1 SAMUEL 18:18 - Bibəl ta Sar̄

¹⁸ Dabid əda Saul na: Mā i náā, aké gír kaaḿ i náā, aké gír yā bɔbə́ḿ i náā dɔ nang kə́ Israel tə́ á kadə̄ m̄-tél um mban̄g ní?

Bible sar

¹⁸ Dabid əda Saul na: Mā i náā, aké gír kaaḿ i náā, aké gír yā bɔbə́ḿ i náā dɔ nang kə́ Israel tə́ á kadə̄ m̄-tél um mban̄g ní?

1 SAMUEL 18:18 Referans Kwoze

2 SAMUEL 7:18

Anī mban̄g Dabid aw̄ ndi nang tə́ ta kum Kɔ́ɔ̄ɓē tə́ ba əda na: Kɔ́ɔ̄ɓē Nə́ɓā, mā i náā, aké de kə́ gír kojə yāḿ tə́ gə̄ nin̄ i rí kógə̄ḿ á ī-reē seḿ bátə́ loo ń toō tə́ laā ní?

1 SAMUEL 18:23

Ngé kəla yā Saul gə̄ aw̄ ədan̄ Dabid najə̄ ní. Anī Dabid ədadə́ na: Sḭḭ̄ á̰a̰ī kadə̄ tél um mban̄g ní i yá̰á̰ kə́ hɔliyɔ a? Tá mā i nge ndoō ō, de kə́ bo aĺ ō.

1 SAMUEL 9:21

Saul tél əda na: Mā i de kə́ Benjamḛ. I gír ɓē kə́ dūú ngá̰ý kə́ dan gír ɓē gə̄ yā Israel gə̄ tə́ aĺ a? Tá i gír kojə yāḿ n i gír kojə kə́ dūú ngá̰ý tɔȳ gotə gír kojə gə̄ kə́ gír ɓē yā Benjamḛ tə́ ní aĺ a? Ɔ̄r̄ najə̄ kə́ beē seḿ i tām̄ rí tə́?

RUTƏ 2:10

Rutə ɔsə non nang tə́ no Boj tə́ ba əda na: Ī-rāā kem majə seḿ ngá̰ý i tām̄ rí tə́? Mā ń i tə̄rā ní ə̄ndā kumií dɔḿ tə́ majə i tām̄ rí tə́?

Teē Ngán Israel gə̄ 3:11

Moijə əda Nə́ɓā na ké ni i náā áké kə n-aw̄ rɔ̄ Parao̰ tə́ yā teē kə ngán Israel gēé Ejiptə tə́ kɔ̄ɔ́ wa.

JEREMI 1:6

M-ə́da na: Á! Kɔ́ɔ̄ɓē Nə́ɓā, m̄-ger̄ kɔr̄ najə̄ alé, mā i ngōn̄ ngá̰ý ɓáý.

Gōsə̄ najə̄ gə̄ 18:12

Dan ń deē nujə sák sák aĺ ɓáý ní ni ɔjə rɔ̄n ngá̰ý, sɔl̄ dɔ i kété pá tá kɔsə gɔn utə̄ gō.

Gōsə̄ najə̄ gə̄ 15:33

Ɓōĺ ndíĺ Kɔ́ɔ̄ɓē ndóōjí kum kedə̄. Sɔl̄ dɔ i kété pá tá rī ɓār̄ utə̄ gō.

1 MBAN̄G GƏ̄ 4:15

Ahimas i nge ko̰o̰ ɓē kə́ gō nang kə́ Nepətali tə́. Ni-taā Basmat kə́ ngōn̄ Salomo̰.