1 SAMUEL 2:2 - Bibəl ta Sar̄

² De kə́ táĺ tītə̄ Kɔ́ɔ̄ɓē gətóo. I ḭ̄ ngóy n i de kə́ ndi noó rɔ̄kum ní, mbal̄ kə́ tītə̄ Nə́ɓā yājí gətóo.

Bible sar

² De kə́ táĺ tītə̄ Kɔ́ɔ̄ɓē gətóo. I ḭ̄ ngóy n i de kə́ ndi noó rɔ̄kum ní, mbal̄ kə́ tītə̄ Nə́ɓā yājí gətóo.

1 SAMUEL 2:2 Referans Kwoze

2 SAMUEL 22:32

Kɔ́ɔ̄ɓē ngóy i Nə́ɓā! I Nə́ɓā yājí ngóy n i mbal̄ yājí ní!

IJAI 44:6

Yá̰á̰ ń Kɔ́ɔ̄ɓē ō, mban̄g ō, nge gān̄g dɔ Israel ō, Kɔ́ɔ̄ɓē kə́ bo kə́ tɔ́gən i ngá̰ý, əda ní n toó: Mā i ta kəla gíŕ yá̰a̰ malang tə́ ō, ta tɔ̄l̄ ta yá̰a̰ malang tə́ ō. Nə́ɓā kə́ rang gətóo, i mā ngóy n i Nə́ɓā ní.

PĀ GƏ̄ 86:8

Kɔ́ɔ̄ɓē, dan nə́ɓā gə̄ tə́ malang ní, ni kə́ tītīí gətóo! Yá̰á̰ ń ī-rāā ní, nə́ɓā kógə̄ḿ kə́ asə rāā gətóo.

PĀ GƏ̄ 89:8

De kə́ táĺ gə̄ ń kánə̄n̄ naā yā koō naā dɔ yá̰á̰ tə́ ní, Nə́ɓā to ɓōĺ ngá̰ý dandə́ tə́. To ɓōĺ tɔȳ de gə̄ malang ń ndi gīrə̄n̄ gidən ní.

Teē Ngán Israel gə̄ 15:11

Kɔ́ɔ̄ɓē, i nə́ɓā kə́ rá n to tītīí ní? I náā n hálən i kə́ táĺ ngá̰ý tītə̄ yāí ō, to ɓōĺ tītīí ō, asə kadə̄ ɓōkə́nən̄ tɔ̄ȳ tītīí ō, asə rāā yá̰á̰ kə́ to ɓōĺ gə̄ tītə̄ yāí ō ní?

1 PIYER 1:16

Tɔdɔ̄ makətūbə̄ yā Nə́ɓā əda na: Ādə̄ ɔ̄rī kamsí tām̄ yā Nə́ɓā tə́, tɔdɔ̄ mā i de kə́ táĺ.

JEREMI 10:6

Kɔ́ɔ̄ɓē, de kə́ tītīí ḭ̄ gətóo. Ḭ̄ i de kə́ bo ō, rīí ɓār̄ ngá̰ý dɔ yá̰a̰ gə̄ ń ī-rāā tə́ ní ō.

IJAI 57:15

Yá̰á̰ ń Nə́ɓā kə́ táĺ əda ní n toó, ni ń i dɔ yá̰a̰ gə̄ tə́ malang ō, aw̄ kə kújə́ kə́ yā ndi tū tə́ kə́ to ngándáńg ō ní: Mā i Nə́ɓā kə́ táĺ, m̄-ndi dɔɔ́ nuū. Banī mā i naā tə́ kə de gə̄ ń de gə̄ a rējə̄n̄də́ ō, dan wurdə́ i dan wur nge ndoō ō ní. Ngé gə̄ ń dan wurdə́ i dan wur nge ndoō ní, m̄-ndigə tél kə ndi kə kumuú kadə̄də́ gogə́, ngé gə̄ ń de gə̄ rējə̄n̄də́ ní, m̄-ndigə tél kə ndi kə kumuú kadə̄də́ gogə́.

NDŪ NAJƏ̄ 3:24

Kɔ́ɔ̄ɓē Nə́ɓā, ə́lá gír kɔjəm̄ mā nge kəla yāí kadə̄ ḭ̄ i de kə́ bo ō, tɔ́gə jīí to ō, kɔ̄ɔ́ ɓá. Nə́ɓā kógə̄ḿ kə́ dɔ rā̰ tə́ aké dɔ nang tə́, kə́ rāā yá̰a̰ tītə̄ yāí ō, kə́ tɔ́gən asə seí ō, ndi noó a?

LEBI GƏ̄ 19:2

kəda ngán Israel gə̄ malang ndū najə̄ gə̄ ń toō: Ādə̄ sḭḭ̄ i de kə́ táĺ gə̄, tɔdɔ̄ mā Kɔ́ɔ̄ɓē Nə́ɓā, mā i de kə́ táĺ.

Makətūbə̄ ń Pol ndang adə̄ Rom gə̄ ní 15:4

Najə̄ gə̄ ń ndangən̄ kété malang ní i yā kɔjəńjí yá̰a̰, i gáŕ kadə̄ najə̄ gə̄ ní rāān̄jí adə̄ jə-tə́gāī tají ō, j-əhɔī rɔ̄jí tɔgə ō, j-əndāī kemjí dɔ Nə́ɓā tə́ ō.

IJAI 44:8

Sḭḭ̄ gír deē yāḿ gə̄, ī-lōōī ɓōĺ, ī-lōōī ndew. M-ə́dásí najə̄ yá̰á̰ ń noō kété, m̄-rāā ādə̄ sḭḭ̄ ī-gerī yá̰á̰ ní. Sḭḭ̄ i de kə́ kum tə́ yāḿ gə̄. Nə́ɓā rang i noó kanjə̄ kadə̄ i mā a? A̰ á̰, mā i mbal̄ yāsí kə́ ngan̄g, m̄-ger̄ nge kə́ rang alé.

IJAI 40:18

Nə́ɓā ní deē a ɔjə seneé i náā? Ni to i tītə̄ rí?

IJAI 6:3

Nin̄ unən̄ ndūdə́ kə̄ dɔɔ́ ngá̰ý ədanə̄ń naā na: Kɔ́ɔ̄ɓē kə́ bo kə́ tɔ́gən i ngá̰ý i kə́ táĺ, táĺ, táĺ! Kɔsə gɔn yān taā loo malang dɔ nang tə́!

PĀ GƏ̄ 111:9

Ni-gān̄g dɔ gír deē yān gə̄. Ni-adə̄də́ ndūn kə́ a to ngándáńg dɔ madə̄ naā yān tə́. Ni i Nə́ɓā kə́ táĺ ō, kə́ to ɓōĺ ngá̰ý ō.

PĀ GƏ̄ 99:5

Ɔ́siī gɔn Kɔ́ɔ̄ɓē Nə́ɓā yājí, ɔ́siī nosí nang tə́ no yá̰a̰ kəndā nja yān tə́! Ni i de kə́ táĺ!

PĀ GƏ̄ 89:6

Kɔ́ɔ̄ɓē, ādə̄ dɔ rā̰ ɔsə gɔn yá̰á̰ kə́ to kɔr kum ń ī-rāā ní ō, ādə̄ ɔsə gɔn ra kə́ ī-ra dɔ ndūí tə́ ō, loo kán̄ naā yā de kə́ táĺ gə̄ tə́!

NDŪ NAJƏ̄ 32:39

Beé ní ī-gerī kadə̄ i mā n i Nə́ɓā ní, ba nə́ɓā kə́ rang gətóo kadəḿ tə́. I mā n i nge rāā kadə̄ deē oy ō, kadə̄ deē ndi kə kumneé ō ní. I mā n i nge kadə̄ deē do ō, nge rāā kadə̄ do edə̄ ō ní. I náā n asə taā deē jīḿ tə́ kəya̰n dɔɔ́ ní?

NDŪ NAJƏ̄ 32:4

Kɔ́ɔ̄ɓē i mbal̄, kəla rāān i kə́ majə ɔtə̄ kə taá. Tɔdɔ̄ gō róbə yān gə̄ malang i kə́ súmūú. Nə́ɓā i nge ra dɔ ndūn tə́, yá̰á̰ kə́ gōtə́ aĺ gətóo kemən tə́. Ni i de kə́ gōtə́ ō, kə́ súmūú ō.

PĀ GƏ̄ 99:9

Ɔ́siī gɔn Kɔ́ɔ̄ɓē Nə́ɓā yājí. Ɔ́siī nosí nang tə́ kumsí sɔɔ̄ mbal̄ yān kə́ táĺ, tɔdɔ̄ Kɔ́ɔ̄ɓē Nə́ɓā yājí i de kə́ táĺ!

PĀ GƏ̄ 73:25

Dan ń mā i seí anī, loo kə́ dɔ nang tə́ nelə̄m̄ aĺ ní, i náā kə́ rang yāḿ n m-ā m-ə́ngən dɔ rā̰ tə́ ní? I ḭ̄ ngóy aĺ a?

PĀ GƏ̄ 71:19

Nə́ɓā, háĺ kə́ gōtə́ yāí ngāl̄ ngá̰ý kə̄ dɔɔ́ ō, ī-rāā yá̰á̰ kə́ bo ngá̰ý gə̄ ō! Nə́ɓā, de kə́ to tītīí gətóo.

PĀ GƏ̄ 71:3

Ādə̄ ḭ̄ i mbal̄ ń m-ā m̄-déw gidə tə́ kadə̄ yá̰a̰ ɔdə rɔ̄ḿ aĺ ní, mbal̄ ń m-ásə kaw̄ tū tə́ kə kum mbang gə̄ malang ní. Ḭ̄ ī-gḛy kajəm̄. A̰á̰ā̰, ḭ̄ i mbal̄ yāḿ, ɓē kə́ ngan̄g ngá̰ý yāḿ.

PĀ GƏ̄ 18:2

Kɔ́ɔ̄ɓē, ḭ̄ i tɔ́gə yāḿ, o̰o̰m̄ tɔdɔ̄í ngá̰ý!

NDŪ NAJƏ̄ 32:20

Adə̄ ni-əda na: M-ā m̄-tūr̄ gidəḿ tadə́ tə́ kɔ̄ɔ́, ba m-ā m-á̰á̰ ké ta tɔ̄l̄ tadə́ a to i ba̰ý wa. Tɔdɔ̄ nin̄ i ngáń kə́ nujə kɔ̄ɔ́ gə̄. I ngán gə̄ kə́ deē a ənī kemən adə̄də́ alé.

NDŪ NAJƏ̄ 4:35

Ɔjən̄sí yá̰a̰ gə̄ ń noō adə̄ á̰a̰ī kə kumsí i yā kadə̄ ī-gerīneé kadə̄ i Kɔ́ɔ̄ɓē ngóy n i Nə́ɓā ní. Nə́ɓā kə́ rang gətóo.

Makətūbə̄ ń Pol ndang adə̄ Rom gə̄ ní 4:8

Deē ń Nə́ɓā tə́da majaĺ yān gə̄ aĺ ní rɔ̄n nelə̄n.

2 SAMUEL 7:22

Adə̄ Kɔ́ɔ̄ɓē Nə́ɓā, ḭ̄ i de kə́ bo, de kə́ tītīí gətóo. Nə́ɓā kə́ rang gətóo, ba i īkɔ́ ngóy tītə̄ ń j-oōń kə mbījí ní.

2 SAMUEL 22:3

Nə́ɓā i mbal̄ ɓɔ̄ɔ̄ rɔ̄ yāḿ. Ni i der yāḿ ō, gində̄ ń m-ā m̄-tetəń rɔ̄ɔ̄ ní ō. Ni i kújə́ kə́ ngan̄g yāḿ ō, kə́ m̄-ndi kemeé anī m-ájə, loo ɓɔ̄ɔ̄ rɔ̄ yāḿ ō, nge kajəḿ ō. Ni i nge kɔrə̄m̄ kɔ̄ɔ́ jī ngé dɔ́nɔ gə̄ tə́.

1 MBAN̄G GƏ̄ 8:23

ba əda na: Kɔ́ɔ̄ɓē Nə́ɓā yā Israel, Nə́ɓā kə́ tītīí gətóo dɔ rā̰ tə́ dɔɔ́ ō, dɔ nang tə́ laā ō. Ngé kəla yāí gə̄ ń njə̄rān̄ kə̄ noí tə́ kə kemdə́ mámák ní madə̄ naā yāí to gotoó sedə́ ō, kem ndaa yāí to gotoó tām̄ yādə́ tə́ ō.

PĀ GƏ̄ 18:31

Róbə yā Nə́ɓā i róbə́ kə́ majə ɔtə̄ kə taá. Najə̄ kɔr̄ Kɔ́ɔ̄ɓē a rāā yá̰á̰ gáŕ. Ni i der yā de gə̄ malang ń a ɓɔ̄ɔ̄n̄ rɔ̄də́ rɔ̄n tə́ ní.

PĀ GƏ̄ 99:3

Ādə̄ ɔsən̄ gɔn rīí kə́ bo ō to ɓōĺ ngá̰ý ō! I rī kə́ táĺ!

LEBI GƏ̄ 11:44

Tɔdɔ̄ mā i Kɔ́ɔ̄ɓē Nə́ɓā yāsí. Ā ɔ̄rī rɔ̄sí kɔ̄ɔ́ tayā tām̄ yāḿ tə́ kadə̄ sḭḭ̄ i de kə́ táĺ gə̄, tɔdɔ̄ mā i de kə́ táĺ, adə̄ ā ɔ́diī rɔ̄ dā̰ kə́ kagə nang tə́ gə̄ ń noō yā téləń de kə́ yḛr gə̄ alé.

LEBI GƏ̄ 11:45

Tɔdɔ̄ mā i Kɔ́ɔ̄ɓē ń m̄-teē sesí kɔ̄ɔ́ dɔ nang kə́ Ejiptə tə́ yā kadə̄ mā i Nə́ɓā yāsí ní. Adə̄ majə kadə̄ sḭḭ̄ i de kə́ táĺ gə̄ tām̄ mā i de kə́ táĺ.

NDŪ NAJƏ̄ 4:39

Ní, yá̰á̰ ń kadə̄ ī-gerī ɓōólaā ō, ī-ngɔ̄mī kemsí tə́ ō ní n toó: I Kɔ́ɔ̄ɓē n i Nə́ɓā dɔ rā̰ tə́ ō, dɔ nang tə́ ō ní. Nə́ɓā kə́ rang gətóo.