1 SAMUEL 15:11 - Bibəl ta Sar̄

¹¹ m̄-ndə̄ngā rɔ̄ḿ tām̄ kəndā ń m-ə̄ndā Saul mban̄g tə́ ní. Tɔdɔ̄ ni tūr̄ gidən kɔ̄ɔ́ taḿ tə́ ō, rāā yá̰a̰ gə̄ ń m-ə́dan ní aĺ ō. Najə̄ ń noō tōr̄ kem Samuel ngá̰ý, adə̄ ni nōō kə̄ dɔ Kɔ́ɔ̄ɓē tə́ ndɔ̄ɔ́ bátə́ loo tīī dɔn tə́.

Bible sar

¹¹ m̄-ndə̄ngā rɔ̄ḿ tām̄ kəndā ń m-ə̄ndā Saul mban̄g tə́ ní. Tɔdɔ̄ ni tūr̄ gidən kɔ̄ɔ́ taḿ tə́ ō, rāā yá̰a̰ gə̄ ń m-ə́dan ní aĺ ō. Najə̄ ń noō tōr̄ kem Samuel ngá̰ý, adə̄ ni nōō kə̄ dɔ Kɔ́ɔ̄ɓē tə́ ndɔ̄ɔ́ bátə́ loo tīī dɔn tə́.

1 SAMUEL 15:11 Referans Kwoze

1 SAMUEL 13:13

Samuel əda Saul na: Ī-rāā yá̰a̰ i tītə̄ de kə́ kur̄ dɔn gətóo beē. Yá̰á̰ ń Kɔ́ɔ̄ɓē Nə́ɓā yāí ədaī kadə̄ ī-rāā ní ī-rāā i yá̰á̰ kə́ karī tə́. Nə́ngētə́ gēé ī-rāā i gō míndə ń Kɔ́ɔ̄ɓē Nə́ɓā ə́daī ní anī, Kɔ́ɔ̄ɓē a rāā kadə̄ i gír kojə yāí ń a o̰o̰ ɓē dɔ Israel gə̄ tə́ i kə́ mbóńg gə̄ tə́ ní.

TA KƏLA 6:6

Tōrə̄n ngá̰ý adə̄ ndə̄ngā rɔ̄n tām̄ rāā ń ni-rāā deē əndān dɔ nang tə́ ní.

PĀ GƏ̄ 119:136

m̄-nōō kə man̄ kumḿ, tɔdɔ̄ de gə̄ rāān̄ yá̰á̰ ń ndū najə̄ yāí əda ní alé.

2 SAMUEL 24:16

De kə́ dɔ rā̰ tə́ əla jīn kə̄ dɔ ɓē kə́ Jerusalem tə́ yā nujəń kɔ̄ɔ́ anī Kɔ́ɔ̄ɓē lōō gír nujə loo tə́ ba ədan na: Asə beé, ī-tetə jīí kə̄ nang tə́. Nge kəla ní ra i kadə loo kənda kōō gémē yā Arona kə́ Yebus tə́.

JEREMI 9:18

De kə́ Siyo̰ gə̄ oōn̄ ndū de kə́ a nōō rɔ̄n. Aa! De gə̄ nujən̄ sejí sák sák kɔ̄ɔ́ ō, rɔ̄sɔl̄ taā tɔ́gə́jí kɔ̄ɔ́ ō, De gə̄ bótə̄yō̰n̄ kújə yājí gə̄ kɔ̄ɔ́ adə̄ j-a j-əya̰ī ɓē kɔ̄ɔ́.

PĀ GƏ̄ 36:3

Ni gír̄ kadə̄ ni i de kə́ majə, adə̄ ger̄ majaĺ yān aĺ ō, mbātə́ majaĺ yān aĺ ō.

1 SAMUEL 15:35

Samuel aw̄ ka̰a̰ Saul tə́ to̰ aĺ bátə́ oyń. Ni a nōō i Saul, tɔdɔ̄ Kɔ́ɔ̄ɓē ndə̄ngā rɔ̄n najə̄ kəndā ń n-əndā Saul mban̄g dɔ ngán Israel gə̄ tə́ ní.

1 SAMUEL 15:9

Saul nin̄ kə ngán Israel gēé əya̰n̄ Agag ō, yá̰a̰ kul̄ kə́ majə majə gə̄ ō. Nin̄ əya̰n̄ man̄g gə̄ ō, batə̄ gə̄ ō, bə̄yā̰ gə̄ ō, yá̰a̰ kul̄ kə́ bo majə gə̄ ō, ngán batə̄ gə̄ ō. I yá̰a̰ kul̄ kə́ majə ngá̰ý gə̄ n nin̄ əya̰n̄də́ kə kumuú ní. Ba i ngé kə́ to yá̰a̰ aĺ gə̄ ō, majən̄ aĺ ō n tɔ̄lə̄n̄də́ kɔ̄ɔ́ malang tām̄ yā Kɔ́ɔ̄ɓē tə́ ní.

1 SAMUEL 15:3

Ngɔlaā ní āw̄ ī-rɔ̄ɔ̄n. Ī-nujə yá̰a̰ yān gə̄ sák sák kɔ̄ɔ́ malang kanjə̄ kəya̰ yá̰á̰ kógə̄ḿ. Ī-tɔ̄l̄ yá̰a̰ malang ń ndi kə kumuú ní kɔ̄ɔ́, ī-tɔ̄l̄ dəngam gə̄ ō, dəyá̰ gə̄ ō, ngán gə̄ ō, ngán kə́ ta mba tə́ gə̄ ō, man̄g gə̄ ō, batə̄ gə̄ ō, jámbal gə̄ ō, kərō gə̄ ō.

HEBƏRO 10:38

Deē ń i de kə́ gōtə́ yāḿ ní a ndi kə kumneé i kə ta kūl̄ taā kem. Banī ré ni-ɔr̄ rɔ̄n kə́ gogə́ anī, a nelə̄m̄ seneé alé.

MATIYE 5:44

Ba mā m-ə́dásí na: Ī-táriī madə̄ ba̰ā̰sí gə̄ ō, ī-ndɔ̄yī tām̄ yā ngé gə̄ ń rāān̄sí ndoō tə́ ní ō,

JEREMI 13:17

Ré ōōī yá̰á̰ ń toō aĺ anī, m-ā m̄-rāā rɔ̄ḿ ndoō loo ɓɔ̄ɔ̄ rɔ̄ yāḿ tə́, najə̄ kɔjə rɔ̄ yāsí kə́ ngá̰ý ń toō tə́. Kumḿ i kə nōó, i kə nōó. Man̄ nōō a reē kumḿ tə́. Əhɔn̄ ɓūtə̄ yá̰a̰ kul̄ yā Kɔ́ɔ̄ɓē gə̄ dɔ gúú tə́ aw̄n̄ sedə́ dɔ ɓē kə́ rang tə́.

JEREMI 9:1

Ré de gə̄ adə̄mə̄n̄ loo ɓɔ̄ɔ̄ rɔ̄ yā ngé njə̄rā mbā kə jámbal gə̄ dəla loo tə́ anī, m-ā m-ə́yá̰ gír deē yāḿ gə̄ kɔ̄ɔ́ ō, m-ā m-ɔ̄r̄ rɔ̄ḿ kɔ̄ɔ́ rɔ̄də́ tə́ ō. Nin̄ malang i ngé sāā naā gír naā tə́ ō, ngé kɔr̄ gír naā gə̄ ō.

PĀ GƏ̄ 125:5

Banī ngé gə̄ ń unən̄ róbə́ kə́ súmūú aĺ gə̄ ní Kɔ́ɔ̄ɓē, majə kadə̄ ī-tə̄ɓādə́ kɔ̄ɔ́ naā tə́ kə ngé rāā madə̄də́ gə̄ yá̰á̰ kə́ majaĺ gēé! Ādə̄ lápə́ya reē kem ɓē kə́ Israel tə́!

PĀ GƏ̄ 110:4

Kɔ́ɔ̄ɓē a tūr̄ ndūn alé, tɔdɔ̄ túbə əda na: Ḭ̄ i nge tun̄ yá̰á̰ kə́ njɔ́ḿ gə̄ tə́ tītə̄ yā Melkisedek.

PĀ GƏ̄ 109:4

Nin̄ əndān̄ najə̄ dɔḿ tə́ tām̄ rāā ń m̄-rāā tɔdɔ̄də́ ní, banī mā yāḿ i ndɔ̄ȳ Nə́ɓā.

PĀ GƏ̄ 78:57

Télən̄ kɔ̄ɔ́ gō róbə yā Nə́ɓā tə́ ō, gólə̄n̄ loo tītə̄ yā kaadə́ gə̄ ō. Tūrə̄n̄ kumdə́ kə̄ gogə́ tītə̄ ga̰ gərā kə́ majaĺ beē.

1 SAMUEL 12:23

Mā tā a m-ā m̄-lōō gír rāā Kɔ́ɔ̄ɓē ɓɔ́ tə́ tām̄ yāsí tə́ alé. Tɔdɔ̄ ré m̄-lōō gírí anī m̄-rāā i majaĺ kə Kɔ́ɔ̄ɓēé. M-ā m̄-na̰y kə̄ loo kɔjəsí róbə́ kə́ majə tə́ ō, kə́ súmūú tə́ ō.

JOJUE 22:16

Ngán Israel gə̄ ń i de gə̄ yā Kɔ́ɔ̄ɓē ní, najə̄ ń ədan̄ malang ní n toó, ədan̄ na ī-rāāī yá̰á̰ kə́ gōtə́ aĺ ngá̰ý kə́ asə naā beé kə Nə́ɓā yā Israel i tām̄ rí tə́? Ī-lōōī gír koō ta Kɔ́ɔ̄ɓē tə́ ngɔlaā i tām̄ rí tə́? Dan ń ī-rāāī loo tun̄ yá̰a̰ yāsí sḭḭ̄ kɔ́ gə̄ kə́ dɔsí ní ī-mbātíī i najə̄ ta Kɔ́ɔ̄ɓē.

Najə̄ kə́ Majə yā Jeju ń Luk ndang ní 6:12

Dan ngeé ń noō tə́ ní Jeju aw̄ ndɔ̄yɔ̄ɔ́ dɔ mbalá. Ni ndɔ̄ȳ Nə́ɓā bátə́ loo tīī dɔn tə́.

MATIYE 24:13

Banī deē n a əhɔ sásáp mbóńg ta tɔ̄l̄ ta tə́ ní, a ajə.

PĀ GƏ̄ 78:41

Tél nāān̄ Nə́ɓā gogə́ rang ɓáý to̰, adə̄n̄ Nə́ɓā kə́ táĺ yā Israel wōn̄g.

SOPONI 1:6

Ngé tūr̄ gidədə́ taḿ tə́ gə̄ ō, ngé sāāḿ aĺ gə̄ ō, ngé koō najə̄ kə́ taḿ tə́ aĺ gə̄ ō ní, mā Kɔ́ɔ̄ɓē, mā m̄-rāādə́ kadə̄ nin̄ a gətóon̄ kɔ̄ɔ́.

JONAS 4:2

Ni ndɔ̄ȳ Kɔ́ɔ̄ɓē tītə̄ ń toō beé əda na: Ha̰, Kɔ́ɔ̄ɓē, m̄-ger̄ majə i dan ń mā i kem ɓē yāḿ tə́ nú ɓáý ní. m̄-ger̄ kadə̄ ḭ̄ i de kə́ majə ngá̰ý ō, kumií o̰ō̰ī ngá̰ý ō, ḭ̄ i de kə́ nge tə́gā taí dɔ deē tə́ ō, ḭ̄ i de kə́ táŕ ngá̰ý ō, ré ə́la ɓōĺ kem deē tə́ anī, ī-tél ā ī-ndə̄ngā rɔ̄í ō.

JONAS 3:10

Kəhɔ ń nin̄ əhɔn̄ rɔ̄də́ tɔgə yā kəya̰ háĺdə́ kə́ majaĺ kɔ̄ɔ́ ní, Nə́ɓā a̰ā̰. Adə̄ ni-lōō gíŕ yá̰á̰ ń sāā rāā tə́ ní. Ni ndə̄ngā rɔ̄n najə̄ yá̰á̰ kə́ majaĺ ń sāā rāā sedə́ tə́ ní, adə̄ rāādə́ yá̰á̰ kə́ majaĺ ní alé.

AMOS 7:3

Loo ń noō tə́ Kɔ́ɔ̄ɓē lōō gíŕ yá̰á̰ ń ni sāā rāā tə́ ní, adə̄ əda na: Yá̰á̰ ní a rāā yá̰a̰ alé.

TA KƏLA 6:7

Anī Kɔ́ɔ̄ɓē əda na: M-ā m̄-rāā kadə̄ deē ń m-ə̄ndān dɔ nang tə́ ní gətóo kɔ̄ɔ́. I deē ngóy alé, ba əla gír dɔ deē tə́ bátə́ ugə̄ń dɔ yá̰a̰ kul̄ gə̄ tə́ ō, dɔ ngán dā̰ kə́ kagə nang tə́ gə̄ tə́ ō, dɔ yel̄ kə́ dɔɔ́ gə̄ tə́ ō. Tɔdɔ̄ m̄-ndə̄ngā rɔ̄ḿ tām̄ rāā ń m̄-rāā deē tə́ ní.

Teē Ngán Israel gə̄ 32:11

Banī Moijə rāā Kɔ́ɔ̄ɓē Nə́ɓā yān ɓɔ́ kadə̄ wōn̄g yān kə tetə, ədan na ké gír de gə̄ ń noō i gír deē yān gə̄ ń nəkɔ́ na ɔydə́ teē sedə́ dɔ nang kə́ Ejiptə tə́ kɔ̄ɔ́ kə jīneé ō, kə tɔ́gən kə́ ngá̰ý ō ní aĺ wa.

Teē Ngán Israel gə̄ 32:14

Dan ń Kɔ́ɔ̄ɓē oō beé anī, lōō gír yá̰á̰ ń əda na n-a n-rāā kə gír deē yān gēé ní tə́ kɔ̄ɔ́.

1 SAMUEL 8:6

Kəda ń ədan̄ na kə Samuel kə əndā mban̄g kógə̄ḿ dɔdə́ tə́ kadə̄ kə gān̄g sarya yādə́ ní nel̄ Samuel alé. Adə̄ Samuel rāā Kɔ́ɔ̄ɓē ɓɔ́ tām̄ yādə́ tə́.

1 SAMUEL 15:10

Tā anī Kɔ́ɔ̄ɓē əda Samuel na:

1 YÁ̰A̰ GƏ̄ 21:15

Nə́ɓā əla de kə́ dɔ rā̰ tə́ kadə̄ aw̄ nujə ɓē kə́ Jerusalem. Ba dan ń Kɔ́ɔ̄ɓē a̰a̰ deē ní loo nujə loo tə́ anī tél ndə̄ngā rɔ̄n adə̄ ədan na: Kə tél kə ənī jīn nang tə́, kadə̄ asə bərá! Ba dan ń noō tə́ ní de kə́ dɔ rā̰ tə́ yā Kɔ́ɔ̄ɓē ní ra i kadə loo kənda kōō yā Ornan kə́ Yebus tə́.

Makətūbə̄ yā Job 34:27

Tɔdɔ̄ nin̄ gḛyn̄ kun gōn to̰ alé, əya̰n̄ gō róbə yān gə̄ malang kɔ̄ɔ́.

JEREMI 11:10

Nin̄ tél rāān̄ majaĺ yā kaadə́ gə̄ ń mbātə́n̄ koō najə̄ yāḿ gə̄ ní. Ngɔ̄də̄n̄ gō nə́ɓā kə́ rang gə̄ tə́ ō, ndɔ̄ȳn̄də́ ō. I beé n de gə̄ kə́ Israel tə́ ō, kə́ Juda tə́ gə̄ ō gāngə̄n̄neé madə̄ naā ń m-ə́hɔ kə kaadə́ gēé ní.

JEREMI 34:16

Ba ī-tél ī-tūrī ndūsí ī-nujiīneé kə rīḿ. Sḭḭ̄ kógə̄ḿ kógə̄ḿ ī-tél ī-sāāī nja ɓəlo kə́ dəngam gə̄ ō, kə́ dəyá̰ gə̄ ō ń əya̰īdə́ dɔɔ́ ní kadə̄ rāān̄ kəla adə̄n̄sí gogə́.

EJEKIEL 18:24

Ba ré de kə́ majə lōō gír rāā yá̰á̰ kə́ gōtə́ tə́ ba rāā yá̰á̰ kə́ majaĺ, tām̄ ni ndájə̄ yá̰a̰ rāā kə́ majaĺ ngá̰ý gə̄ malang yā de kə́ majaĺ gə̄ anī, ɔ́jiīń na a ndi kə kumneé a? I beé alé! Yá̰a̰ malang kə́ majə gə̄ ń ni-rāā ní, dɔdə́ a ndígə̄nal dɔ tə́ kɔ̄ɔ́. Ni a oy sɔɔ̄ń ra kə́ ni-ra dɔ ndūn tə́ aĺ ō, yá̰á̰ kə́ majaĺ kə́ ni-rāā ō.

1 SAMUEL 16:1

Kɔ́ɔ̄ɓē əda Samuel na: Mə̄kɔ́ m̄-mbātə́ Saul kɔ̄ɔ́ ō, ni i mban̄g yā ngán Israel gə̄ to̰ aĺ ō, ba ḭ̄ ā ī-to i dan nōōn tə́ bátə́ a? Ī-tūr̄ yibə̄ kem gajə dā̰ yāí tə́ ba ɔ̄r̄ dɔɔ́. M-ə́laī ɓē Jese kə́ Betlehem, tɔdɔ̄ mban̄g ń m̄-gə̄rān ní i dan ngánən gə̄ tə́.

1 MBAN̄G GƏ̄ 11:9

Kété ní Kɔ́ɔ̄ɓē Nə́ɓā yā Israel gə̄ ndōbə̄ Salomo̰ nja jōó ba ədan na kə lōō ndɔ̄ȳ nə́ɓā kə́ rang gə̄. Banī Salomo̰ rāā yá̰á̰ ń Kɔ́ɔ̄ɓē ədan ní alé. Loo ń noō tə́ wōn̄g rāā Kɔ́ɔ̄ɓē kə Salomo̰

1 YÁ̰A̰ GƏ̄ 10:13

Saul oy i najə̄ hál kə́ sew aĺ kə́ ni-rāā kə Kɔ́ɔ̄ɓēé tə́. Tɔdɔ̄ ni rāā yá̰á̰ ń Kɔ́ɔ̄ɓē əda ní aĺ ō, aw̄ sāā tə́ rɔ̄ Kɔ́ɔ̄ɓē tə́ alé ba aw̄ sāā tə́ rɔ̄ kɔdə̄ sāā gə̄ tə́ ō. Adə̄ Kɔ́ɔ̄ɓē rāā adə̄ Saul oy, ba ni tél kə ko̰o̰ ɓēé adə̄ Dabid ngōn̄ Jese.