1 SAMUEL 16:1 - Bibəl ta Sar̄

¹ Kɔ́ɔ̄ɓē əda Samuel na: Mə̄kɔ́ m̄-mbātə́ Saul kɔ̄ɔ́ ō, ni i mban̄g yā ngán Israel gə̄ to̰ aĺ ō, ba ḭ̄ ā ī-to i dan nōōn tə́ bátə́ a? Ī-tūr̄ yibə̄ kem gajə dā̰ yāí tə́ ba ɔ̄r̄ dɔɔ́. M-ə́laī ɓē Jese kə́ Betlehem, tɔdɔ̄ mban̄g ń m̄-gə̄rān ní i dan ngánən gə̄ tə́.

Bible sar

¹ Kɔ́ɔ̄ɓē əda Samuel na: Mə̄kɔ́ m̄-mbātə́ Saul kɔ̄ɔ́ ō, ni i mban̄g yā ngán *Israel gə̄ to̰ aĺ ō, ba ḭ̄ ā ī-to i dan nōōn tə́ bátə́ a? Ī-tūr̄ yibə̄ kem gajə dā̰ yāí tə́ ba ɔ̄r̄ dɔɔ́. M-ə́laī ɓē Jese kə́ Betlehem, tɔdɔ̄ mban̄g ń m̄-gə̄rān ní i dan ngánən gə̄ tə́.

1 SAMUEL 16:1 Referans Kwoze

2 MBAN̄G 9:1

Elije nge koō ta ɓāŕ deē kógə̄ḿ kə́ dan ɓūtə̄ ngé koō ta gə̄ tə́ ədan na: Ī-do̰ō̰ ɓōdīí ō, ún kū yibə̄ ń toō jīí tə́ ō, ba āw̄ Ramot kə́ Galaad.

1 SAMUEL 15:23

Tɔdɔ̄ mbātə́ ndū Kɔ́ɔ̄ɓē i yá̰á̰ kə́ majaĺ ngá̰ý tītə̄ rāā kɔdə̄ sāā ō, rāā dɔ ngan̄g i yá̰á̰ kə́ majaĺ ngá̰ý tītə̄ rāā ɓesə̄ ō. Adə̄ dan ń ḭ̄ ī-mbātə́ najə̄ ta Kɔ́ɔ̄ɓē tə́ ɓá ní Kɔ́ɔ̄ɓē mbātíī kɔ̄ɔ́ ō. Adə̄ ḭ̄ i mban̄g to̰ alé.

1 SAMUEL 15:35

Samuel aw̄ ka̰a̰ Saul tə́ to̰ aĺ bátə́ oyń. Ni a nōō i Saul, tɔdɔ̄ Kɔ́ɔ̄ɓē ndə̄ngā rɔ̄n najə̄ kəndā ń n-əndā Saul mban̄g dɔ ngán Israel gə̄ tə́ ní.

Makətūbə̄ ń Pol ndang adə̄ Rom gə̄ ní 15:12

Ba Ijai əda ɓáý to̰ ō, əda na: Ngōn̄ kaa Jese kógə̄ḿ a reē. I ni n a ḭḭ dɔɔ́ yā ndi dɔ nápar de gə̄ tə́ ní. Nápar de gə̄ a əndān̄ kemdə́ i dɔn tə́.

1 SAMUEL 16:15

Anī ngé kəla yā Saul gə̄ ədanən̄ na: Jə-ger̄ kadə̄ ndíĺ kə́ majaĺ kógə̄ḿ kə́ ḭḭ rɔ̄ Nə́ɓā tə́ reē a tápī.

1 SAMUEL 10:1

Samuel un yibə̄ ń ətō jīn tə́ kem kūú ní ur dɔ Saul tə́. Gō tə́ anī ɓirə̄n kə̄ rɔ̄n tə́ dagə ba ədan na: I Kɔ́ɔ̄ɓē nəkɔ́ n ur yibə̄ dɔí tə́ kadə̄ ḭ̄ i ngār yā deē yān gə̄ ní.

1 SAMUEL 15:26

Banī Samuel ədan na: M-ā m̄-tél yā kaw̄ seí alé, tɔdɔ̄ ḭ̄ ī-mbātə́ rāā yá̰á̰ ń Kɔ́ɔ̄ɓē ɔjiī ní, Kɔ́ɔ̄ɓē mbātíī kɔ̄ɔ́, adə̄ ḭ̄ i mban̄g yā ngán Israel gə̄ to̰ alé.

1 SAMUEL 9:16

Bírí, kə kum mbang nəkɔ́ ń toō, m-ā m-ə́la kə de kógə̄ḿ kə́ gō nang kə́ Benjamḛ tə́ yā kadī kadə̄ úr yibə̄ dɔn tə́, kadə̄ ni i ngār yā deē yāḿ gə̄ ń i ngán Israel gə̄ ní ō, kadə̄ ɔr̄ deē yāḿ gə̄ kɔ̄ɔ́ jī Pilistin gə̄ tə́ ō. Tɔdɔ̄ m-á̰á̰də́ ō, nōō yādə́ əsō mbīḿ tə́ ō.

1 SAMUEL 15:11

m̄-ndə̄ngā rɔ̄ḿ tām̄ kəndā ń m-ə̄ndā Saul mban̄g tə́ ní. Tɔdɔ̄ ni tūr̄ gidən kɔ̄ɔ́ taḿ tə́ ō, rāā yá̰a̰ gə̄ ń m-ə́dan ní aĺ ō. Najə̄ ń noō tōr̄ kem Samuel ngá̰ý, adə̄ ni nōō kə̄ dɔ Kɔ́ɔ̄ɓē tə́ ndɔ̄ɔ́ bátə́ loo tīī dɔn tə́.

JEREMI 6:30

Ɓārə́n̄də́ na i gində̄ arjā̰a̰ kə́ yā kídə̄, tɔdɔ̄ Kɔ́ɔ̄ɓē kídə̄də́.

2 MBAN̄G 9:6

Yehu ḭḭ dɔɔ́, ba aw̄ seneé kújú. Balsáá ní ur yibə̄ dɔn tə́ ba ədan na: Kɔ́ɔ̄ɓē, Nə́ɓā yā Israel, əda na n-əndāī mban̄g kadə̄ ó̰o̰ ɓē dɔ gír deē yān gə̄ tə́, dɔ Israel tə́.

1 SAMUEL 16:23

Adə̄ dan ń ndíĺ kə́ majaĺ ń Nə́ɓā əlan ní reē a njə́ɓā Saul anī, Dabid un kənde kə̄ jīn tə́ a ugə ɓá anī ndíĺ ní əya̰ Saul adə̄ tél ndi jəke ō, rɔ̄n əsō naā tə́ ō.

JEREMI 7:16

Ḭ̄ ī-lōō ndɔ̄ȳ tām̄ yā gír de gə̄ ń toō tə́. Ī-lōō nōō rɔ̄í ō, rāā ɓɔ́ ō tām̄ yādə́ tə́. Ī-lōō to dan kɔr̄ najə̄ seḿ tə́ tām̄ yādə́ tə́. Tɔdɔ̄ m-ā m-ōō ndūí alé.

IJAI 55:4

Kété ní, m̄-rāā adə̄ ni i de kə́ kum tə́ yā tɔ́gə́ḿ tām̄ yā gír de gə̄ tə́, ni i ngār kə́ nge kəda kósə de kə́ kem ɓēé gə̄ yá̰á̰ kə́ yā rāā gə̄.

IJAI 11:10

Ndɔ̄ ngeé ń noō tə́ ní, ngōn̄ kaa Jese a to tītə̄ dərapóo rɔ̄ɔ̄ yā gír de gə̄ kə́ dɔ nang tə́, kə́ a ɔjə kadə̄ yá̰á̰ kógə̄ḿ a rāā yá̰a̰. Nápar de gə̄ a reēn̄ yā dəjen kadə̄ adə̄də́ kɔjə ō, loo ń ni a ndi tū tə́ ní, kɔsə gɔn yā Nə́ɓā a ndə́lē tū tə́ ō.

2 MBAN̄G 9:3

Úr yibə̄ kə́ kem kūú dɔn tə́ ba ədan na, Kɔ́ɔ̄ɓē əda na n-əndāī mban̄g kə́ Israel tə́. Gō tə́ anī ī-teē ta kújə ba ā̰ȳ kanjə̄ kɔr bā̰ā̰.

1 JA̰A̰ 5:16

Ré de kə́rēý a̰a̰ ngōkó̰o̰n loo rāā majaĺ kə́ a əla deē ta yo tə́ aĺ tə́ anī, ādə̄ ni-ndɔ̄ȳ Nə́ɓā tām̄ yān tə́, na Nə́ɓā a rāā kadə̄ a ndi kə kumneé. Majaĺ kógə̄ḿ kə́ a əla deē ta yo tə́ i noó. Ba i nge ń noō n m-ə́da najə̄ yā ndɔ̄ȳ tām̄ yā nge rāān tə́ ní alé.

JEREMI 15:1

Kɔ́ɔ̄ɓē ədam̄ na: Ká ré Moijə nin̄ kə Samuel reē ran̄neé ta kumḿ tə́ gə̄gē anī, m-ā m-ōō ndɔ̄ȳ yādə́ kə́ tām̄ yā de gə̄ ń noō tə́ alé. Ī-tə́ɓādə́ kɔ̄ɔ́ ta kumḿ tə́, ādə̄ aw̄n̄.

JEREMI 11:14

Ḭ̄, ī-lōō ndɔ̄ȳ tām̄ yā gír de gə̄ ń toō tə́ ō, ī-lōō nōō rɔ̄í ō, rāā ɓɔ́ ō tām̄ yādə́ tə́. Ré a ɓārə́mə̄n̄ tām̄ yá̰á̰ kə́ to kum kaȳ aĺ kə́ əsō dɔdə́ tə́ anī, m-ā m-ōō ndūdə́ alé.

IJAI 11:1

Ngōn̄ kə́ dəngam kógə̄ḿ a teē dan de gə̄ kə́ kem kojə yā Jese tə́, tītə̄ ta jī kāgə̄ kə́ dūú kə́ əɓa kadə ɓōdə̄ kāgə̄ kə́ tɔgə kɔ̄ɔ́ tə́ beē. Ta jī kāgə̄ kə́ əɓa dɔ ngəran gə̄ tə́.

HEBƏRO 11:32

I najə̄ rí n kə m-ə́dá ɓáý? Kum mbang kə́ yā kadə̄ m-ɔ̄rəń gír najə̄ yā Jedeo̰ ō, Barak ō, Samso̰ ō, Jepte ō, Dabid ō, Samuel ō, ngé koō ta gə̄ ō, kə ta njaá gətóo.

1 MBAN̄G GƏ̄ 8:16

əla gír ndɔ̄ ń na n-teēń kə ngán Israel gə̄ ń i gír deē yān gə̄ ní kɔ̄ɔ́ tə́ kem ɓē kə́ Ejiptə tə́ ní, na n-gə̄rā ɓē kógə̄ḿ dan ɓē gə̄ yā ngán Israel gə̄ tə́ yā kadə̄ rāān̄ kújə yān kemeé kadə̄ rīn ɓār̄ dɔ tə́ alé, banī na n-gə̄rāī ḭ̄ Dabid kadə̄ ḭ̄ i ngār yā gír deē yān gə̄ ń i Israel gə̄ ní.

1 YÁ̰A̰ GƏ̄ 11:3

Kum kɔɔ̄ kə́ Israel tə́ gə̄ malang reē əngen̄ mban̄g Dabid Hebron ō, ni-əhɔ madə̄ naā sedə́ ta kum Kɔ́ɔ̄ɓē tə́ ō. Nin̄ urən̄ yibə̄ ngār dɔn tə́ əndanən̄neé mban̄g kə́ Israel tə́ tītə̄ ń Kɔ́ɔ̄ɓē əndāń ta Samuel tə́ kété adə̄ əda ní.

1 YÁ̰A̰ GƏ̄ 28:4

tá dan de gə̄ malang kə́ kem kojə yā bɔbə́ḿ tə́ ní, i mā n Kɔ́ɔ̄ɓē Nə́ɓā yā Israel gə̄rām̄ yā kadə̄ mā ō, ngánə́ḿ gə̄ ō, ngán kaaḿ gə̄ ō, j-o̰o̰ ɓē dɔ Israel tə́ ngándáńg ní. Kété ní i gír ɓē kə́ Juda tə́ n ni gə̄rāā kadə̄ ni i kété no madə̄n gə̄ tə́ yā kɔr nodə́ ní. Gō tə́ anī, ni gəra gír kojə yā bɔbə́ḿ n dan gír kojə gə̄ kə́ Juda tə́ ní. Banī dan ngáń kə́ dəngam gə̄ ń bɔbə́ḿ ojə tə́ ní, i mā n ni əndām̄ kə gō kemən kadə̄ m-ó̰o̰ ɓē dɔ Israel gə̄ tə́ malang ní.

JAKARI 4:14

Tā anī, ni ɔjəm̄ kum, əda na: I de kə́ jōó gə̄ ń ɔrə̄n̄ kam̄də́ tayā kə yibīí kadə̄ rāān̄ kəla yā kɔ́ɔ̄ dɔ nang kə taá malang ní.

1 SAMUEL 17:12

Dabid i ngōn̄ Jese ń gír kaan i Epərata ní. Jese ndi ɓē i Betlehem kə́ Juda tə́. Ngánən kə́ dəngam gə̄ i sɔ́sɔ́. Ɓāl̄ yā Saul tə́ ní, Jese tɔgə kɔ̄ɔ́ adə̄ asə kaw̄ ta rɔ̄ɔ̄ tə́ to̰ alé ba əla i kə de gēé.