1 SAMUEL 17:36 - Bibəl ta Sar̄

³⁶ Nge kəla yāí tɔ̄l̄ ɓɔl ō, tɔ̄l̄ dā̰ úrsə ō. Adə̄ yá̰á̰ ń m̄-rāā kə dā̰ gə̄ ń noō ní m-ā m̄-rāā kə Pilistin kə́ nge kəja mɔtən aĺ ń toō ō. Tɔdɔ̄ ni tɔ́sə̄ gātə̄ ngé rɔ̄ɔ̄ gə̄ yā Nə́ɓā ń ndi kə kumneé ní.

Bible sar

³⁶ Nge kəla yāí tɔ̄l̄ ɓɔl ō, tɔ̄l̄ dā̰ úrsə ō. Adə̄ yá̰á̰ ń m̄-rāā kə dā̰ gə̄ ń noō ní m-ā m̄-rāā kə Pilistin kə́ *nge kəja mɔtən aĺ ń toō ō. Tɔdɔ̄ ni tɔ́sə̄ gātə̄ ngé rɔ̄ɔ̄ gə̄ yā Nə́ɓā ń ndi kə kumneé ní.

1 SAMUEL 17:36 Referans Kwoze

1 SAMUEL 17:10

Pilistin ní tél əda ɓáý to̰ na: Ɓōólaā m̄-tɔ́sə̄ gātə̄ ngé rɔ̄ɔ̄ kə́ Israel tə́ gə̄. Ādə̄mī deē kógə̄ḿ ādə̄ jə-rɔ̄ɔ̄ naā seneé.

JAKARI 12:3

A̰á̰ā̰, kum mbang ngeé ń noō tə́ ní, m-ā m̄-rāā ɓē kə́ Jerusalem i kūbə̄rū mbal̄ kógə̄ḿ kə́, de kə́ asə kunən dɔɔ́ a gətóó tə́. De gə̄ malang ń a ndigən̄ kunən dɔɔ́ ní, a əngen̄ do. I tām̄ najə̄ ń noō tə́ n nápar de gə̄ malang kə́ dɔ nang tə́ a əndān̄ rɔ̄də́ naā tə́ yā rɔ̄ɔ̄n ní.

JAKARI 2:8

Anī de kə́ dɔ rā̰ tə́ ń əndān̄ dɔn tə́ kadə̄ ɔr̄ najə̄ seḿ ní, ədan na: Āw̄ láẃ ə́da balsáá ń kəlā i jīn tə́ ní na: I gáŕ kadə̄ Jerusalem i ɓē kə́ tan ra i kə wōyōó ō, i ɓē kə́ ndogə̄ mbal̄ kə́ gidə tə́ kə́ yā rɔ̄ɔń dɔ tə́ gətóo ō. Tām̄ de gə̄ gē, dā̰ gə̄ gē ń a ndin̄ kemeé ní, kutədə́ i ngá̰ý.

EJEKIEL 32:19

Ə́dádə́ na: Sḭḭ̄ ī-majə ī-tɔyī gotə de gə̄ a? Ī-risə āwī ɓádá, naā tə́ kə gotə de kə́ rang gə̄ ń əjan̄ mɔtədə́ aĺ á tɔ̄lə̄n̄də́ ta rɔ̄ɔ̄ tə́ ní!

IJAI 36:18

Ī-lōōī kadə̄ Ejekias gól̄sí dan ń ədasí na Kɔ́ɔ̄ɓē na a gān̄g dɔsí ní. Nə́ɓā gə̄ ń i ɓesə̄ yā nápar de kə́ rang gə̄ ní ɔgə̄mə̄n̄ taā ɓē yādə́ a?

IJAI 36:15

Ni ədasí na kə ə̄nī kemsí ādī Kɔ́ɔ̄ɓē na Kɔ́ɔ̄ɓē a gān̄g dɔsí rɔ̄kum. Ni-əda na, rɔ̄kum ɓē ń toō a əsō kem jī mban̄g kə́ Asiri tə́ alé.

IJAI 10:15

Kə̄ngā ənda kadən kum gotə nge kunən tə́gań yá̰a̰ a? Gində̄ kəja kāgə̄ ɔjə rɔ̄n kum gotə nge kunən kəjań kāgə̄ a? To tītə̄ kə́ i ndéy n i nge rāā kadə̄ jī kə́ kunən unən dɔɔ́ beé, aláa i tītə̄ kə́ i sálang kāgə̄ n i nge kɔr no jī kə́ nge kəhɔn beé.

1 SAMUEL 17:26

Dabid dəje ngé rɔ̄ɔ̄ gə̄ ń ran̄ rɔ̄n tə́ ngɔr ní na: Deē ń tetə Pilistin ń toō rɔ̄ɔ̄ yā kɔrə̄ń rɔ̄sɔl̄ kɔ̄ɔ́ dɔ ngán Israel gə̄ tə́ ní a əndān̄ njan i kə rí? Pilistin kə́ kəja mɔtən aĺ nəkɔ́ ń toō i náā á a tɔ́sə̄ gātə̄ ngé rɔ̄ɔ̄ gə̄ yā Nə́ɓā kə́ kə kumneé beé?

1 SAMUEL 14:6

Jonatan əda nge kətō yá̰a̰ rɔ̄ɔ̄ yān na: Ī-reē ādə̄ j-aw̄ bátə́ loo ń ngé kəja mɔtədə́ aĺ gə̄ ń noō ndin̄ tū tə́ ní. Majanī Kɔ́ɔ̄ɓē a rāā yá̰a̰ tām̄ yājí tə́. Ká ré jḭḭ̄ i ngá̰ý aké i sḛ́ý beē gə̄gē anī yá̰á̰ kə́ a ɔgə̄ Kɔ́ɔ̄ɓē tetə rɔ̄ɔ̄ kadə̄jí gətóo.

1 SAMUEL 17:35

ni ngɔ̄dən ō, tə̄ndān ō, taā batə̄ kə́ tan tə́ ō. Ba ré tél a rɔ̄ɔ̄n anī əhɔ mbāýn ba tə̄ndān bátə́ tə̄ndā tɔ̄lən.

1 SAMUEL 17:37

Dabid əda to̰ na: Kɔ́ɔ̄ɓē ń ɔrə̄m̄ kɔ̄ɔ́ ta hēl̄ jī ɓɔl tə́ ō, ta hēl̄ jī dā̰ úrsə tə́ ō ní, a ɔrə̄m̄ kɔ̄ɔ́ jī Pilistin ń toō tə́ ō. Saul əda Dabid na: Āw̄ ba ādə̄ Kɔ́ɔ̄ɓē i naā tə́ seí.

1 SAMUEL 18:17

Saul əda Dabid na: Ngōnə̄ḿ kə́ dəyá̰ kə́ ngatɔ́gə́ ń toō rīn na i Merab. I ni n m-ā m-ādī seneé kadə̄ ī-taān ní. Banī ə́hɔ rɔ̄í tɔgə loo rāā kəla yāḿ tə́ ba ī-rɔ̄ɔ̄ rɔ̄ɔ̄ gə̄ yā Kɔ́ɔ̄ɓē. Saul gír̄ kemən tə́ kété na: Jə-lōōī tɔ̄lən kə jījí ba ādə̄ i Pilistin gə̄ tá tɔ̄l̄nən̄.

1 SAMUEL 31:4

adə̄ ni-əda nge kətō yá̰a̰ rɔ̄ɔ̄ yān na kə ɔr̄ kaskar yān kə ɔsənneé na sōgə́ de kə́ ngé kəja mɔtədə́ aĺ gə̄ ń noō reē ɔsənən̄ ba mbóon̄neé seneé. Banī nge kətō yá̰a̰ rɔ̄ɔ̄ yān ɔdə alé, tɔdɔ̄ ɓōĺ asən nák. Anī Saul un kaskar yān nəkɔ́ ba əsō ta tə́.

EJEKIEL 28:10

Ā óy yo kə́ to rɔ̄sɔl̄ yā de gə̄ ń əjan̄ mɔtədə́ aĺ ní, jī tə̄rā gə̄ kə́ ngé tɔ́sī tə́. I mā Kɔ́ɔ̄ɓē Nə́ɓā n m-ɔ̄r̄ najə̄ ní ō, yá̰á̰ ń m-ə́dá ní n noó ō.

2 YÁ̰A̰ GƏ̄ 32:17

Gō tə́ anī Senakerib ndang makətūbə̄ sāań ta Kɔ́ɔ̄ɓē Nə́ɓā yā Israel ō, tə́dań najə̄ kə́ majaĺ gə̄ dɔn tə́ ō. Ni-əda kem makətūbə̄ ní tə́ na: Ɓesə̄ gə̄ yā nápar de gə̄ kə́ rang kə́ dɔ nang tə́ gə̄ asən̄ taā gír deē yādə́ gə̄ jīḿ tə́ aĺ ní, Nə́ɓā yā Ejekias a asə taā gír deē yān gə̄ jīḿ tə́ aĺ ō.

DANIEL 5:23

Ḭ̄ ī-tɔ́sə̄ gātə̄ Nə́ɓā kə́ dɔ rā̰ tə́, tām̄ ādə̄ reēn̄ kə ngáń gájə́ yá̰a̰ rāā kəla gə̄ kə́ kem kújə yān tə́ adə̄ ā̰yń kasə nduú, ḭ̄ ō, de kə́ bo yāí gə̄ ō, də̄yá̰ gidə ndogə̄ yāí gə̄ ō, dəyá̰ kə́ ngé rāā kəla yāí gə̄ ō. Tá ɓáý to̰ ní ḭ̄ ī-tɔ̄ȳ nə́ɓā gə̄ kə́ rāān̄də́ kə gində̄ arjā̰a̰ ō, kə lɔ́r ō, kə gində̄ nə̄ngá kasə ō, kə gində̄ kə́ karī ō, kə kāgə̄ ō, kə mbal̄ ō. Adə̄ i nə́ɓā gə̄ kə́ a̰a̰n̄ loo aĺ ō, oōn̄ loo aĺ ō, gerə̄n̄ yá̰a̰ aĺ ō. Ba Nə́ɓā ń koōí ō, yá̰a̰ gə̄ ń a reēn̄ dɔí tə́ ndɔ̄n tə́ ō, i kem jīn tə́ ní, ḭ̄ ī-rɔȳn alé!