1 SAMUEL 16:16 - Bibəl ta Sar̄

¹⁶ Kɔ́ɔ̄jí ɔ̄r̄ najə̄ na jḭḭ i tām̄ yāí tə́. J-a jə-sāā deē kógə̄ḿ kə́ ger̄ kugə kənde majə yā kadī, kadə̄ ré ndíĺ kə́ majaĺ kógə̄ḿ kə́ ḭḭ rɔ̄ Nə́ɓā tə́ reē a njə̄ɓāī anī kɔ́ɔ̄ a ugə kənde dɔí tə́ kadə̄ i sóí tə́.

Bible sar

¹⁶ Kɔ́ɔ̄jí ɔ̄r̄ najə̄ na jḭḭ i tām̄ yāí tə́. J-a jə-sāā deē kógə̄ḿ kə́ ger̄ kugə kənde majə yā kadī, kadə̄ ré ndíĺ kə́ majaĺ kógə̄ḿ kə́ ḭḭ rɔ̄ Nə́ɓā tə́ reē a njə̄ɓāī anī kɔ́ɔ̄ a ugə kənde dɔí tə́ kadə̄ i sóí tə́.

1 SAMUEL 16:16 Referans Kwoze

2 MBAN̄G 3:15

Ba kə́ ngɔr ń toō tə́ ní, ī-rēēí kə gōsə̄ kógə̄ḿ ādə̄mī. Dan ń gōsə̄ a ugə kənde ní a, Kɔ́ɔ̄ɓē əhɔ Elije kə tɔgəneé,

1 MBAN̄G GƏ̄ 10:8

Na ngé kəla yā Salomo̰ gə̄gē, de gə̄ malang kə́ ndogó ɓē Salomo̰ gə̄gē ní rɔ̄də́ na nel̄də́, tɔdɔ̄ nin̄ na i rɔ̄ Salomo̰ tə́ kə ndɔ̄ gə̄, adə̄ na a oōn̄ najə̄ kɔrə̄n kə́ kə kum kedēé gə̄.

1 SAMUEL 19:9

Ndɔ̄ kə́rēý tə́ ndíĺ kə́ majaĺ kógə̄ḿ ḭḭ rɔ̄ Kɔ́ɔ̄ɓē tə́ reē udə kem Saul tə́. Saul ndi i kem kújə yān tə́ kə nəngaá jīn tə́, ba Dabid a ugə i kənde.

1 SAMUEL 18:10

Teē kə kōŕneé anī ndíĺ kə́ majaĺ kógə̄ḿ ḭḭ rɔ̄ Nə́ɓā tə́ reē udə kem Saul tə́ ba rāān adə̄ a̰a̰ oy oy kem kújə yān tə́. Dabid ugə kənde adə̄ Saul tītə̄ ń a ugəń kété gə̄ ní, ba Saul ndi i kə nəngaá jīn tə́.

1 SAMUEL 10:5

Gō tə́ anī ā ɔ̄tə̄ Gibea Eloim ń i ɓē ń ngé ko̰o̰ ɓē gə̄ yā Pilistin gə̄ ndin̄ tū tə́ ní. Ré ā údə kə̄ kem ɓēé anī, ā ə́nge ɓūtə̄ ngé koō ta gə̄ kə́ ḭḭn̄ loo kə́ kḭḭ kə̄ dɔɔ́ tə́ a reēn̄. Ngé kugə kənde kə́ kəlān i ngá̰ý gə̄ ō, kə́ kəlān i ngá̰ý aĺ gə̄ ō, ngé kənda kɔdə gə̄ ō, ngé kɔĺ nal gə̄ ō, a njə̄rān̄ kété nodə́ tə́. Ba nin̄ kɔ́ gə̄ tá a ɔrə̄n̄ najə̄ kə́ loo ngé koō ta gə̄ tə́ beé.

TA KƏLA 41:46

Dan ń aw̄n̄ kə Jəjepé rɔ̄ Parao̰ mban̄g kə́ Ejiptə tə́ ní, ɓālə̄n i kutə mətá. Jəjep əya̰ Parao̰ ba ɔr̄ gō loo njə̄rā kə gō ɓē kə́ Ejiptə tə́ gēé malang.

1 SAMUEL 16:14

Ndíĺ Kɔ́ɔ̄ɓē əya̰ Saul ba ndíĺ kə́ majaĺ kógə̄ḿ kə́ ḭḭ rɔ̄ Kɔ́ɔ̄ɓē tə́ tá reē a tápə̄ Saul.

1 SAMUEL 16:15

Anī ngé kəla yā Saul gə̄ ədanən̄ na: Jə-ger̄ kadə̄ ndíĺ kə́ majaĺ kógə̄ḿ kə́ ḭḭ rɔ̄ Nə́ɓā tə́ reē a tápī.

1 SAMUEL 16:17

Saul əda ngé kəla yān gə̄ na: Ré i beé anī ī-sāāī gōsə̄ kógə̄ḿ kə́ ugə kənde majə ī-reēī seneé ādə̄mī.