1 SAMUEL 2:3 - Bibəl ta Sar̄

³ Ī-lōōī ndájə̄ najə̄ ō, ī-lōōī ngonjə̄ ō, tɔdɔ̄ Kɔ́ɔ̄ɓē i Nə́ɓā kə́ ger̄ yá̰a̰ malang. Ni i nge gān̄g sarya dɔ yá̰a̰ malang ń de gə̄ rāān̄ tə́ ní.

Bible sar

³ Ī-lōōī ndájə̄ najə̄ ō, ī-lōōī ngonjə̄ ō, tɔdɔ̄ Kɔ́ɔ̄ɓē i Nə́ɓā kə́ ger̄ yá̰a̰ malang. Ni i nge gān̄g sarya dɔ yá̰a̰ malang ń de gə̄ rāān̄ tə́ ní.

1 SAMUEL 2:3 Referans Kwoze

Gōsə̄ najə̄ gə̄ 8:13

Ɓōĺ ndíĺ Kɔ́ɔ̄ɓē i kim̄ yá̰á̰ kə́ majaĺ. Kɔjə rɔ̄ ō, gán̄g rɔ̄ ō, róbə rāā yá̰á̰ kə́ majaĺ ō, ta de kə́ a gól̄ loo ō, i yá̰a̰ gə̄ kə́ nelə̄m̄ sedə́ aĺ bátə́.

1 MBAN̄G GƏ̄ 8:39

ḭ̄ ń ī-ndi dɔ rā̰ tə́ ní ī-nēl̄ mbīí ōońdə́, ī-mā̰ȳ rɔ̄í dɔdə́ tə́, ī-rāā yá̰a̰ kə deē kógə̄ḿ kógə̄ḿ sɔɔ̄ń dɔ kəla rāān, tām̄ ḭ̄ ī-ger̄ kem de gə̄ i īkɔ́ ngóy n ī-ger̄ kem de gə̄ malang ní.

Gōsə̄ najə̄ gə̄ 24:12

Ré ə́da na ī-ger̄ aĺ na i mbée anī, Nə́ɓā ni ger̄, tɔdɔ̄ ni ger̄ gír̄ kə́ kemií tə́ ń ī-sāā rāań yá̰á̰ ní. N i əndā kumən dɔí tə́, ni ger̄ yá̰a̰ malang. Ni-gān̄g sarya dɔ de gə̄ tə́ kógə̄ḿ kógə̄ḿ i kə gō kəla rāādə́ gēé.

HEBƏRO 4:12

Tɔdɔ̄ najə̄ yā Nə́ɓā i najə̄ kə́ ndi kə kumneé ō, tɔ́gən to ō, tan atə tɔȳ kəyā kaskar kə́ atə dām̄ jōó ō. Ni-udə kem deē tə́, aw̄ bátə́ ugə̄ loo ń wur deē ō, ndíl deē ō, əngen̄ naā tə́ tū tə́ ní tə́ ba kēgə̄də́ naā tə́ ō, aw̄ bátə́ ugə̄ loo ń kúkə̄lú kə̄ngā gə̄ ō, yibə̄ kə́ kem kə̄ngāá ō, əngen̄ naā tū tə́ ní ba kēgə̄də́ naā tə́ ō. Najə̄ yā Nə́ɓā gān̄g sarya dɔ ngur gə̄ kə́ kem deē tə́ ō, dɔ gír̄ kə́ kem deē tə́ ō.

Gōsə̄ najə̄ gə̄ 16:2

Deē a̰ā̰ kadə̄ gō róbə yān gə̄ malang i kə́ unjə̄n̄ njáý njáý, banī nge mbɔ̄jə́ ngarā̰ kem deē i Kɔ́ɔ̄ɓē.

IJAI 37:23

Deē ń ī-tájən ní i náā? ī-tájə̄ i náā? I náā n ī-nāā kɔr̄ najə̄ kə́ majaĺ seneé ní? Deē ń á̰a̰n ba ī-kídən ní i náā? I mā, Nə́ɓā kə́ táĺ yā Israel.

PĀ GƏ̄ 147:5

Kɔ́ɔ̄ɓē yājí i de kə́ bo ō, tɔ́gən i ngá̰ý ō. Deē asə mbɔ̄jə́ ger̄ yá̰a̰ yān alé.

PĀ GƏ̄ 94:4

Nin̄ malang ń noō ń i ngé rāā madə̄də́ gə̄ yá̰á̰ kə́ tōr̄ ní tə́gān̄ gúdə́ ō, mbáȳn̄ ədan̄ na tɔ́gə́də́ na to noó ō, tə́dan̄ najə̄ kə́ to ngonjə̄ gə̄ ō, ɔjən̄ rɔ̄də́ ō.

PĀ GƏ̄ 44:21

Ré kété ní dɔjí ndígə̄nal rī Nə́ɓā yājí ō, jə-sə́ra jījí kə̄ rɔ̄ nə́ɓā kógə̄ḿ kə́ mbā tə́ ō anī,

Makətūbə̄ yā Job 31:6

Ādə̄ Nə́ɓā mbɔ̄jə́ kɔȳḿ kə yá̰a̰ mbɔ̄jə́ kɔȳ yá̰a̰ kə́ gōtə́. Loo ń noō tə́ ní, a ger̄ kadə̄ najə̄ gətóo dɔḿ tə́.

1 SAMUEL 16:7

Banī Kɔ́ɔ̄ɓē əda Samuel na: Ī-lōō ka̰a̰ gidən kə́ ndágá kə́ majə ō, ka̰a̰ ngālən kə́ ngá̰ý ō. Tɔdɔ̄ m̄-gērān alé. Najə̄ ń toō i najə̄ ka̰a̰ yá̰á̰ ń kə́ deē ndul tə́ alé. De gə̄ a a̰a̰n̄ i gidə deē ndágá banī Kɔ́ɔ̄ɓē a a̰a̰ i kem deē.

JEJU TEĒ KUM JA̰A̰ 2:23

Tá ɓáý to̰ ní, m-ā m̄-rāā kadə̄ ngánən gə̄ a oyn̄. Loo ń noō tə́ Egəlijə gə̄ malang a gerə̄n̄ kadə̄ mā i nge ger̄ gír̄ kə́ kem deē tə́ ō, nge ger̄ yá̰a̰ gə̄ ń kem deē gḛy ní ō. Yá̰á̰ ń m-ā m̄-rāā sesí kógə̄ḿ kógə̄ḿ ní, i kə gō kəla rāāsí gēé.

MALASI 3:13

Kɔ́ɔ̄ɓē əda na: Sḭḭ̄ ī-tə́daī najə̄ kə́ ngan̄g ngan̄g gə̄ dɔḿ tə́, ba ī-dəjeī najə̄ ə́daī na ké najə̄ ń ɔ̄rī dɔ dáńsí tə́ dɔḿ tə́ ní ké na i rí wa.

DANIEL 5:27

Tekel ní kumən na mbɔ̄jə́n̄ kɔȳn, adə̄ mbɔ̄jə́n̄ kɔyí kə yá̰a̰ mbɔ̄jə́ kɔȳ yá̰á̰, ba a̰a̰n̄ kadə̄ ásə alé.

JEREMI 17:10

I náā n asə ger̄ gír̄ gə̄ ní? Mā Kɔ́ɔ̄ɓē m-á̰a̰ gír̄ kə́ kem de gə̄ tə́ ō, m-ə̄ndā ma̰ȳ ngarā̰ kemdə́ ō, yā kadə̄ m-ə̄ndań nja deē kógə̄ḿ kógə̄ḿ kə gō hál rāān ō, yá̰a̰ gə̄ ń teēn̄ tū kəla rāān gə̄ tə́ ní ō.

IJAI 26:7

Kɔ́ɔ̄ɓē, róbə yā nge koō taí i róbə́ kə́ súmūú. Ḭ̄ ī-rāā róbə́ kə́ ra súmūú tām̄ yān tə́.

PĀ GƏ̄ 17:10

Nin̄ ndāngə́n̄ ō, gángə̄n̄ rɔ̄də́ ō.

PĀ GƏ̄ 31:18

Kɔ́ɔ̄ɓē, m̄-ɓāríī kadə̄ ī-dḭḭ̄m̄ ní, ī-lōō rāā kadə̄ m̄-tél m̄-ndə̄ngā rɔ̄ḿ. Banī ādə̄ rɔ̄ ngé taā kem Nə́ɓā aĺ gə̄ sɔl̄də́ ō, ādə̄ yo utə̄ tadə́ ɔgə̄də́ kɔr̄ najə̄ ō!

PĀ GƏ̄ 75:5

M-ə́dá ngé kɔjə rɔ̄də́ gə̄ na ī-lōōī kɔjə rɔ̄sí gogə́ ō, m-ə́dá ngé mbātə́ Nə́ɓā gə̄ na ī-lōōī kɔr̄ dɔsí dɔɔ́ ō.

JOJUE 22:22

Nə́ɓā kə́ ngan̄g, Kɔ́ɔ̄ɓē, Nə́ɓā kə́ bo, Kɔ́ɔ̄ɓē ger̄ kɔ̄ɔ́ ō, ngán Israel gə̄ a gerə̄n̄ ō. Ré jə-mbātə́ Kɔ́ɔ̄ɓē, aláa jə-rāā yá̰á̰ kógə̄ḿ kə́ gōtə́ alé kə Kɔ́ɔ̄ɓē anī, adə̄ Kɔ́ɔ̄ɓē ajəjí ɓōólaā alé.

NGÉ SARYA 9:38

Tā anī Jebul tél ədan na: I ḭ̄ n ə́da na ké Abimelek i náā á kadə̄ jə-rāāī ɓer̄ yān ní aĺ a? De gə̄ ń ī-kídə̄də́ ní i nin̄ n noó aĺ a? Ī-teē ī-rɔ̄ɔ̄də́ tā.

EJEKIEL 35:13

Najə̄ ń ɔ̄rī seḿ ní ɔjə kadə̄ sḭḭ̄ ī-kídə̄mī. Najə̄ gə̄ ń ɔ̄rī ī-rɔ̄ɔ̄īneé seḿ ní, kɔjə rɔ̄ i ngá̰ý tū tə́. Mā m-ōō majə.