1 SAMUEL 2:22 - Bibəl ta Sar̄

²² Eli tɔgə ɓə́gá ngá̰ý kɔ̄ɔ́. Dan ń ni oō yá̰á̰ ń ngánən kə́ dəngam gə̄ a rāān̄ kə ngán Israel gēé ní ō, ɓīī ń a ɓīīn̄ kə dəyá̰ gə̄ ń ɔsən̄ dɔdə́ naā tə́ ta kújə kənge naā tə́ ní ō anī,

Bible sar

²² Eli tɔgə ɓə́gá ngá̰ý kɔ̄ɔ́. Dan ń ni oō yá̰á̰ ń ngánən kə́ dəngam gə̄ a rāān̄ kə ngán *Israel gēé ní ō, ɓīī ń a ɓīīn̄ kə dəyá̰ gə̄ ń ɔsən̄ dɔdə́ naā tə́ ta kújə kənge naā tə́ ní ō anī,

1 SAMUEL 2:22 Referans Kwoze

Teē Ngán Israel gə̄ 38:8

Rāā bay kə́ yā ɓōkə́nń man̄ tə́go rɔ̄n ō, njan ō, i kə gində̄ nə̄ngá kasaá. Rāā i kə kútə́ram yā dəyá̰ gə̄ ń a rāān̄ kəla ta kújə kənge naā tə́ ní.

EJEKIEL 22:26

Ngé tun̄ yá̰a̰ yādə́ gə̄ rāān̄ dɔ ngan̄g ta ndū najə̄ yāḿ gə̄ tə́ ō, ɓōlə́n̄ gidə loo kə́ kɔr̄ kam̄ tām̄ yāḿ tə́ gə̄ aĺ ō, ɔrə̄n̄ kam̄ yá̰á̰ kə́ yā ɓōĺ gidə naā tə́ kə yá̰á̰ kə́ karī aĺ ō, ndóōn̄ de gə̄ loo ka̰a̰ yá̰á̰ kə́ unjə̄ njáý njáý ger̄ aĺ ō, loo ka̰a̰ yá̰á̰ kə́ yḛr ger̄ aĺ ō. Nin̄ kídə̄n̄ ndɔ̄ sabat ō. I tām̄ najə̄ ń toō tə́ n deē kógə̄ḿ kə́ dandə́ tə́ kə́ ɓōĺ gidəḿ gətóó ní.

1 SAMUEL 8:1

Dan ń Samuel tɔgə ngá̰ý kɔ̄ɔ́ ní, əndā ngánən kə́ dəngam gə̄ kadə̄ nin̄ i ngé gān̄g sarya yā Israel gə̄ kum gotən.

TA KƏLA 37:2

Gotə najə̄ yā ngán Jakob gə̄ n toó: Jəjep rāā ɓāl̄ kutə gidə i sīrí anī aw̄ kə yá̰a̰ kul̄ gēé dɔ mu tə́. Nin̄ i naā tə́ kə ngán Bila gə̄ ō, ngán Silpa gə̄ ō. Bila ō, Silpa ō, i nə̄yá̰ bɔbə̄n gə̄. Jəjep reē kə najə̄ kɔr̄ ngákó̰o̰n kə́ majaĺ gēé əda bɔbə̄də́.

1 SAMUEL 2:23

ədadə́ na: Ī-rāāī yá̰a̰ beé i tām̄ rí tə́? De gə̄ malang a ədan̄ i najə̄ háĺsí kə́ majaĺ.

1 SAMUEL 3:13

Ngɔlaā ní m̄-tāān adə̄ āw̄ ə́dan na m-ā m̄-gān̄g sarya kə́ ngándáńg dɔ de kə́ ta kújə yān tə́ gə̄ tə́, tām̄ yá̰á̰ kə́ majaĺ ń ni-rāā tə́ ní. Yá̰á̰ kə́ majaĺ ní i ngánən gə̄ ń a̰a̰mə̄n̄ adə̄ mā i yá̰a̰ aĺ ta kumdə́ tə́ ō, ni ger̄ ō, ba əya̰də́ dɔ háĺdə́ tə́ ní.

TA KƏLA 35:22

Ndin̄ kə̄ noó anī Ruben aw̄ ɓīī kə Bila də̄yá̰ gidə ndogə̄ yā bɔbə̄neé, adə̄ bɔbə̄n Israel oō najə̄ ní. Ngán Jakob gə̄ i kutə gidə i jōó.