1 SAMUEL 15:22 - Bibəl ta Sar̄

²² Banī Samuel əda na: Dā̰ gə̄ kə́ róō horoó ō, yá̰á̰ kə́ tun̄ gə̄ ō ní, nel̄ Kɔ́ɔ̄ɓē tītə̄ ń koō tan nelə̄nneé ní a? Yḛtə alé. Koō ta Kɔ́ɔ̄ɓē majə tɔȳ yá̰á̰ kə́ tun̄ kadən̄ ō, sɔl̄ dɔ majə tɔȳ yibə̄ bal batə̄ gə̄ ō.

Bible sar

²² Banī Samuel əda na: Dā̰ gə̄ kə́ róō horoó ō, yá̰á̰ kə́ tun̄ gə̄ ō ní, nel̄ Kɔ́ɔ̄ɓē tītə̄ ń koō tan nelə̄nneé ní a? Yḛtə alé. Koō ta Kɔ́ɔ̄ɓē majə tɔȳ yá̰á̰ kə́ tun̄ kadən̄ ō, sɔl̄ dɔ majə tɔȳ yibə̄ bal batə̄ gə̄ ō.

1 SAMUEL 15:22 Referans Kwoze

OJEE 6:6

A̰á̰ā̰, m̄-gḛy i tár, ba i dā̰ kə́ tɔ̄l̄ ba tun̄ alé. m̄-sāā i kadə̄ deē a̰a̰ gerə̄m̄ kadə̄ mā i Nə́ɓā, ba i kadə̄ deē róō dā̰ dɔ loo tun̄ yá̰á̰ tə́ alé.

Gōsə̄ najə̄ gə̄ 21:3

Rāā yá̰á̰ kə́ gōtə́ ō, kə́ súmūú ō nel̄ Kɔ́ɔ̄ɓē tɔȳ yá̰á̰ kə́ deē tun̄ adə̄n.

MARK 12:33

Ba kadə̄ deē tárən kə kemənneé malang ō, kə gír kə́ kemən tə́ malang ō, kə tɔ́gəneé malang ō, kadə̄ ni-tár madə̄n tītə̄ ngarān̄g kum rɔ̄n nəkɔ́ ō, ń toō tɔȳ yá̰a̰ tun̄ kə́ róōn̄ horó kə yá̰a̰ tun̄ gə̄ malang.

MATIYE 9:13

Āw̄ ī-ndóōī kum najə̄ yā Nə́ɓā ń na, yá̰á̰ ń m̄-gḛy ní i rāā kem majə ba i-tɔ̄l̄ dā̰ tun̄ kadə̄m̄ alé ní. Tɔdɔ̄ m̄-reē i ɓāŕ de kə́ súmūú gə̄ tə́ alé, ba i ɓāŕ ngé rāā majaĺ gə̄ tə́.

KOHELET 5:1

Ī-lōō teē taí kədań najə̄ láẃ ō, tebəle kənī míndí kadə̄ Nə́ɓā ō. Tɔdɔ̄ Nə́ɓā ndi i dɔ rā̰ tə́ ō, ḭ̄ ī-ndi i dɔ nang tə́ ō. I beé ní ādə̄ najə̄ yāí i ngá̰ý alé!

MATIYE 12:7

Najə̄ ń na: Yá̰á̰ ń m̄-ndigə ní i rāā kem ndaa ba i yá̰a̰ tun̄ alé ní, nə́ngētə́ ī-gerī i kumən anī, ā ī-gāngī sarya dɔ de gə̄ ń toō ń najə̄ gətóo dɔdə́ tə́ ní alé.

MATIYE 23:23

Sḭḭ̄ ngé ndóō de gə̄ ndū najə̄ gə̄ ō, Parijiyḛ gə̄ ō, sḭḭ̄ ń i ngé gól̄ kum de gə̄ ní, yāsí i rɔ̄ ndoō! Tɔdɔ̄ kámbə kotə yāsí gə̄ ń i kámbə kotə ō, penuwil ō kumḛ̄ḛ ō ní, sḭḭ̄ ɔ̄rī dɔ kə́ nge ko̰ kutə ādī Nə́ɓā. Ba ré i yá̰á̰ kə́ bo bo gə̄ kə́ tū ndū najə̄ tə́, kə́ tītə̄ yá̰á̰ kə́ gōtə́ ō, rāā kem majə ō, ra dɔ ndū kə́ kənī tə́ ō, ɓáa sḭḭ̄ ī-mānī dɔ tə́ kɔ̄ɔ́. Tá i yá̰a̰ gə̄ ń noō n majə kadə̄ ī-rāāīdə́ kanjə̄ kəya̰ gotə gə̄ kɔ̄ɔ́ ní.

MATIYE 5:24

ə́yá̰ yá̰a̰ ndējə̄ yāí ní kə̄ loo tun̄ yá̰á̰ tə́ noó, ba āw̄ ə̄sō ngōkó̰ó̰í ní naā pá tā ī-tél ī-reē ī-ndējə̄ Nə́ɓā yá̰a̰ yāí ní ɓáý.

JEREMI 26:13

Ngɔlaā ń toō ní, ə́hɔī hángalsí sḛ́ý ō, ī-tūrī kəla rāāsí ādə̄ to só tə́ sḛ́ý ō. Ōōī ndū Kɔ́ɔ̄ɓē Nə́ɓā yāsí kə́ a ɓāŕsí, anī ni a loo gíŕ yá̰á̰ kə́ to kum kaȳ aĺ ń əda kadə̄ rāāsí ní tə́.

Teē Ngán Israel gə̄ 19:5

Adə̄ ń toō ré ōōī najə̄ ń m-ə́dásí ní majə ō, ī-ngɔ̄mī madə̄ naā yāḿ ō anī, ā ī-téliī gír deē yāḿ gə̄ kə́ gātə̄sí i ngá̰ý dan gír de gə̄ tə́ malang, tɔdɔ̄ dɔ nang malang i yāḿ mā,

JEREMI 11:7

m̄-tā kaasí gə̄ ɓang ɓang ndɔ̄ ń m̄-teēń sedə́ kɔ̄ɔ́ kem ɓē kə́ Ejiptə tə́ ní bátə́ ɓōólaā. m̄-tāādə́ kanjə̄ kɔr ta tə́ m-ə́da na: Ōōī ndūḿ.

JEREMI 11:4

Najə̄ ń m̄-ndang m-ādə̄ kaasí gə̄ dan ń m̄-teēń sedə́ kɔ̄ɔ́ kem ɓē kə́ Ejiptə tə́ ō, kum hor nō gində̄ tə́ ō ní, m-ə́dá na: Ōōī ndūḿ ō, ī-rāāī yá̰a̰ malang ń m̄-ndang m-ādə̄sí ō. I beé n sḭḭ̄ a ī-téliīneé gír deē yāḿ gə̄ ō, mā mā i Nə́ɓā yāsí ō ní.

TA KƏLA 4:4

Ba Abel ndējə̄ yān i ngán dā̰ gə̄ ń kṵ́ṵ́də́ ojədə́ ta kəga dɔ ní ō, yibə̄də́ ō. Kɔ́ɔ̄ɓē ndigə Abel ō, ndigə yá̰a̰ ndējə̄ yān ō,

1 SAMUEL 13:13

Samuel əda Saul na: Ī-rāā yá̰a̰ i tītə̄ de kə́ kur̄ dɔn gətóo beē. Yá̰á̰ ń Kɔ́ɔ̄ɓē Nə́ɓā yāí ədaī kadə̄ ī-rāā ní ī-rāā i yá̰á̰ kə́ karī tə́. Nə́ngētə́ gēé ī-rāā i gō míndə ń Kɔ́ɔ̄ɓē Nə́ɓā ə́daī ní anī, Kɔ́ɔ̄ɓē a rāā kadə̄ i gír kojə yāí ń a o̰o̰ ɓē dɔ Israel gə̄ tə́ i kə́ mbóńg gə̄ tə́ ní.

1 SAMUEL 13:12

m̄-ə́da na Pilistin gə̄ a reēn̄ yā rɔ̄ɔ̄m̄ Gilgal kété kanjə̄ kadə̄ m̄-sɔl̄ kem Kɔ́ɔ̄ɓē. I tām̄ najə̄ ń noō tə́ n m̄-ndējəń Kɔ́ɔ̄ɓē yá̰a̰ tun̄ kə́ róō horoó kə dɔḿ ní.

OJEE 8:13

Nin̄ ndə̄jə̄mə̄n̄ yá̰á̰ kə́ tun̄ gə̄, i tɔdɔ̄ nin̄ gḛyn̄ kəsa dā̰. Banī mā Kɔ́ɔ̄ɓē m̄-ndigə yá̰a̰ tun̄ yādə́ gə̄ alé. Ngɔlaā ní, a əga kemḿ dɔ yá̰a̰ rāādə́ gə̄ kə́ gōtə́ aĺ gə̄ tə́, m-ā m̄-rāādə́ yá̰á̰ kə́ tōr̄ najə̄ mān̄ ń nin̄ mānə̄n̄ dɔ ndūḿ gə̄ ní tə́. I gáŕ kadə̄ nin̄ a télən̄ yā kaw̄ gogə́ dɔ nang kə́ Ejiptə tə́.