1 SAMUEL 17:1 - Bibəl ta Sar̄

¹ Pilistin gə̄ kánə̄n̄ dɔ ngé rɔ̄ɔ̄ yādə́ gə̄ naā tə́ yā kaw̄ sedə́ ta rɔ̄ɔ̄ tə́. Nin̄ əngen̄ naā kem ɓē kə́ Soko tə́ dɔ nang kə́ Juda tə́ ba əndān̄ gérger yādə́ Epes Damim, dɔ dán ɓē kə́ Soko kə ɓē kə́ Ajeka tə́.

Bible sar

¹ Pilistin gə̄ kánə̄n̄ dɔ ngé rɔ̄ɔ̄ yādə́ gə̄ naā tə́ yā kaw̄ sedə́ ta rɔ̄ɔ̄ tə́. Nin̄ əngen̄ naā kem ɓē kə́ Soko tə́ dɔ nang kə́ *Juda tə́ ba əndān̄ gérger yādə́ Epes Damim, dɔ dán ɓē kə́ Soko kə ɓē kə́ Ajeka tə́.

1 SAMUEL 17:1 Referans Kwoze

JOJUE 15:35

Yarmut ō, Adulam ō, Soko ō, Ajeka ō,

2 YÁ̰A̰ GƏ̄ 28:18

Pilistin gə̄ ran̄ yādə́ dām̄ kə́rēý tə́ táān̄ ɓē kə́ gō nang kə́ mbal̄ bo gə̄ gətóon̄ tū tə́ tə́ ō, ɓē gə̄ yā Juda kə́ dām̄ mbɔ́r ɓē kə́ geleé tə́ ō, taān̄ i ɓē kə́ Bet Semes ō, Ayalon ō, Gederot ō, Soko ō, ngán ɓē gə̄ ń ɓē kə́ Soko o̰o̰ ɓē dɔ tə́ ní ō, Timna ō, ngán ɓē gə̄ ń ɓē kə́ Timna o̰o̰ ɓē dɔ tə́ ní ō, Gimjo ō, ngán ɓē gə̄ ń ɓē kə́ Gimjo o̰o̰ ɓē dɔ tə́ ní ō.

1 YÁ̰A̰ GƏ̄ 11:13

Dan ń Pilistin gə̄ kánə̄n̄ naā Pas Damim yā rɔ̄ɔ̄ ngán Israel gə̄ ní, ni i kadə Dabid tə́ loo ngeé ń noō tə́. Ngán Israel gə̄ a̰ȳn̄ naā no Pilistin gə̄ tə́ ō, ndɔr̄ kōō ɔ́rjə i loo ní tə́ ō.

1 SAMUEL 13:5

Pilistin gə̄ ɔsən̄ dɔdə́ naā tə́ yā rɔ̄ɔ̄ Israel gə̄ ō. Púsə rɔ̄ɔ̄ yādə́ gə̄ i dūbú kutə mətá ō, ngé kal̄ sə́nda rɔ̄ɔ̄ yādə́ gē i dūbú mehḛ́ ō, kutə ngé rɔ̄ɔ̄ yādə́ kə́ ngé njə̄rā kə njadə́ gə̄ i ngá̰ý tītə̄ nán̄g ngárə̄ḿnjēý kə́ ta bā tə́ ō. Nin̄ aw̄ ndin̄ Mikəmas. Loo ń ndin̄ tū tə́ ní, ré deē ra Bet Aben anī i kə̄ dām̄ kə́ gír ɓē tə́.

NGÉ SARYA 3:3

De gə̄ ń ni əya̰də́ adə̄ ndin̄ kem ɓēé ní i mban̄g kə́ mí gə̄ yā Pilistin gə̄ ō, Kanaan gə̄ malang ō, Sidon gə̄ kə Hibi gə̄ ń ndin̄ dɔ mbal̄ gə̄ kə́ Liban tə́ ní ō. Nin̄ əlan̄ gír ndi i mbal̄ Hermon tə́ bátə́ ugə̄ń Lebo Hamat.

JEREMI 34:7

i dan ń ɓūtə̄ ngé rɔ̄ɔ̄ gə̄ yā mban̄g kə́ Babilon ənīn̄neé ɓē kə́ Jerusalem rɔ̄ɔ̄ ō, i dan ń ɓē kə́ Juda tə́ gə̄ ń i Lakis ō Ajeka ō rɔ̄ɔ̄n̄neé dɔ rɔ̄də́ tə́ ɓáý ní ō. Tɔdɔ̄ dan ɓē gə̄ kə́ Juda tə́ ní ɓē kə jōó gə̄ ń toō ran̄ ngan̄g ɓáý.

2 YÁ̰A̰ GƏ̄ 11:7

Bet Sur ō, Soko ō, Adulam ō,

1 SAMUEL 14:52

Dan ń Saul ndiń kə kumneé ní, ni rɔ̄ɔ̄ Pilistin gə̄ kə ngangá ngá̰ý. I tām̄ najə̄ ń noō tə́ n ni a ɔyń de kə́ ngé kəhɔ rɔ̄də́ tɔgə gə̄ ō, de kə́ ngan̄g gə̄ ō áskaraá ní.

1 SAMUEL 14:46

Saul lōō gír ngɔ̄də̄ Pilistin gə̄ tə́, adə̄ tél aw̄n̄ gogə́ ɓēé.

1 SAMUEL 7:7

Dan ń Pilistin gə̄ oōn̄ kadə̄ ngán Israel gə̄ kánə̄n̄ naā Misəpa anī, ngār yādə́ gə̄ aw̄n̄ yā rɔ̄ɔ̄ Israel gə̄. Adə̄ dan ń ngán Israel gə̄ oōn̄ ní ɓōĺ rāādə́ ngá̰ý.