1 SAMUEL 15:12 - Bibəl ta Sar̄

¹² Ni-teē kə gír looí ɓatə aw̄ kənge Saul tə́, anī de gə̄ ədanən̄ na Saul na aw̄ Karmel kudə mbal̄ kə́ kadə̄ əgań kem de gə̄ dɔn tə́ tə́, ba na tél dɔ tə́ na aw̄ Gilgal kɔ̄ɔ́.

Bible sar

¹² Ni-teē kə gír looí ɓatə aw̄ kənge Saul tə́, anī de gə̄ ədanən̄ na Saul na aw̄ Karmel kudə mbal̄ kə́ kadə̄ əgań kem de gə̄ dɔn tə́ tə́, ba na tél dɔ tə́ na aw̄ Gilgal kɔ̄ɔ́.

1 SAMUEL 15:12 Referans Kwoze

JOJUE 15:55

Ɓē kə́ rang gə̄ i Maon ō, Karmel ō, Jip ō, Yuta ō,

2 SAMUEL 18:18

Dan ń Absalom ndi kə kumneé ɓáý ní, adə̄ udən̄ mbal̄ kə nja dɔɔ́ kum wól yā mban̄g tə́. Tɔdɔ̄ ni gír̄ kemən tə́ na ngōn̄ kemən na gətóo adə̄ rīn na a to ta kaw̄ jóo alé. Ni əndā rīn dɔ mbal̄ kə́ kudə kə nja dɔɔ́ ní tə́. Ɓōólaā gə̄gē a ɓārə́n̄ mbal̄ ní na i yá̰a̰ kəga kem dɔ Absalom tə́.

1 SAMUEL 25:2

De kógə̄ḿ ndi Maon, banī yá̰a̰ kənge yān i Karmel. Deē ní ənge yá̰á̰ ngá̰ý. Batə̄ yān gə̄ i dūbú mətá ō bə̄yā̰ yān gə̄ i dūbú kógə̄ḿ ō. Deē ní aw̄ kəja bḭḭ̄ batə̄ yān gə̄ tə́ Karmel.

1 MBAN̄G GƏ̄ 18:42

Akab aw̄ kəsa yá̰a̰ ō, ka̰ȳ maná ō, banī Eli aĺ dɔ mbal̄ Karmel tə́. Ni-ɔsə non nang tə́ ba əla dɔn mbān tə́.

1 SAMUEL 7:12

Samuel un mbal̄ kógə̄ḿ udə kə nja dɔɔ́ dɔ dán ɓē kə́ Misəpa kə Hasen tə́ ba əndā rī mbal̄ ní na i Eben Ejer. Kumən na i mbal̄ dḭḭ̄. Tɔdɔ̄ əda na: Kɔ́ɔ̄ɓē dḭḭ̄jí bátə́ ugə̄ sejí loo ń toō tə́.

1 SAMUEL 13:12

m̄-ə́da na Pilistin gə̄ a reēn̄ yā rɔ̄ɔ̄m̄ Gilgal kété kanjə̄ kadə̄ m̄-sɔl̄ kem Kɔ́ɔ̄ɓē. I tām̄ najə̄ ń noō tə́ n m̄-ndējəń Kɔ́ɔ̄ɓē yá̰a̰ tun̄ kə́ róō horoó kə dɔḿ ní.

1 SAMUEL 13:15

Gō tə́ anī Samuel ɔtə əsō róbó aw̄. Ni-ḭḭ Gilgal ba aw̄ kem ɓē kə́ Gibea yā Benjamḛ tə́. Saul tə́da kutə de gə̄ ń seneé ní anī asən̄ ɓú mehḛ́.

TA KƏLA 21:14

Adə̄ Abəraham teē dəloí ɓatə, un mápa ō, man̄ kem sɔlɔɔ́ ō, adə̄ Agar, əndā dɔ bɔ̄gə̄n tə́ ō, ngōn̄ ō, ba tə̄ɓān. Agar aw̄ dáȳ kem dəla loo kə́ Beer Seba tə́.

1 SAMUEL 17:20

Dabid ḭḭ dɔɔ́ kə gír looí ɓatə. Ə́yá̰ yá̰a̰ kul̄ gə̄ jī nge ngɔ̄m̄də́ kógə̄ḿ tə́. Ni-un yá̰á̰ ń əlanən̄neé ní ba ɔr̄ dɔɔ́ kə gō ndū Jese. Dan ń ni ugə̄ gérgereé anī ngé rɔ̄ɔ̄ gə̄ a aw̄n̄ i kə̄ ta rɔ̄ɔ̄ tə́ ō, a túrə̄n̄ i kɔĺ rɔ̄ɔ̄ ō.

2 SAMUEL 23:35

Hesərai kə́ Karmel ō, Parai kə́ Arab ō,

2 YÁ̰A̰ GƏ̄ 26:10

Ni-rāā kújə́ kə́ ngāl̄ ɓururu gə̄ kem dəla loo tə́ ō, ndēr̄ bəlo taā man̄ gə̄ ngá̰ý ō, tɔdɔ̄ yá̰a̰ kul̄ yān gə̄ i ngá̰ý loo kə́ mbal̄ bo gə̄ gətóon̄ tū tə́ tə́ ō, wól loo tə́ ō. Ni-aw̄ kə ngé ndɔr̄ gə̄ ō, ngé ndɔr̄ kāgə̄ nduú gə̄ ō, tɔdɔ̄ kəla ndɔr̄ nelə̄n ngá̰ý.