1 SAMUEL 18:10 - Bibəl ta Sar̄

¹⁰ Teē kə kōŕneé anī ndíĺ kə́ majaĺ kógə̄ḿ ḭḭ rɔ̄ Nə́ɓā tə́ reē udə kem Saul tə́ ba rāān adə̄ a̰a̰ oy oy kem kújə yān tə́. Dabid ugə kənde adə̄ Saul tītə̄ ń a ugəń kété gə̄ ní, ba Saul ndi i kə nəngaá jīn tə́.

Bible sar

¹⁰ Teē kə kōŕneé anī ndíĺ kə́ majaĺ kógə̄ḿ ḭḭ rɔ̄ Nə́ɓā tə́ reē udə kem Saul tə́ ba rāān adə̄ a̰a̰ oy oy kem kújə yān tə́. Dabid ugə kənde adə̄ Saul tītə̄ ń a ugəń kété gə̄ ní, ba Saul ndi i kə nəngaá jīn tə́.

1 SAMUEL 18:10 Referans Kwoze

2 TESALONIK 2:11

I tām̄ ń toō tə́ n Nə́ɓā adə̄də́ tɔ́gə́ kə́ kadə̄ rāādə́ kadə̄ ndúmə̄n̄ ní, yā kadə̄ nin̄-taānəń kem najə̄ kə́ sor̄ ō,

1 MBAN̄G GƏ̄ 18:29

Ba dan ń mbang əja rɔ̄n sḛ́ý ní a, ndewn̄ ngangan loo ɓāŕ Baal tə́. Nin̄-ɓāŕnən̄ kə rɔ̄ ndebeé bátə́ ugə̄ kum mbang ndējə̄ yá̰á̰ kə́ loo sɔlí. Banī deē oō ndū deē aĺ ō, deē ndigə ɓār̄ ní aĺ ō, yá̰á̰ kə́ rāā yá̰á̰ sḛ́ý gətóo ō.

1 SAMUEL 19:9

Ndɔ̄ kə́rēý tə́ ndíĺ kə́ majaĺ kógə̄ḿ ḭḭ rɔ̄ Kɔ́ɔ̄ɓē tə́ reē udə kem Saul tə́. Saul ndi i kem kújə yān tə́ kə nəngaá jīn tə́, ba Dabid a ugə i kənde.

KƏLA RĀĀ 16:16

Ndɔ̄ kógə̄ḿ tə́ j-a j-aw̄ kə̄ loo ndɔ̄ȳ tə́ anī, nge kəla kə́ dəyá̰ kógə̄ḿ tə́nī tají: Ndíĺ kə́ majaĺ kógə̄ḿ i kemən tə́. Ndi ɓáa ɔsə seneé ta kɔjə yá̰á̰ kə́ a rāā yā rāā yá̰a̰ gə̄. Adə̄ kɔ́ɔ̄n gə̄ əngen̄ yá̰á̰ ngá̰ý gírən tə́ loo kɔjə yá̰á̰ kə́ a rāā yā rāā yá̰a̰ gə̄ tə́.

1 SAMUEL 16:23

Adə̄ dan ń ndíĺ kə́ majaĺ ń Nə́ɓā əlan ní reē a njə́ɓā Saul anī, Dabid un kənde kə̄ jīn tə́ a ugə ɓá anī ndíĺ ní əya̰ Saul adə̄ tél ndi jəke ō, rɔ̄n əsō naā tə́ ō.

JEREMI 28:11

Hanania nge koō ta əda ta kum ngán Juda gə̄ tə́ malang na: Najə̄ ń Kɔ́ɔ̄ɓē əda ní n toó: Ɓāl̄ jōó asə dejə anī, m-ā m̄-tétə̄ njúkə yā Nabukodonosor mban̄g kə́ Babilon tə́ ō, m-ā m-ɔ̄r̄ njúkə́ kə́ míndə́ nápar de gə̄ tə́ malang kɔ̄ɔ́ ō i tītə̄ ń noō. Loo ń noō tə́ Jeremi nge koō ta ɔtə aw̄.

1 MBAN̄G GƏ̄ 22:12

Gotə ngé koō ta gə̄ malang ədan̄ yādə́ i tītə̄ ń noō ō, ədan̄ na: Āw̄ ə̄nī ɓē kə́ Ramot kə́ Galaad rɔ̄ɔ̄, na ā ə́ngé yá̰á̰ ń kemií gḛy ní. Kɔ́ɔ̄ɓē a əla ɓē kə́ Ramot kə́ Galaad jī mban̄g tə́!

1 SAMUEL 26:19

Kɔ́ɔ̄ ɓē gə̄, m̄-rāāī ɓɔ́, ōō najə̄ ń mā nge kəla yāí m-ā m-ə́daī ní: Ré i Kɔ́ɔ̄ɓē n ra seí ta rāām̄ yá̰á̰ kə́ beē anī, ādə̄ un usə yá̰a̰ ndējə̄ kə́ kotə majə. Ba ré i de gə̄ anī, ādə̄ Kɔ́ɔ̄ɓē ndɔ̄ĺdə́. Tɔdɔ̄ ɓōólaā tə̄ɓāmə̄n̄ kɔ̄ɔ́, ɔgə̄mə̄n̄ ndi dɔ nang ń Kɔ́ɔ̄ɓē adə̄ deē yān gə̄ tə́ ní. Adə̄ to i tītə̄ kə́ ədamə̄n̄ na kə m-āw̄ kə m̄-rāā ɓesə̄ gə̄ beé.

1 SAMUEL 18:9

Əla gír ndɔ̄ ń noō tə́ ní Saul a a̰a̰ Dabid i kə kum sə̄wāá.

1 SAMUEL 19:7

Loo ń noō tə́ Jonatan aw̄ ənge Dabid ɔjən gotə najə̄ gə̄ ń ɔrə̄n̄ ní malang. Gō tə́ anī aw̄ kə Dabid rɔ̄ Saul tə́ adə̄ tél rāā kəla yā Saul tītə̄ kə́ kété gə̄.

NGÉ SARYA 16:20

Dalila un ndūn kə̄ dɔɔ́ ədań Samso̰ na: Samso̰ á̰a̰ Pilistin gə̄ dɔí tə́. Samso̰ ndól̄ dɔ ɓīī tə́ anī ɔjəń na n-a n-teē kum tə́ tītə̄ kə́ kété ɓáý, tɔdɔ̄ ni ger̄ kadə̄ Kɔ́ɔ̄ɓē ɔr̄ jīn gírən tə́ kɔ̄ɔ́ alé.

1 SAMUEL 19:10

Anī Saul sāā kɔsə Dabid kəren kadə ndogə̄ mbal̄ tə́ kə nənga yānneé, banī Dabid əja rɔ̄n kɔ̄ɔ́ ta nənga tə́ adə̄ nənga mān̄ ɔsə kadə bɔr. Dabid teē a̰ȳ ndɔ̄ɔ́ ndɔ̄ ń noō tə́.