1 SAMUEL 2:28 - Bibəl ta Sar̄

²⁸ Dan de gə̄ kə́ gír ɓē yā ngán Israel gə̄ tə́ malang ní, i kaaí Aaro̰ n m̄-gə̄rān kadə̄ i ni n i nge tun̄ yá̰a̰ yāḿ kə́ kadə̄ al̄ aw̄ dɔ loo tun̄ yá̰a̰ yāḿ tə́ ō, róō kajaja ō, ra ta kumḿ tə́ kə epod. Tá yá̰a̰ malang ń ngán Israel gə̄ a tun̄ adə̄mə̄n̄ ní, m̄-tél kə núsənneé m-ādə̄n ō, m-ādə̄ ngánən gə̄ ō, ngán kaan gə̄ ō.

Bible sar

²⁸ Dan de gə̄ kə́ gír ɓē yā ngán *Israel gə̄ tə́ malang ní, i kaaí *Aaro̰ n m̄-gə̄rān kadə̄ i ni n i *nge tun̄ yá̰a̰ yāḿ kə́ kadə̄ al̄ aw̄ dɔ *loo tun̄ yá̰a̰ yāḿ tə́ ō, róō kajaja ō, ra ta kumḿ tə́ kə epod. Tá yá̰a̰ malang ń ngán Israel gə̄ a tun̄ adə̄mə̄n̄ ní, m̄-tél kə núsənneé m-ādə̄n ō, m-ādə̄ ngánən gə̄ ō, ngán kaan gə̄ ō.

1 SAMUEL 2:28 Referans Kwoze

Teē Ngán Israel gə̄ 28:1

Ī-ɓāŕ ngōkó̰ó̰í Aaro̰ nin̄ kə ngánən gēé, Nadab ō, Abihu ō, Eleajar ō, Itamar ō, ādə̄ reēn̄ rɔ̄í tə́. Ɔ̄r̄ kam̄də́ tayā dan ngán Israel gə̄ tə́ ādə̄ rāān̄ kəla tun̄ yá̰a̰ yāḿ.

TƏ́DA 18:19

Adə̄ dɔ yá̰á̰ kə́ táĺ gə̄ malang ń ngán Israel gə̄ ɔr̄ adə̄mə̄n̄ ní, m̄-téləń m-ādī ḭ̄ ō, ngání kə́ dəngam gə̄ ō, kə́ dəyá̰ gə̄ ō, kə ndū kə́ a to ngándáńg. Nge ń noō i madə̄ naā kə́ rāā kə katāá ō, kə́ a to ngándáńg tām̄ yāí tə́ ō, tām̄ yā ngání gə̄ tə́ ō, ngán kaaí gə̄ tə́ ō, ta kum Kɔ́ɔ̄ɓē tə́.

LEBI GƏ̄ 6:16

Tɔdɔ̄ yá̰a̰ ndējə̄ kə́ rāā kə kōó ń nge tun̄ yá̰a̰ ndējə̄ Kɔ́ɔ̄ɓē ní, deē a əsa alé. A róōn̄ horoó i malang.

LEBI GƏ̄ 2:10

Gotə yá̰a̰ ndējə̄ ń nay ní i tām̄ yā Aaro̰ tə́ nin̄ kə ngánən gēé. I yá̰á̰ kə́ táĺ ngá̰ý tɔdɔ̄ i gotə yá̰á̰ kə́ róō horoó kadə̄ Kɔ́ɔ̄ɓē.

LEBI GƏ̄ 2:3

Gotə yá̰a̰ ndējə̄ ń nay ní i tām̄ yā Aaro̰ tə́ nin̄ kə ngánən gēé. I yá̰á̰ kə́ táĺ ngá̰ý tɔdɔ̄ i gotə yá̰á̰ kə́ róō horoó kadə̄ Kɔ́ɔ̄ɓē.

Teē Ngán Israel gə̄ 28:4

Kūbə̄ gə̄ ń a urə̄n̄ ní i pekətoral ō, epod ō, kūbə̄ ngāl̄ ō, kūbə̄ kə́ rang kə́ gīndə̄ gō madə̄ tə́ kə́ rāān̄ yá̰á̰ súūn gə̄ tū tə́ ō, kūbə̄ kənda dɔ ō, kəlā kūbə̄ kə́ yā do̰ō̰ń ɓōdə̄ ō. Ngōkó̰ó̰í Aaro̰ nin̄ kə ngánən gēé a əlan̄ rɔ̄də́ tə́ yā rāań kəla tun̄ yá̰a̰ kadə̄m̄.

2 SAMUEL 12:7

Anī Natan tél əda Dabid na: Deē ń rāā tītə̄ ń noō ní i ḭ̄! Ba yá̰á̰ ń Kɔ́ɔ̄ɓē Nə́ɓā yā Israel əda ní n toó: I mā n m-úr yibə̄ ngār dɔí tə́ kadə̄ ḭ̄ i mban̄g kə́ Israel tə́ ní ō, i mā n m̄-taāī jī Saul tə́ m-ə́ya̰ī dɔɔ́ ní ō.

TƏ́DA 16:5

Gō tə́ anī əda Kore kə́ ngé kə́ gōn tə́ gə̄ malang na: Bírí kə ndɔ̄ý anī Kɔ́ɔ̄ɓē a ɔjə dɔ deē ń i yān ō, kə́ táĺ ō, kə́ ni ndigən kadə̄ aw̄ rɔ̄n tə́ ō ní. Deē ń Kɔ́ɔ̄ɓē a gə̄rān ní, Kɔ́ɔ̄ɓē a ndigə kadə̄ deē ní aw̄ rɔ̄n tə́.

LEBI GƏ̄ 7:32

Dā̰ kə́ tun̄ tām̄ yā kem kógə̄ḿ tə́ ní, ā ɔ̄rī ɓúrən kə́ dām̄ kə́ ko̰ó̰ tə́ yā kadə̄ nge tun̄ yá̰a̰.

Teē Ngán Israel gə̄ 30:7

Aaro̰ a róō ndujə̄ yá̰a̰ dɔ tə́ i kə dɔ ndɔ̄ gə̄, kə kum mbang kə́ dəloí ń a aw̄ a kūsə́nń ta kəlā hor gə̄ kə́ kem loo kə́ táĺ tə́ ní ō,

Teē Ngán Israel gə̄ 30:8

kə kum mbang ń a aw̄ a əndāń hor ta jī loo tíbə́ tə́ ní ō. A róōn̄ ndujə̄ yá̰a̰ dɔ tə́ ngándáńg yā rɔȳm̄neé.

LEBI GƏ̄ 7:36

Loo dā̰ kə́ tun̄ yā kem kógə̄ḿ tə́ ń Kɔ́ɔ̄ɓē əndā dɔ ngán Israel gə̄ tə́ kadə̄ adə̄ Aaro̰ nin̄ kə ngánən gēé ndɔ̄ ń a urnə̄ń yibə̄ dɔdə́ tə́ ní n noó. Nge ń noō i ndū najə̄ kə́ a to ngándáńg tām̄ yā ngán Israel gə̄ tə́.

1 SAMUEL 2:18

Ba Samuel ń ni i ngōn̄ ní a rāā kəla i ta kum Kɔ́ɔ̄ɓē tə́. Kūbə̄ kə́ gírən tə́ i epod lḛ́ḛ.

1 SAMUEL 14:3

Deē ń epod i jīn tə́ ní i Ahia ngōn̄ Ahitub. Ahitub i ngōkó̰o̰ Ikabod kə́ ngōn̄ Pinas. Pinas i ngōn̄ Eli ń kété i nge tun̄ yá̰a̰ yā Kɔ́ɔ̄ɓē kem ɓē kə́ Silo tə́ ní. Jonatan ń aw̄ ní de gə̄ gerə̄n̄ gōn alé.

2 SAMUEL 6:14

Gō tə́ anī ni ndām̄ kə tɔ́gən gēé malang ta kum Kɔ́ɔ̄ɓē tə́ ɔsəń gɔn Kɔ́ɔ̄ɓē. Kūbə̄ ń do̰ō̰ gírən tə́ ní i ta kūbə̄ lḛ́ḛ.