1 SAMUEL 2:10 - Bibəl ta Sar̄

¹⁰ Kɔ́ɔ̄ɓē a tetə madə̄ ba̰ā̰n gə̄ rɔ̄ɔ̄. Ni a ndi dɔ rā̰ tə́ yā ndángəń rɔ̄n dɔdə́ tə́. Kɔ́ɔ̄ɓē a gān̄g sarya dɔ de gə̄ tə́ bátə́ ta ngóy dɔ nang tə́. A əndā mban̄g yān ń urən̄ yibə̄ ngār dɔn tə́ gə̄rān̄neé ní ō, a adə̄ mban̄g ní tɔ́gə ō, a ɔsə gɔnən ō.

Bible sar

¹⁰ Kɔ́ɔ̄ɓē a tetə madə̄ ba̰ā̰n gə̄ rɔ̄ɔ̄. Ni a ndi dɔ rā̰ tə́ yā ndángəń rɔ̄n dɔdə́ tə́. Kɔ́ɔ̄ɓē a gān̄g sarya dɔ de gə̄ tə́ bátə́ ta ngóy dɔ nang tə́. A əndā mban̄g yān ń urən̄ yibə̄ ngār dɔn tə́ gə̄rān̄neé ní ō, a adə̄ mban̄g ní tɔ́gə ō, a ɔsə gɔnən ō.

1 SAMUEL 2:10 Referans Kwoze

PĀ GƏ̄ 2:9

Ā ə́la dɔdə́ gíŕ tɔ́gə yāí tə́ i kə ko̰o̰ ɓē kə́ ngan̄g ngá̰ý ō, ā ī-tɔ̄ɔ̄ kōōdə́ i tītə̄ loo tɔ̄ɔ̄ jóó nánjə beé ō.

PĀ GƏ̄ 89:24

Tɔdɔ̄ m-ā m̄-rējə̄ ngé rɔ̄ɔ̄n gə̄ ta kumən tə́, ngé gə̄ ń a im̄nən̄ ní m-ā m-ə́ndádə́.

PĀ GƏ̄ 96:13

ta kum Kɔ́ɔ̄ɓē tə́ tā, tɔdɔ̄ ni a reē i mbée, a reē i kə̄ ko̰o̰ ɓē tə́ dɔ nang tə́. Ni a o̰o̰ ɓē dɔ de kə́ dɔ nang tə́ gə̄ tə́ i kə gōó ō, dɔ gír de gə̄ tə́ i kə hálən kə́ súmūú ō.

Teē Ngán Israel gə̄ 15:6

Kɔ́ɔ̄ɓē, tɔ́gə jī ko̰í i ngá̰ý, I tɔ́gə jīí ngeé ń toō n a tə̄ndā madə̄ ba̰ā̰í gə̄ a tḭ̄ḭ̄də́ kɔ̄ɔ́ ní.

PĀ GƏ̄ 98:9

kété no Kɔ́ɔ̄ɓē tə́, tɔdɔ̄ ni a reē i mbée. A reē i kə̄ ko̰o̰ ɓēé dɔ dɔ nang tə́. Ni a o̰o̰ ɓē dɔ de kə́ dɔ nang tə́ gə̄ tə́ i kə gōó ō, dɔ gír de gə̄ tə́ i kə hálən kə́ súmūú ō.

PĀ GƏ̄ 20:6

Loo ń noō tə́ j-a jə-rāā rɔ̄nel̄ rɔ̄ɔ̄ ń ī-tetə ní, j-a j-əhɔ dərapóo rɔ̄ɔ̄ dɔjí tə́ dɔɔ́ yā rɔȳń Nə́ɓā yājí. Ādə̄ Kɔ́ɔ̄ɓē tɔ̄l̄ ta yá̰a̰ malang ń ī-dəjen kadə̄ rāā adī ní.

1 SAMUEL 7:10

Dan ń ra a róō ngōn̄ batə̄ horoó ɓáý ní a, Pilistin gə̄ reēn̄ yā rɔ̄ɔ̄ Israel gə̄. Banī Kɔ́ɔ̄ɓē rāā adə̄ man̄ ndang kə ngangá ngá̰ý dɔdə́ tə́ ndɔ̄ ń noō tə́. Kɔ́ɔ̄ɓē əla ɓōĺ kə́ ngá̰ý kemdə́ tə́ adə̄ a̰ȳn̄ naā no Israel gə̄ tə́.

Najə̄ kə́ Majə yā Jeju ń Luk ndang ní 19:27

Ba madə̄ ba̰ā̰ḿ gə̄ ń gḛyn̄ kadə̄ m-ó̰o̰ ɓē dɔdə́ tə́ aĺ ní, ī-reēī sedə́ laā, ba ə́jaī míndə́də́ ta kumḿ tə́.

MATIYE 28:18

Jeju reē rɔ̄də́ tə́ ngɔr ba ɔr̄ najə̄ ń toō sedə́, ədadə́ na: Adə̄mə̄n̄ tɔ́gə malang dɔ yá̰á̰ kə́ dɔ rā̰ tə́ gə̄ tə́ ō, dɔ yá̰á̰ kə́ dɔ nang tə́ gə̄ tə́ ō.

KOHELET 12:14

Tɔdɔ̄ Nə́ɓā a aw̄ kə yá̰a̰ malang loo sarya tə́, yá̰á̰ kə́ to loo mundə̄ tə́ gə̄gē, ká i kə́ majə aké i kə́ majaĺ gə̄ gē anī ni a aw̄ń loo sarya tə́.

KOHELET 11:9

Balsáa, dan ń ḭ̄ i ngōn̄ ɓáý ní ī-rāā rɔ̄nel̄. Ādə̄ kemií i kə rɔ̄nelēé kem ndɔ̄ gə̄ ń dɔí dūúń ɓáý tə́ ní. Ī-rāā yá̰a̰ malang ń kemií gḛy ní, yá̰a̰ malang ń nelī ní. Banī majə kadə̄ ī-ger̄ káý káý kadə̄ Nə́ɓā a gān̄g sarya dɔ yá̰a̰ rāāí gə̄ tə́ kógə̄ḿ kógə̄ḿ malang.

PĀ GƏ̄ 45:7

Nə́ɓā, kōr̄ kāgə̄ mbang yāí ndi ngándáńg. Kāgə̄ mban̄g yāí i yá̰a̰ rāāí kə́ súmūú ō.

PĀ GƏ̄ 21:1

Pā kə́ kem makətūbə̄ yā ngār yā gōsə̄ pā gə̄ tə́. I pā yā Dabid.

PĀ GƏ̄ 2:6

Ni-əda na: Mban̄g ń m̄-gə̄rān ní m-ə̄ndān mban̄g i Siyo̰, dɔ mbal̄ yāḿ kə́ táĺ tə́.

PĀ GƏ̄ 2:2

Mban̄g gə̄ kə́ dɔ nang tə́ rāān̄ gō rɔ̄də́ yā rɔ̄ɔ̄. De kə́ bo gə̄ oōn̄ naā dɔ Kɔ́ɔ̄ɓē tə́ ō, dɔ mban̄g yān tə́ ō.

NGÉ SARYA 5:31

Kɔ́ɔ̄ɓē, ādə̄ madə̄ ba̰ā̰í gə̄ malang oyn̄ yo kə́ tītə̄ yā Sisəra, banī ādə̄ madə̄ taí gə̄ ton̄ tītə̄ mbang ń ḭḭ kə̄ dɔɔ́ á ndə́lē ngá̰ý ní. Ɓē tél ndi lɔm ɓāl̄ kutə sɔ́.

2 KORḚNTƏ 5:10

Tɔdɔ̄ i gáŕ kadə̄ jḭḭ̄ malang jə-raī no Kərist tə́, yā kadə̄ ni-gān̄g sarya dɔjí tə́. Loo ń noō tə́ deē kógə̄ḿ kógə̄ḿ a ənge yá̰á̰ gír kəla rāān kə́ majə, aké kə́ majaĺ tə́, adə̄ i yá̰a̰ gə̄ ń ni rāādə́ dan ń ni ndiń kə kumneé ɓáý tə́ ní.

KƏLA RĀĀ 10:38

Kadə̄ ń Nə́ɓā adə̄ Jeju kə́ Najaret Ndíĺ kə́ Táĺ ō, tɔ́gə ō ní sḭḭ̄ ī-gerī ō, njə̄rā ń Jeju njə̄rā kə gō loo gə̄ a rāań majə kə de gēé ō, rāā adə̄ de gə̄ malang ń ndin̄ gíŕ tɔ́gə yā diabəl tə́ ní rɔ̄də́ ngáā ō tɔdɔ̄ Nə́ɓā i seneé ní, sḭḭ̄ ī-gerī ō.

KƏLA RĀĀ 4:27

Najə̄ ní i rɔ̄kum, tɔdɔ̄ Herod ō, Po̰sə Pilatə ō, nápar de kə́ rang gə̄ ō, Israel gə̄ ō, ɓoon̄ naā kem ɓē ń toō tə́ dɔ Jeju nge kəla yāí kə́ táĺ tə́, ni ń úr yibə̄ ngār dɔn tə́ ní.

Najə̄ kə́ Majə yā Jeju ń Luk ndang ní 1:69

Ni teē kə nge kajə de gə̄ kógə̄ḿ kə́ tɔ́gən i ngá̰ý adə̄jí, teē seneé i dan de gə̄ kə́ gír kaa yā nge kəla yān Dabid tə́.

MATIYE 25:34

Anī mban̄g a əda ngé gə̄ ń dɔ jī ko̰n tə́ ní na: Sḭḭ̄ ń Bɔbə́ḿ tɔ́r̄ tan dɔsí tə́ ní, ī-reēī, ī-taāī Ɓē ko̰o̰ ń rāān̄ tām̄ yāsí tə́ ta kəla gír kəndā dɔ rā̰ ō dɔ nang ō tə́ ní.

IJAI 45:24

Deē a ənge yá̰a̰ rāā kə́ gōtə́ ō, tɔ́gə ō, i rɔ̄ Kɔ́ɔ̄ɓē tə́ ngóy. De gə̄ malang ń rɔ̄ɔ̄mə̄n̄ ní, a reēn̄ rɔ̄ḿ tə́ kə rɔ̄sɔl̄ kə́ ngá̰ý.

IJAI 32:1

Mbang kógə̄ḿ kə́ a o̰o̰ ɓē i kə yá̰a̰ rāā kə́ gōtə́ a ndi. Ngār gə̄ a ɔrən̄ de gə̄ ta róbə i kə ɓōĺ gidə yá̰á̰ kə́ súmūú.

PĀ GƏ̄ 148:14

Ni-tél əla go̰ kem deē yān gə̄ tə́. I yá̰á̰ kə́ majə kadə̄ deē yān gə̄ malang ń i ngán Israel gə̄ ní ɓōkə́nən̄ tɔ̄ȳ najə̄n tə́, i nin̄ n i gír de kə́ ngɔr rɔ̄n tə́ gə̄ ní! Aleluya!

PĀ GƏ̄ 89:17

A ndāmə̄n̄ kə rɔ̄nelēé najə̄ yāí tə́ dəloí bátə́ kadə̄ loo tíbə dɔdə́ tə́, A ɔrə̄n̄ dɔdə́ dɔɔ́ kə ta kūl̄ yá̰a̰ rāāí kə́ gōtə́ gə̄.

PĀ GƏ̄ 28:8

Kɔ́ɔ̄ɓē i tɔ́gə yā gír deē yān gə̄, ni i loo ɓɔ̄ɔ̄ rɔ̄ kə́ ngan̄g ngá̰ý kə́ ajə mban̄g yān.

Makətūbə̄ yā Job 40:9

Jīí i tītə̄ jī Nə́ɓā á? Ndūí ɓār̄ tītə̄ man̄ kə́ ndang tītə̄ yān a?

2 SAMUEL 22:14

Kɔ́ɔ̄ɓē ndi dɔ rā̰ tə́ ndán̄g loo, Nə́ɓā kə́ dɔɔ́ sa̰y ngá̰ý rāā adə̄ ndūn ɓār̄.

2 SAMUEL 7:13

I ni n a rāā kújə yāḿ ní, ba mā m-ā m̄-rāā kadə̄ kōr̄ kāgə̄ yān a ndi ngan̄g ngándáńg.

2 SAMUEL 7:8

Adə̄ ngɔlaā ní ā ə́da nge kəla yāḿ Dabid na: Najə̄ ń Kɔ́ɔ̄ɓē kə́ bo kə́ tɔ́gən i ngá̰ý ɔr̄ ní n toó: I mā n m-ɔ̄rī ta yá̰a̰ kul̄ gə̄ tə́ loo ń ā ī-ngɔ̄m̄ yá̰a̰ kul̄ gə̄ tū tə́ ní tə́ kadə̄ ī-ndi ngār dɔ gír deē yāḿ gə̄ ń i ngán Israel gə̄ ní tə́.

1 SAMUEL 16:1

Kɔ́ɔ̄ɓē əda Samuel na: Mə̄kɔ́ m̄-mbātə́ Saul kɔ̄ɔ́ ō, ni i mban̄g yā ngán Israel gə̄ to̰ aĺ ō, ba ḭ̄ ā ī-to i dan nōōn tə́ bátə́ a? Ī-tūr̄ yibə̄ kem gajə dā̰ yāí tə́ ba ɔ̄r̄ dɔɔ́. M-ə́laī ɓē Jese kə́ Betlehem, tɔdɔ̄ mban̄g ń m̄-gə̄rān ní i dan ngánən gə̄ tə́.

1 SAMUEL 15:28

Anī Samuel əda Saul na: Ɓōólaā Kɔ́ɔ̄ɓē rāā adə̄ gír ndií mban̄g dɔ ngán Israel gə̄ tə́ gān̄g kɔ̄ɔ́, ba téləń adə̄ madí kə́ rang kə́ majə tɔyī.

1 SAMUEL 12:18

Samuel dəje Kɔ́ɔ̄ɓē anī ndɔ̄ nəkɔ́ ń noō tə́ Kɔ́ɔ̄ɓē rāā adə̄ man̄ ndang ō, edə ō. Adə̄ ngán Israel gə̄ malang ɓōlə́n̄ Kɔ́ɔ̄ɓē ō, Samuel ō ngá̰ý.

1 SAMUEL 12:13

Ngɔlaā ní mban̄g ń ī-gə̄rāī ō, ī-dəjeī ō ní n ra toó. Kɔ́ɔ̄ɓē adə̄sí seneé.

1 SAMUEL 12:3

Mā n m̄-rā toó. Ré āwī kə najá seḿ kemsí tə́ anī, ə́daī kə̄ ta kum Kɔ́ɔ̄ɓē tə́ ō, ta kum mban̄g ń ni gə̄rā tə́ ní ō. I náā n m̄-taā man̄g yān aké kərō yān ní? I náā n m-ə́sa tətōn, aké m̄-rāā kumən ndoō tə́ ní? I náā n m̄-taā nar jīn tə́ yā kótəń kumḿ kɔ̄ɔ́ dɔ najə̄ yān tə́ ní? M-ā m̄-téləń yā kadə̄sí gogə́.

IJAI 29:6

Kɔ́ɔ̄ɓē kə́ bo kə́ tɔ́gən i ngá̰ý ní, rāā yá̰á̰ kógə̄ḿ kə ta kūl̄ man̄ kə́ ndang, kə kōō yá̰á̰ kógə̄ḿ kə́ ɓār̄ to ɓōĺ ngá̰ý, kum nél man̄ kə́ əla kə ngangá ngá̰ý tə́ ō, kə ta ndo̰ hor kə́ a nujə looó ō.

EJEKIEL 29:21

Dan ngeé ń noō tə́ ní, m-ā m̄-rāā kadə̄ ngán Israel gə̄ əngen̄ tɔ́gə́ ngá̰ý. Ba ḭ̄ Ejekiel, m-ā m-ādī tɔ́gə kadə̄ ā ɔ̄rəń najə̄ sedə́. Loo ń noō tə́ nin̄ a gerə̄n̄ kadə̄ Kɔ́ɔ̄ɓē i mā.

1 SAMUEL 12:17

I dan yā kəja gémē gə̄ n toó aĺ a? Ba m-ā m̄-dəje Kɔ́ɔ̄ɓē adə̄ rāā kadə̄ man̄ ndang ō, edə ō. Loo ń noō tə́ kumsí a teē adə̄ ā ī-gerī kadə̄ majaĺ ń ī-rāāī kə Kɔ́ɔ̄ɓēé á ī-dəjen mban̄g ní i majaĺ kə́ bo ngá̰ý.

PĀ GƏ̄ 20:7

Ngɔlaā m̄-ger̄ tā: Kɔ́ɔ̄ɓē tetə rɔ̄ɔ̄ adə̄ mban̄g ń ni gə̄rān ní. Ndi i kə̄ kem loo kə́ táĺ yān kə́ dɔ rā̰ tə́ tə́ n oōń ndūn ní. Jī ko̰n rāā yá̰á̰ kə́ to rī ɓār̄ tetəń rɔ̄ɔ̄ adə̄n.

PĀ GƏ̄ 89:25

M-ā m̄-rāā kadə̄ ra dɔ ndū yāḿ tə́ ō, kem majə yāḿ ō ndin̄ seneé, ré oō rīḿ anī a ɔr̄ dɔn dɔɔ́.

PĀ GƏ̄ 132:17

M-ā m̄-rāā kadə̄ a ojən̄ mban̄g kógə̄ḿ kə́ tɔ́gən i ngá̰ý, gír yā Dabid tə́ kem ɓē kə́ Siyo̰ tə́ ō, m-ā m̄-rāā gō lámba tām̄ yā nge ń m-úr yibə̄ dɔn tə́ ní ō.