1 SAMUEL 19:23 - Bibəl ta Sar̄

²³ Anī ni-aw̄ Nayot kə́ Rama tə́. Dan ń ni i dɔ róbó ɓáý ní, Ndíl yā Nə́ɓā rāān adə̄ ni-a̰a̰ oy oy bátə́ ugə̄ń Nayot kə́ Rama tə́.

Bible sar

²³ Anī ni-aw̄ Nayot kə́ Rama tə́. Dan ń ni i dɔ róbó ɓáý ní, Ndíl yā Nə́ɓā rāān adə̄ ni-a̰a̰ oy oy bátə́ ugə̄ń Nayot kə́ Rama tə́.

1 SAMUEL 19:23 Referans Kwoze

Gōsə̄ najə̄ gə̄ 16:9

Deē ndul i nge núm̄ yá̰á̰ kə́ yā rāā, banī i Kɔ́ɔ̄ɓē n i nge rāā kadə̄ udə gírí ní.

1 SAMUEL 10:10

Dan ń Saul nin̄ kə nge kəla yānneé ugə̄n̄ Gibea anī, əngen̄ ɓūtə̄ ngé koō ta gə̄ kə́ a reēn̄ kum kə̄ rɔ̄də́ tə́. Loo ń noō tə́ Ndíl yā Nə́ɓā reē dɔ Saul tə́ kə tɔ́gɔ́ adə̄ udə dandə́ tə́ ba rāā yá̰a̰ tītə̄ kə́ yá̰a̰ rāān beé.

1 SAMUEL 19:20

Anī Saul əla de gə̄ kəhɔ Dabid tə́ ɓáý to̰. Dan ń de gə̄ ń Saul əladə́ ní a̰a̰n̄ ɓūtə̄ ngé koō ta yā Nə́ɓā gə̄ kə́ Ndíl yā Nə́ɓā ɔsə sedə́ adə̄ a̰a̰n̄ oy oy tītə̄ de gə̄ kə́ yá̰a̰ rāādə́ beé ō, a̰a̰n̄ kadə̄ Samuel i ngāgəra dɔ ngé koō ta yā Nə́ɓā gə̄ ní ō anī, Ndíl yā Nə́ɓā udə kemdə́ tə́ adə̄ nin̄ a̰a̰n̄ oy oy tītə̄ de kə́ yá̰a̰ rāādə́ beé ō.

TƏ́DA 24:2

Dan ń ni un kumən kə̄ dɔɔ́ á a̰a̰ ngán Israel gə̄ kə́ ndin̄ kem gérger yādə́ gə̄ tə́ kə gō gír ɓē yādə́ gēé ní anī, Ndíl yā Nə́ɓā reē dɔn tə́,

1 KORḚNTƏ 13:2

Ká ré m-ə́dań i najə̄ kə́ Nə́ɓā əndā taḿ tə́ aláa m̄-gerə̄ń i yá̰á̰ kə́ to loo mundə̄ tə́ gə̄ malang, aláa m̄-gerə̄ń yá̰a̰ malang, aláa taā kem yāḿ i kə́ mámák, adə̄ i nge ń a ndɔ́tə̄ kə mbal̄ bo gēé loo ndadə́ tə́ ní gə̄gē, ba m̄-tár aĺ anī, mā i yá̰á̰ kógə̄ḿ alé.

JA̰A̰ 11:51

Ni i ngol ngé tun̄ yá̰a̰ gə̄ kə́ ɓāl̄ ngeé ń noō tə́, adə̄ əda i najə̄ kə́ Nə́ɓā əndā tan tə́ tām̄ yā Jeju ń i gáŕ kadə̄ oy tām̄ yā Jipə gə̄ tə́ malang ní.

MATIYE 7:22

Ndɔ̄ sarya tə́ anī de gə̄ ngá̰ý a ədamə̄n̄ na: Kɔ́ɔ̄ɓē, Kɔ́ɔ̄ɓē! J-oō najə̄ ta Nə́ɓā tə́ ba j-əda de gə̄ i kə rīí aĺ a? Jə-tə̄ɓā ndíĺ kə́ majaĺ gə̄ i kə rīí aĺ a? Jə-rāā yá̰á̰ kə́ yáā gə̄ ngá̰ý i kə rīí aĺ a?

Gōsə̄ najə̄ gə̄ 21:1

Ngarā̰ kem mban̄g to i tītə̄ kə̄lá man̄ kə́ i jī Kɔ́ɔ̄ɓē n a ɔjən loo ń a nūgə́ kə̄ tū tə́ ní.

TƏ́DA 23:5

Anī Kɔ́ɔ̄ɓē əndā najə̄ ta Balam tə́ ədan na: Ī-tél āw̄ gogə́ rɔ̄ Balak tə́ ba ɔ̄r̄ najə̄ seneé tītə̄ ń noō.

1 SAMUEL 10:6

Loo ń noō tə́ Ndíl yā Kɔ́ɔ̄ɓē a reē dɔí tə́ kə tɔ́gɔ́ adə̄ ā ī-rāā yá̰á̰ kə́ de kə́ yá̰a̰ rāān tə́ tītə̄ yādə́ ō, ā ī-tél de kə́ rang ō.

1 SAMUEL 10:12

De kógə̄ḿ kə́ dandə́ tə́ tél ədadə́ na: Ba gotə gə̄ ní i náā n i bɔbə̄də́ ní? Adə̄ najə̄ ní téĺ kāgə̄ najə̄ ń de gə̄ a ədan̄ na ké Saul i dan ngé koō ta gə̄ tə́ ō wa ní.

1 SAMUEL 18:10

Teē kə kōŕneé anī ndíĺ kə́ majaĺ kógə̄ḿ ḭḭ rɔ̄ Nə́ɓā tə́ reē udə kem Saul tə́ ba rāān adə̄ a̰a̰ oy oy kem kújə yān tə́. Dabid ugə kənde adə̄ Saul tītə̄ ń a ugəń kété gə̄ ní, ba Saul ndi i kə nəngaá jīn tə́.

1 SAMUEL 19:18

I beé n Dabid teē aȳń ní. Ni-aw̄ rɔ̄ Samuel tə́ Rama aw̄ ɔjən gotə yá̰a̰ malang ń Saul rāā seneé ní. Ni ō, Samuel ō, aw̄ ndin̄ Nayot.

1 SAMUEL 19:22

Tā anī Saul nəkɔ́ ḭḭ kə rɔ̄neé aw̄ ta kaw̄ Rama. Dan ń ugə̄ ta bəlo taā man̄ ndi kə́ bo kə́ Seku tə́ anī, dəje na ké Samuel nin̄ kə Dabidí i rá wa. Anī ədanən̄ na nin̄ na i Nayot kə́ Rama tə́.