1 SAMUEL 15:23 - Bibəl ta Sar̄

²³ Tɔdɔ̄ mbātə́ ndū Kɔ́ɔ̄ɓē i yá̰á̰ kə́ majaĺ ngá̰ý tītə̄ rāā kɔdə̄ sāā ō, rāā dɔ ngan̄g i yá̰á̰ kə́ majaĺ ngá̰ý tītə̄ rāā ɓesə̄ ō. Adə̄ dan ń ḭ̄ ī-mbātə́ najə̄ ta Kɔ́ɔ̄ɓē tə́ ɓá ní Kɔ́ɔ̄ɓē mbātíī kɔ̄ɔ́ ō. Adə̄ ḭ̄ i mban̄g to̰ alé.

Bible sar

²³ Tɔdɔ̄ mbātə́ ndū Kɔ́ɔ̄ɓē i yá̰á̰ kə́ majaĺ ngá̰ý tītə̄ rāā kɔdə̄ sāā ō, rāā dɔ ngan̄g i yá̰á̰ kə́ majaĺ ngá̰ý tītə̄ rāā ɓesə̄ ō. Adə̄ dan ń ḭ̄ ī-mbātə́ najə̄ ta Kɔ́ɔ̄ɓē tə́ ɓá ní Kɔ́ɔ̄ɓē mbātíī kɔ̄ɔ́ ō. Adə̄ ḭ̄ i mban̄g to̰ alé.

1 SAMUEL 15:23 Referans Kwoze

JEREMI 28:16

I tām̄ ń toō tə́ n Kɔ́ɔ̄ɓē ɔr̄ najə̄ əda na: M-ā m̄-tə̄ɓāī kɔ̄ɔ́ dɔ nang tə́ ní. Ā óy kem ɓāl̄ ń toō tə́ tɔdɔ̄ ī-sə̄lā de gə̄ kə najə̄ kə́ taí tə́ kadə̄ mbātə́n̄ koō ta Kɔ́ɔ̄ɓē.

1 SAMUEL 13:14

Ba ń toō ní ā ó̰o̰ ɓē kadə̄ dan aw̄ sa̰y to̰ alé. Kɔ́ɔ̄ɓē gə̄rā deē ń kemən nəkɔ́ ndigə ní kɔ̄ɔ́ ɓá ō, ɔjə dɔn kadə̄ i ni n i ngār yā deē yān gə̄ ní ɓá ō. Tɔdɔ̄ ī-rāā yá̰á̰ ń ədaī kadə̄ ī-rāā ní alé.

LEBI GƏ̄ 20:6

M-ā m̄-tūr̄ rɔ̄ḿ yā rɔ̄ɔ̄ deē ń a oō ta kɔdə̄ sāā gə̄ ní. M-ā m-ɔ̄rən kɔ̄ɔ́ dan gír deē yān gə̄ tə́.

GALATƏ 5:20

rāā ɓesə̄ tə́ ō, rāā kəga tə́ ō, kim̄ naā tə́ ō, míndə kasə naā aĺ tə́ ō, kəndā naā nii tə́ ō, rāā wōn̄g tə́ ō, rɔ̄ɔ̄ naā dɔ yá̰á̰ tə́ ō, kɔ̄l̄ naā tə́ ō, gán̄g de gə̄ naā tə́ ō,

JEREMI 29:32

Semaya kə́ Nehelam tə́ ō, ngánən gə̄ ō, ngán kaan gə̄ ō ní, deē kógə̄ḿ dandə́ tə́ kə́ kadə̄ ənge loo ndiń dan gír de gə̄ ń toō tə́ yā rāań rɔ̄nel̄ dɔ yá̰á̰ kə́ majə gə̄ ń m-ā m-ādə̄ gír deē yāḿ gə̄ ní a gətóo. Ni sə̄lā i de gə̄ kadə̄ mbātə́n̄ najə̄ ta Kɔ́ɔ̄ɓē tə́ aĺ a? Najə̄ ń Kɔ́ɔ̄ɓē əda ní n noó.

2 KORḚNTƏ 6:16

Kújə yā Nə́ɓā ō, ɓesə̄ gə̄ ō ní, i rí n ɓoodə́ naā tə́ ní? Tɔdɔ̄ jḭḭ̄ i kújə yā Nə́ɓā kə́ ndi kə kumneé tītə̄ ń Nə́ɓā nəkɔ́ ədań ní, ni-əda na: M-ā m̄-ndi sedə́ ō, m-ā m̄-njə̄rā sedə́ ō, loo ń noō tə́ mā i Nə́ɓā yādə́ ō, nin̄ i gír deē yāḿ gə̄ ō.

PĀ GƏ̄ 107:11

Tɔdɔ̄ nin̄ mbātə́n̄ rāā yá̰á̰ ń Nə́ɓā ɔsə kə de gēé ta rāā ní, kídə̄n̄ yá̰á̰ ń Nə́ɓā kə́ dɔɔ́ sa̰y ngá̰ý sāā rāā ní.

1 YÁ̰A̰ GƏ̄ 28:9

Banī ḭ̄ ngōnə́ḿ Salomo̰, Nə́ɓā ń m̄-rāā kəla yān ní, ī-ndóō loo gerə̄n kə gōó majə. Ādə̄ kemií kēgə̄ loo rɔȳn tə́ aĺ ō, ādə̄ rɔ̄í neli loo rāā kəla yān tə́ ō. Tɔdɔ̄ kum Kɔ́ɔ̄ɓē a̰a̰ loo bátə́ ugə̄ gə́le kem de gə̄ tə́ malang ō, Kɔ́ɔ̄ɓē əndā ma̰ȳ gír̄ gə̄ malang kə́ kem deē tə́ ō. Ré ī-sāān anī, a əya̰ rɔ̄n yā kadə̄ ə́ngen. Banī ré ə́ya̰n kɔ̄ɔ́ anī, a mbātíī i kə́ njɔ́ḿ gə̄ tə́.

Teē Ngán Israel gə̄ 22:18

Deē ń ɓīī kə dā̰á̰ ní, a tɔ̄l̄nən̄ kɔ̄ɔ́.

TA KƏLA 31:34

Rasel ɔy ɓesə̄ terapim gə̄ ní ɓōkə́ gíŕ síŕdí gidə jámbal tə́ ba ndi dɔ tə́. Laban gó̰ō̰ kem kújə malang ba ənge yá̰á̰ kógə̄ḿ alé.

TA KƏLA 31:19

Laban aw̄ kəja bḭḭ̄ batə̄ yān gə̄ tə́, anī Rasel ɓogə ɓesə̄ terapim yān gə̄ gotən tə́.

Makətūbə̄ yā Job 34:37

Tɔdɔ̄ ni-rāā yá̰á̰ kə́ gōtə́ aĺ ō, ra dɔ tə́ noō əsō wōn̄g ō. Ni dubə̄ kem tɔ́sə̄ danjí tə́ ō, kán̄ kɔ̄l̄ kə́ ni kɔ̄l̄ kə Nə́ɓāá kə̄ dɔ naā tə́ ō.

NDŪ NAJƏ̄ 9:7

Ādə̄ əga kemsí dɔ rāā ń ī-rāāī Kɔ́ɔ̄ɓē Nə́ɓā yāsí adə̄ wōn̄g rāān kem dəla loo tə́ ní. Ī-lōōī kadə̄ dɔsí ndígə̄nal nge ń noō. Əla gír dɔ ndɔ̄ ń ī-teēīneé kɔ̄ɔ́ kem ɓē kə́ Ejiptə tə́ ī-reēīneé bátə́ ūgīneé loo ń toō tə́ laā ní, sḭḭ̄ ī-rāāī i kəla mbātə́ najə̄ ta Kɔ́ɔ̄ɓē tə́.

LEBI GƏ̄ 20:27

Ré dəngam aké dəyá̰, nin̄ i kɔdə̄ sāā gə̄ aláa nge koō ta gə̄ anī, a tɔ̄lə̄n̄də́ kɔ̄ɔ́. A tə́nīn̄də́ kə mbalá yā tɔ̄l̄də́. Mósə́də́ a na̰y i dɔdə́ nin̄ kɔ́ gə̄ tə́.

JEJU TEĒ KUM JA̰A̰ 22:15

Banī bísə gə̄ ō, ngé rāā kəga gə̄ ō, ájə́ba gə̄ ō, ngé tɔ̄l̄ de gə̄ ō, ngé rāā ɓesə̄ gə̄ ō, de gə̄ malang ń nel̄də́ sor̄ ō, a sorə̄n̄ ō ní, nin̄ i ndágá.

IJAI 19:3

Tɔ́gə de kə́ Ejiptə gə̄ a ur̄ wak ō, yá̰a̰ gə̄ ń nin̄ númə̄n̄ rāā ní m-ā m̄-rāā kadə̄ a a̰a̰ gō naā aĺ ō. Nin̄ a aw̄n̄ sāā tə́ rɔ̄ nə́ɓā gə̄ kə́ rɔ̄kum aĺ gə̄ tə́ ō, rɔ̄ ngé bógə̄rō de gə̄ tə́ ō, rɔ̄ ndíl de kə́ koy kɔ̄ɔ́ gə̄ tə́ ō, rɔ̄ kɔdə̄ sāā gə̄ tə́ ō.

IJAI 8:19

Ngé kə́rēý gə̄ ədan̄ na: Āw̄ ōōī najə̄ kə́ ta ngé ɓāŕ de kə́ koy gə̄ tə́, kɔdə̄ sāā gə̄ ń i ngé kəda yá̰á̰ kə́ a reē ɓáý gə̄ ní. Nin̄ i ngé tél kə ndūdə́ kə̄ nang tə́ ngá̰ý kɔrə̄ń najə̄ gə̄, deē asə ger̄ kum najə̄ kɔr̄də́ alé. I gōtə́ ngá̰ý kadə̄ gír de gə̄ aw̄ oōn̄ najə̄ kə́ ta nə́ɓā yādə́ gə̄ tə́, kadə̄ ɓārə́n̄ de kə́ koy kɔ̄ɔ́ gə̄ kadə̄ rāān̄ majə kə de gə̄ kə́ ndin̄ kə kumdə́. Ré deē ədasí tītə̄ ń noō anī,

1 SAMUEL 16:1

Kɔ́ɔ̄ɓē əda Samuel na: Mə̄kɔ́ m̄-mbātə́ Saul kɔ̄ɔ́ ō, ni i mban̄g yā ngán Israel gə̄ to̰ aĺ ō, ba ḭ̄ ā ī-to i dan nōōn tə́ bátə́ a? Ī-tūr̄ yibə̄ kem gajə dā̰ yāí tə́ ba ɔ̄r̄ dɔɔ́. M-ə́laī ɓē Jese kə́ Betlehem, tɔdɔ̄ mban̄g ń m̄-gə̄rān ní i dan ngánən gə̄ tə́.

NDŪ NAJƏ̄ 9:24

Jóo nəkɔ́ ń m̄-gerə̄ńsí toó ní sḭḭ̄ ī-rāāī i kəla mbātə́ najə̄ ta Kɔ́ɔ̄ɓē tə́.

TƏ́DA 14:9

Ba ī-lōōī kənī wúȳ jī Kɔ́ɔ̄ɓē tə́ ō, ī-lōōī ɓōĺ de gə̄ kə́ dɔ nang ní tə́ ō, tɔdɔ̄ j-a jə-tetiīdə́ rɔ̄ɔ̄ i gidə kógə̄ḿ beē. Tām̄ ɓesə̄ yādə́ gə̄ kə́ ngé ngɔ̄m̄də́ gə̄ əya̰n̄də́ kɔ̄ɔ́, banī Kɔ́ɔ̄ɓē i naā tə́ sejí, adə̄ ī-lōōī ɓōĺdə́.

JEJU TEĒ KUM JA̰A̰ 21:8

Ba yā ngé ɓōĺ gə̄ ō, ngé ra dɔ ndūdə́ tə́ aĺ gə̄ ō, de kə́ háĺdə́ majaĺ ngá̰ý gə̄ ō, ngé tɔ̄l̄ de gə̄ ō, ngé sāā naā loo kaya tə́ gə̄ ō, ngé kəga gə̄ ō, ngé rāā ɓesə̄ gə̄ ō, ngé sor̄ gə̄ malang ō ní, loo yādə́ i kum bundūm̄ hor bursu kə́ a o̰o̰ tə́. I loo ngeé ń noō n i yo kə́ nge ko̰ jōó ní.

1 SAMUEL 2:30

I beé ɓá ní, mā ń i Kɔ́ɔ̄ɓē Nə́ɓā yā ngán Israel gə̄ ní, yá̰á̰ ń m-ā m-ə́daī ní n toó: Kété ní m-ə̄nī ndūḿ m-ādə̄ gír kojə yāí ō gír deē yāí gə̄ ō, m-ə́da na i sḭḭ̄ n i ngé tun̄ yá̰a̰ yāḿ gə̄ bátə́ kə̄ no tə́ ní. Ba ngɔlaā ní i tītə̄ ń noō to̰ alé adə̄ m-ə́dá wáńg. Tɔdɔ̄ de gə̄ ń ɓōlə́n̄ ndílə́ḿ ní mā m̄-ɓōĺ ndíĺdə́ ō, de gə̄ ń a kídə̄mə̄n̄ ní a rāān̄də́ nja bə̄yā̰ kə́ gogə́ tə́ ō.

KƏLA RĀĀ 13:22

Gō tə́ anī Nə́ɓā mbātə́ Saul ba adə̄də́ Dabid kadə̄ ni i mban̄g yādə́. Ni əda najə̄ kə́ dɔn tə́ na: M-ə́nge Dabid ngōn̄ Jese, ni i de kə́ kə gō kemḿ. Ni a rāā yá̰a̰ malang ń kemḿ ndigə ní.

1 SAMUEL 28:3

Samuel oy kɔ̄ɔ́ adə̄ ngán Israel gə̄ malang rāān̄ yon ō dubə̄nən̄ kem ɓē yān tə́ Rama ō Saul ɔgə̄ kadə̄ deē oō ta kɔdə̄ sāā gə̄ dɔ nang yān tə́ ō.

2 SAMUEL 7:15

Banī m-ā m-ɔ̄r̄ jīḿ gírən tə́ kɔ̄ɔ́, tītə̄ ń m-ɔ̄rəń jīḿ gír Saul tə́ ba m-ə̄ndāīneé gotən tə́ ní alé.

2 SAMUEL 12:9

I tām̄ rí tə́ á ídə taí gír najə̄ yā Kɔ́ɔ̄ɓē tə́ ba ī-rāā yá̰á̰ kə́ nelə̄n aĺ ní? I ḭ̄ n ī-tɔ̄l̄ Uri kə́ Het kə kaskaraá ní. Ī-rāā yá̰a̰ adə̄ Amon gə̄ tɔ̄l̄nən̄ kə kaskaraá ba gō tə́ anī ī-taā nə̄yá̰n.

1 YÁ̰A̰ GƏ̄ 10:13

Saul oy i najə̄ hál kə́ sew aĺ kə́ ni-rāā kə Kɔ́ɔ̄ɓēé tə́. Tɔdɔ̄ ni rāā yá̰á̰ ń Kɔ́ɔ̄ɓē əda ní aĺ ō, aw̄ sāā tə́ rɔ̄ Kɔ́ɔ̄ɓē tə́ alé ba aw̄ sāā tə́ rɔ̄ kɔdə̄ sāā gə̄ tə́ ō. Adə̄ Kɔ́ɔ̄ɓē rāā adə̄ Saul oy, ba ni tél kə ko̰o̰ ɓēé adə̄ Dabid ngōn̄ Jese.

JEREMI 16:12

Sḭḭ̄ tā anī ī-rāāī yá̰a̰ majaĺ tɔȳ yā kaasí gə̄ ɓáý. Náā nəkɔ́ ɓáa rāā dɔ ngan̄g kə́ dum̄ kəda ta tə́ kə̄ non tə́ ba ōōī najə̄ yāḿ alé.

OJEE 3:4

Tɔdɔ̄ ngán Israel gə̄ a ndin̄ dan i ngá̰ý kanjə̄ mban̄g ō, kanjə̄ ngār ō, kanjə̄ mbal̄ kə́ kudə nang tə́ kə́ yā ɓōĺ gidə gə̄. Nin̄ a tunən̄ yá̰a̰ to̰ aĺ ō, nin̄ a aw̄n̄ kə yá̰á̰ kə́ yā sāāń rɔ̄ Nə́ɓā tə́ to̰ aĺ ō.

JOJUE 22:15

Nin̄ aw̄n̄ rɔ̄ ngán Ruben gə̄ tə́ ngán Gad gə̄ tə́ ō, de kə́ gír ɓē yā Manase tə́ dɔ nang kə́ Galaad tə́ gə̄ ō, ba ədan̄də́ na:

OJEE 13:11

Loo ń noō tə́ ní m-ādī mban̄g gə̄, tɔdɔ̄ wōn̄g rāām̄ seí. Ba m̄-tél m̄-taādə́ kɔ̄ɔ́, tām̄ wōn̄g rāām̄ ngá̰ý.