1 SAMUEL 2:30 - Bibəl ta Sar̄

³⁰ I beé ɓá ní, mā ń i Kɔ́ɔ̄ɓē Nə́ɓā yā ngán Israel gə̄ ní, yá̰á̰ ń m-ā m-ə́daī ní n toó: Kété ní m-ə̄nī ndūḿ m-ādə̄ gír kojə yāí ō gír deē yāí gə̄ ō, m-ə́da na i sḭḭ̄ n i ngé tun̄ yá̰a̰ yāḿ gə̄ bátə́ kə̄ no tə́ ní. Ba ngɔlaā ní i tītə̄ ń noō to̰ alé adə̄ m-ə́dá wáńg. Tɔdɔ̄ de gə̄ ń ɓōlə́n̄ ndílə́ḿ ní mā m̄-ɓōĺ ndíĺdə́ ō, de gə̄ ń a kídə̄mə̄n̄ ní a rāān̄də́ nja bə̄yā̰ kə́ gogə́ tə́ ō.

Bible sar

³⁰ I beé ɓá ní, mā ń i Kɔ́ɔ̄ɓē Nə́ɓā yā ngán Israel gə̄ ní, yá̰á̰ ń m-ā m-ə́daī ní n toó: Kété ní m-ə̄nī ndūḿ m-ādə̄ gír kojə yāí ō gír deē yāí gə̄ ō, m-ə́da na i sḭḭ̄ n i *ngé tun̄ yá̰a̰ yāḿ gə̄ bátə́ kə̄ no tə́ ní. Ba ngɔlaā ní i tītə̄ ń noō to̰ alé adə̄ m-ə́dá wáńg. Tɔdɔ̄ de gə̄ ń ɓōlə́n̄ ndílə́ḿ ní mā m̄-ɓōĺ ndíĺdə́ ō, de gə̄ ń a kídə̄mə̄n̄ ní a rāān̄də́ nja bə̄yā̰ kə́ gogə́ tə́ ō.

1 SAMUEL 2:30 Referans Kwoze

JA̰A̰ 12:26

Ré deē kógə̄ḿ gḛy rāā kəla yāḿ anī, ādə̄ un gōḿ, ba loo ń mā i tū tə́ ní, nge rāā kəla yāḿ i tū tə́ ō. Ré deē kógə̄ḿ rāā kəla yāḿ anī, Bɔbə́ḿ a ɔsə gɔnən.

MALASI 1:6

Yá̰á̰ ń mā Kɔ́ɔ̄ɓē kə́ bo kə́ tɔ́gə́ḿ i ngá̰ý m-ə́dá ngé tun̄ yá̰a̰ gə̄ ní n toó: Ngōn̄ kə́ dəngam rāā háĺ kə́ to hɔ̄r̄mɔ̄ kə bɔbə̄neé ō, nge kəla ɓōĺ ndíl kɔ́ɔ̄n ō. Sḭḭ̄ ī-ɓāŕmī bɔbə̄sí, ba ī-rāāī háĺ kə́ to hɔ̄r̄mɔ̄ seḿ a? Ī-ɓāŕmī kɔ́ɔ̄sí, ba ī-ɓōlíī ndílə́ḿ a? Sḭḭ̄ ī-kídə̄mī, ba ī-dəjeī najə̄ ə́daī na ké jə-kídī i tū rí tə́ wa.

2 YÁ̰A̰ GƏ̄ 15:2

teē tə́nī ta Asa ba ədan na: Mban̄g Asa ō, Juda gə̄ malang ō, Benjamḛ gə̄ malang ō, ōōī najə̄ ń m-ā m-ɔ̄r̄ ní! Kɔ́ɔ̄ɓē i sesí dan ń sḭḭ̄ i seneé ní. Ré ī-sāāniī anī ni a əya̰ rɔ̄n yā kadə̄ ə́ngeniī. Banī ré ə́ya̰in̄ kɔ̄ɔ́ anī, ni a əya̰sí kɔ̄ɔ́ ō.

IJAI 29:13

Kɔ́ɔ̄ɓē ɔr̄ najə̄ yā gír de gə̄ ń toō əda na: Gír de gə̄ ń toō ní, nin̄ i ngɔr rɔ̄ḿ tə́ i kə najə̄ kə́ tadə́ tə́. Nin̄ rɔȳmə̄n̄ i kə tadə́, banī kemdə́ əya̰m̄ sa̰y ngá̰ý. Ɓōĺ ń nin̄ a ɓōlə́n̄ gidəḿ ní, i yá̰á̰ kə́ kəda kadə̄ yā rāā kə́ i de gə̄ n ndóōn̄də́ kadə̄ rāān̄.

Teē Ngán Israel gə̄ 29:9

ā ī-do̰ō̰ ɓōdə̄də́ kə kəlā yādə́ gēé ō, ā ī-tə́la jākā yādə́ gə̄ dɔdə́ tə́ ō. Əla gír kum mbang ń noō tə́ ní Aaro̰ nin̄ kə ngánən gēé a ndin̄ kem kəla tun̄ yá̰á̰ tə́ i ngándáńg. Loo kəndā ń ā ə̄ndādə́ kem kəla tun̄ yá̰á̰ tə́ ní n toó:

PĀ GƏ̄ 91:14

Dan ń ni-əhɔ gōḿ adə̄ ngan̄g ní m̄-gān̄g dɔn. M-ā m̄ ngɔ̄mən tɔdɔ̄ ni ger̄ rīḿ.

PĀ GƏ̄ 50:23

Deē ń yá̰a̰ tun̄ yān i tɔ̄ȳ ní n i deē ń ɔsə gɔnəḿ ní. Deē ń ngɔ̄m̄ hálən majə adə̄ ni i de kə́ súmūú ní, m-ā m-ɔ́jən loo kajə ń Nə́ɓā a ajə deē ní.

1 PIYER 1:7

I yá̰á̰ kə́ tōr̄ gə̄ ngeé ń noō n a nāān̄neé taā kem yāsí ní. Lɔ́r i yá̰á̰ kə́ to yā nujə kɔ̄ɔ́ ɓá tā, banī nōōnən̄ horoó. Adə̄ nāān̄ taā kem yāsí ń gātə̄n tɔȳ gātə̄ lɔ́ŕ ní, yā ka̰a̰ń tɔ́gən i tītə̄ ń noō ō. I beé n sḭḭ̄ ā ásiīneé kadə̄ tɔ̄ȳn̄sí ō, ɔsən̄ gɔnsí ō, rɔȳn̄sí ō, ndɔ̄ ń Jeju Kərist a teēń hɔy tə́ ní.

JA̰A̰ 5:23

yā kadə̄ de gə̄ malang rɔȳn̄ Ngōn̄ tītə̄ ń rɔȳn̄neé Bɔbə̄ Ngōn̄ ní. Nge ń rɔȳ Ngōn̄ aĺ ní, a rɔȳ Bɔbə̄ Ngōn̄ ń əla Ngōn̄ ní aĺ ō.

PĀ GƏ̄ 18:20

Ni-taām̄ jīdə́ tə́ əya̰m̄ dɔɔ́ ō gān̄g dɔḿ ō, tɔdɔ̄ ni tárəm̄.

JA̰A̰ 8:49

Jeju tél ədadə́ na: Ndíĺ kə́ majaĺ i kemḿ tə́ alé, banī m̄-rɔȳ i Bɔbə́ḿ, ba sḭḭ̄ ī-rɔyīmī alé.

DANIEL 4:34

Adə̄ ngɔlaā ní mā Nabukodonosor m̄-tɔ̄ȳ Mban̄g kə́ dɔ rā̰ tə́ ō, m̄-rāān adə̄ rɔ̄n nelə̄n ō, m-ɔ́sə gɔnən ō. Tɔdɔ̄ kəla rāān malang i kə́ rɔ̄kum ō, gō róbə yān gə̄ i gō róbə́ kə́ gōtə́ gə̄ ō, ngé kɔjə rɔ̄də́ gə̄ ní ni asə tél sedə́ kə̄ nang tə́ ō.

TƏ́DA 11:20

Banī ā ə́saī i kə́ njɔ́ḿ gə̄ tə́ nāā kógə̄ḿ. Ā ə́saī dā̰ ní bátə́ kadə̄ teē kó̰ńsí tə́, kadə̄ sēēn ra dɔsí tə́. Tām̄ sḭḭ̄ ī-mbātíī Kɔ́ɔ̄ɓē ń ndi dɔ dáńsí tə́ ní kɔ̄ɔ́ ō, ī-nōōī ta kum Kɔ́ɔ̄ɓē tə́ ə́daī na ké ī-teēī kɔ̄ɔ́ Ejiptə i tām̄ rí tə́ wa ō.

1 KORḚNTƏ 4:5

Adə̄ ī-lōōī gān̄g sarya kété no ndɔ̄ sarya tə́, ī-ngóōī ādə̄ Kɔ́ɔ̄ɓē reē tá. Yá̰á̰ ń i kə́ ɓɔ̄ɔ̄ kum til tə́ ní, ni a teēń kum loo kə́ unjə̄ kow tə́ ō, yá̰a̰ gə̄ ń de gə̄ númə̄n̄ kemdə́ tə́ ní, ni a ɔjə kə̄ ndágá ō. Loo ń noō tə́ Nə́ɓā a ɓōkə́ deē kógə̄ḿ kógə̄ḿ tɔ̄ȳ kadə̄ asə kə gō kəla yānneé.

JA̰A̰ 5:44

Sḭḭ̄ i ngé sāā kɔsə gɔn kə́ ḭḭ rɔ̄ naā tə́ gə̄, ba i ngé sāā kɔsə gɔn kə́ ḭḭ rɔ̄ Nə́ɓā tə́ ngóy aĺ ní, loo kadə̄ ā ī-taāī kem i ba̰ý?

TƏ́DA 35:34

Dɔ nang ń ī-ndiī tū tə́ á m-ā m̄-ndi tū tə́ ō ní, ā ī-rāāī kadə̄ majaĺ tákə̄ alé, tɔdɔ̄ mā i Kɔ́ɔ̄ɓē ō, m̄ndi dan ngán Israel gə̄ tə́ ō.

NGÉ SARYA 9:10

Tā anī kāgə̄ gə̄ ədan̄ kāgə̄ kótə̄ na: Ḭ̄ ī-reē ó̰o̰ ɓē dɔjí tə́ tā.

Teē Ngán Israel gə̄ 28:43

Aaro̰ nin̄ kə ngánən gēé a əlan̄ gíŕdə́ tə́ yā kudəń kem kújə kənge naā tə́, aĺ ɓáa yā kaw̄ń kə̄ loo tun̄ yá̰á̰ tə́ yā rāań kəla tun̄ yá̰a̰ kem loo kə́ táĺ tə́. Tītə̄ ń noō ɓáa a reēn̄ kə majaĺ dɔdə́ tə́ aĺ ō, a oyn̄ aĺ ō. Nge ń noō i ndū najə̄ kə́ a to ngándáńg tām̄ yā Aaro̰ tə́ ō, tām̄ yā ngánən gə̄ tə́ ō, ngán kaan gə̄ tə́ ō.

1 MBAN̄G GƏ̄ 11:11

adə̄ ədan na dan ń na rāā háĺ kə́ beé ō, madə̄ naā ń ni-ə́hɔ seneé ní na ngɔ̄m̄ aĺ ō, yá̰a̰ gə̄ ń n-ədan kadə̄ rāā ní na rāā aĺ ō ní, na n-a n-taā ko̰o̰ ɓē jīn tə́ kɔ̄ɔ́ yā kadə̄ nge kəla yān kógə̄ḿ.

PĀ GƏ̄ 73:20

Kɔ́ɔ̄ɓē, dan ń ḭ̄ údə danaá ní, nin̄ télən̄ i yá̰á̰ kə́ karī kɔ̄ɔ́, tītə̄ ndíĺ yá̰a̰ gə̄ kə́ kem nī tə́ ń deē ndól̄ dɔ ɓīī tə́ anī, télən̄ i yá̰á̰ kə́ karī kɔ̄ɔ́ ní.

PĀ GƏ̄ 91:15

Ré ɓārə́m̄ anī m-ā m̄-ndigən, m-ā m̄-ndi seneé dan wur kɔl tə́. M-ā m̄-gān̄g dɔn ō, m-ā m-ɔ́sə gɔnən ō.

Gōsə̄ najə̄ gə̄ 4:8

Əhɔ kum kedə̄ kə̄ rɔ̄í tə́ ādə̄ ngan̄g anī ni a ɔsiī kə̄ dɔɔ́. Ré ə́hɔn kə̄ rɔ̄í tə́ ī-ɓirə̄n dagə anī, ni a ɔsə gonií.

Gōsə̄ najə̄ gə̄ 8:17

Mā m̄-táŕ ngé tárəm̄ gə̄ ō, ngé sāām̄ gə̄ a əngemə̄n̄ ō.

JEREMI 29:32

Semaya kə́ Nehelam tə́ ō, ngánən gə̄ ō, ngán kaan gə̄ ō ní, deē kógə̄ḿ dandə́ tə́ kə́ kadə̄ ənge loo ndiń dan gír de gə̄ ń toō tə́ yā rāań rɔ̄nel̄ dɔ yá̰á̰ kə́ majə gə̄ ń m-ā m-ādə̄ gír deē yāḿ gə̄ ní a gətóo. Ni sə̄lā i de gə̄ kadə̄ mbātə́n̄ najə̄ ta Kɔ́ɔ̄ɓē tə́ aĺ a? Najə̄ ń Kɔ́ɔ̄ɓē əda ní n noó.

EJEKIEL 34:10

Mā Kɔ́ɔ̄ɓē Nə́ɓā m̄-tāāsí. M-ā m̄-rāā yá̰á̰ kógə̄ḿ sesí sḭḭ̄ ngé ngɔ̄m̄ yá̰a̰ kul̄ gēé. M-ā m̄-taā yá̰a̰ kul̄ yāḿ gə̄ jīsí tə́ kɔ̄ɔ́ ō, m-ā m-ɔ̄gə̄sí kɔr nodə́ ō. Loo ń noō tə́ sḭḭ̄ ā ásiī kənge yá̰á̰ kógə̄ḿ tū yá̰a̰ kul̄ yāḿ gə̄ tə́ to̰ alé. M-ā m̄-nār̄ batə̄ yāḿ gə̄ yā taādə́ tasí tə́ ō, ā ūlī rɔ̄sí kə batə̄ yāḿ gēé to̰ aĺ ō.

1 MBAN̄G GƏ̄ 2:27

Salomo̰ tə̄ɓā Abiatar kɔ̄ɔ́ kem kəla tun̄ yá̰a̰ yā Kɔ́ɔ̄ɓē tə́, adə̄ najə̄ ń Kɔ́ɔ̄ɓē əda dɔ gír kojə yā Eli tə́ kem ɓē kə́ Silo tə́ ní udə gírí.

1 YÁ̰A̰ GƏ̄ 17:18

kɔsə ń ɔ́sə gɔnəḿ ní kə m-ə́da na i rí dɔ tə́? Tām̄ ḭ̄ ī-gerəm̄ mā nge kəla yāí.

2 YÁ̰A̰ GƏ̄ 26:18

Nin̄ ran̄ no mban̄g Ojias tə́ ba ədanən̄ na: Ojias, ndējə̄ Kɔ́ɔ̄ɓē ndujə̄ yá̰á̰ kə́ kotə majə i yá̰a̰ rāāí ḭ̄ alé! I kəla yā ngé tun̄ yá̰a̰ gə̄ ń nin̄ i de kə́ gír kojə yā Aaro̰ tə́ gə̄ ní. Əndān̄də́ nin̄ i kə rī rāā kəla ń noō. Ī-teē kɔ̄ɔ́ kem loo kə́ táĺ tə́, tɔdɔ̄ yá̰á̰ ń ī-rāā ní i gōtə́ alé. Nge ń noō Kɔ́ɔ̄ɓē a ɔsə gɔnií najə̄n tə́ alé!

PĀ GƏ̄ 18:26

Kɔ́ɔ̄ɓē, deē ń ra dɔ ndūn tə́ seí ní ḭ̄ ī-ra dɔ ndūí tə́ kə kɔ́ɔ̄ɔ́ ō, deē ń əndā kumən gíŕ yá̰á̰ tə́ rāā kə gōó ní ḭ̄ ɔ́jə́ kɔ́ɔ̄ kadə̄ ḭ̄ i nge kəndā kumií gíŕ yá̰á̰ tə́ rāā kə gōó ō.

Gōsə̄ najə̄ gə̄ 12:8

Tɔ̄ȳn̄ deē i najə̄ ngáā yān tə́, banī de kə́ hálən nujə kɔ̄ɔ́ i de kə́ de gə̄ a kídə̄nən̄.

JEREMI 49:15

A̰á̰ā̰, m-ā m̄-rāāī kadə̄ ā ī-tél de kə́ dūú ráá kə́ dan nápar de gə̄ tə́ ō, m-ā m̄-rāā kadə̄ de gə̄ a kídīīn̄ ō.

MALASI 2:3

M-ɔ̄r̄ najə̄ m-ə́lań ɓōĺ kem de gə̄ kə́ gír kaasí tə́ kɔ̄ɔ́ ɓá. Yedə̄ dā̰ gə̄ ń ā ī-ndējī ndɔ̄ rāā nāā yāsí gə̄ tə́ ní, m-ā -m̄-ɓōkə́ kumsí tə́ ō, a ɔyn̄sí naā tə́ kə yedə̄ dā̰ gēé ō.