1 SAMUEL 2:25 - Bibəl ta Sar̄

²⁵ Ré i deē n rāā majaĺ kə deē madə̄neé anī Nə́ɓā a ra danaá yā mā̰ȳdə́ naā tə́. Ba ré deē rāā majaĺ i kə Kɔ́ɔ̄ɓēé anī, i náā n asə ra danaá yā mā̰ȳ ní? Banī najə̄ ń bɔbə̄də́ ədadə́ ní usədə́ alé. Tɔdɔ̄ Kɔ́ɔ̄ɓē ndigə kadə̄ oyn̄.

Bible sar

²⁵ Ré i deē n rāā majaĺ kə deē madə̄neé anī Nə́ɓā a ra danaá yā mā̰ȳdə́ naā tə́. Ba ré deē rāā majaĺ i kə Kɔ́ɔ̄ɓēé anī, i náā n asə ra danaá yā mā̰ȳ ní? Banī najə̄ ń bɔbə̄də́ ədadə́ ní usədə́ alé. Tɔdɔ̄ Kɔ́ɔ̄ɓē ndigə kadə̄ oyn̄.

1 SAMUEL 2:25 Referans Kwoze

HEBƏRO 10:26

Tɔdɔ̄ ré jə-gerī najə̄ kə́ rɔ̄kum pá tá jə-na̰yiī kə̄ loo rāā yá̰á̰ kə́ majaĺ tə́ kə gō kem ndigə yājí anī, gotə yá̰a̰ tun̄ kə́ tām̄ majaĺ tə́ gətóo.

1 SAMUEL 3:14

I tām̄ najə̄ ń noō tə́ n m̄-túbə m-ādə̄ de kə́ gír kojə yān tə́ gə̄ m-ə́da na: Yá̰a̰ tun̄ gə̄, aláa yá̰a̰ ndējə̄ gə̄ a asən̄ kɔl̄ yá̰á̰ kə́ majaĺ ń de kə́ gír kojə yā Eli tə́ gə̄ rāān̄ ní aĺ bátə́ ní.

JOJUE 11:20

Tɔdɔ̄ Kɔ́ɔ̄ɓē rāā adə̄ kemdə́ ngan̄g ngóróró yā kadə̄ nin̄-dum̄nəń naā ba rɔ̄ɔ̄nneé ngán Israel gə̄, yā kadə̄ ngán Israel gə̄ bāān̄neé dɔdə́ adə̄n̄ Nə́ɓā kanjə̄ ka̰a̰ kum tó ndoō yādə́ ba tɔ̄l̄nəńdə́ kɔ̄ɔ́ malang tītə̄ ń Kɔ́ɔ̄ɓē nəkɔ́ ədań Moijə ní.

TƏ́DA 15:30

Banī deē ń rāā yá̰á̰ kə́ majaĺ kə gō kem ndigə yānneé ní, ká i ngōn̄ nge ɓē, aké i tə̄rā gə̄gē anī, ni kídə̄ i Kɔ́ɔ̄ɓē adə̄ a ɔr̄nən̄ kɔ̄ɔ́ dan gír deē yān gə̄ tə́.

Gōsə̄ najə̄ gə̄ 15:10

Deē ń əya̰ róbə́ kə́ súmūú kɔ̄ɔ́ ní, a əndanən̄ ngá̰ý. Deē ń gḛy kadə̄ deē ndángə̄n aĺ ní a oy.

1 TIMOTE 2:5

Tɔdɔ̄ Nə́ɓā i kal kógə̄ḿ beē ō, nge ra mbənā Nə́ɓā tə́ kə de gēé i kal kógə̄ḿ beē ō. Deē ní i Kərist Jeju.

HEBƏRO 7:25

I tām̄ najə̄ ń toō tə́ n ngé gə̄ ń ndɔ́tə̄n̄ kə̄ rɔ̄ Nə́ɓā tə́ kə ta kūl̄neé ní, ni asə kajədə́ ngándáńg ní. Tɔdɔ̄ ni-ndi kə kumneé ngándáńg yā ndɔ̄ȳ Nə́ɓā tām̄ yādə́ tə́.

PĀ GƏ̄ 51:4

Yá̰á̰ kə́ gōtə́ aĺ n m̄-rāā ní ī-tə́go kɔ̄ɔ́ malang. Ɔ̄r̄ majaĺ yāḿ kɔ̄ɔ́ ādə̄ m-ūnjə̄ njáý njáý.

2 YÁ̰A̰ GƏ̄ 25:16

Dan ń a əda Amasia najə̄ ń noō ɓáý anī Amasia dəjen na ké əndānən̄ nge kadə̄ mban̄g kɔjə̄ wa. Ré gḛy kadə̄ əndanən̄ aĺ ɓáa kə lōō kaw̄ kə najə̄ ní kə̄ kété. Nge koō ta aw̄ kə najə̄ ní kə̄ kété to̰ alé banī əda na: Mā m̄-ger̄ kadə̄ Nə́ɓā gḛy rāā kadə̄ óy kɔ̄ɔ́ tām̄ ḭ̄ ī-rāā yá̰á̰ ń noō ō, ōō najə̄ yāḿ aĺ ō.

NDŪ NAJƏ̄ 1:17

A ī-gāngī sarya tām̄ ta kum deē alé. Ōōī najə̄ yā nge ndoō ō, yā de kə́ bo ō. Ī-lōōī ɓōĺ ta kum deē kógə̄ḿ, tɔdɔ̄ sarya ń ā ī-gāngī ní i kə rī Nə́ɓāá. Ré najə̄ kə́rēý tɔȳ dɔsí anī, ī-reēīneé rɔ̄ḿ tə́ ādə̄ m-ə̄ndā ma̰ȳ sesí.

PĀ GƏ̄ 51:16

Nə́ɓā, nge kajəḿ, úń mósə dɔḿ tə́ kɔ̄ɔ́. Loo ń noō tə́ m-ā m-ə̄nī gotə yá̰á̰ kə́ gōtə́ ń ī-rāā seḿ ní.

NDŪ NAJƏ̄ 2:30

Banī Sihon mban̄g kə́ Hesəbon ɔgə̄jí mān̄ dɔ nang yān tə́. I Kɔ́ɔ̄ɓē Nə́ɓā yāsí n rāā adə̄ kemən ngan̄g, yā kadə̄ ī-taāīneé dɔ nang yān ndɔ̄ ń noō tə́ ní.

HEBƏRO 10:27

Yājí i yā kadə̄ ɓōĺ kə́ ngá̰ý rāājí tá jə-ngóōī i sarya ō, hor kə́ təngā ngá̰ý kə́ a o̰o̰ ngé ba̰ā̰ Nə́ɓā gə̄ ní ō.

Makətūbə̄ yā Job 9:33

Nə́ngētə́ nge mā̰ȳjí naā tə́ kógə̄ḿ i danjí tə́ kadə̄ əndā jīn dɔjí tə́ jōó mbak.

Gōsə̄ najə̄ gə̄ 29:1

Deē ń ndán̄gnən̄ ba dum̄ naā ní, a tétə̄n̄ kə̄ngōn̄ rárák gidə kógə̄ḿ ō, a gətóo ō!

TA KƏLA 38:7

Nel̄ Kɔ́ɔ̄ɓē kə Er alé, tɔdɔ̄ ni i de kə́ nge kem ndul, adə̄ Kɔ́ɔ̄ɓē rāā adə̄ oy.

TA KƏLA 38:10

Yá̰á̰ ń ni rāā ní nel̄ Kɔ́ɔ̄ɓē alé, adə̄ Kɔ́ɔ̄ɓē rāā adə̄ oy ō.

1 MBAN̄G GƏ̄ 8:31

Ré ɔsən̄ deē kógə̄ḿ rāā yá̰á̰ kə́ majaĺ kə madə̄neé ba ran̄ kə deē ní ta túbə kə yá̰á̰ kə́ majaĺ kógə̄ḿ kadə̄ rāān, adə̄ deē ní reē ra ta loo tun̄ yá̰a̰ yāí tə́ kem kújə́ ń toō tə́ túbəń anī,

1 MBAN̄G GƏ̄ 8:32

Kɔ́ɔ̄ɓē ḭ̄ ń ī-ndi dɔ rā̰ tə́ ní ōō najə̄ yā kɔ́ɔ̄. Ī-rāā yá̰á̰ kógə̄ḿ ī-gāngəń sarya kə́ dɔ dáń ngé kəla yāí gə̄ tə́. Deē ń najə̄ i dɔn tə́ ní ī-rāā ādə̄ háĺ kɔ́ɔ̄ tél əsō dɔ kɔ́ɔ̄ tə́ ō, deē ń najə̄ gətóo dɔn tə́ ní, ɔ́jə kə̄ ndágá kadə̄ najə̄ gətóo dɔn tə́ kə ta kūl̄ rāā seneé yá̰á̰ kə́ ɔjə kadə̄ hálən i kə́ súmūú ō.

2 YÁ̰A̰ GƏ̄ 10:15

Adə̄ mban̄g oō najə̄ yā kósə de gə̄ alé. Ba i ta róbə́ ń noō n Nə́ɓā un rāań yá̰á̰ ń Kɔ́ɔ̄ɓē əndā ta Ahia kə́ Silo tə́ adə̄ əda Jeroboam kə́ ngōn̄ Nebat ní.

Gōsə̄ najə̄ gə̄ 13:1

Ngōn̄ kə́ ngáā i ngōn̄ kə́ oō kɔjə̄ yā bɔbə̄n, banī nge dɔ ngan̄g i de kə́ gákənən̄ a oō alé.

KOHELET 3:3

Kum mbang tɔ̄l̄ deē i noó ō, kum mbang kajə deē i noó ō. Kum mbang tɔ̄ɔ̄ kújə i noó ō, kum mbang kəndā kújə i noó ō.