1 SAMUEL 17:17 - Bibəl ta Sar̄

¹⁷ Ndɔ̄ kə́rēý tə́ anī Jese əda ngōnən Dabid na: Ī-taā kōō kə́ ndaw̄ ō, mápá kə́ kutə gə̄ ń toō ō, ba ā̰ȳ ngɔ̄də̄ āwń gérgereé ādə̄ ngákó̰ó̰í gə̄.

Bible sar

¹⁷ Ndɔ̄ kə́rēý tə́ anī Jese əda ngōnən Dabid na: Ī-taā kōō kə́ ndaw̄ ō, mápá kə́ kutə gə̄ ń toō ō, ba ā̰ȳ ngɔ̄də̄ āwń gérgereé ādə̄ ngákó̰ó̰í gə̄.

1 SAMUEL 17:17 Referans Kwoze

1 SAMUEL 25:18

Abigail ɔy mápá ɓú jōó ō sɔl kasə nduú gə̄ jōó ō batə̄ kə́ tɔ̄lə̄n̄ ba rāān̄ dā̰də́ kɔ̄ɔ́ gə̄ mí ō, ɔy kōō kə́ ndaw̄ kem kār̄ tɔ̄jə̄ yá̰á̰ mí ō, ɔy bəra kan̄ kāgə̄ nduú kə́ tutə gə̄ ɓú ō kan̄ kótə̄ kə́ mbō̰ dɔ naā tə́ ba kɔr̄ makəla tə́ gə̄ ɓú jōó ō, kanjə̄ kɔr bā̰ā̰. Ni-tə́ndā yá̰a̰ gə̄ ń noō malang dɔ kərō gə̄ tə́,

Najə̄ kə́ Majə yā Jeju ń Luk ndang ní 11:13

Sḭḭ̄ ń i de kə́ majaĺ gə̄ ní ba ī-gerī kadə̄ ngáńsí gə̄ yá̰á̰ kə́ majə gə̄ anī, Bɔbə̄sí ń ndi dɔ rā̰ tə́ ní tá ger̄ kadə̄ Ndíĺ kə́ Táĺ ngé gə̄ ń dəjenən̄ ní majə tɔȳ aĺ a?

MATIYE 7:11

Sḭḭ̄ ń i ngé kem ndul gə̄ ní, ī-gerī kadə̄ ngáńsí gə̄ yá̰á̰ kə́ majə gə̄ anī, Bɔbə̄sí kə́ dɔ rā̰ tə́ a adə̄ ngé gə̄ ń dəjenən̄ ní yá̰á̰ kə́ majə tɔȳ loo ń noō aĺ a?

2 SAMUEL 17:28

reēn̄ kə yá̰a̰ ɓīī gə̄ ō, kə kūbə̄ bḭḭ̄ batə̄ gə̄ ō, kə səmbē gə̄ ō, kə kōō gémē gə̄ ō, kə kōō ɔrjə gə̄ ō, kə ndujə̄ gə̄ ō, kə kum kōō kə́ ndaw̄ gə̄ ō, kə kum mənjo gə̄ ō, kə kum la̰tíi gə̄ ō,

RUTƏ 2:14

Dan ń mbang kəsa yá̰a̰ asə anī, Boj əda Rutə na kə reē kə əsa yá̰a̰ sedə́, kə un núsə́ mápa kə əla kum kasə nduú kə́ masə̄ tə́. Rutə ndi i kadə ngé sāā kōō gə̄ tə́, ba Boj adə̄n kōō kə́ ndaw̄. Rutə əsa ndān̄ ō, gotə̄n na̰y ō.

1 SAMUEL 17:16

Pilistin ní a aw̄ a ra ta kum ngán Israel gə̄ tə́ i dəloí gē loo sɔlí gē. Ni-rāā beé bátə́ ndɔ̄ kutə sɔ́.