1 SAMUEL 2:29 - Bibəl ta Sar̄

²⁹ Ba ī-kídī yá̰a̰ tun̄ gə̄ kə yá̰a̰ ndējə̄ gə̄ ń m-ə́da kadə̄ de gə̄ reēn̄neé kem loo kə́ táĺ tə́ ní i tām̄ rí tə́? Ī-ɓōĺ ngání gə̄ tɔȳm̄ mā tɔdɔ̄ ngán Israel gə̄ ń i deē yāḿ gə̄ ní reēn̄ kə yá̰a̰ ndējə̄ gə̄ adə̄mə̄n̄, anī ə́saī loon kə́ majə majə gə̄ kɔ̄ɔ́ malang ə̄ndāīneé yibə̄sí i tām̄ rí tə́?

Bible sar

²⁹ Ba ī-kídī *yá̰a̰ tun̄ gə̄ kə *yá̰a̰ ndējə̄ gə̄ ń m-ə́da kadə̄ de gə̄ reēn̄neé kem *loo kə́ táĺ tə́ ní i tām̄ rí tə́? Ī-ɓōĺ ngání gə̄ tɔȳm̄ mā tɔdɔ̄ ngán Israel gə̄ ń i deē yāḿ gə̄ ní reēn̄ kə *yá̰a̰ ndējə̄ gə̄ adə̄mə̄n̄, anī ə́saī loon kə́ majə majə gə̄ kɔ̄ɔ́ malang ə̄ndāīneé yibə̄sí i tām̄ rí tə́?

1 SAMUEL 2:29 Referans Kwoze

MATIYE 10:37

Deē ń tár bɔbə̄n aláa kó̰o̰n tɔȳm̄ ní, kɔ́ɔ̄ asə tél deē yāḿ alé. Deē ń tár ngōnən kə́ dəngam aláa kə́ dəyá̰ tɔȳm̄ ní, kɔ́ɔ̄ asə tél deē yāḿ alé.

NDŪ NAJƏ̄ 32:15

Dan ń Yesurun əsa yá̰a̰ ndān̄ anī, rāā dɔ ngan̄g. Dan ń əndā mbólən ō, bo lúbə́ lúbə́ ō anī, əya̰ Nə́ɓā kə́ nge kəndān kɔ̄ɔ́. Ni-əla rɔ̄sɔl̄ dɔ mbal̄ kə́ nge ngɔ̄mən tə́ ō, nge kajən tə́ ō,

Najə̄ kə́ Majə yā Jeju ń Luk ndang ní 14:26

Deē ń reē gōḿ tə́ kanjə̄ kəndām̄ mā kó tár yān tə́ kété no bɔbə̄n tə́ ō, kó̰o̰n tə́ ō, nə̄yá̰n tə́ ō, ngánən gə̄ tə́ ō, ngákó̰o̰n kə́ dəngam gə̄ tə́ ō kə́ dəyá̰ gə̄ tə́ ō, aláa kanjə̄ kəndām̄ mā kó tár yān tə́ kété no ngarān̄g kum rɔ̄n nəkɔ́ tə́ ō ní, ni-asə tél nge ndóō yá̰a̰ yāḿ alé.

JAKƏ 3:17

Banī deē ń aw̄ kə kum kedə̄ kə́ dɔɔ́ ní a ngɔ̄m̄ rɔ̄n kanjə̄ rāā yá̰á̰ kə́ majaĺ kógə̄ḿ pá tá ndi kə kem sɔl̄ lɔmɔɔ́ ō, dɔn i kə́ sɔl̄ ō, ndigə najə̄ gō madə̄n gə̄ tə́ láẃ ō, a̰a̰ kum tō ndoō yā de gə̄ ngándáńg ō, kan̄ kə́ majə a rosə kemən ō, ni-ɔr̄ kam̄ de gə̄ aĺ ō, ni gól̄ loo aĺ ō.

MATIYE 22:16

Gō tə́ anī əlan̄ ngé ndóō yá̰a̰ yādə́ gə̄, naā tə́ kə de gə̄ yā Herod gēé adə̄ aw̄ dəjen̄ Jeju na: Ngoljí, jə-ger̄ kadə̄ ḭ̄ i de kə́ nge kəda najə̄ kə́ rɔ̄kum ō, ḭ̄ ndóō de gə̄ gō róbə yā Nə́ɓā i kə najə̄ kə́ rɔ̄kum kanjə̄ ɓōĺ deē ō. Tɔdɔ̄ ḭ̄ ī-rāā yá̰a̰ tām̄ ta kum deē alé.

MISE 3:5

Najə̄ ń Kɔ́ɔ̄ɓē əda dɔ ngé koō ta gə̄ kə́ ngé ngól̄ gír deē yāḿ gə̄ tə́ ní n toó: Ré deē ul̄də́ majanī, nin̄-ənīn̄ mbēr̄ lɔm. Ba ngé kəla yá̰a̰ tadə́ tə́ aĺ gə̄ ɓáa nin̄ rɔ̄ɔ̄n̄də́.

OJEE 4:8

Nin̄ əsan̄ dā̰ yá̰á̰ kə́ tun̄ gə̄ ń gír deē yāḿ gə̄ ndējə̄n̄ dan ń nin̄ mānə̄n̄ dɔ ndūḿ ní. Yá̰á̰ ń nin̄ gḛyn̄ ní i kógə̄ḿ beē ngóy: I kadə̄ gír deē yāḿ gə̄ rāān̄ yá̰á̰ kə́ gōtə́ aĺ.

EJEKIEL 34:2

Ḭ̄ ngōn̄ deē, ə́da ngār kə́ Israel tə́ gə̄ najə̄ ń m-ə̄ndā taí tə́ ní. Ə́dádə́ na: Najə̄ ń Kɔ́ɔ̄ɓē Nə́ɓā ɔr̄ ní n toó: Sḭḭ̄ ngé kul̄ Israel gə̄, i yá̰á̰ kə́ to kum tō ndoō kə́ ba̰ý beē n i tām̄ yāsí tə́ ní! Sḭḭ̄ ā ə̄ndāī kumsí i gír rɔ̄sí sḭḭ̄ kɔ́ gə̄ tə́ ngóy! Majə kadə̄ ngé ngɔ̄m̄ yá̰a̰ kul̄ gə̄ əndān̄ kumdə́ gír batə̄ gə̄ tə́ alé a?

JOJUE 18:1

Dan ń ngán Israel gə̄ taān̄ ɓē malang oy anī, kánə̄n̄ naā Silo, ba udən̄ kújə kənge naā kemeé.

NDŪ NAJƏ̄ 33:9

Nin̄ ɔjən̄ kə̄ ndágá kadə̄ táriīn̄ tɔȳ bɔbə̄də́ gə̄ ō, kó̰ó̰də́ gə̄ ō, ngákó̰ó̰də́ gə̄ ō, ngáńdə́ gə̄ ō. Tɔdɔ̄ oōn̄ taí, adə̄ rāān̄ yá̰á̰ ń ə́dádə́ ní. Nin̄ əndān̄ kumdə́ gír madə̄ naā yāí tə́.

LEBI GƏ̄ 19:15

Ī-gāngī sarya kə́ gōtə́ aĺ dɔ deē tə́ alé. Ī-lōō kadə̄ nge ndoō, aláa de kə́ bo najə̄ loo sarya tə́ dɔ bám̄ tə́ karī, ba ī-gān̄g sarya yā ngōn̄ nge ɓē madí kə gōó.

2 KORḚNTƏ 5:16

Adə̄ jḭḭ jə-ger̄ deē i kə gō yā dā̰ rɔ̄ɔ́ to̰ alé. Ká ré kété jóo jə-ger̄ Kərist i kə gō yā dā̰ rɔ̄ɔ́ gə̄gē anī, ngɔlaā jə-gerə̄n tītə̄ ń noō to̰ alé.

Makətūbə̄ ń Pol ndang adə̄ Rom gə̄ ní 16:18

Tɔdɔ̄ de gə̄ ń noō nin̄-rāān̄ i kəla yā Kərist Kɔ́ɔ̄ɓē yājí alé, ba a rāān̄ i kəla tām̄ yā kemdə́ tə́. De gə̄ ń i kə́ kumdə́ gān̄g aĺ ní, nin̄-gólə̄n̄də́ kə najə̄ yādə́ kə́ majə gēé ō, kə́ nel̄ gēé ō.

EJEKIEL 13:19

Sḭḭ̄ ī-kídə̄mī ta kum gír deē yāḿ gə̄ tə́, tām̄ yā kəngeń kōō ɔ́rjə́ kə́ kem jī kóndóńg wań, aláa tām̄ yā kəngeń yá̰a̰ kəsa kə́ sḛ́ý beē. Sḭḭ̄ ī-gólī gír deē yāḿ gə̄ kə́ ngé taā kem sor̄ yāsí gə̄. I tītə̄ ń noō n sḭḭ̄ ī-tɔ̄līneé de gə̄ ń sɔɔ̄ kadə̄ nin̄ oyn̄ aĺ ní ō, ngé gə̄ ń sɔɔ̄ kadə̄ nin̄ ndin̄ kə kumdə́ aĺ ní ɓáa, sḭḭ̄ ī-rāāī adə̄ nin̄ ndin̄ kə kumdə́ ō ní.

1 SAMUEL 3:13

Ngɔlaā ní m̄-tāān adə̄ āw̄ ə́dan na m-ā m̄-gān̄g sarya kə́ ngándáńg dɔ de kə́ ta kújə yān tə́ gə̄ tə́, tām̄ yá̰á̰ kə́ majaĺ ń ni-rāā tə́ ní. Yá̰á̰ kə́ majaĺ ní i ngánən gə̄ ń a̰a̰mə̄n̄ adə̄ mā i yá̰a̰ aĺ ta kumdə́ tə́ ō, ni ger̄ ō, ba əya̰də́ dɔ háĺdə́ tə́ ní.

PĀ GƏ̄ 26:8

Kɔ́ɔ̄ɓē, kújə́ ń ī-ndi kemeé ní nelə̄m̄ ō, loo ń kɔsə gɔn yāí i tū tə́ ní nelə̄m̄ ō.

EJEKIEL 34:10

Mā Kɔ́ɔ̄ɓē Nə́ɓā m̄-tāāsí. M-ā m̄-rāā yá̰á̰ kógə̄ḿ sesí sḭḭ̄ ngé ngɔ̄m̄ yá̰a̰ kul̄ gēé. M-ā m̄-taā yá̰a̰ kul̄ yāḿ gə̄ jīsí tə́ kɔ̄ɔ́ ō, m-ā m-ɔ̄gə̄sí kɔr nodə́ ō. Loo ń noō tə́ sḭḭ̄ ā ásiī kənge yá̰á̰ kógə̄ḿ tū yá̰a̰ kul̄ yāḿ gə̄ tə́ to̰ alé. M-ā m̄-nār̄ batə̄ yāḿ gə̄ yā taādə́ tasí tə́ ō, ā ūlī rɔ̄sí kə batə̄ yāḿ gēé to̰ aĺ ō.

2 MBAN̄G 12:6

kə nin̄ kógə̄ḿ kógə̄ḿ kə taān̄ jī de gə̄ ń nin̄ gerə̄n̄də́ ní tə́ tām̄ yādə́ tə́ ba loo malang kə́ tū kújə yā Kɔ́ɔ̄ɓē tə́ ń nujə ní tá kə rāān̄.