1 SAMUEL 16:7 - Bibəl ta Sar̄

⁷ Banī Kɔ́ɔ̄ɓē əda Samuel na: Ī-lōō ka̰a̰ gidən kə́ ndágá kə́ majə ō, ka̰a̰ ngālən kə́ ngá̰ý ō. Tɔdɔ̄ m̄-gērān alé. Najə̄ ń toō i najə̄ ka̰a̰ yá̰á̰ ń kə́ deē ndul tə́ alé. De gə̄ a a̰a̰n̄ i gidə deē ndágá banī Kɔ́ɔ̄ɓē a a̰a̰ i kem deē.

Bible sar

⁷ Banī Kɔ́ɔ̄ɓē əda Samuel na: Ī-lōō ka̰a̰ gidən kə́ ndágá kə́ majə ō, ka̰a̰ ngālən kə́ ngá̰ý ō. Tɔdɔ̄ m̄-gērān alé. Najə̄ ń toō i najə̄ ka̰a̰ yá̰á̰ ń kə́ deē ndul tə́ alé. De gə̄ a a̰a̰n̄ i gidə deē ndágá banī Kɔ́ɔ̄ɓē a a̰a̰ i kem deē.

1 SAMUEL 16:7 Referans Kwoze

JA̰A̰ 7:24

Ī-lōōī gān̄g sarya tām̄ gidə yá̰a̰ kə́ ndágá ń á̰a̰ī tə́ ní, banī ī-gāngī sarya kə́ gōtə́ tá.

JEREMI 17:10

I náā n asə ger̄ gír̄ gə̄ ní? Mā Kɔ́ɔ̄ɓē m-á̰a̰ gír̄ kə́ kem de gə̄ tə́ ō, m-ə̄ndā ma̰ȳ ngarā̰ kemdə́ ō, yā kadə̄ m-ə̄ndań nja deē kógə̄ḿ kógə̄ḿ kə gō hál rāān ō, yá̰a̰ gə̄ ń teēn̄ tū kəla rāān gə̄ tə́ ní ō.

Najə̄ kə́ Majə yā Jeju ń Luk ndang ní 16:15

Ba Jeju ədadə́ na: Sḭḭ̄ i ngé kɔjə rɔ̄sí gə̄ ta kum de gə̄ tə́, kadə̄ sḭḭ̄ na i de kə́ súmūú gə̄, ba Nə́ɓā ger̄ kemsí, tɔdɔ̄ yá̰á̰ ń de gə̄ ɔsən̄ kə̄ dɔɔ́ ní i yá̰á̰ kə́ to yḛr kum ngá̰ý ta kum Nə́ɓā tə́.

1 PIYER 3:4

Ba ādī majə yāsí i majə kə́ ngarān̄g kemsí tə́. Ādī i majə kə́ a nujə aĺ bátə́ ń i majə yā háĺ kə́ sɔl̄ lɔ́ḿ lɔ́ḿ ō, yā ndíl de kə́ ndi jəke ō ní tá. I majə ń noō n i majə kə́ gātə̄n i ngá̰ý ta kum Nə́ɓā tə́ ní.

Gōsə̄ najə̄ gə̄ 16:2

Deē a̰ā̰ kadə̄ gō róbə yān gə̄ malang i kə́ unjə̄n̄ njáý njáý, banī nge mbɔ̄jə́ ngarā̰ kem deē i Kɔ́ɔ̄ɓē.

Gōsə̄ najə̄ gə̄ 31:30

Rō̰ i yá̰á̰ kə́ a gól̄ loo ō, majə deē i yá̰á̰ kə́ a to ngándáńg aĺ ō. I dəyá̰ ń ɓōĺ ndíĺ Kɔ́ɔ̄ɓē ní n i dəyá̰ kə́ majə kɔsə gɔnən ní.

1 YÁ̰A̰ GƏ̄ 28:9

Banī ḭ̄ ngōnə́ḿ Salomo̰, Nə́ɓā ń m̄-rāā kəla yān ní, ī-ndóō loo gerə̄n kə gōó majə. Ādə̄ kemií kēgə̄ loo rɔȳn tə́ aĺ ō, ādə̄ rɔ̄í neli loo rāā kəla yān tə́ ō. Tɔdɔ̄ kum Kɔ́ɔ̄ɓē a̰a̰ loo bátə́ ugə̄ gə́le kem de gə̄ tə́ malang ō, Kɔ́ɔ̄ɓē əndā ma̰ȳ gír̄ gə̄ malang kə́ kem deē tə́ ō. Ré ī-sāān anī, a əya̰ rɔ̄n yā kadə̄ ə́ngen. Banī ré ə́ya̰n kɔ̄ɔ́ anī, a mbātíī i kə́ njɔ́ḿ gə̄ tə́.

1 MBAN̄G GƏ̄ 8:39

ḭ̄ ń ī-ndi dɔ rā̰ tə́ ní ī-nēl̄ mbīí ōońdə́, ī-mā̰ȳ rɔ̄í dɔdə́ tə́, ī-rāā yá̰a̰ kə deē kógə̄ḿ kógə̄ḿ sɔɔ̄ń dɔ kəla rāān, tām̄ ḭ̄ ī-ger̄ kem de gə̄ i īkɔ́ ngóy n ī-ger̄ kem de gə̄ malang ní.

KƏLA RĀĀ 1:24

Gō tə́ anī nin̄ malang ndɔ̄ȳn̄ Nə́ɓā ədan̄ na: Kɔ́ɔ̄ɓē, ḭ̄ ń i nge ger̄ kem de gə̄ malang ní, ɔ́jə́jí deē ń ī-gə̄rān dan de kə́ jōó gə̄ ń toō tə́

2 YÁ̰A̰ GƏ̄ 16:9

Tām̄ kum Kɔ́ɔ̄ɓē a̰a̰ loo dɔ nang tə́ malang i yā kɔsəń kíĺ ngé gə̄ ń kemdə́ i yān kə taá malang ní kə̄ dɔɔ́. I beé n a ī-rāā yá̰a̰ i tītə̄ de kə́ kur̄ dɔn gətóo ní. Adə̄ əla gír ɓōólaā bátə́ kə̄ no tə́ ní ā ī-ra i dan rɔ̄ɔ́.

HEBƏRO 4:13

Yá̰a̰ malang ń Nə́ɓā rāā ní, nge kógə̄ḿ kə́ kumən a̰ā̰ aĺ gətóo. Gíŕ yá̰a̰ malang to i kə̄ dɔ ndágá ta kumən tə́. Kumən aw̄ kə tɔ́gə dɔ yá̰a̰ malang tə́ ō. I ni n j-a j-ɔjiī-n gíŕ yá̰a̰ rāājí gə̄ malang ní ō.

JEREMI 20:12

Kɔ́ɔ̄ɓē kə́ bo kə́ tɔ́gən i ngá̰ý, ḭ̄ ń ā ə̄ndā ma̰ȳ de kə́ súmūú ō, ā á̰á̰ gír̄ yā de gə̄ ō, ngarā̰ kemdə́ ō ní, ādə̄ m-á̰a̰ ba̰ā̰ ń ā ī-rāā sedə́ ní, tɔdɔ̄ m-ə́ya̰ najə̄ yāḿ i kem jīí ḭ̄ tə́.

PĀ GƏ̄ 139:2

Ī-ger̄ ta ndiḿ kə̄ nang tə́ ō, ta kḭḭḿ kə̄ dɔɔ́ ō. Yá̰á̰ ń m̄-sāā rāā ní, ḭ̄ ī-ger̄ kété kɔ̄ɔ́ ɓá.

JEJU TEĒ KUM JA̰A̰ 2:23

Tá ɓáý to̰ ní, m-ā m̄-rāā kadə̄ ngánən gə̄ a oyn̄. Loo ń noō tə́ Egəlijə gə̄ malang a gerə̄n̄ kadə̄ mā i nge ger̄ gír̄ kə́ kem deē tə́ ō, nge ger̄ yá̰a̰ gə̄ ń kem deē gḛy ní ō. Yá̰á̰ ń m-ā m̄-rāā sesí kógə̄ḿ kógə̄ḿ ní, i kə gō kəla rāāsí gēé.

2 KORḚNTƏ 10:10

Tām̄ de gə̄ ədan̄ na: Najə̄ ń Pol ndang kem makətūbə̄ yān gə̄ tə́ əlań ní, i najə̄ kə́ to ɓōĺ ngá̰ý gə̄ ō, i najə̄ kə́ ngan̄g ngá̰ý gə̄ ō. Ba ré nəkɔ́ i danjí tə́ anī, tɔ́gən gətóo ō, najə̄ kɔrə̄n to ngár̄ aĺ ō.

1 PIYER 2:4

Ī-ndɔ́tī kə̄ rɔ̄ Kɔ́ɔ̄ɓē tə́. Ni i mbal̄ kə́ ndi kə kumneé kə́ de gə̄ mbātə́n̄ kɔ̄ɔ́. Banī Nə́ɓā gə̄rān, tɔdɔ̄ Nə́ɓā a̰ā̰ kadə̄ ni i mbal̄ kə́ gātə̄n i ngá̰ý.

Makətūbə̄ yā Job 10:4

Ka̰a̰ loo yāí i tītə̄ ka̰a̰ loo yā deē ndul a? Ḭ̄ á̰a̰ loo ī-tɔȳ deē ndul aĺ a?

2 SAMUEL 14:25

Dɔ nang kə́ Israel tə́ malang ní de kə́ rīn ɓār̄ tām̄ yā majən tə́ tītə̄ yā Absalom beé gətóo. Əla gír da njan tə́ bátə́ ugə̄ń jam dɔn tə́ dɔɔ́ ní, loon kógə̄ḿ kə́ nujə gətóo.

1 SAMUEL 9:2

Ngōnən kógə̄ḿ kə́ dəngam rīn na i Saul. Ngōnən ní i balsáá kə́ majə deē ngá̰ý. Adə̄ dan ngán Israel gə̄ tə́ ní de kə́ majə deē tɔȳn gətóo. Ngālən tɔȳ de gə̄ malang. Dɔ de gə̄ malang ndi i gír sɔ́lən tə́.

JEREMI 11:20

Kɔ́ɔ̄ɓē kə́ bo kə́ tɔ́gən i ngá̰ý, ḭ̄ ń ó̰o̰ ɓē kə háĺ kə́ gōtə́ ō, ḭ̄ ń i nge kəndā ma̰ȳ gír̄ yā deē ō, ngaran̄g kem deē ō ní, ī-dal ba̰ā̰ dɔdə́ tə́ ādə̄ m-á̰a̰ā̰, tɔdɔ̄ m-ə́ya̰ rɔ̄ḿ i kem jīí ḭ̄ tə́.

Gōsə̄ najə̄ gə̄ 15:11

Loo kə́ ɓádá ń i bəlo kə́ bo ní to i kə̄ dɔ ndágá ta kum Kɔ́ɔ̄ɓē tə́, banī ngarā̰ kem de gə̄ to i kə̄ dɔ ndágá ta kumən tə́ tɔȳdə́ mbak.

PĀ GƏ̄ 7:9

Kɔ́ɔ̄ɓē, nge gān̄g sarya yā nápar de gə̄, ī-gān̄g sarya yāḿ sɔɔ̄ń yá̰a̰ rāāḿ kə́ gōtə́ ō, najə̄ kə́ gətóo dɔḿ tə́ ō!

2 KORḚNTƏ 10:7

Sḭḭ̄ ā á̰a̰ī i gidə yá̰á̰ kə́ ndágá! Adə̄ ré de kə́rēý gír̄ kemən tə́ kadə̄ ni i deē yā Kərist anī, ādə̄ kɔ́ɔ̄ tél gír̄ rang ɓáý to̰ na ré ni i yā Kərist anī, jḭḭ i yān ō.

JA̰A̰ 8:15

Sḭḭ̄ ī-gāngī sarya i kə gō gír̄ yā de gēé, ba mā m̄-gān̄g sarya dɔ deē kógə̄ḿ tə́ alé.

TA KƏLA 4:5

banī mbātə́ Kain kə yá̰a̰ ndējə̄ yān gēé. Tōr̄ Kain ngá̰ý adə̄ dɔ kumən nelə̄n alé.

1 SAMUEL 2:3

Ī-lōōī ndájə̄ najə̄ ō, ī-lōōī ngonjə̄ ō, tɔdɔ̄ Kɔ́ɔ̄ɓē i Nə́ɓā kə́ ger̄ yá̰a̰ malang. Ni i nge gān̄g sarya dɔ yá̰a̰ malang ń de gə̄ rāān̄ tə́ ní.

2 SAMUEL 7:20

Dan ń ī-gerə̄m̄ mā nge kəla yāí kɔ̄ɔ́ ɓá ní, najə̄ kə́ rang kə́ yā kadə̄ m-ə́daī dɔ tə́ i rí ɓáý to̰ Kɔ́ɔ̄ɓē Nə́ɓā?

2 YÁ̰A̰ GƏ̄ 6:30

ḭ̄ ń ī-ndi dɔ rā̰ tə́ ní, ōō ndūjí loo ń ī-ndi tū tə́ ní tə́. Ī-mā̰ȳ rɔ̄í dɔdə́ tə́ ba ī-rāā yá̰á̰ ń majə kadə̄ ī-rāā sedə́ ní kógə̄ḿ kógə̄ḿ kə dɔdə́ gēé sɔɔ̄ń háĺdə́ tām̄ ī-ger̄ kemdə́. Tɔdɔ̄ i ḭ̄ kógə̄ḿ beē n i nge ger̄ kem de gə̄ ní.

Gōsə̄ najə̄ gə̄ 24:12

Ré ə́da na ī-ger̄ aĺ na i mbée anī, Nə́ɓā ni ger̄, tɔdɔ̄ ni ger̄ gír̄ kə́ kemií tə́ ń ī-sāā rāań yá̰á̰ ní. N i əndā kumən dɔí tə́, ni ger̄ yá̰a̰ malang. Ni-gān̄g sarya dɔ de gə̄ tə́ kógə̄ḿ kógə̄ḿ i kə gō kəla rāādə́ gēé.

1 YÁ̰A̰ GƏ̄ 17:18

kɔsə ń ɔ́sə gɔnəḿ ní kə m-ə́da na i rí dɔ tə́? Tām̄ ḭ̄ ī-gerəm̄ mā nge kəla yāí.

Makətūbə̄ yā Job 35:5

Á̰a̰ dɔ rā̰ majə ō, ə̄ndā ma̰ȳ kil̄ man̄ gə̄ ō. Nin̄ i dɔɔ́ dɔí tə́!