1 SAMUEL 2:1 - Bibəl ta Sar̄

¹ Ana ndɔ̄ȳ Nə́ɓā əda na: M-ə́nge rɔ̄nel̄ dan wurəḿ tə́ kə ta kūl̄ Kɔ́ɔ̄ɓē ō, m-ɔ̄r̄ dɔḿ dɔɔ́ i kə ta kūl̄ Kɔ́ɔ̄ɓē ō. M-ásə kəgō madə̄ ba̰ā̰ḿ gə̄ ō, m̄-rāā rɔ̄nel̄ tɔdɔ̄ Nə́ɓā dḭḭ̄m̄ ō.

Bible sar

¹ Ana ndɔ̄ȳ Nə́ɓā əda na: M-ə́nge rɔ̄nel̄ dan wurəḿ tə́ kə ta kūl̄ Kɔ́ɔ̄ɓē ō, m-ɔ̄r̄ dɔḿ dɔɔ́ i kə ta kūl̄ Kɔ́ɔ̄ɓē ō. M-ásə kəgō madə̄ ba̰ā̰ḿ gə̄ ō, m̄-rāā rɔ̄nel̄ tɔdɔ̄ Nə́ɓā dḭḭ̄m̄ ō.

1 SAMUEL 2:1 Referans Kwoze

PĀ GƏ̄ 13:5

na sōgə́ madə̄ ba̰ā̰ḿ əda na n-tetəm̄ rɔ̄ɔ̄ ō, ngé rɔ̄ɔ̄ḿ gə̄ tɔ̄ȳn̄ jīdə́ dɔḿ mā ń m̄-to nang tə́ ní ō.

PILIPƏ 4:6

Ī-sōlī yá̰á̰ kógə̄ḿ alé. Ba tū yá̰a̰ gə̄ tə́ malang ɓáa, yá̰á̰ ń ndoōn rāāsí ní, ī-dəjeī Nə́ɓā kə ndɔ̄yɔ̄ɔ́ ō, ī-rāāniī ɓɔ́ ō, ī-ndadə̄ ādə̄niī ō.

PĀ GƏ̄ 92:10

Á̰a̰ madə̄ ba̰ā̰í gə̄, Kɔ́ɔ̄ɓē, á̰a̰ madə̄ ba̰ā̰í gə̄ a oyn̄ kɔ̄ɔ́ ō, ngé rāā yá̰a̰ majaĺ gə̄ malang a tə̄ndān̄ naā yā tḭ̄ḭ̄ ō.

PĀ GƏ̄ 89:17

A ndāmə̄n̄ kə rɔ̄nelēé najə̄ yāí tə́ dəloí bátə́ kadə̄ loo tíbə dɔdə́ tə́, A ɔrə̄n̄ dɔdə́ dɔɔ́ kə ta kūl̄ yá̰a̰ rāāí kə́ gōtə́ gə̄.

PILIPƏ 4:4

Ī-rāāī rɔ̄nel̄ kə ndɔ̄ gə̄ najə̄ ɓoo kə́ ī-ɓooī naā kə Kɔ́ɔ̄ɓēé tə́. m̄-tél m-ə́dásí to̰: Ī-rāāī rɔ̄nel̄!

PĀ GƏ̄ 20:5

Ādə̄ ni adī yá̰á̰ ń kemií gḛy ní, ādə̄ rāā yá̰a̰ malang ń ī-sāā rāā ní ādə̄ udə gírí!

PĀ GƏ̄ 9:14

Kɔ́ɔ̄ɓē, á̰a̰ kum tō ndoō yāḿ! Á̰a̰ rɔ̄sɔl̄ kə́ asə naā beē ń madə̄ ba̰ā̰ḿ gə̄ əlan̄ dɔḿ tə́ toó. I ḭ̄ n i nge kɔrə̄m̄ kɔ̄ɔ́ ta yo tə́ ní.

PĀ GƏ̄ 35:9

Anī m-ā m̄-tḭ́ḭ̄ bal walya najə̄ yā Kɔ́ɔ̄ɓē tə́ ō, m-ā m̄-ndām̄ ndām̄ kə rɔ̄nelēé tām̄ kajə kə́ ni ajəm̄ tə́ ō.

PILIPƏ 3:3

I jḭḭ̄ n i ngé kəja mɔtə kə́ rɔ̄kum gə̄ ní ba i nin̄ alé, tām̄ jḭḭ̄ jə-rāāī kəla j-adī Nə́ɓā i kə Ndíĺ Nə́ɓāá ō, i Jeju Kərist n i kɔsə gɔn yājí ní ō, j-əndāī tɔ́gə́jí i dɔ rɔ̄jí jḭḭ̄ kɔ́ gə̄ tə́ aĺ ō.

Makətūbə̄ ń Pol ndang adə̄ Rom gə̄ ní 5:11

Ba yá̰á̰ kógə̄ḿ to noó ɓáý to̰: Kɔjə ń j-ɔjiī rɔ̄jí tām̄ yā Nə́ɓā tə́ ní, i kə ta kūl̄ Kərist ń əndājí naā tə́ kə Nə́ɓāá ngɔlaā kɔ̄ɔ́ ɓá toō.

HABAKUK 3:18

Banī mā m-ə́nge rɔ̄nel̄ i kem Kɔ́ɔ̄ɓē tə́. Rɔ̄ḿ nelə̄m̄, i najə̄ yā Nə́ɓā ń i nge kajəḿ ní tə́.

PĀ GƏ̄ 118:14

Tɔ́gə́ḿ kə́ ngá̰ý i Kɔ́ɔ̄ɓē, m̄-tetə rɔ̄ɔ̄ i kə ta kūl̄neé.

PĀ GƏ̄ 89:24

Tɔdɔ̄ m-ā m̄-rējə̄ ngé rɔ̄ɔ̄n gə̄ ta kumən tə́, ngé gə̄ ń a im̄nən̄ ní m-ā m-ə́ndádə́.

Teē Ngán Israel gə̄ 15:21

Miriam un dɔ pā ń toō adə̄də́: Ə̄nīī pā ɔ́siīneé gɔn Kɔ́ɔ̄ɓē, tɔdɔ̄ ni-tetə rɔ̄ɔ̄ kə́ bo ngá̰ý. Ni-ɓōkə́ sə́nda gə̄ kə ngé kal̄də́ gēé kum bā bo tə́.

Teē Ngán Israel gə̄ 15:1

Loo ń noō tə́ Moijə nin̄ kə ngán Israel gēé ənīn̄ pā ɔsən̄neé gɔn Kɔ́ɔ̄ɓē, ədan̄ na: m̄-gḛy kənī pā yā kɔsəń gɔn Kɔ́ɔ̄ɓē, tɔdɔ̄ ni-tetə rɔ̄ɔ̄ kə́ bo. Ni-tə́nā sə́nda gə̄ kə ngé kal̄də́ gēé kum bā bo tə́.

1 PIYER 1:8

Jeju ngeé ń toō ní kumsí a̰a̰n alé, banī sḭḭ̄ ī-tárniī. Ngɔlaā ní kumsí a̰a̰n alé ɓá tā, banī sḭḭ̄ ī-taāī kemən. I tām̄ najə̄ ń toō tə́ n rɔ̄sí nel̄sí ngá̰ý ní, ba rɔ̄nel̄ ní i ngá̰ý al̄ naā, adə̄ i kə́ dum̄ kəda.

PĀ GƏ̄ 51:15

Ngé mān̄ dɔ ndū najə̄ yāí gə̄ ní, m-ā m̄-ndóōdə́ gō róbə yāí gə̄. Loo ń noō tə́ ngé rāā majaĺ gə̄ a télən̄ yā reē gogə́ rɔ̄í tə́.

PĀ GƏ̄ 18:2

Kɔ́ɔ̄ɓē, ḭ̄ i tɔ́gə yāḿ, o̰o̰m̄ tɔdɔ̄í ngá̰ý!

HABAKUK 3:1

Ndɔ̄ȳ yā Habakuk nge koō ta n toó. Ni ənī i kə́ pā tə́, i pā kə́ tītə̄ pā yo beé.

PĀ GƏ̄ 75:10

Banī mā m-ā m-ə̄nī gotə yá̰a̰ gə̄ ń noō ngándáńg. M-ā m-ə̄nī pā yā rɔȳń Nə́ɓā yā Jakob.

PĀ GƏ̄ 71:8

Taḿ ɓōkíī tɔ̄ȳ ō, m-ɔ́sə gɔnií ō, kə dɔ ndɔ̄ gə̄.

JEJU TEĒ KUM JA̰A̰ 18:20

Dɔ rā̰, ī-rāā rɔ̄nel̄ tām̄ nujə ń ni nujə sák sák kɔ̄ɔ́ tə́ ní! Ba sḭḭ̄ deē yā Nə́ɓā gə̄ ō, ngámbang kəla gə̄ ō, ngé koō ta gə̄ ō ní, ī-rāāī rɔ̄nel̄ ō. Tām̄ Nə́ɓā gān̄g sarya dɔn tə́ i najə̄ yá̰á̰ kə́ majaĺ ń ni-rāā sesí tə́ ní.

Najə̄ kə́ Majə yā Jeju ń Luk ndang ní 1:69

Ni teē kə nge kajə de gə̄ kógə̄ḿ kə́ tɔ́gən i ngá̰ý adə̄jí, teē seneé i dan de gə̄ kə́ gír kaa yā nge kəla yān Dabid tə́.

NEHEMI 11:17

Matania kə́ ngōn̄ Mika kə́ ngōn̄ Jabədi kə́ ngōn̄ Asap nge kəla gír ndɔ̄ȳ, Bakbukia ń dan ngákó̰o̰n gə̄ tə́ ɓáa ni i kə́ nge ko̰ jōó ní ō, Abəda kə́ ngōn̄ Samua kə́ ngōn̄ Galal kə́ ngōn̄ Yedutun ō.

NDŪ NAJƏ̄ 33:17

Ādə̄ de gə̄ rɔȳn̄ Jəjep. Ni-ngan̄g tītə̄ man̄g kə́ bəra beé. Gajən kə́ ngan̄g ngan̄g gə̄ i jōó tītə̄ gajə dɔgə. Ni-tɔ́səń gír de gə̄ ō, bugə́juńdə́ bátə́ aw̄ sedə́ əndādə́ ta ngóy dɔ nang tə́ ō. Gajən kə́ kógə̄ḿ i dūbə̄ de kə́ ngá̰ý gə̄ yā Epəraim, ba gajən kə́rēý i ɓūtə̄ de kə́ ngá̰ý gə̄ yā Manase.

Makətūbə̄ yā Job 16:15

M-ūr̄ kūbə̄ kəhɔ ndoō m-ə́la rɔ̄ḿ tə́ m-ūtəń tə́re doo gə̄ ō, m-ə́la nɔtə noḿ kum bumbə́rú tə́ ō.

PĀ GƏ̄ 148:14

Ni-tél əla go̰ kem deē yān gə̄ tə́. I yá̰á̰ kə́ majə kadə̄ deē yān gə̄ malang ń i ngán Israel gə̄ ní ɓōkə́nən̄ tɔ̄ȳ najə̄n tə́, i nin̄ n i gír de kə́ ngɔr rɔ̄n tə́ gə̄ ní! Aleluya!

1 SAMUEL 1:6

Banī Penina a əda Ana i najə̄ kə́ tōr tōr̄ gə̄ dejə a əlań rɔ̄sɔl̄ dɔn tə́ tām̄ ngōn̄ ń Kɔ́ɔ̄ɓē adə̄n aĺ ní tə́.

1 SAMUEL 1:7

Adə̄ kə dɔ ɓāl̄ gə̄ ń noō ré Ana aw̄ kem kújə yā Kɔ́ɔ̄ɓē tə́ anī, yá̰á̰ ń Elkana a rāā seneé ní n noó ō, yá̰á̰ ń Penina a rāā seneé ní n noó ō. Ɓāl̄ kə́rēý tə́ dan ń Ana mbātə́ kəsa yá̰a̰ ba ndi a nōō ní anī,

2 YÁ̰A̰ GƏ̄ 20:27

Gō tə́ anī de kə́ dəngam gə̄ malang kə́ Juda ō, kə́ Jerusalem ō ń Josapat un dɔdə́ reē sedə́ ní, télən̄ dɔ tə́ ta kaw̄ gogə́ Jerusalem kə rɔ̄nelēé. Tɔdɔ̄ Kɔ́ɔ̄ɓē rāā adə̄ rɔ̄də́ nin̄ nel̄də́ ngá̰ý, banī rāā adə̄ rɔ̄ madə̄ ba̰ā̰də́ gə̄ nel̄də́ alé.

PĀ GƏ̄ 21:2

Kɔ́ɔ̄ɓē, mban̄g rāā rɔ̄nel̄ tɔ́gí kə́ ngá̰ý. Dan ń ī-tetə rɔ̄ɔ̄ ādə̄n ní rɔ̄n nelə̄n ngá̰ý!

PĀ GƏ̄ 89:18

Rɔ̄kum, ḭ̄ i tɔ́gə́də́ kə́ to ɓōĺ ngá̰ý. Ḭ̄ ī-rāā ādə̄ kumjí a̰a̰ rá ráńg i kə ta kūl̄ kem majə yāí.