1 SAMUEL 19:5 - Bibəl ta Sar̄

⁵ Ni-un rɔ̄n adə̄ i yo n tɔ̄ləń Pilistin deē ní. Kɔ́ɔ̄ɓē tetə i rɔ̄ɔ̄ kə́ bo ngá̰ý n adə̄ ngán Israel gə̄ ndɔ̄ ń noō tə́ ní. Īkɔ́ á̰a̰ā̰ ō, rɔ̄í nelī ō. Ba i tām̄ rí tə́ á ī-sāā ɓōkə́ mósə de kə́ kanjə̄ najə̄ dɔn tə́ nang tə́ yā rāań yá̰á̰ kə́ majaĺ ní? I tām̄ rí tə́ á ī-sāā tɔ̄l̄ Dabid kanjə̄ kumən ní?

Bible sar

⁵ Ni-un rɔ̄n adə̄ i yo n tɔ̄ləń Pilistin deē ní. Kɔ́ɔ̄ɓē tetə i rɔ̄ɔ̄ kə́ bo ngá̰ý n adə̄ ngán *Israel gə̄ ndɔ̄ ń noō tə́ ní. Īkɔ́ á̰a̰ā̰ ō, rɔ̄í nelī ō. Ba i tām̄ rí tə́ á ī-sāā ɓōkə́ mósə de kə́ kanjə̄ najə̄ dɔn tə́ nang tə́ yā rāań yá̰á̰ kə́ majaĺ ní? I tām̄ rí tə́ á ī-sāā tɔ̄l̄ Dabid kanjə̄ kumən ní?

1 SAMUEL 19:5 Referans Kwoze

1 YÁ̰A̰ GƏ̄ 11:14

Eleajar nin̄ kə deē yān gēé ran̄ kem ndɔr̄ ní tə́ danaá bang. Nin̄-əndan̄ Pilistin gə̄ ba tə̄ɓān̄də́ kɔ̄ɔ́ kemeé. I beé n Kɔ́ɔ̄ɓē tetəń rɔ̄ɔ̄ kə́ bo ní.

1 SAMUEL 11:13

Banī Saul əda na: Ndɔ̄ kə́ tītə̄ ń toō ní a tɔ̄lə̄n̄ deē kógə̄ḿ kemeé alé. Tɔdɔ̄ ɓōólaā i ndɔ̄ ń Kɔ́ɔ̄ɓē tetəń rɔ̄ɔ̄ nang kə́ Israel tə́ ní.

MATIYE 27:4

ba ədadə́ na: m̄-rāā majaĺ, tɔdɔ̄ m-ə́la de kə́ kanjə̄ najə̄ dɔn tə́ jī de gə̄ tə́ kadə̄ tɔ̄l̄nən̄. Banī nin̄-tél ədanən̄ na: Nge ń noō usəjí i rí? I najə̄ yāí īkɔ́!

1 SAMUEL 20:32

Jonatan tél əda bɔbə̄n Saul na: Kadə̄ tɔ̄l̄nən̄ kɔ̄ɔ́ i tām̄ rí tə́? Rāā i rí?

NGÉ SARYA 9:17

Bɔbə́ḿ rɔ̄ɔ̄ tām̄ yāsí tə́, ni-əndā rɔ̄n ta yo tə́ gāngəń dɔsí jī Madian gə̄ tə́.

KƏLA RĀĀ 20:24

Banī mā m-á̰a̰ kadə̄ ndiḿ kə kumḿ i yá̰á̰ kógə̄ḿ ta kumḿ tə́ alé. Yá̰á̰ ń m̄-sāā ní i kadə̄ m-ā̰ȳ ngɔ̄də̄ yāḿ m̄-tɔ̄l̄ ta kə gōó majə ō, kəla ń Kɔ́ɔ̄ɓē Jeju adə̄m̄ ní m̄-rāā m̄-tɔ̄l̄ ta kə gōó majə ō: I kadə̄ m-ə́da najə̄ kə́ kum tə́ yā Najə̄ kə́ Majə kə́ dɔ rajə ń Nə́ɓā rajə de gə̄ tə́ ní.

PĀ GƏ̄ 119:109

Mā i ta yo tə́ ngándáńg banī dɔḿ ndígə̄nal ndū najə̄ yāí alé.

1 SAMUEL 28:21

Dəyá̰ ní reē rɔ̄ɔ̄ Saul tə́ anī a̰a̰ kadə̄ kem Saul nujə sák sák kɔ̄ɔ́. Ni-əda Saul na: Kɔ́ɔ̄ ɓē gə̄, á̰a̰ā̰ m-ōō taí, m-ə̄nī rɔ̄ḿ kɔ̄ɔ́ m̄-rāań yá̰á̰ ń ə́dá ní.

PILIPƏ 2:30

Tɔdɔ̄ na̰y i sḛ́ý beē kadə̄ ni-oy tām̄ kəla yā Kərist tə́. Ni-ənī rɔ̄n kɔ̄ɔ́ yā rāań kəla ń sḭḭ̄ ásiī rāā tām̄ yāḿ tə́ aĺ ní.

JA̰A̰ 15:25

Banī i tām̄ kadə̄ najə̄ ń ndangən̄ kem ndū najə̄ yādə́ tə́ na: Nin̄-imə̄mə̄n̄ i kanjə̄ kumən ní, reē udəń gírí.

MATIYE 27:24

Dan ń Pilatə a̰ā̰ kadə̄ najə̄ yān teē yá̰a̰ alé, ba de gə̄ a ənīn̄ i wúȳ jīn tə́ anī, un man̄ tə́goń jīn ta kum kósə de gə̄ tə́, ba əda na: Mósə deē ń toō a əsō dɔḿ mā tə́ alé, i najə̄ yāsí sḭḭ̄ kɔ́ gə̄!

JEREMI 26:15

Banī ōōī majə. Ré ī-tɔ̄l̄mī anī, najə̄ yā de kə́ najə̄ gətóo dɔn tə́ a əsō dɔsí sḭḭ̄ kɔ́ gə̄ tə́ ō, dɔ ɓē ń toō tə́ ō, dɔ de gə̄ ń ndin̄ kemeé tə́ ní ō, tɔdɔ̄ kə́ rɔ̄kum tə́ ní, i Kɔ́ɔ̄ɓē n əlam̄ kəda najə̄ gə̄ malang ń toō tə́ kadə̄ ōōī ní.

PĀ GƏ̄ 69:4

m̄-túr̄ kɔĺ sétə́ kɔr asəm̄ nák kɔ̄ɔ́. Kem míndə́ḿ təngām̄ tólóló. Kumḿ ɔr kɔ̄ɔ́ loo ngóō Nə́ɓā tə́.

1 SAMUEL 14:45

Banī de gə̄ ədan̄ Saul na: Jonatan ń tetə rɔ̄ɔ̄ kə́ bo ngá̰ý ń toō adə̄ ngán Israel gə̄ ní kə oy a? Nge ń noō i yá̰á̰ kə́ majaĺ bátə́. Tītə̄ ń Kɔ́ɔ̄ɓē ndiń kə kumneé noō, nənga dɔn kógə̄ḿ gə̄gē a əsō nang tə́ alé. Tām̄ yá̰á̰ ń ni-rāā kem ndɔ̄ kə́ ɓōólaā tə́ ní nin̄ rāān̄ i naā tə́ kə Nə́ɓāá. I beé n ngán Israel gə̄ taān̄neé Jonatan ta yo tə́ ní.

NGÉ SARYA 12:3

Dan ń m-á̰a̰ kadə̄ ā ī-reēī yā kajəm̄ aĺ ní, m-ə̄nī rɔ̄ḿ kɔ̄ɔ́ m-ādə̄ yo, adə̄ m-āw̄ dɔ nang yā ngán Amon gə̄ tə́ m-ə̄nīdə́ rɔ̄ɔ̄, anī Kɔ́ɔ̄ɓē əladə́ kem jīḿ tə́, ba ī-reēī dɔḿ tə́ ɓōólaā kə rɔ̄ɔ́ i tām̄ yā rí tə́?

HEBƏRO 2:3

jḭḭ̄ ní, ré usəjí dɔ kajə kə́ bo ngá̰ý ń toō tə́ aĺ anī, j-a j-asiī teē karī ta ndéý tə́ i ba̰ý? Kajə ngeé ń toō, Kɔ́ɔ̄ɓē əla gír kɔr̄ najə̄ kə́ dɔ tə́ ō, ngé gə̄ ń oōn̄ ní ədan̄ kadə̄ i najə̄ kə́ rɔ̄kum ō.

Teē Ngán Israel gə̄ 14:13

Moijə tél ədadə́ na kə lōōn̄ ɓōĺ, ba kə əhɔn̄ kemdə́ ngan̄g na a a̰a̰n̄ loo kajə ń Kɔ́ɔ̄ɓē na a ajədə́ ní ɓōólaā. De kə́ Ejiptə gə̄ ń na a̰a̰n̄də́ ɓōólaā toó na a a̰a̰n̄də́ gogə́ to̰ alé i kə́ bátə́ gə̄ tə́.

PĀ GƏ̄ 25:3

De gə̄ ń əndān̄ kemdə́ dɔí tə́ ní, deē kógə̄ḿ kə́ tél ndə̄ngā rɔ̄n gətóo. Banī ngé gə̄ ń télən̄ kɔ̄ɔ́ gōí tə́ ní rɔ̄də́ sɔl̄də́, tām̄ jīdə́ i karī!

1 SAMUEL 19:6

Saul ndigə najə̄ ń Jonatan ədan ní, adə̄ túbə əda na: Tītə̄ ń Kɔ́ɔ̄ɓē ndiń kə kumneé noō, deē a tɔ̄l̄ Dabid alé.

1 SAMUEL 22:14

Ahimelek tél əda mban̄g na: Kɔ́ɔ̄ ɓē gə̄ dan ngé kəla yāí gə̄ tə́ malang ní, de kə́ sew tītə̄ Dabid i noó a? Ni i umií ō, pajā yāí kə́ nge ngɔ̄mī ō i ni n de gə̄ rɔȳnən̄ ɓēé looí ní ō.

2 SAMUEL 23:10

banī ni-ra gotoó beé, tɔ̄l̄ Pilistin gə̄ bátə́ adə̄ jīn oy yélélé ō, ngōngə̄rō tū kūl̄ kaskar yān tə́ ō. Ndɔ̄ ń noō tə́ Kɔ́ɔ̄ɓē tetə rɔ̄ɔ̄ kə́ bo adə̄ ngán Israel gə̄. Ngé rɔ̄ɔ̄ yā Israel gə̄ tél reēn̄ gogə́ rɔ̄ Eleajar tə́ i kə rī kɔy yá̰a̰ kənge gə̄ kə́ ta rɔ̄ tə́ ngóy.

PĀ GƏ̄ 94:21

Nin̄ ɓoon̄ naā dɔ de kə́ súmūú tə́ yā tɔ̄lən. Nin̄ əndān̄ najə̄ dɔ de kə́ sew tə́.

1 YÁ̰A̰ GƏ̄ 11:18

Anī ngé rɔ̄ɔ̄ kə́ mətá gə̄ ní aw̄ udən̄ kem gérger yā Pilistin gə̄ tə́, ba ɔdən̄ man̄ kə́ kem bəlo man̄ kə́ ta róbə́ kə́ yā kudəń kə̄ kem ɓē kə́ Betlehem tə́ ní reēnneé adə̄n̄ Dabid. Banī Dabid mbātə́ ka̰ȳ man̄ ní. Ni ɓōkə́ man̄ ní nang tə́ ndējə̄ Kɔ́ɔ̄ɓē,

PĀ GƏ̄ 109:5

Nin̄ rāāmə̄n̄ yá̰á̰ kə́ majaĺ kum gotə majə ń m̄-rāā sedə́ ní. Nin̄ imə̄mə̄n̄ tām̄ rāā ń m̄-rāā tɔdɔ̄də́ ní.