1 SAMUEL 15:7 - Bibəl ta Sar̄

⁷ Saul rɔ̄ɔ̄ Amalek gə̄ Habila bátə́ aw̄ ugə̄ sedə́ ta ɓē kə́ Sur ń ra sɔɔ̄ ta Ejiptə ní tə́.

Bible sar

⁷ Saul rɔ̄ɔ̄ Amalek gə̄ Habila bátə́ aw̄ ugə̄ sedə́ ta ɓē kə́ Sur ń ra sɔɔ̄ ta Ejiptə ní tə́.

1 SAMUEL 15:7 Referans Kwoze

1 SAMUEL 14:48

Ni-gān̄g dɔ ngán Israel gə̄ jī ngé rɔ̄ɔ̄də́ ba kɔyń yá̰a̰ kənge yādə́ gə̄ tə́ i tītə̄ noō.

TA KƏLA 25:18

Ɓē yā ngán kaan gə̄ əla gír i Habila bátə́ ugə̄ń Sur. Sur i kadə Ejiptə tə́, kum kə̄ Asur. Nin̄ ndin̄ i kə kéŕdə́, ɓoon̄ naā kə gotə ngán kaa Abəraham kə́ rang gə̄ alé.

TA KƏLA 16:7

Nge kaw̄ kəla yā Kɔ́ɔ̄ɓē əngen ta kəɓa man̄ kógə̄ḿ kə́ kem dəla loo tə́. I ta kəɓa man̄ kə́ dɔ róbə́ kə́ ta kaw̄ kə̄ Sur tə́.

1 SAMUEL 27:8

Dabid nin̄ kə deē yān gēé a ḭḭn̄ i Sikəlag n a aw̄ a rɔ̄ɔ̄n̄neé Gesur gə̄ ō Girji gə̄ ō Amalek gə̄ ō ní. Gesur gə̄ kə Girji gə̄ kə Amalek gə̄ i de gə̄ kə́ ndin̄ gō nang ń noō tə́ i jóo. Nin̄ ndin̄ ta kaw̄ kə̄ Sur ō ndin̄ bátə́ kum kə̄ dɔ nin̄ dɔ nang kə́ Ejiptə tə́ ō.

Teē Ngán Israel gə̄ 15:22

Ngán Israel gə̄ ń Moijə ɔr nodə́ ní, ḭḭn̄ bā tə̄ɓā gə̄ tə́ aw̄n̄ kum kə̄ dəla loo kə́ Sur tə́. Nin̄-njə̄rān̄ ndɔ̄ mətá kem dəla loo tə́ kanjə̄ kənge man̄.

TA KƏLA 2:11

Rī jīn kə́ ta kəga dɔ na i Pison. I ni n gīr̄ gidə ɓē kə́ Habila ní.

KOHELET 8:13

m̄-ger̄ ɓáý to̰ kadə̄ nge kem ndul a ndi majə aĺ ō, a mān̄ tītə̄ ndíl yá̰a̰ beé ō, adə̄ a ənī ndɔ̄n ta madə̄ tə́ kə̄ kété aĺ ō tɔdɔ̄ usən dɔ Nə́ɓā tə́ alé.

Makətūbə̄ yā Job 21:30

Ndɔ̄ ń yá̰á̰ kə́ majaĺ teēń dɔ de gə̄ tə́ ní, ngɔ̄mə̄n̄ nge kem ndul adə̄ teē kum tə́. Ndɔ̄ wōn̄g tə́ anī, ɓɔ̄ɔ̄nən̄ adə̄ yá̰a̰ ɔdə rɔ̄n alé.

1 SAMUEL 30:1

Dabid nin̄ kə deē yān gēé ugə̄n̄ kem ɓē kə́ Sikəlag tə́ i kə ndɔ̄ kə́ nge ko̰ mətá. Ba kété pá tá kadə̄ nin̄ ugə̄n̄ ní, Amalek gə̄ aw̄ ɓogən̄ de gə̄ kə́ dɔ nang kə́ Negeb tə́ ō de gə̄ kə́ kem ɓē kə́ Sikəlag tə́ ō. Nin̄ nujən̄ ɓē sák sák kɔ̄ɔ́ ō əlan̄ hor dɔ tə́ ō.

1 YÁ̰A̰ GƏ̄ 4:43

Nin̄ tɔ̄lə̄n̄ Amalek kə́ ngé teē ta yo tə́ gə̄ ń a̰ȳ aw̄ ndin̄ noó ní kɔ̄ɔ́ ba ndin̄ gotədə́ tə́. Ɓōólaā gə̄gē nin̄ ndin̄ noó ɓáý.

1 YÁ̰A̰ GƏ̄ 1:23

Opir ō, Habila ō, Yobab ō. Ngán Yokətan gə̄ malang n noó.