1 SAMUEL 17:47 - Bibəl ta Sar̄

⁴⁷ ngán Israel gə̄ malang ń kánə̄n̄ naā laā ní a gerə̄n̄ kadə̄ Kɔ́ɔ̄ɓē a sāā i kaskar, aké i səngɔy tá yā kajəń deē aĺ ō. Ni i ngol rɔ̄ɔ̄ ń toō adə̄ a əlasí jījí tə́.

Bible sar

⁴⁷ ngán Israel gə̄ malang ń kánə̄n̄ naā laā ní a gerə̄n̄ kadə̄ Kɔ́ɔ̄ɓē a sāā i kaskar, aké i səngɔy tá yā kajəń deē aĺ ō. Ni i ngol rɔ̄ɔ̄ ń toō adə̄ a əlasí jījí tə́.

1 SAMUEL 17:47 Referans Kwoze

OJEE 1:7

Banī m-ā m̄-tár de kə́ Juda gə̄ ngándáńg. Mā Kɔ́ɔ̄ɓē Nə́ɓā yādə́ m-ā m-ájə́də́, ba i kanjə̄ ga̰ gərā ō, kaskar ō, gotə yá̰a̰ rɔ̄ɔ̄ kə́ rang gə̄ ō, kanjə̄ sə́nda gə̄ ō, ngé kal̄ sə́nda gə̄ ō.

1 SAMUEL 14:6

Jonatan əda nge kətō yá̰a̰ rɔ̄ɔ̄ yān na: Ī-reē ādə̄ j-aw̄ bátə́ loo ń ngé kəja mɔtədə́ aĺ gə̄ ń noō ndin̄ tū tə́ ní. Majanī Kɔ́ɔ̄ɓē a rāā yá̰a̰ tām̄ yājí tə́. Ká ré jḭḭ̄ i ngá̰ý aké i sḛ́ý beē gə̄gē anī yá̰á̰ kə́ a ɔgə̄ Kɔ́ɔ̄ɓē tetə rɔ̄ɔ̄ kadə̄jí gətóo.

Makətūbə̄ ń Pol ndang adə̄ Rom gə̄ ní 8:31

J-a j-ədaī na i rí dɔ tə́ ɓáý? Ré Nə́ɓā i sejí anī, i náā n a mbātə́jí?

2 YÁ̰A̰ GƏ̄ 14:11

Kɔ́ɔ̄ɓē tetə Nubi gə̄ rɔ̄ɔ̄ no Asa tə́ ō, no Juda gə̄ tə́ ō, adə̄ Nubi gə̄ a̰ȳn̄ naā.

Makətūbə̄ ń Pol ndang adə̄ Rom gə̄ ní 8:37

Ba nge ń táŕjí ní rāā adə̄ jə-tetiī rɔ̄ɔ̄ tū yá̰a̰ gə̄ ń noō tə́ malang.

IJAI 9:7

Kɔ́ɔ̄ɓē ɔr̄ najə̄ rɔ̄ɔń kə de gə̄ yā Jakob. A̰á̰ā̰, najə̄ ní əsō dɔ ɓē ko̰o̰ kə́ Israel tə́.

PĀ GƏ̄ 46:11

Əya̰ī yá̰a̰ rɔ̄ gə̄ dɔɔ́! Á̰a̰ ī-ger̄mī kadə̄ mā i Nə́ɓā! m̄-ndi dɔ nápar de gə̄ tə́. M-ó̰o̰ ɓē dɔ dɔ nang tə́.

1 SAMUEL 18:17

Saul əda Dabid na: Ngōnə̄ḿ kə́ dəyá̰ kə́ ngatɔ́gə́ ń toō rīn na i Merab. I ni n m-ā m-ādī seneé kadə̄ ī-taān ní. Banī ə́hɔ rɔ̄í tɔgə loo rāā kəla yāḿ tə́ ba ī-rɔ̄ɔ̄ rɔ̄ɔ̄ gə̄ yā Kɔ́ɔ̄ɓē. Saul gír̄ kemən tə́ kété na: Jə-lōōī tɔ̄lən kə jījí ba ādə̄ i Pilistin gə̄ tá tɔ̄l̄nən̄.

2 MBAN̄G 5:15

Ni-tél dɔ tə́ reē rɔ̄ deē yā Nə́ɓā tə́ kə de gə̄ malang kə́ gōn tə́, reē ra non tə́ ba əda na: Ngɔlaā ní m̄-ger̄ kadə̄ Nə́ɓā gətóo loo kə́ rang tə́ ba i dɔ nang kə́ Israel tə́ ngóy. Adə̄ m̄-rāāī ɓɔ́, ī-taā kadə̄ karī kə́ jīḿ mā nge kəla yāí tə́.

JOJUE 10:8

Kɔ́ɔ̄ɓē əda Jojue na: Ī-lōō ɓōĺdə́, tām̄ m-ə́ládə́ kem jīí tə́ kɔ̄ɔ́ ɓá. De kə́ yā dumī dandə́ tə́ nuū gətóo.