1 SAMUEL 17:32 - Bibəl ta Sar̄

³² Dabid əda Saul na: Ādə̄ ndíl deē kógə̄ḿ a̰ȳ najə̄ yā Pilistin ń toō tə́ alé. Mā nge kəla yāí m-ā m-āw̄ yā rɔ̄ɔ̄n.

Bible sar

³² Dabid əda Saul na: Ādə̄ ndíl deē kógə̄ḿ a̰ȳ najə̄ yā Pilistin ń toō tə́ alé. Mā nge kəla yāí m-ā m-āw̄ yā rɔ̄ɔ̄n.

1 SAMUEL 17:32 Referans Kwoze

1 SAMUEL 16:18

Anī nge kəla kógə̄ḿ əda na: J-ədaī kə̄ laā aĺ ní m̄-ger̄ deē kógə̄ḿ noō, deē ní i ngōn̄ Jese kə́ Betlehem. Ni i gōsə̄ kə́ ugə kənde majə ngá̰ý. I de kə́ nge wur kil ō, go̰ rɔ̄ɔ̄ ō. Najə̄ kɔrə̄n to ngáā ō, i de kə́ majə deē ō, Kɔ́ɔ̄ɓē i naā tə́ seneé ō.

PĀ GƏ̄ 3:6

m̄-to kə̄ nang tə́ ō m̄-ɓīī ō. m̄-ndól̄ anī m-á̰a̰ kadə̄ tɔ́gə́ḿ i Kɔ́ɔ̄ɓē.

IJAI 35:4

Ngé gə̄ ń tɔ́gə́də́ ur̄ wak kɔ̄ɔ́ ní, ə́daīdə́ na: Ādī tɔ́gə́sí to! Ī-lōōī ɓōĺ! Nə́ɓā yāsí n toó. Ni-reē i dal ba̰ā̰sí tə́ ō, i rāā madə̄ ba̰ā̰sí gə̄ yá̰á̰ kə́ majaĺ ń nin̄ rāān̄ sesí ní tə́ ō, nəkɔ́ reē i kajəsí tə́ ō.

TƏ́DA 14:9

Ba ī-lōōī kənī wúȳ jī Kɔ́ɔ̄ɓē tə́ ō, ī-lōōī ɓōĺ de gə̄ kə́ dɔ nang ní tə́ ō, tɔdɔ̄ j-a jə-tetiīdə́ rɔ̄ɔ̄ i gidə kógə̄ḿ beē. Tām̄ ɓesə̄ yādə́ gə̄ kə́ ngé ngɔ̄m̄də́ gə̄ əya̰n̄də́ kɔ̄ɔ́, banī Kɔ́ɔ̄ɓē i naā tə́ sejí, adə̄ ī-lōōī ɓōĺdə́.

HEBƏRO 12:12

I beé ní, jīsí gə̄ ń ɔrən̄ kɔ̄ɔ́ ní, ī-téĺ ɔ́yiīdə́ dɔɔ́ ō, kejəsí gə̄ ń sɔlə̄n̄ yélélé ní, ī-rāāīdə́ ādə̄ tél ngangə̄n̄ gogə́ ō!

1 SAMUEL 14:6

Jonatan əda nge kətō yá̰a̰ rɔ̄ɔ̄ yān na: Ī-reē ādə̄ j-aw̄ bátə́ loo ń ngé kəja mɔtədə́ aĺ gə̄ ń noō ndin̄ tū tə́ ní. Majanī Kɔ́ɔ̄ɓē a rāā yá̰a̰ tām̄ yājí tə́. Ká ré jḭḭ̄ i ngá̰ý aké i sḛ́ý beē gə̄gē anī yá̰á̰ kə́ a ɔgə̄ Kɔ́ɔ̄ɓē tetə rɔ̄ɔ̄ kadə̄jí gətóo.

JOJUE 14:12

Adə̄ ādə̄m̄ gō nang kə́ mbalá ń Kɔ́ɔ̄ɓē əda najə̄n ndɔ̄ ngeé ń noō tə́ ní. Tɔdɔ̄ ndɔ̄ n noō tə́ ní ōō kadə̄ ngán Anak gə̄ ndin̄ tū tə́ ō, ɓē bo gə̄ kə́ ndogə̄ mbal̄ gīr̄ gidə gə̄ i tū tə́ ō. Ré Kɔ́ɔ̄ɓē i seḿ anī, m-ā m̄-tə̄ɓādə́ kɔ̄ɔ́ tītə̄ ń nəkɔ́ ədań ní.

TƏ́DA 13:30

Kaleb adə̄ de gə̄ ń a tāmə̄n̄ kə Moijə ní ran̄ tadə́ mbóo, ní əda na: J-aw̄ jə-taāī dɔ nang ní. J-a jə-tetiī rɔ̄ɔ̄.

1 SAMUEL 17:31

Ba najə̄ gə̄ ń Dabid ɔr̄ ní de gə̄ oōn̄ adə̄ aw̄ ədan̄ Saul gotə. Anī Saul əla gō Dabid tə́ adə̄ reē.

IJAI 7:4

Ā ə́dan na: Á̰a̰ gō rɔ̄í majə! Ī-ndi jəke, ī-lōō ɓōĺ. Ī-lōō kadə̄ wōn̄g kə́ ngá̰ý yā Resin ń i de kə́ Aram ní ō, yā ngōn̄ Remalia ō, ɔr̄ tɔ́gí. Mban̄g gə̄ ń noō i ta kīr̄ hor kə́ jōó gə̄ kə́ a sūn̄ sa ngóy.