1 SAMUEL 15:24 - Bibəl ta Sar̄

²⁴ Saul əda Samuel na: m̄-rāā majaĺ, tām̄ m̄-rāā yá̰á̰ ń Kɔ́ɔ̄ɓē ədam̄ ní aĺ ō, m̄-mbātə́ najə̄ gə̄ ń ḭ̄ ɔ̄r̄ seḿ ní ō. Tɔdɔ̄ m̄-ɓōĺ i de gə̄, adə̄ m̄-rāā i yá̰á̰ ń kemdə́ ndigə ní.

Bible sar

²⁴ Saul əda Samuel na: m̄-rāā majaĺ, tām̄ m̄-rāā yá̰á̰ ń Kɔ́ɔ̄ɓē ədam̄ ní aĺ ō, m̄-mbātə́ najə̄ gə̄ ń ḭ̄ ɔ̄r̄ seḿ ní ō. Tɔdɔ̄ m̄-ɓōĺ i de gə̄, adə̄ m̄-rāā i yá̰á̰ ń kemdə́ ndigə ní.

1 SAMUEL 15:24 Referans Kwoze

2 SAMUEL 12:13

Dabid tél əda Natan na: m̄-rāā majaĺ kə Kɔ́ɔ̄ɓēé. Tā anī Natan əda Dabid na: Ré i beé ɓá anī Kɔ́ɔ̄ɓē əndā njan dɔ majaĺ yāí tə́ adə̄ ā óy alé.

Gōsə̄ najə̄ gə̄ 29:25

Ɓōĺ deē i yá̰á̰ kə́ a əyā gūmbə̄ no deē tə́, ba deē ń ənī kemən mámák adə̄ Kɔ́ɔ̄ɓē ní yá̰a̰ a rāān alé.

TƏ́DA 22:34

Balam əda nge kaw̄ kəla yā Kɔ́ɔ̄ɓē na: m̄-rāā i yá̰á̰ kə́ gōtə́ alé, tɔdɔ̄ m̄-ger̄ kadə̄ i ḭ̄ n ī-ra noḿ tə́ kum róbó ní alé. Ba ń toō ní ré mbā ní nelī aĺ ɓáa m-ā m̄-tél yā kaw̄ gogə́ ɓēé.

JEJU TEĒ KUM JA̰A̰ 21:8

Ba yā ngé ɓōĺ gə̄ ō, ngé ra dɔ ndūdə́ tə́ aĺ gə̄ ō, de kə́ háĺdə́ majaĺ ngá̰ý gə̄ ō, ngé tɔ̄l̄ de gə̄ ō, ngé sāā naā loo kaya tə́ gə̄ ō, ngé kəga gə̄ ō, ngé rāā ɓesə̄ gə̄ ō, ngé sor̄ gə̄ malang ō ní, loo yādə́ i kum bundūm̄ hor bursu kə́ a o̰o̰ tə́. I loo ngeé ń noō n i yo kə́ nge ko̰ jōó ní.

GALATƏ 1:10

Ní, mā m̄-sāā i kadə̄ i de gə̄ n kə ndigəmə̄n̄, aké i Nə́ɓā n kə ndigəm̄ ḿ? m̄-sāā i kadə̄ nel̄ de gə̄ seḿ a? Ré i de gə̄ n m̄-sāā kadə̄ kə nel̄də́ seḿ anī, mā i nge kəla yā Kərist to̰ alé.

MATIYE 27:4

ba ədadə́ na: m̄-rāā majaĺ, tɔdɔ̄ m-ə́la de kə́ kanjə̄ najə̄ dɔn tə́ jī de gə̄ tə́ kadə̄ tɔ̄l̄nən̄. Banī nin̄-tél ədanən̄ na: Nge ń noō usəjí i rí? I najə̄ yāí īkɔ́!

Teē Ngán Israel gə̄ 23:2

Ā ún gō de kə́ ngá̰ý gə̄ yā rāań majaĺ alé. Loo ń ā ɔ̄r̄ najə̄ dɔ yá̰á̰ kə́ ḭ̄ i kum tə́ tə́ loo sarya tə́ anī, ā ī-tetə rɔ̄í gō de kə́ ngá̰ý gə̄ tə́ yā kɔrə̄ń najə̄ kə́ rɔ̄kum aĺ alé.

JEREMI 38:5

Mban̄g Sedekias tél ədadə́ na: Ni i kem jīsí tə́, mban̄g asə mbātə́ najə̄ tasí tə́ alé.

Makətūbə̄ yā Job 31:34

m̄-rāā nge ń noō i tām̄ ɓōĺ kə́ m̄-ɓōĺ gír̄ yā kósə de gə̄ tə́ ō, tām̄ kídə̄ kə́ gír kojə gə̄ kídə̄mə̄n̄ adə̄ ɓōĺ rāām̄ ngá̰ý tə́ ō, adə̄ m̄-ndi kə taḿ kə́ mbóó ō, m̄-teē ndágá aĺ ō a?

1 SAMUEL 15:30

Saul tél əda ɓáý to̰ na: m̄-rāā majaĺ rɔ̄kum. Ba ń-toō ní m̄-rāāī ɓɔ́, ī-rɔȳm̄ ta kum kum kɔɔ̄ gə̄ yā deē yāḿ gə̄ tə́ ō, ta kum ngán Israel gə̄ tə́ ō. Ī-tél seḿ ādə̄ m-āw̄ m-ɔ́sə noḿ kə̄ nang tə́ no Kɔ́ɔ̄ɓē yāí tə́.

1 SAMUEL 15:15

Ngé rɔ̄ gə̄ əya̰n̄ yá̰a̰ kul̄ kə́ majə majə gə̄ yā Amalek gə̄ kə kumuú ba reēn̄neé laā i yā tun̄ kadə̄ Kɔ́ɔ̄ɓē Nə́ɓā yāí. Ba gotə gə̄ tá jə-tɔ̄l̄də́ kɔ̄ɔ́ malang.

1 SAMUEL 15:9

Saul nin̄ kə ngán Israel gēé əya̰n̄ Agag ō, yá̰a̰ kul̄ kə́ majə majə gə̄ ō. Nin̄ əya̰n̄ man̄g gə̄ ō, batə̄ gə̄ ō, bə̄yā̰ gə̄ ō, yá̰a̰ kul̄ kə́ bo majə gə̄ ō, ngán batə̄ gə̄ ō. I yá̰a̰ kul̄ kə́ majə ngá̰ý gə̄ n nin̄ əya̰n̄də́ kə kumuú ní. Ba i ngé kə́ to yá̰a̰ aĺ gə̄ ō, majən̄ aĺ ō n tɔ̄lə̄n̄də́ kɔ̄ɔ́ malang tām̄ yā Kɔ́ɔ̄ɓē tə́ ní.

1 SAMUEL 2:29

Ba ī-kídī yá̰a̰ tun̄ gə̄ kə yá̰a̰ ndējə̄ gə̄ ń m-ə́da kadə̄ de gə̄ reēn̄neé kem loo kə́ táĺ tə́ ní i tām̄ rí tə́? Ī-ɓōĺ ngání gə̄ tɔȳm̄ mā tɔdɔ̄ ngán Israel gə̄ ń i deē yāḿ gə̄ ní reēn̄ kə yá̰a̰ ndējə̄ gə̄ adə̄mə̄n̄, anī ə́saī loon kə́ majə majə gə̄ kɔ̄ɔ́ malang ə̄ndāīneé yibə̄sí i tām̄ rí tə́?

Teē Ngán Israel gə̄ 10:16

Parao̰ əla gō Moijə nin̄ kə Aaro̰ tə́ adə̄ reēn̄ láẃ, ədadə́ na n-rāā majaĺ kə Kɔ́ɔ̄ɓē Nə́ɓā yādə́ ō, sedə́ ō,

Teē Ngán Israel gə̄ 9:27

Parao̰ ɓāŕ Moijə nin̄ kə Aaro̰ ədadə́ na: Kə́ ɓōó ń toō i mā n m̄-rāā majaĺ ní. Kɔ́ɔ̄ɓē i de kə́ súmūú, adə̄ najə̄ i dɔḿ mā tə́ ō, dɔ gír deē yāḿ gə̄ tə́ ō.

TA KƏLA 3:17

Ta tɔ̄l̄ ta anī ni-əda dəngam na: Ḭ̄ ōō ta nə̄yá̰í adə̄ ə́sa kan̄ kāgə̄ ń m-ɔ̄gī kəsa ní ɓá ní, dɔ nang i kə́ ndɔ̄ĺ najə̄ yāí tə́. Ā á̰á̰ tápə̄ kə dɔ ndɔ̄ gə̄ ń ā ī-ndiń kə kumuú ní tá ā ə́ngeń yá̰a̰ kəsa yāí tū tə́.

TA KƏLA 3:12

Dəngam tél ədan na: I dəyá̰ ń ādə̄m̄ seneé ní n adə̄m̄ kan̄ kāgə̄ ní adə̄ m-ə́sá ní.

1 SAMUEL 26:21

Saul əda na: m̄-rāā majaĺ. Ngōnə̄ḿ Dabid, ī-tél ī-reē. M-ā m̄-rāāī majaĺ to̰ alé, tām̄ ndɔ̄ɔ́ laā ḭ̄ á̰a̰ā̰ kadə̄ ndi kə kumuú yāḿ mā i yá̰á̰ kə́ gātə̄n i ngá̰ý ta kumií tə́. Rɔ̄kum, yá̰á̰ ń m̄-rāā ní i tītə̄ kə́ i nge kɔ̄r̄ n rāā yá̰a̰ beé. m̄-rāā i yá̰á̰ kə́ gōtə́ aĺ ngá̰ý.

PĀ GƏ̄ 51:4

Yá̰á̰ kə́ gōtə́ aĺ n m̄-rāā ní ī-tə́go kɔ̄ɔ́ malang. Ɔ̄r̄ majaĺ yāḿ kɔ̄ɔ́ ādə̄ m-ūnjə̄ njáý njáý.