1 SAMUEL 15:8 - Bibəl ta Sar̄

⁸ Ni-tɔ̄l̄ Amalek gə̄ malang kɔ̄ɔ́ kə kəyā kaskaraá, ba i mban̄g yādə́ Agag ngóy n əhɔn kə kumneé ní.

Bible sar

⁸ Ni-tɔ̄l̄ Amalek gə̄ malang kɔ̄ɔ́ kə kəyā kaskaraá, ba i mban̄g yādə́ Agag ngóy n əhɔn kə kumneé ní.

1 SAMUEL 15:8 Referans Kwoze

1 SAMUEL 30:1

Dabid nin̄ kə deē yān gēé ugə̄n̄ kem ɓē kə́ Sikəlag tə́ i kə ndɔ̄ kə́ nge ko̰ mətá. Ba kété pá tá kadə̄ nin̄ ugə̄n̄ ní, Amalek gə̄ aw̄ ɓogən̄ de gə̄ kə́ dɔ nang kə́ Negeb tə́ ō de gə̄ kə́ kem ɓē kə́ Sikəlag tə́ ō. Nin̄ nujən̄ ɓē sák sák kɔ̄ɔ́ ō əlan̄ hor dɔ tə́ ō.

ESTER 3:1

Gō yá̰a̰ gə̄ ń noō tə́ ní mban̄g Jerses əndā Haman kə́ ngōn̄ Hamedata ń i de kə́ gír yā Agag tə́ ní loo kə́ bo tə́. Ni-ɔsə gɔnən ō, əndān dɔ de kə́ bo yān gə̄ tə́ malang ō.

TƏ́DA 24:7

Man̄ kə́ kem gembé rə̄ɓā adə̄ aw̄ kə̄ kem ndɔr̄ gə̄ tə́ dɔ kó gə̄ tə́ adə̄ asə kōō gə̄ majə. Mban̄g yā ngán Israel gə̄ a tetə mban̄g Agag rɔ̄ɔ̄. Ko̰o̰ ɓē yān a ḭḭ kə gidəneé.

1 MBAN̄G GƏ̄ 20:30

Ngé gə̄ ń teēn̄ ta yo tə́ ní a̰ȳ aw̄n̄ kem ɓē kə́ Apek tə́. Banī ndogə̄ mbal̄ ń əndān̄ gīrə̄neé gidə ɓē ní tetə dɔdə́ tə́. Nin̄ i deē dūbú kutə̄ jōó gidə i sīrí. Ben Hadad a̰ȳ aw̄ udə kem ɓēé ba ɓɔ̄ɔ̄ rɔ̄n gə́lé kújə́ kógə̄ḿ tə́.

1 SAMUEL 15:3

Ngɔlaā ní āw̄ ī-rɔ̄ɔ̄n. Ī-nujə yá̰a̰ yān gə̄ sák sák kɔ̄ɔ́ malang kanjə̄ kəya̰ yá̰á̰ kógə̄ḿ. Ī-tɔ̄l̄ yá̰a̰ malang ń ndi kə kumuú ní kɔ̄ɔ́, ī-tɔ̄l̄ dəngam gə̄ ō, dəyá̰ gə̄ ō, ngán gə̄ ō, ngán kə́ ta mba tə́ gə̄ ō, man̄g gə̄ ō, batə̄ gə̄ ō, jámbal gə̄ ō, kərō gə̄ ō.

JOJUE 11:12

Mban̄g gə̄ ń əndān̄ rɔ̄də́ naā tə́ ní Jojue tetədə́ rɔ̄ɔ̄ malang ba táā ɓē yādə́ gə̄. Ni-tɔ̄l̄ mban̄g gə̄ ní ō, de kə́ kem ɓēé gə̄ malang ō, kə kəyā kaskaraá bāań dɔdə́ adə̄ Nə́ɓā tītə̄ ń Moijə nge kəla yā Kɔ́ɔ̄ɓē ədanəń ní.

JOJUE 10:39

Nin̄ taān̄ ɓē kə́ Debir ō, tɔ̄lə̄n̄ mban̄g kə́ tū tə́ ō, taān̄ ɓē gə̄ ń ndin̄ kadə tə́ ní ō. Nin̄ tɔ̄lə̄n̄ de ké kem ɓēé gə̄ malang kə kəyā kaskaraá bāān̄neé dɔdə́ adə̄n̄ Nə́ɓā, əya̰n̄ deē kógə̄ḿ adə̄ ndi kə kumuú alé. Yá̰á̰ ń Jojue rāā kə ɓē kə́ Debir ō, kə mban̄g kə́ Debir ō ní, i tītə̄ yá̰á̰ ń ni-rāā kə ɓē kə́ Hebron ō, kə ɓē kə́ Libəna ō, kə mban̄g kə́ tū tə́ ō ní.

1 SAMUEL 15:20

Saul əda Samuel na: Mā m̄-rāā yá̰á̰ ń Kɔ́ɔ̄ɓē ədam̄ ní tām̄ m-āw̄ rɔ̄ɔ̄ tə́ loo ń Kɔ́ɔ̄ɓē əlam̄ tū tə́ ní ō, m-āw̄ m̄-reē kə Agag mban̄g yā Amalek gə̄ ō, m̄-tɔ̄l̄ Amalek gə̄ kɔ̄ɔ́ malang ō.

2 SAMUEL 8:12

Nápar de gə̄ ní i Aram gə̄ ō, Moab gə̄ ō, Amon gə̄ ō, Pilistin gə̄ ō, Amalek gə̄ ō. Yá̰a̰ kənge gə̄ ń Dabid taā jī mban̄g kə́ Soba tə́ ń i Hadadejer ngōn̄ Rehob ní, ni-ɔr̄ kam̄də́ tayā tām̄ yā Kɔ́ɔ̄ɓē tə́ ō.

1 YÁ̰A̰ GƏ̄ 4:43

Nin̄ tɔ̄lə̄n̄ Amalek kə́ ngé teē ta yo tə́ gə̄ ń a̰ȳ aw̄ ndin̄ noó ní kɔ̄ɔ́ ba ndin̄ gotədə́ tə́. Ɓōólaā gə̄gē nin̄ ndin̄ noó ɓáý.

LEBI GƏ̄ 27:29

Deē ń bāān̄ dɔn tām̄ yā Kɔ́ɔ̄ɓē tə́ ní, gāngə̄n̄ dɔn alé, a tɔ̄l̄nən̄ i mbée.

JOJUE 8:23

Ba i mban̄g kə́ Ai ngóy n əhɔnən̄ kə kumuú reēn̄ seneé adə̄n̄ Jojue ní.

1 SAMUEL 22:19

Saul adə̄ tɔ̄lə̄n̄ dəngam gə̄ ō, dəyá̰ gə̄ ō, ngáń kə́ dūú gə̄ ō, ngán kásə̄ gə̄ ō, man̄g gə̄ ō, kərō gə̄ ō, batə̄ gə̄ ō, bə̄yā̰ gə̄ ō malang kə́ Nob ń i ɓē yā ngé tun̄ yá̰a̰ gə̄ ń toō ní kə kaskaraá.