1 SAMUEL 17:18 - Bibəl ta Sar̄

¹⁸ Ba mba man̄g kə́ sīsə̄rí kə́ kutə kógə̄ḿ ń toō tá āwń ādə̄ ngol áskar gə̄. Á̰á̰ ngákó̰ó̰í gə̄ ké ton̄ karī wa. Ba ādə̄ adə̄nī yá̰á̰ kógə̄ḿ kə́ ɔjə kadə̄ na n-ton̄ karī.

Bible sar

¹⁸ Ba mba man̄g kə́ sīsə̄rí kə́ kutə kógə̄ḿ ń toō tá āwń ādə̄ ngol áskar gə̄. Á̰á̰ ngákó̰ó̰í gə̄ ké ton̄ karī wa. Ba ādə̄ adə̄nī yá̰á̰ kógə̄ḿ kə́ ɔjə kadə̄ na n-ton̄ karī.

1 SAMUEL 17:18 Referans Kwoze

TA KƏLA 37:14

Israel ədan na kə aw̄ kə a̰a̰ ngákó̰o̰n gə̄ ké ton̄ karī ō, ké yá̰a̰ kul̄ gə̄ ton̄ karī ō wa, ba kə tél kə reē kə ədan kōōdə́. Israel ndi i wól loo kə́ Hebron tə́ n əlań Jəjep ní, adə̄ Jəjep ḭḭ aw̄ Sisem.

1 SAMUEL 16:20

Jese əhɔ kərō kógə̄ḿ ō, un mápa ō, sɔl kasə nduú ō, əhɔ ngōn̄ bə̄yā̰ ō, adə̄ Dabid kadə̄ aw̄ń adə̄ Saul.

KƏLA RĀĀ 15:36

Gō tə́ rāā ndɔ̄ oy tām̄ anī, Pol əda Barnabas na: Ādə̄ jə-tél j-aw̄ jə-go̰ō̰ ngákó̰ó̰jí gə̄ kə́ kem ɓē gə̄ malang ń j-ɔjə najə̄ yā Kɔ́ɔ̄ɓē tū tə́ ní. Loo ń noō tə́ j-a j-a̰a̰də́ ké ndin̄ i ba̰ý wa.

Makətūbə̄ yā Job 10:10

Ī-ɓōkə́m̄ i tītə̄ loo ɓōkə́ mba kem yá̰á̰ beē aĺ a? Gō tə́ anī, ī-rāām̄ adə̄ m̄-sīsə̄rī tītə̄ yibə̄ mba man̄g beé aĺ a?

2 SAMUEL 17:29

kə yibə̄ tejə gə̄ ō, kə yibə̄ man̄g gə̄ ō, kə mba man̄g kə́ sīsə̄rī gə̄ ō, kə mba batə̄ kə́ sīsə̄rī gə̄ ō, adə̄n̄ Dabid nin̄ kə̄ de gə̄ ń seneé ní. Tɔdɔ̄ nin̄ gírə̄n̄ kadə̄ de gə̄ ń mānə̄n̄ kem dəla loo tə́ ní ɓō rāādə́ ō, kɔr rāādə́ ō, kəndā man̄ rāādə́ ō.

TA KƏLA 37:13

Anī Israel əda Jəjep na n-sāā kəlan gō ngákó̰o̰n gə̄ ń aw̄n̄ Sisem kə yá̰a̰ kul̄ gēé dɔ mu tə́ ní. Anī Jəjep ndigə əda na: Mā n toó, ə́lam̄.

1 SAMUEL 17:19

Nin̄ i naā tə́ kə Saul ō, ngé rɔ̄ɔ̄ gə̄ malang yā ngán Israel gə̄ ō. Ndin̄ i wól loo kāgə̄ sén gə̄ tə́ n a rɔ̄ɔ̄n̄neé Pilistin gə̄ ní.

Teē Ngán Israel gə̄ 18:7

Moijə teē tə́nī ta umən, ɔsə non nang tə́ non tə́ ō, əhɔn kə̄ rɔ̄n tə́ ɓirə̄n dagə ō. Rāān̄ naā lápə́ya ba ɔtə aw̄n̄ kújə tandā yā Moijə tə́.

NGÉ SARYA 18:15

Gō tə́ anī de kə́ mí gə̄ ní ɔtə aw̄ udən̄ kem kújə yā Mika tə́ ba dəjen̄ ngōn̄ Lebi kə́ balsáá ń ndi kemeé ní na kə́ to i ba̰ý wa?

1 SAMUEL 25:5

anī əla balsáa yān gə̄ kutə kógə̄ḿ rɔ̄ Nabal tə́. Ni-əda balsáa gə̄ ní na: Āwī Karmel rɔ̄ Nabal tə́ āw̄ ī-rāāniī lápə́ya ādə̄mī.

1 SAMUEL 30:21

Dabid tél reē ugə̄ ngɔr rɔ̄ de kə́ ɓú jōó gə̄ ń kɔr ɔgə̄də́ kaw̄ seneé adə̄ əya̰n̄də́ ta man̄ kə́ Besor tə́ ní. De gə̄ ní aw̄ ɔjən̄ no Dabid nin̄ kə ɓūtə̄ ngé rɔ̄ɔ̄ gə̄ ń seneé ní. Dabid njə̄rā kə̄ kété rɔ̄də́ tə́ kə ɓūtə̄ ngé rɔ̄ɔ̄ gə̄ ń i seneé ní ba rāādə́ lápə́ya.

ESTER 2:11

Kə dɔ ndɔ̄ gə̄ ń noō Mardose a njə̄rā i ta kújə yā dəyá̰ gə̄ tə́ yā dəjeń kōō Ester ké to i ba̰ý wa ō, yā gerə̄ń yá̰á̰ ń a rāān̄ seneé ní ō.