1 SAMUEL 16:13 - Bibəl ta Sar̄

¹³ Samuel un yibə̄ ń kem gajə dā̰á̰ ní ur dɔ Dabid tə́ ta kum ngákó̰o̰n gə̄ tə́. Əla gír i ndɔ̄ ń noō tə́ n Ndíĺ Kɔ́ɔ̄ɓē reēń dɔ Dabid tə́ ní. Gō tə́ anī Samuel ɔr̄ dɔɔ́ ta kaw̄ Rama.

Bible sar

¹³ Samuel un yibə̄ ń kem gajə dā̰á̰ ní ur dɔ Dabid tə́ ta kum ngákó̰o̰n gə̄ tə́. Əla gír i ndɔ̄ ń noō tə́ n Ndíĺ Kɔ́ɔ̄ɓē reēń dɔ Dabid tə́ ní. Gō tə́ anī Samuel ɔr̄ dɔɔ́ ta kaw̄ Rama.

1 SAMUEL 16:13 Referans Kwoze

1 SAMUEL 10:6

Loo ń noō tə́ Ndíl yā Kɔ́ɔ̄ɓē a reē dɔí tə́ kə tɔ́gɔ́ adə̄ ā ī-rāā yá̰á̰ kə́ de kə́ yá̰a̰ rāān tə́ tītə̄ yādə́ ō, ā ī-tél de kə́ rang ō.

HEBƏRO 1:9

Ī-ndigə yá̰á̰ kə́ gōtə́ ba ī-mbātə́ yá̰á̰ kə́ majaĺ, i tām̄ najə̄ ń noō tə́ n ḭ̄ Nə́ɓā, Nə́ɓā yāí ur yibə̄ rɔ̄nel̄ dɔí tə́ ɔrə̄ń kamí tayā ō, gə̄rāī dan madí gə̄ tə́ ō ní.

JA̰A̰ 3:34

Tɔdɔ̄ nge ń i Nə́ɓā n əlan ní, Nə́ɓā adə̄n Ndíl i kanjə̄ mbɔ̄jə́ ka̰ā̰, adə̄ a əda i najə̄ yā Nə́ɓā.

1 SAMUEL 10:1

Samuel un yibə̄ ń ətō jīn tə́ kem kūú ní ur dɔ Saul tə́. Gō tə́ anī ɓirə̄n kə̄ rɔ̄n tə́ dagə ba ədan na: I Kɔ́ɔ̄ɓē nəkɔ́ n ur yibə̄ dɔí tə́ kadə̄ ḭ̄ i ngār yā deē yān gə̄ ní.

NGÉ SARYA 11:29

Ndíĺ Kɔ́ɔ̄ɓē reē dɔ Jepte tə́, adə̄ un gō loo kə́ dɔ nang ká Galaad tə́ ō, kə́ Manase tə́ ō, aw̄ Misəpe kə́ Galaad tə́ ba ra noó ənda dɔ nin̄ dɔ nang yā ngán Amon gə̄ gān̄g.

NGÉ SARYA 3:10

Ndíĺ Kɔ́ɔ̄ɓē reē dɔ Otəniel adə̄ no o̰o̰ ɓē dɔ ngán Israel gə̄ tə́. Ni-aw̄ rɔ̄ɔ̄ tə́ anī Kɔ́ɔ̄ɓē əla Kusan Risataim mban̄g kə́ Mesopotami kem jīn tə́ adə̄ tetən rɔ̄ɔ̄.

TƏ́DA 27:18

Kɔ́ɔ̄ɓē tél əda Moijə na: Jojue ngōn̄ Nun i de kə́ ndílə́ḿ rāā kəla kemən tə́. Ī-ɓārə́n ba ə̄ndā jīí dɔn tə́.

1 SAMUEL 16:18

Anī nge kəla kógə̄ḿ əda na: J-ədaī kə̄ laā aĺ ní m̄-ger̄ deē kógə̄ḿ noō, deē ní i ngōn̄ Jese kə́ Betlehem. Ni i gōsə̄ kə́ ugə kənde majə ngá̰ý. I de kə́ nge wur kil ō, go̰ rɔ̄ɔ̄ ō. Najə̄ kɔrə̄n to ngáā ō, i de kə́ majə deē ō, Kɔ́ɔ̄ɓē i naā tə́ seneé ō.

2 MBAN̄G 9:6

Yehu ḭḭ dɔɔ́, ba aw̄ seneé kújú. Balsáá ní ur yibə̄ dɔn tə́ ba ədan na: Kɔ́ɔ̄ɓē, Nə́ɓā yā Israel, əda na n-əndāī mban̄g kadə̄ ó̰o̰ ɓē dɔ gír deē yān gə̄ tə́, dɔ Israel tə́.

1 SAMUEL 11:6

Dan ń Saul oō najə̄ ní anī, Ndíl yā Nə́ɓā reē dɔn tə́ kə tɔ́gɔ́ adə̄ wōn̄g rāān ngá̰ý.

NGÉ SARYA 14:6

Loo ń noō tə́ Ndíĺ Kɔ́ɔ̄ɓē udə kem Samso̰ tə́, adə̄ əhɔ ɓɔl ní rə̄yā̰n naā tə́ jōó tītə̄ loo rə̄yā̰ ngōn̄ bə̄yā̰ beé, kanjə̄ kadə̄ yá̰á̰ kógə̄ḿ i jīn tə́. Banī yá̰á̰ ń rāā ní əda bɔbə̄n nin̄ kə kó̰o̰neé gotə alé.

NGÉ SARYA 13:25

Ndíĺ Kɔ́ɔ̄ɓē əla gír rāā Samso̰ i Mahane Dan, dɔ dán ɓē kə́ Sora kə ɓē kə́ Esətaol tə́.

TƏ́DA 11:17

M-ā m̄-risə yā kɔr̄ najə̄ seí loo ń noō tə́. M-ā m̄-kēgə̄ Ndíĺ ń m-ādī ní sḛ́ý yā kadə̄də́. Loo ń noō tə́ a ngɔ̄mə̄n̄ kósə de gə̄ seí, ba i īkɔ́ n ā ī-rāā kəla kə́ ngan̄g ngá̰ý ń toō kə kérí ní to̰ alé.

KƏLA RĀĀ 13:22

Gō tə́ anī Nə́ɓā mbātə́ Saul ba adə̄də́ Dabid kadə̄ ni i mban̄g yādə́. Ni əda najə̄ kə́ dɔn tə́ na: M-ə́nge Dabid ngōn̄ Jese, ni i de kə́ kə gō kemḿ. Ni a rāā yá̰a̰ malang ń kemḿ ndigə ní.

HEBƏRO 11:32

I najə̄ rí n kə m-ə́dá ɓáý? Kum mbang kə́ yā kadə̄ m-ɔ̄rəń gír najə̄ yā Jedeo̰ ō, Barak ō, Samso̰ ō, Jepte ō, Dabid ō, Samuel ō, ngé koō ta gə̄ ō, kə ta njaá gətóo.

1 SAMUEL 2:35

Gō tə́ anī m-ā m̄-gə̄rā nge tun̄ yá̰á̰ kə́ sew kə́ ni a rāā i yá̰á̰ ń kemḿ ndigə ní ō, yá̰á̰ ń ɓōn i kemḿ tə́ ní ō. M-ā m̄-rāā kadə̄ gír kɔjə yān a ndi kem kəla tun̄ yá̰á̰ tə́ ndi kə́ dan gān̄g aĺ. Ni a njə̄rā i ta kum mban̄g yāḿ ń urən̄ yibə̄ dɔn tə́ ní ngándáńg.

1 SAMUEL 18:12

Loo ń noō tə́ Saul ɓōĺ Dabid, tām̄ ni ger̄ kadə̄ Kɔ́ɔ̄ɓē i naā tə́ seneé ba əya̰n ni kɔ̄ɔ́.

2 SAMUEL 2:4

Loo ń noō tə́ Juda gə̄ reē urən̄ yibə̄ ngār dɔ Dabid tə́ kem ɓē kə́ Hebron tə́. Nin̄ əndānən̄ mban̄g dɔ Juda gə̄ tə́. Dan ń reē ədan Dabid na i de gə̄ kə́ Yabes kə́ gō nang kə́ Galaad tə́ gə̄ ń dubə̄n̄ Saul anī,

2 SAMUEL 5:3

Kum kɔɔ̄ kə́ Israel tə́ gə̄ malang reēn̄ rɔ̄ mban̄g Dabid tə́ Hebron. Ni-əhɔ madə̄ naā sedə́ ta kum Kɔ́ɔ̄ɓē tə́ ō, urən̄ yibə̄ ngār dɔn tə́ əndānneé mban̄g kə́ Israel tə́ ō.

2 SAMUEL 12:7

Anī Natan tél əda Dabid na: Deē ń rāā tītə̄ ń noō ní i ḭ̄! Ba yá̰á̰ ń Kɔ́ɔ̄ɓē Nə́ɓā yā Israel əda ní n toó: I mā n m-úr yibə̄ ngār dɔí tə́ kadə̄ ḭ̄ i mban̄g kə́ Israel tə́ ní ō, i mā n m̄-taāī jī Saul tə́ m-ə́ya̰ī dɔɔ́ ní ō.

2 SAMUEL 23:1

Najə̄ gə̄ ń Dabid ɔr̄ gō gogə́ ní n toó: Ōōī najə̄ kɔr̄ Dabid ngōn̄ Jese, najə̄ kɔr̄ deē ń əndānən̄ loo kə́ bo tə́ ní, deē ń Nə́ɓā yā Jakob ur yibə̄ ngār dɔn tə́ ní, deē ń nel̄ ngán Israel gə̄ tɔ̄ȳ kə pāá ngá̰ý ní.

PĀ GƏ̄ 89:20

Ndɔ̄ kógə̄ḿ tə́ ī-teē ta kum deē yāí gə̄ tə́ ba ə́dádə́ na: m̄-rāā kə de kə́ əhɔ rɔ̄n tɔgə, m-ɔ́sə balsáá kógə̄ḿ kə́ dan gír deē yāḿ gə̄ tə́ kə̄ dɔɔ́.

1 SAMUEL 1:19

Elkana nin̄ kə deē yān gēé ḭḭn̄ dɔɔ́ kə gír looí ɓatə ngá̰ý ba aw̄ ɔsən̄ nodə́ nang tə́ no Kɔ́ɔ̄ɓē tə́ rɔȳnən̄neé. Gō tə́ anī tél aw̄n̄ gogə́ ɓē yādə́ tə́ Rama. Elkana ɓīī kə nə̄yá̰n Ana, anī əga kem Kɔ́ɔ̄ɓē dɔ Ana tə́,

1 YÁ̰A̰ GƏ̄ 11:3

Kum kɔɔ̄ kə́ Israel tə́ gə̄ malang reē əngen̄ mban̄g Dabid Hebron ō, ni-əhɔ madə̄ naā sedə́ ta kum Kɔ́ɔ̄ɓē tə́ ō. Nin̄ urən̄ yibə̄ ngār dɔn tə́ əndanən̄neé mban̄g kə́ Israel tə́ tītə̄ ń Kɔ́ɔ̄ɓē əndāń ta Samuel tə́ kété adə̄ əda ní.

PĀ GƏ̄ 89:21

M-ə́nge nge kəla yāḿ Dabid, m-ɔ̄r̄ kamə̄n kə yibə̄ kə́ táĺ.