1 SAMUEL 18:5 - Bibəl ta Sar̄

⁵ Loo malang ń Saul əla Dabid tū tə́ ní, kəla kə́ tū tə́ njə̄rā majə. Saul əndān dɔ ngé rɔ̄ɔ̄ gə̄ tə́. Nel̄ de gə̄ malang seneé ō, nel̄ ngé kəla gə̄ yā Saul seneé ō.

Bible sar

⁵ Loo malang ń Saul əla Dabid tū tə́ ní, kəla kə́ tū tə́ njə̄rā majə. Saul əndān dɔ ngé rɔ̄ɔ̄ gə̄ tə́. Nel̄ de gə̄ malang seneé ō, nel̄ ngé kəla gə̄ yā Saul seneé ō.

1 SAMUEL 18:5 Referans Kwoze

1 SAMUEL 18:30

Dan ngeé ń noō tə́ ní ngār gə̄ yā Pilistin gə̄ teē a rɔ̄ɔ̄n̄ ngán Israel gə̄. Ba kə dɔ kaw̄də́ rɔ̄ɔ̄ tə́ gə̄ malang ní Dabid rɔ̄ɔ̄ tɔȳ gotə ngol áskar gə̄ yā Saul malang adə̄ rīn ɓār̄ ngá̰ý.

KOLOSƏ 4:5

Kadə̄ hál njə̄rāsí kə́ dan de kə́ ndágá gə̄ tə́ i kə kum kedēé. Dan ń ə́ngeī loo rāā yá̰á̰ kógə̄ḿ anī, ī-rāāī.

EPEJƏ 5:17

I beé ní, ī-lōōī rāā yá̰a̰ tītə̄ yā de kə́ kur̄ dɔdə́ gətóo gə̄, banī majə kadə̄ ī-gerī kum yá̰á̰ ń Kɔ́ɔ̄ɓē gḛy ní.

KƏLA RĀĀ 7:10

Wur kɔl gə̄ malang ń əsō dɔ Jəjep tə́ ní ɔrə̄n kum tə́ kɔ̄ɔ́ ō, ni-rāā adə̄ nel̄ mban̄g Parao̰ kə́ Ejiptə seneé ō, rāā adə̄ mban̄g a̰a̰ kadə̄ Jəjep i de kə́ nge kum kedə̄ ō. Mban̄g əndā Jəjep dɔ nang kə́ Ejiptə tə́ ō, dɔ yá̰a̰ malang kə́ ndogó mbangāá tə́ ō.

MATIYE 10:16

Á̰a̰ī, m-ə́lásí i mbée tītə̄ batə̄ gə̄ kə̄ dan soó gə̄ tə́. I tām̄ ń toō tə́ ní ādī kumsí edə̄ tītə̄ yā lī gə̄ ō, ādī kemsí ndaa táĺ tītə̄ yā dér gə̄ ō.

PĀ GƏ̄ 1:3

Ni to i tītə̄ kāgə̄ kə́ əhɔn̄ kadə man̄ tə́ beē, adə̄ a a̰a̰n̄ i kə dɔ nāaneé ō, mbīn ndəlē aĺ ō. Yá̰a̰ malang ń ni-rāā ní teē majə.

1 SAMUEL 13:2

Ni-gə̄rā de gə̄ dūbú mətá dan Israel gə̄ tə́ kadə̄ nin̄ i ngé rɔ̄ɔ̄ yān gə̄. Kə́ dūbú jōó gə̄ ndin̄ seneé Mikəmas ō, gō nang kə́ mbalá kə́ Betel tə́ ō. Ba kə́ dūbú kógə̄ḿ gə̄ ndin̄ i kə ngōnən Jonatan kem ɓē kə́ Gibea yā Benjamḛ tə́. Saul əya̰ gotə ngán Israel gə̄ adə̄ tél aw̄n̄ ɓēé.

TA KƏLA 39:23

Ngol ngé ngɔ̄m̄ dəngáy gə̄ ní əya̰ kəla yān jī Jəjep tə́ malang, əndā kumən gírí to̰ alé, tɔdɔ̄ Kɔ́ɔ̄ɓē i naā tə́ kə Jəjepé, adə̄ kəla rāān i kə́ majə malang.

1 SAMUEL 14:52

Dan ń Saul ndiń kə kumneé ní, ni rɔ̄ɔ̄ Pilistin gə̄ kə ngangá ngá̰ý. I tām̄ najə̄ ń noō tə́ n ni a ɔyń de kə́ ngé kəhɔ rɔ̄də́ tɔgə gə̄ ō, de kə́ ngan̄g gə̄ ō áskaraá ní.

1 SAMUEL 18:4

Ni-ɔr̄ kūbə̄ kə́ rɔ̄n tə́ ń əla dɔ madə̄ gə̄ tə́ ní ō, ró̰ȳ kūbə̄ áskar yān kə́ rɔ̄n tə́ gə̄ ō, adə̄ Dabid. Adə̄n kaskar yān ō, ga̰ gərā yān ō, ndāŕ do̰ō̰ ɓōdə̄ yān ō.

1 SAMUEL 18:6

Dan ń Dabid tɔ̄l̄ Pilistin ní gír gān̄g á ngé rɔ̄ɔ̄ gə̄ télən̄ kə̄ ɓēé ní, dəyá̰ gə̄ teēn̄ kem ɓē gə̄ kə́ gō nang kə́ Israel tə́ malang kə̄ ndágá ba tə́nīn̄ ta mban̄g Saul kə pāá ō, kə ndāmāá ō. De gə̄ əndan̄ kɔdə ō, yá̰á̰ kə́ ɓār̄ gōsə̄ kə́ rang gə̄ ō, urən̄ kɔĺ rɔ̄nel̄ ō.

1 SAMUEL 18:16

Banī de gə̄ malang kə́ gō nang kə́ Israel tə́ ō, kə́ gō nang kə́ Juda tə́ ō, tárən̄ Dabid, tɔdɔ̄ i ni n un dɔdə́ aw̄ń sedə́ ta rɔ̄ɔ̄ tə́ ō, téləń sedə́ ō ní.

2 SAMUEL 5:2

Dan ń Saul o̰o̰ ɓē dɔjí tə́ kété ní, i īkɔ́ n i nge teē kə ngán Israel gēé kaw̄ sedə́ ta rɔ̄ɔ̄ tə́ ō, nge tél sedə́ ō ní. Tá Kɔ́ɔ̄ɓē ədaī na i ḭ̄ n ā ūl̄ Israel gə̄ ń i deē yān gə̄ ní ō, i ḭ̄ n ā ī-ndi ngār dɔdə́ tə́ ō ní.

PĀ GƏ̄ 101:2

m̄-ndigə tɔgə kem háĺ kə́ gōtə́ tə́ kum kə̄ kété kété. I rə́ngáý tə́ n ā ī-reē rɔ̄ḿ tə́ ní? M-ā m̄-rāā háĺ kə́ gōtə́ dan deē yāḿ gə̄ tə́.

NGÉ SARYA 1:19

Kɔ́ɔ̄ɓē nəkɔ́ i naā tə́ sedə́ adə̄ nin̄ taān̄ gō nang kə́ mbalá. Banī asən̄ tə̄ɓā de gə̄ ń ndin̄ ndágə looó ní alé najə̄ púsə rɔ̄ɔ̄ yādə́ gə̄ kə́ rāā kə gindīí tə́.

1 SAMUEL 3:19

Samuel tɔgə. Kɔ́ɔ̄ɓē i naā tə́ seneé ō, əya̰ najə̄ yān kógə̄ḿ adə̄ əsō nang tə́ aĺ ō.

2 SAMUEL 5:10

Dabid tél de kə́ bo kum kə̄ kété kété tɔdɔ̄ Kɔ́ɔ̄ɓē Nə́ɓā kə́ bo kə́ tɔ́gən i ngá̰ý i naā tə́ seneé.

2 YÁ̰A̰ GƏ̄ 17:3

Kɔ́ɔ̄ɓē i naā tə́ kə Josapat, tɔdɔ̄ ni un hál kaan Dabid ta kəla gír ko̰o̰ ɓē yān tə́. Ni sāā nja ɓesə̄ Baal gə̄ alé.