1 SAMUEL 16:14 - Bibəl ta Sar̄

¹⁴ Ndíĺ Kɔ́ɔ̄ɓē əya̰ Saul ba ndíĺ kə́ majaĺ kógə̄ḿ kə́ ḭḭ rɔ̄ Kɔ́ɔ̄ɓē tə́ tá reē a tápə̄ Saul.

Bible sar

¹⁴ Ndíĺ Kɔ́ɔ̄ɓē əya̰ Saul ba ndíĺ kə́ majaĺ kógə̄ḿ kə́ ḭḭ rɔ̄ Kɔ́ɔ̄ɓē tə́ tá reē a tápə̄ Saul.

1 SAMUEL 16:14 Referans Kwoze

PĀ GƏ̄ 51:11

Ún kumií kɔ̄ɔ́ ta yá̰á̰ kə́ majaĺ gə̄ ń m̄-rāā tə́ ní. Ɔ̄l̄ yá̰á̰ kə́ gōtə́ aĺ gə̄ malang ń m̄-rāā ní kɔ̄ɔ́.

1 SAMUEL 18:12

Loo ń noō tə́ Saul ɓōĺ Dabid, tām̄ ni ger̄ kadə̄ Kɔ́ɔ̄ɓē i naā tə́ seneé ba əya̰n ni kɔ̄ɔ́.

1 SAMUEL 28:15

Samuel dəje Saul na: Ī-njə́ɓām̄ i najə̄ rí tə́? Ī-ɓārə́m̄ i tām̄ rí tə́? Anī Saul ədan na: m̄-ndi i kə sōlōó kekəre. Pilistin gə̄ a sāān̄ i rɔ̄ɔ̄m̄ ō Nə́ɓā əya̰m̄ kɔ̄ɔ́ ō daləm̄ najə̄ to̰ aĺ ō. Ɔr̄ najə̄ seḿ kə ngé koō ta gēé aĺ ō kə nīí aĺ ō. Adə̄ m̄-ɓāríī i yā kadə̄ ī-reē ə́dam̄ yá̰á̰ ń sɔɔ̄ kadə̄ m̄-rāā ní.

NGÉ SARYA 16:20

Dalila un ndūn kə̄ dɔɔ́ ədań Samso̰ na: Samso̰ á̰a̰ Pilistin gə̄ dɔí tə́. Samso̰ ndól̄ dɔ ɓīī tə́ anī ɔjəń na n-a n-teē kum tə́ tītə̄ kə́ kété ɓáý, tɔdɔ̄ ni ger̄ kadə̄ Kɔ́ɔ̄ɓē ɔr̄ jīn gírən tə́ kɔ̄ɔ́ alé.

NGÉ SARYA 9:23

Gō tə́ anī Nə́ɓā əla ndíĺ kə́ majaĺ mbo̰ō̰də́ tə́ kə de kə́ Sisem gēé, adə̄ de kə́ Sisem gə̄ ḭḭ mbātə́n̄ Abimelek

1 SAMUEL 18:10

Teē kə kōŕneé anī ndíĺ kə́ majaĺ kógə̄ḿ ḭḭ rɔ̄ Nə́ɓā tə́ reē udə kem Saul tə́ ba rāān adə̄ a̰a̰ oy oy kem kújə yān tə́. Dabid ugə kənde adə̄ Saul tītə̄ ń a ugəń kété gə̄ ní, ba Saul ndi i kə nəngaá jīn tə́.

OJEE 9:12

Ká ré nin̄ a ngɔ̄mə̄n̄ ngán gə̄ gə̄gē anī, m-ā m̄-taādə́ jīdə́ tə́ kɔ̄ɔ́ yā kadə̄ deē kógə̄ḿ na̰yń alé. A̰á̰ā̰, kə́ rɔ̄kum tə́ ní, i yá̰á̰ kə́ to kum kaȳ aĺ kə́ ba̰ý beē tām̄ yā Epəraim gə̄ tə́ dan ń m-ā-ə́yá̰də́ ba m-ā m-āw̄ sa̰y kɔ̄ɔ́ ní!

1 MBAN̄G GƏ̄ 22:22

Anī ndíĺ ní əda na n-a n-aw̄, ba n-a n-tél ndíĺ kə́ nge sor̄ kə́ a ndi ta ngé koō ta gə̄ malang yā mban̄g tə́. Anī Kɔ́ɔ̄ɓē tél əda ndíĺ ní na: Ā ī-gólən, ta róbə i yāí. Āw̄ ī-rāā tītə̄ ń noō.

1 SAMUEL 11:6

Dan ń Saul oō najə̄ ní anī, Ndíl yā Nə́ɓā reē dɔn tə́ kə tɔ́gɔ́ adə̄ wōn̄g rāān ngá̰ý.

NGÉ SARYA 16:29

Gō tə́ anī Samso̰ mám̄ kadə bir̄ nja kújə́ kə́ jōó gə̄ ń ɔsə kújə ɓesə̄ kə̄ dɔɔ́ ní, ba əndā jī ko̰n kadə̄ nge kə́ dām̄ kə́ ko̰ó̰ tə́ ō, əndā jī gelən kadə nge kə́ dām̄ kə́ geleé tə́ ō,

1 SAMUEL 16:15

Anī ngé kəla yā Saul gə̄ ədanən̄ na: Jə-ger̄ kadə̄ ndíĺ kə́ majaĺ kógə̄ḿ kə́ ḭḭ rɔ̄ Nə́ɓā tə́ reē a tápī.

1 SAMUEL 16:16

Kɔ́ɔ̄jí ɔ̄r̄ najə̄ na jḭḭ i tām̄ yāí tə́. J-a jə-sāā deē kógə̄ḿ kə́ ger̄ kugə kənde majə yā kadī, kadə̄ ré ndíĺ kə́ majaĺ kógə̄ḿ kə́ ḭḭ rɔ̄ Nə́ɓā tə́ reē a njə̄ɓāī anī kɔ́ɔ̄ a ugə kənde dɔí tə́ kadə̄ i sóí tə́.

1 SAMUEL 16:23

Adə̄ dan ń ndíĺ kə́ majaĺ ń Nə́ɓā əlan ní reē a njə́ɓā Saul anī, Dabid un kənde kə̄ jīn tə́ a ugə ɓá anī ndíĺ ní əya̰ Saul adə̄ tél ndi jəke ō, rɔ̄n əsō naā tə́ ō.

2 SAMUEL 7:15

Banī m-ā m-ɔ̄r̄ jīḿ gírən tə́ kɔ̄ɔ́, tītə̄ ń m-ɔ̄rəń jīḿ gír Saul tə́ ba m-ə̄ndāīneé gotən tə́ ní alé.

1 MBAN̄G GƏ̄ 22:19

Mise əda na: Majə, ōō najə̄ ń Kɔ́ɔ̄ɓē əda ní: M-á̰á̰ Kɔ́ɔ̄ɓē ndi dɔ kōr̄ kāgə̄ mbang yān tə́, ba de kə́ dɔ rā̰ tə́ gə̄ malang ran̄ rɔ̄n tə́ kə njadə́ dɔɔ́, ran̄ dɔ jī ko̰n tə́ ō, dɔ jī gelən tə́ ō.