1 SAMUEL 17:45 - Bibəl ta Sar̄

⁴⁵ Dabid tél əda Pilistin ní na: Ḭ̄ ī-reē kə̄ rɔ̄ḿ tə́ i kə kaskaraá ō, səngɔyɔɔ́ ō, nəngaá ō. Ba mā m-ā m-āw̄ kə̄ rɔ̄í tə́ i kə rī Kɔ́ɔ̄ɓē kə́ bo kə́ tɔ́gən i ngá̰ý. Ni i Nə́ɓā yā ngé rɔ̄ɔ̄ gə̄ kə́ Israel tə́ ń ī-tájən ní.

Bible sar

⁴⁵ Dabid tél əda Pilistin ní na: Ḭ̄ ī-reē kə̄ rɔ̄ḿ tə́ i kə kaskaraá ō, səngɔyɔɔ́ ō, nəngaá ō. Ba mā m-ā m-āw̄ kə̄ rɔ̄í tə́ i kə rī Kɔ́ɔ̄ɓē kə́ bo kə́ tɔ́gən i ngá̰ý. Ni i Nə́ɓā yā ngé rɔ̄ɔ̄ gə̄ kə́ *Israel tə́ ń ī-tájən ní.

1 SAMUEL 17:45 Referans Kwoze

2 KORḚNTƏ 10:4

Tɔdɔ̄ yá̰a̰ rɔ̄ɔ̄ gə̄ ń j-a jə-rɔ̄ɔń ní, i deē ndul n rāā ní alé. Ba i yá̰a̰ rɔ̄ɔ̄ kə́ ngan̄g gə̄ yā Nə́ɓā yā nujəń kújə́ kə́ ngan̄g gə̄. Jə-nujə gír̄ kə́ gō tə́ aĺ gə̄ kɔ̄ɔ́ ō,

2 YÁ̰A̰ GƏ̄ 32:8

Ngé rɔ̄ɔ̄ gə̄ ń seneé ní i de gə̄, banī jḭḭ̄ ɓáa Kɔ́ɔ̄ɓē Nə́ɓā yājí n i sejí ní. Ni a dḭḭ̄jí adə̄ a rɔ̄ɔ̄ dɔjí tə́. Najə̄ ń mban̄g Ejekias ɔr̄ ní adə̄ de gə̄ malang tɔ́gə.

2 KORḚNTƏ 3:5

Tɔdɔ̄ jḭḭ ń toō j-asə rāā yá̰á̰ kógə̄ḿ kə deē dɔjí alé, banī i Nə́ɓā nəkɔ́ n rāā tá jḭḭ j-asəń rāā yá̰á̰ ní.

PILIPƏ 4:13

Yá̰a̰ gə̄ ń noō malang ní, m-ásə kundə́ dɔḿ tə́ kɔ̄ɔ́, kə ta kūl̄ Kərist nge kadə̄m̄ tɔ́gə.

PĀ GƏ̄ 18:2

Kɔ́ɔ̄ɓē, ḭ̄ i tɔ́gə yāḿ, o̰o̰m̄ tɔdɔ̄í ngá̰ý!

PĀ GƏ̄ 124:8

Kɔ́ɔ̄ɓē nge rāā dɔ rā̰ ō dɔ nang ō dḭḭ̄jí kə rɔ̄neé.

1 SAMUEL 17:36

Nge kəla yāí tɔ̄l̄ ɓɔl ō, tɔ̄l̄ dā̰ úrsə ō. Adə̄ yá̰á̰ ń m̄-rāā kə dā̰ gə̄ ń noō ní m-ā m̄-rāā kə Pilistin kə́ nge kəja mɔtən aĺ ń toō ō. Tɔdɔ̄ ni tɔ́sə̄ gātə̄ ngé rɔ̄ɔ̄ gə̄ yā Nə́ɓā ń ndi kə kumneé ní.

IJAI 37:23

Deē ń ī-tájən ní i náā? ī-tájə̄ i náā? I náā n ī-nāā kɔr̄ najə̄ kə́ majaĺ seneé ní? Deē ń á̰a̰n ba ī-kídən ní i náā? I mā, Nə́ɓā kə́ táĺ yā Israel.

1 SAMUEL 17:10

Pilistin ní tél əda ɓáý to̰ na: Ɓōólaā m̄-tɔ́sə̄ gātə̄ ngé rɔ̄ɔ̄ kə́ Israel tə́ gə̄. Ādə̄mī deē kógə̄ḿ ādə̄ jə-rɔ̄ɔ̄ naā seneé.

PĀ GƏ̄ 3:8

Kɔ́ɔ̄ɓē, ḭ́ḭ dɔɔ́! Nə́ɓā yāḿ, ájəm̄! Ḭ̄ ń i nge kənda mbɔ́r madə̄ ba̰ā̰ḿ gə̄ ō, nge tétə̄ ngān̄g ngé kem ndul gə̄ ō ní.

Gōsə̄ najə̄ gə̄ 18:10

Rī Kɔ́ɔ̄ɓē i kújə ngɔ̄m̄ ɓē kə́ ngan̄g, de kə́ súmūú a̰ȳ reē kemeé ō, ndi kanjə̄ sōl̄ yá̰á̰ kógə̄ḿ ō.

PĀ GƏ̄ 44:6

Jə-tā̰ madə̄ ba̰ā̰jí gə̄ rɔ̄ɔ̄ j-əndādə́ sa̰y i kə ta kūlīí ō, jə-tə́ɓā ngé rɔ̄ɔ̄jí gə̄ kə njají i kə ta kūlīí ō.

IJAI 37:28

m̄-ger̄ najə̄ yāí malang: Dan ń ā ḭ́ḭ kə̄ dɔɔ́, aláa dan ń ā ī-ndi kə̄ nang tə́ ní, dan ń ā ī-teē kə̄ ndágá aláa dan ń ā údə kə̄ kújú ní, dan ń wōn̄g a rāāī dɔḿ tə́ ní.

1 SAMUEL 17:26

Dabid dəje ngé rɔ̄ɔ̄ gə̄ ń ran̄ rɔ̄n tə́ ngɔr ní na: Deē ń tetə Pilistin ń toō rɔ̄ɔ̄ yā kɔrə̄ń rɔ̄sɔl̄ kɔ̄ɔ́ dɔ ngán Israel gə̄ tə́ ní a əndān̄ njan i kə rí? Pilistin kə́ kəja mɔtən aĺ nəkɔ́ ń toō i náā á a tɔ́sə̄ gātə̄ ngé rɔ̄ɔ̄ gə̄ yā Nə́ɓā kə́ kə kumneé beé?

1 SAMUEL 17:6

Ni-o̰ō̰ yá̰á̰ kə́ rāā kə gində̄ nə̄ngá kasaá njan tə́ utə̄ń gidə kāsə̄ njan ō, naā nənga kógə̄ḿ kə́ rāā kə gində̄ nə̄ngá kasaá gidən tə́ ō.

2 YÁ̰A̰ GƏ̄ 14:10

Asa əga kɔŕ kə̄ dɔ Kɔ́ɔ̄ɓē Nə́ɓā yān tə́, ə́da na: Kɔ́ɔ̄ɓē, de kə́ asə ra dɔ dán de kə́ tɔ́gən i ngá̰ý tə́ kə de kə́ tɔ́gən gətóó tə́ kə́ rang gətóo, i ḭ̄ ngóy. Kɔ́ɔ̄ɓē Nə́ɓā yājí, ī-rāā sejí! Tɔdɔ̄ j-ə̄ndā tɔ́gə́jí i dɔí tə́ ō, kósə de kə́ ngá̰ý gə̄ ń toō, jə-reē yā rɔ̄ɔ̄də́ i kə rīí ō. Kɔ́ɔ̄ɓē, ḭ̄ i Nə́ɓā yājí. Ādə̄ deē ndul tɔ́sə̄ gātīí alé!

PĀ GƏ̄ 20:8

De kə́rēý gə̄ əndān̄ kemdə́ i dɔ púsə rɔ̄ɔ̄ yādə́ gə̄ tə́ ō, kə́ madə̄ gə̄ əndān̄ kemdə́ i dɔ sə́nda yādə́ gə̄ tə́ ō. Ba jḭḭ tā a jə-nōō i kə̄ dɔ Kɔ́ɔ̄ɓē Nə́ɓā yājí tə́.