a o̰o̰ ɓē ngándáńg tītə̄ gír kojə yā Dabid ō, na n-a n-adī Israel ō,

2 SAMUEL 7:11

m-ə̄ndań ngé sarya gə̄ dɔdə́ tə́ ní to̰ aĺ ō. Kété m-ādə̄ ī-taā koō tɔdɔ̄ m̄-rāā adə̄ madə̄ ba̰ā̰í gə̄ gə̄tóon kɔ̄ɔ́ malang rɔ̄í tə́. Ba ngɔlaā mə̄kɔ́ Kɔ́ɔ̄ɓē m-ə́daī na m-ā m̄-rāā kújə yā kadī.

1 SAMUEL 25:28

Ba ī-mā̰ȳ rɔ̄í dɔ yá̰á̰ kə́ gōtə́ aĺ yāḿ tə́. m̄-ger̄ majə kadə̄ Kɔ́ɔ̄ɓē a rāā kadə̄ gír kojə yāí a o̰o̰ ɓē ngándáńg, tɔdɔ̄ ī-rɔ̄ɔ̄ rɔ̄ɔ̄ gə̄ yā Kɔ́ɔ̄ɓē ō kə dɔ ndɔ̄ gə̄ malang ń ī-ndiń kə kumií ní deē oō najə̄ kə́ majaĺ kógə̄ḿ dɔí tə́ aĺ ō.

PĀ GƏ̄ 18:50

Adə̄ m̄-ndigə ɓōkíī tɔ̄ȳ dan nápar de gə̄ tə́ ō, kənī pā kə rīí yā kɔsəń gɔnií ō.

HEBƏRO 2:17

I tām̄ najə̄ ń noō tə́ n i gáŕ kadə̄ ni-tél to tītə̄ ngákó̰o̰n gə̄ tū yá̰a̰ gə̄ tə́ malang ní, yā kadə̄ ni i ngol ngé tun̄ yá̰a̰ gə̄ kə́ nge ra dɔ ndūn tə́ ō, kə́ nge ka̰a̰ kum tō ndoō yā de gə̄ ō, loo rāā kəla yān tə́ ta kum Nə́ɓā tə́ ní, yā kadə̄ Nə́ɓā mā̰yń rɔ̄n dɔ majaĺ gə̄ yā gír de gə̄ tə́.

1 YÁ̰A̰ GƏ̄ 29:22

Ndɔ̄ ń noō tə́ əsan̄ yá̰a̰ ō, a̰ȳn̄ ō, kə rɔ̄nel̄ kə́ ngá̰ý ta kum Kɔ́ɔ̄ɓē tə́, ba əndān̄ Salomo̰ ngōn̄ Dabid mban̄g nja kə́ nge ko̰ jōó ō, urən̄ yibə̄ mban̄g dɔn tə́ tām̄ yā Kɔ́ɔ̄ɓē tə́ ō, urən̄ yibə̄ dɔ Sadok tə́ kadə̄ ni i nge tun̄ yá̰a̰ ō.

1 MBAN̄G GƏ̄ 2:35

Mban̄g əndā Benaya gotə̄ Joab tə́ dɔ ngé rɔ̄ɔ̄ gə̄ tə́ ō, əndā Sadok nge tun̄ yá̰a̰ gotə Abiatar tə́ ō.

1 MBAN̄G GƏ̄ 1:45

Sadok nge tun̄ yá̰a̰ ō, Natan kə́ nge koō ta ō, urən̄ yibə̄ dɔn tə́ əndānə̄nəń mban̄g kadə kəɓa man̄ kə́ Gihon tə́. Gō tə́ anī nin̄ télən̄ dɔ tə́ seneé ta kaw̄ gogə́ ɓēé kə rɔ̄nelēé. Rɔ̄ de kə́ kem ɓēé gə̄ malang nel̄də́, ādə̄ i kōōdə́ n ōōī ní.

1 MBAN̄G GƏ̄ 1:8

Ba Sadok nge tun̄ yá̰a̰ ō, Benaya kə́ ngōn̄ Yoyada ō, Natan nge koō ta yā Nə́ɓā ō, Simei ō, Rei ō, go̰ rɔ̄ɔ̄ yā Dabid gə̄ ō, tá nin̄ i gōn tə́ alé.

1 SAMUEL 16:13

Samuel un yibə̄ ń kem gajə dā̰á̰ ní ur dɔ Dabid tə́ ta kum ngákó̰o̰n gə̄ tə́. Əla gír i ndɔ̄ ń noō tə́ n Ndíĺ Kɔ́ɔ̄ɓē reēń dɔ Dabid tə́ ní. Gō tə́ anī Samuel ɔr̄ dɔɔ́ ta kaw̄ Rama.

1 SAMUEL 12:3

Mā n m̄-rā toó. Ré āwī kə najá seḿ kemsí tə́ anī, ə́daī kə̄ ta kum Kɔ́ɔ̄ɓē tə́ ō, ta kum mban̄g ń ni gə̄rā tə́ ní ō. I náā n m̄-taā man̄g yān aké kərō yān ní? I náā n m-ə́sa tətōn, aké m̄-rāā kumən ndoō tə́ ní? I náā n m̄-taā nar jīn tə́ yā kótəń kumḿ kɔ̄ɔ́ dɔ najə̄ yān tə́ ní? M-ā m̄-téləń yā kadə̄sí gogə́.

EJEKIEL 34:23

I nge ngɔ̄m̄ yá̰a̰ kul̄ gə̄ kə́ kal kógə̄ḿ beē ngóy n m-ā m-ə̄ndān dɔ yá̰a̰ kul̄ yāḿ gə̄ tə́ kadə̄ a̰a̰ gōdə́ ní. Ndɔ̄ ń tə́ ni i mban̄g kə́ tītə̄ nge kəla yāḿ Dabid. Ni a a̰a̰ gō dā̰ gə̄ kə́ dan yá̰a̰ kul̄ gə̄ tə́ ō, ni i nge kul̄də́ ō.

PĀ GƏ̄ 2:2

Mban̄g gə̄ kə́ dɔ nang tə́ rāān̄ gō rɔ̄də́ yā rɔ̄ɔ̄. De kə́ bo gə̄ oōn̄ naā dɔ Kɔ́ɔ̄ɓē tə́ ō, dɔ mban̄g yān tə́ ō.

TƏ́DA 25:13

I madə̄ naā kə́ əndān kem kəla tun̄ yá̰á̰ tə́ kə ngánən gēé ō, ngán kaan gēé ō, kə́ njɔ́ḿ gə̄ tə́. Tɔdɔ̄ ni-rāā jang kum gotə Nə́ɓā yān ō, rāā yá̰a̰ kutə dɔ majaĺ yā ngán Israel gə̄ ō.

1 SAMUEL 2:36

Ba de kə́ gír kojə yāí tə́ ń a na̰y ní a aw̄ yā kəsō kə̄ nang tə́ no nge tun̄ yá̰á̰ ní tə́ najə̄ yā súū kə́ kum mbutə tə́ ō, yá̰a̰ kəsa tə́ ō, ba a əda na: m̄-rāāī ɓɔ́, ə̄ndām̄ tū kəla kógə̄ḿ yā ngé tun̄ yá̰a̰ gə̄ tə́, ādə̄ m-ə́ngeń yá̰a̰ kəsa kə́ taḿ tə́.

1 SAMUEL 3:1

Ba Samuel ń i ngōn̄ ní, a rāā kəla yā Kɔ́ɔ̄ɓē i ta kum Eli tə́. Dan ngeé ń noō tə́ ní Kɔ́ɔ̄ɓē a ɔr̄ najə̄ kə deé i láẃ láẃ aĺ ō, a rāā kadə̄ deē a̰a̰ yá̰a̰ i láẃ láẃ aĺ ō.

1 SAMUEL 7:9

Samuel əhɔ ngōn̄ batə̄ kə́ ta mba tə́ tɔ̄l̄ ba róō horoó adə̄ Kɔ́ɔ̄ɓē. Gō tə́ anī no kə̄ dɔ Kɔ́ɔ̄ɓē tə́ tām̄ yā Israel gə̄ tə́. Anī Kɔ́ɔ̄ɓē adə̄n yá̰á̰ ń dəjen ní.

1 SAMUEL 8:3

Banī unən̄ gō njan alé. Ngur kənge yá̰a̰ rāādə́, adə̄ táān̄ yá̰a̰ gə̄ ń de gə̄ adə̄n̄də́ kadə̄ əndān̄neé najə̄ yādə́ gə̄ naā tə́ ní. Adə̄ sarya gān̄gdə́ i gōtə́ alé.

1 SAMUEL 9:12

Anī ngámandə gə̄ ní tél ədan̄də́ na: A̰á̰ā̰, ugə̄ i ngɔr ɓáý. Reē kem ɓē yājí tə́ ɓōólaā. Tɔdɔ̄ ɓōólaā i ndɔ̄ ń de kə́ kem ɓēé gə̄ a tunə̄n̄neé yá̰a̰ dɔ loo kə́ kḭḭ kə̄ dɔɔ́ tə́ ní, adə̄ āwī láẃ.

1 SAMUEL 9:13

Ré údiī kə̄ kem ɓēé anī ā ə́ngeniī. Ā ə́ngeniī kété pá tá kadə̄ aw̄ kəsa yá̰á̰ loo kə́ kḭḭ kə̄ dɔɔ́ tə́ ɓáý. Ré ugə̄ aĺ anī deē a əsa yá̰a̰ alé. Tɔdɔ̄ i ni n a tɔ́r̄ tan dɔ yá̰á̰ kə́ tun̄ tə́ pá tá de gə̄ ń ɓārə́n̄də́ ta kəsa yá̰á̰ ní a əsan̄ ɓáý ní. Āwī na ā ə́ngeniī ngɔr ń toō tə́. Saul nin̄ kə Samuel əngen̄ naā.

1 SAMUEL 10:9

Dan ń Saul tūr̄ gidən adə̄ Samuel ba ɔtə a aw̄ kə̄ ɓēé anī, Nə́ɓā tūr̄ kemən ō, yá̰a̰ gə̄ ń Samuel əda ní rāān̄ yá̰a̰ malang ndɔ̄ nəkɔ́ ń noō tə́ ō.

1 SAMUEL 10:10

Dan ń Saul nin̄ kə nge kəla yānneé ugə̄n̄ Gibea anī, əngen̄ ɓūtə̄ ngé koō ta gə̄ kə́ a reēn̄ kum kə̄ rɔ̄də́ tə́. Loo ń noō tə́ Ndíl yā Nə́ɓā reē dɔ Saul tə́ kə tɔ́gɔ́ adə̄ udə dandə́ tə́ ba rāā yá̰a̰ tītə̄ kə́ yá̰a̰ rāān beé.