1 SAMUEL 15:26 - Bibəl ta Sar̄

²⁶ Banī Samuel ədan na: M-ā m̄-tél yā kaw̄ seí alé, tɔdɔ̄ ḭ̄ ī-mbātə́ rāā yá̰á̰ ń Kɔ́ɔ̄ɓē ɔjiī ní, Kɔ́ɔ̄ɓē mbātíī kɔ̄ɔ́, adə̄ ḭ̄ i mban̄g yā ngán Israel gə̄ to̰ alé.

Bible sar

²⁶ Banī Samuel ədan na: M-ā m̄-tél yā kaw̄ seí alé, tɔdɔ̄ ḭ̄ ī-mbātə́ rāā yá̰á̰ ń Kɔ́ɔ̄ɓē ɔjiī ní, Kɔ́ɔ̄ɓē mbātíī kɔ̄ɔ́, adə̄ ḭ̄ i mban̄g yā ngán *Israel gə̄ to̰ alé.

1 SAMUEL 15:26 Referans Kwoze

OJEE 4:6

Gír deē yāḿ gə̄ a oyn̄ i tām̄ nin̄ ger̄mə̄n̄ alé. Sḭḭ̄ ī-mbātíī gerə̄m̄. I tām̄ najə̄ ń toō tə́ n m̄ gḛy najə̄ yāsí to̰ aĺ ní. Sḭḭ̄ i ngé tun̄ yá̰a̰ yāḿ gə̄ to̰ alé. Dɔsí ndígə̄nal yá̰á̰ ń Nə́ɓā yāsí ndóōsí ní kɔ̄ɔ́ ɓá ní, dɔḿ mā a ndígə̄nal ngáńsí gə̄ ō.

1 SAMUEL 16:1

Kɔ́ɔ̄ɓē əda Samuel na: Mə̄kɔ́ m̄-mbātə́ Saul kɔ̄ɔ́ ō, ni i mban̄g yā ngán Israel gə̄ to̰ aĺ ō, ba ḭ̄ ā ī-to i dan nōōn tə́ bátə́ a? Ī-tūr̄ yibə̄ kem gajə dā̰ yāí tə́ ba ɔ̄r̄ dɔɔ́. M-ə́laī ɓē Jese kə́ Betlehem, tɔdɔ̄ mban̄g ń m̄-gə̄rān ní i dan ngánən gə̄ tə́.

1 SAMUEL 13:14

Ba ń toō ní ā ó̰o̰ ɓē kadə̄ dan aw̄ sa̰y to̰ alé. Kɔ́ɔ̄ɓē gə̄rā deē ń kemən nəkɔ́ ndigə ní kɔ̄ɔ́ ɓá ō, ɔjə dɔn kadə̄ i ni n i ngār yā deē yān gə̄ ní ɓá ō. Tɔdɔ̄ ī-rāā yá̰á̰ ń ədaī kadə̄ ī-rāā ní alé.

2 JA̰A̰ 1:11

Tɔdɔ̄ deē ń rāān lápə́ya ní, rāā i kem kógə̄ḿ seneé dɔ kəla rāān gə̄ kə́ majaĺ tə́.

JEREMI 6:19

Dɔ nang, ī-nēl̄ mbīí ōoń. Mā, m-ā m̄-rāā kadə̄ yá̰á̰ kə́ to kum kaȳ aĺ əsō dɔ gír de gə̄ ń toō tə́, i yá̰á̰ kə́ teē tū kəla rāādə́ gə̄ tə́. Nin̄ nēlə̄n̄ mbīdə́ oōnneé najə̄ kɔrə̄ḿ alé, kídə̄n̄ ndū najə̄ yāḿ gə̄.

1 SAMUEL 15:23

Tɔdɔ̄ mbātə́ ndū Kɔ́ɔ̄ɓē i yá̰á̰ kə́ majaĺ ngá̰ý tītə̄ rāā kɔdə̄ sāā ō, rāā dɔ ngan̄g i yá̰á̰ kə́ majaĺ ngá̰ý tītə̄ rāā ɓesə̄ ō. Adə̄ dan ń ḭ̄ ī-mbātə́ najə̄ ta Kɔ́ɔ̄ɓē tə́ ɓá ní Kɔ́ɔ̄ɓē mbātíī kɔ̄ɔ́ ō. Adə̄ ḭ̄ i mban̄g to̰ alé.

1 SAMUEL 15:31

Samuel tél kə̄ gō Saul tə́, adə̄ Saul aw̄ ɔsə non nang tə́ no Kɔ́ɔ̄ɓē tə́.

1 SAMUEL 2:30

I beé ɓá ní, mā ń i Kɔ́ɔ̄ɓē Nə́ɓā yā ngán Israel gə̄ ní, yá̰á̰ ń m-ā m-ə́daī ní n toó: Kété ní m-ə̄nī ndūḿ m-ādə̄ gír kojə yāí ō gír deē yāí gə̄ ō, m-ə́da na i sḭḭ̄ n i ngé tun̄ yá̰a̰ yāḿ gə̄ bátə́ kə̄ no tə́ ní. Ba ngɔlaā ní i tītə̄ ń noō to̰ alé adə̄ m-ə́dá wáńg. Tɔdɔ̄ de gə̄ ń ɓōlə́n̄ ndílə́ḿ ní mā m̄-ɓōĺ ndíĺdə́ ō, de gə̄ ń a kídə̄mə̄n̄ ní a rāān̄də́ nja bə̄yā̰ kə́ gogə́ tə́ ō.

TA KƏLA 42:38

Jakob əda na ngōnə̄n na a aw̄ sedə́ alé, tɔdɔ̄ ngōkó̰o̰n na oy kɔ̄ɔ́, na̰y na i nəkɔ́ kə kérneé ngóy. Ré yá̰á̰ kə́ to kum kaȳ aĺ na aw̄ rāān dɔ róbə mbā ń a rāān̄ yā kaw̄ tə́ toō anī, wur kɔl na a tɔ̄lə̄n kɔ̄ɔ́ kadə̄ najə̄ na a əsō dɔdə́ tə́, tām̄ na n-tɔgə ɓə́gá ngá̰ý kɔ̄ɔ́.

KƏLA RĀĀ 13:22

Gō tə́ anī Nə́ɓā mbātə́ Saul ba adə̄də́ Dabid kadə̄ ni i mban̄g yādə́. Ni əda najə̄ kə́ dɔn tə́ na: M-ə́nge Dabid ngōn̄ Jese, ni i de kə́ kə gō kemḿ. Ni a rāā yá̰a̰ malang ń kemḿ ndigə ní.

1 SAMUEL 28:18

Ḭ̄ ī-mbātə́ ta Kɔ́ɔ̄ɓē adə̄ ī-tɔ̄l̄ Amalek gə̄ malang ī-tetəń wōn̄g yān kə̄ nang tə́ alé. I tām̄ najə̄ ń noō tə́ n ni rāań yá̰á̰ kə́ beé seí ɓōólaā ní.

2 SAMUEL 12:9

I tām̄ rí tə́ á ídə taí gír najə̄ yā Kɔ́ɔ̄ɓē tə́ ba ī-rāā yá̰á̰ kə́ nelə̄n aĺ ní? I ḭ̄ n ī-tɔ̄l̄ Uri kə́ Het kə kaskaraá ní. Ī-rāā yá̰a̰ adə̄ Amon gə̄ tɔ̄l̄nən̄ kə kaskaraá ba gō tə́ anī ī-taā nə̄yá̰n.

OJEE 13:11

Loo ń noō tə́ ní m-ādī mban̄g gə̄, tɔdɔ̄ wōn̄g rāām̄ seí. Ba m̄-tél m̄-taādə́ kɔ̄ɔ́, tām̄ wōn̄g rāām̄ ngá̰ý.

2 SAMUEL 7:15

Banī m-ā m-ɔ̄r̄ jīḿ gírən tə́ kɔ̄ɔ́, tītə̄ ń m-ɔ̄rəń jīḿ gír Saul tə́ ba m-ə̄ndāīneé gotən tə́ ní alé.