1 SAMUEL 18:30 - Bibəl ta Sar̄

³⁰ Dan ngeé ń noō tə́ ní ngār gə̄ yā Pilistin gə̄ teē a rɔ̄ɔ̄n̄ ngán Israel gə̄. Ba kə dɔ kaw̄də́ rɔ̄ɔ̄ tə́ gə̄ malang ní Dabid rɔ̄ɔ̄ tɔȳ gotə ngol áskar gə̄ yā Saul malang adə̄ rīn ɓār̄ ngá̰ý.

Bible sar

³⁰ Dan ngeé ń noō tə́ ní ngār gə̄ yā Pilistin gə̄ teē a rɔ̄ɔ̄n̄ ngán *Israel gə̄. Ba kə dɔ kaw̄də́ rɔ̄ɔ̄ tə́ gə̄ malang ní Dabid rɔ̄ɔ̄ tɔȳ gotə ngol áskar gə̄ yā Saul malang adə̄ rīn ɓār̄ ngá̰ý.

1 SAMUEL 18:30 Referans Kwoze

2 SAMUEL 11:1

Dan ń ɓāl̄ kə́ kijə reē ugə̄ anī, kem nāā ń mban̄g gə̄ a aw̄n̄neé rɔ̄ɔ̄ tə́ ní, Dabid əla Joab nin̄ kə go̰ rɔ̄ɔ̄ gə̄ ō, Israel gə̄ ō, malang ta rɔ̄ɔ̄ tə́. Adə̄ nin̄ tɔ̄lə̄n̄ ngán Amon gə̄ ngá̰ý ō, gīrə̄n̄ gidə ɓē kə́ Raba ō. Ba Dabid tá ndi ɓēé Jerusalem.

1 SAMUEL 18:5

Loo malang ń Saul əla Dabid tū tə́ ní, kəla kə́ tū tə́ njə̄rā majə. Saul əndān dɔ ngé rɔ̄ɔ̄ gə̄ tə́. Nel̄ de gə̄ malang seneé ō, nel̄ ngé kəla gə̄ yā Saul seneé ō.

1 PIYER 2:7

Tām̄ yāsí sḭḭ̄ ngé taā kem gə̄ tə́ ɓáa mbal̄ ngeé ń toō ní, i mbal̄ kə́ gātə̄n i ngá̰ý. Banī tām̄ yā ngé gə̄ ń taān̄ kem aĺ tə́ ní, ndangən̄ kem makətūbə̄ yā Nə́ɓā tə́ na: Mbal̄ ń ngé kəndā kújə gə̄ mbātə́n̄ kɔ̄ɔ́ ní, tél mbal̄ kíĺ kújə.

1 PIYER 2:4

Ī-ndɔ́tī kə̄ rɔ̄ Kɔ́ɔ̄ɓē tə́. Ni i mbal̄ kə́ ndi kə kumneé kə́ de gə̄ mbātə́n̄ kɔ̄ɔ́. Banī Nə́ɓā gə̄rān, tɔdɔ̄ Nə́ɓā a̰ā̰ kadə̄ ni i mbal̄ kə́ gātə̄n i ngá̰ý.

EPEJƏ 5:15

I beé ní, ə̄ndāī ma̰ȳ háĺsí majə. Ī-lōōī rāā yá̰a̰ tītə̄ de kə́ ger̄ yá̰a̰ aĺ gə̄, banī ī-rāāī yá̰a̰ tītə̄ de kə́ ngáā gə̄.

Najə̄ kə́ Majə yā Jeju ń Luk ndang ní 21:15

Tɔdɔ̄ mə̄kɔ́ m-ā m-ɔ́jə́sí loo kɔr̄ najə̄ kadə̄ ā ɔ̄rī ō, m-ā m-ādə̄sí kum kedə̄ ō, adə̄ deē kógə̄ḿ dan madə̄ ba̰ā̰sí gə̄ tə́ kə́ yā kadə̄ a dum̄sí kə najá gətóo ō, kə́ yā kɔsə najə̄ tasí tə́ kə̄ gogə́ a gətóo ō.

DANIEL 1:20

Yá̰a̰ malang kə́ a dəje i kum kedə̄ ō, kəndā ma̰ȳ yá̰a̰ ō ń mban̄g dəjedə́ najə̄ kə́ dɔ tə́ ní, mban̄g a̰ā̰ kadə̄ nin̄ tɔȳn̄ mbōlí gə̄ malang ō, ngé tə̄ɓā ndíĺ kə́ majaĺ gə̄ ō, kə́ kem ɓē ko̰o̰ yān tə́.

PĀ GƏ̄ 119:99

m̄-ger̄ yá̰a̰ m̄-tɔȳ ngé ndóōḿ yá̰a̰ gə̄ malang, tɔdɔ̄ m̄-gír̄ yá̰a̰ dɔ yá̰a̰ gə̄ ń ə́dá tə́ ní.

PĀ GƏ̄ 116:15

Ka̰a̰ deē yān gə̄ loo koy tə́ i yá̰á̰ kə́ tōr̄ rɔ̄ Kɔ́ɔ̄ɓē.

2 MBAN̄G 1:13

Mban̄g əla ngol áskar gə̄ kə́ nge ko̰ mətá kə áskar yān kə́ kutə mí gēé ɓáý to̰. Ngol áskar gə̄ kə́ nge ko̰ mətá ní al̄ aw̄ gō Eli tə́ kə deē yān gēé. Ba dan ń ugə̄n̄ anī, ɔsə kejən nang tə́ no Eli tə́ ba rāān ɓɔ́ əda na: Deē yā Nə́ɓā, m̄-rāāī ɓɔ́! Ādə̄ ndiḿ kə kumḿ ō, ndi ngé kəla yāí kə́ kutə mí gə̄ ń toō kə kumdə́ ō, i yá̰á̰ kə́ ngá̰ý ta kumií tə́, ba ī-lōō tɔ̄l̄jí.

1 SAMUEL 26:21

Saul əda na: m̄-rāā majaĺ. Ngōnə̄ḿ Dabid, ī-tél ī-reē. M-ā m̄-rāāī majaĺ to̰ alé, tām̄ ndɔ̄ɔ́ laā ḭ̄ á̰a̰ā̰ kadə̄ ndi kə kumuú yāḿ mā i yá̰á̰ kə́ gātə̄n i ngá̰ý ta kumií tə́. Rɔ̄kum, yá̰á̰ ń m̄-rāā ní i tītə̄ kə́ i nge kɔ̄r̄ n rāā yá̰a̰ beé. m̄-rāā i yá̰á̰ kə́ gōtə́ aĺ ngá̰ý.

1 SAMUEL 2:30

I beé ɓá ní, mā ń i Kɔ́ɔ̄ɓē Nə́ɓā yā ngán Israel gə̄ ní, yá̰á̰ ń m-ā m-ə́daī ní n toó: Kété ní m-ə̄nī ndūḿ m-ādə̄ gír kojə yāí ō gír deē yāí gə̄ ō, m-ə́da na i sḭḭ̄ n i ngé tun̄ yá̰a̰ yāḿ gə̄ bátə́ kə̄ no tə́ ní. Ba ngɔlaā ní i tītə̄ ń noō to̰ alé adə̄ m-ə́dá wáńg. Tɔdɔ̄ de gə̄ ń ɓōlə́n̄ ndílə́ḿ ní mā m̄-ɓōĺ ndíĺdə́ ō, de gə̄ ń a kídə̄mə̄n̄ ní a rāān̄də́ nja bə̄yā̰ kə́ gogə́ tə́ ō.

1 SAMUEL 18:29

ni ɓōĺ Dabid tɔȳ kə́ kété ɓáý ō, tél madə̄ ba̰ā̰ Dabid i kə́ mbóńg gə̄ tə́ ō.

1 SAMUEL 26:24

Tītə̄ ń ndií ḭ̄ kə kumií i yá̰á̰ kə́ gātə̄n i ngá̰ý ta kum mā tə́ ní, ādə̄ ndiḿ mā kə kumḿ i yá̰á̰ kə́ gātə̄n i ngá̰ý ta kum Kɔ́ɔ̄ɓē tə́ ō ba ādə̄ ɔrə̄m̄ kɔ̄ɔ́ kum yá̰á̰ kə́ to yo gə̄ tə́ malang.

1 SAMUEL 19:8

Rɔ̄ɔ̄ tél ḭḭ dɔɔ́ gogə́ ɓáý to̰ adə̄ Dabid aw̄ yā rɔ̄ɔ̄ Pilistin gə̄. Ni-rāā Pilistin gə̄ majaĺ ngá̰ý adə̄ a̰ȳn̄ naā kɔ̄ɔ́ non tə́.

2 SAMUEL 7:9

Loo malang ń āw̄ tū tə́ ní mā i seí naā tə́, adə̄ m̄-rāā adə̄ madə̄ ba̰ā̰í gə̄ gətóon̄ kɔ̄ɔ́ malang noí tə́. M-ā m̄-rāā kadə̄ rīí a ɓār̄ tītə̄ rī mban̄g kə́ bo ngá̰ý gə̄ kə́ dɔ nang tə́.

Gōsə̄ najə̄ gə̄ 12:8

Tɔ̄ȳn̄ deē i najə̄ ngáā yān tə́, banī de kə́ hálən nujə kɔ̄ɔ́ i de kə́ de gə̄ a kídə̄nən̄.