1 SAMUEL 14:6 - Bibəl ta Sar̄

⁶ Jonatan əda nge kətō yá̰a̰ rɔ̄ɔ̄ yān na: Ī-reē ādə̄ j-aw̄ bátə́ loo ń ngé kəja mɔtədə́ aĺ gə̄ ń noō ndin̄ tū tə́ ní. Majanī Kɔ́ɔ̄ɓē a rāā yá̰a̰ tām̄ yājí tə́. Ká ré jḭḭ̄ i ngá̰ý aké i sḛ́ý beē gə̄gē anī yá̰á̰ kə́ a ɔgə̄ Kɔ́ɔ̄ɓē tetə rɔ̄ɔ̄ kadə̄jí gətóo.

Bible sar

⁶ Jonatan əda nge kətō yá̰a̰ rɔ̄ɔ̄ yān na: Ī-reē ādə̄ j-aw̄ bátə́ loo ń ngé *kəja mɔtədə́ aĺ gə̄ ń noō ndin̄ tū tə́ ní. Majanī Kɔ́ɔ̄ɓē a rāā yá̰a̰ tām̄ yājí tə́. Ká ré jḭḭ̄ i ngá̰ý aké i sḛ́ý beē gə̄gē anī yá̰á̰ kə́ a ɔgə̄ Kɔ́ɔ̄ɓē tetə rɔ̄ɔ̄ kadə̄jí gətóo.

1 SAMUEL 14:6 Referans Kwoze

MATIYE 19:26

Jeju əndā kumən dɔdə́ tə́ a̰a̰də́ ba ədadə́ na: A dum̄ de gə̄, banī yá̰á̰ kə́ dum̄ Nə́ɓā gətóo.

Makətūbə̄ ń Pol ndang adə̄ Rom gə̄ ní 8:31

J-a j-ədaī na i rí dɔ tə́ ɓáý? Ré Nə́ɓā i sejí anī, i náā n a mbātə́jí?

NDŪ NAJƏ̄ 32:30

Loo kadə̄ de kə́ kógə̄ḿ beē tə̄ɓā Israel gə̄ dūbú ō, kadə̄ de kə́ jōó beē gə̄ tə̄ɓān̄ Israel gə̄ dūbú kutə ō, kanjə̄ kadə̄ i mā Kɔ́ɔ̄ɓē ń i mbal̄ yādə́ ní n m-ə́ládə́ kem jī madə̄ ba̰ā̰də́ gə̄ tə́ ní i ba̰ý?

2 YÁ̰A̰ GƏ̄ 14:11

Kɔ́ɔ̄ɓē tetə Nubi gə̄ rɔ̄ɔ̄ no Asa tə́ ō, no Juda gə̄ tə́ ō, adə̄ Nubi gə̄ a̰ȳn̄ naā.

2 SAMUEL 16:12

Na majanī Kɔ́ɔ̄ɓē a a̰a̰ kum tō ndoō yāḿ adə̄ a rāā kadə̄ ndɔ̄ĺ yān a tél i tɔ́r̄ ta.

SOPONI 2:3

Ī-tūrī rɔ̄sí kə̄ rɔ̄ Kɔ́ɔ̄ɓē tə́, sḭḭ̄ de kə́ kem ɓēé gə̄ ń sḭḭ̄ i de kə́ najə̄sí gətóo gə̄ ní, sḭḭ̄ ń oōī tan, adə̄ ī-rāāī yá̰a̰ gə̄ ń ni ədasí ní. Ī-rāāī yá̰á̰ kə́ gōtə́ ō, ī-rāāī rɔ̄sí de kə́ dūú gə̄ tə́ ta kum Nə́ɓā tə́ ō. Na majanī ā ī-ndiī loo kə́ yá̰a̰ a ɔdə́ rɔ̄sí tū tə́ aĺ tə́, ndɔ̄ ń Kɔ́ɔ̄ɓē a ɔjəń wōn̄g yān kə̄ ndágá tə́ ní.

AMOS 5:15

Yá̰á̰ ń i yá̰á̰ kə́ majaĺ ní, ādī nel̄sí aĺ ngá̰ý ō, yá̰á̰ ń i yá̰á̰ kə́ majə ní, ādī nel̄sí ō. Loo sarya tə́ ɓáa, ī-rāāī ādə̄ de gə̄ ɓōlə́n̄ gidə yá̰á̰ kə́ súmūú ō. Loo ń noō tə́ Kɔ́ɔ̄ɓē ń i Nə́ɓā kə́ kɔ́ɔ̄ dɔ rā̰ ō dɔ nang ō ní, majanī kumən a o̰o̰n kə de kə́ kem kojə yā Jəjep tə́ gə̄ ń teēn̄ ta yo tə́ ní.

JEREMI 9:23

Ré deē kógə̄ḿ sāā tɔ̄ȳ rɔ̄n anī, ādə̄ kɔ́ɔ̄ tɔ̄ȳ rɔ̄n i tām̄ ger̄ ń ni gerə̄m̄ mā Kɔ́ɔ̄ɓē kə́ nge kem majə ō, nge kadə̄ deē yá̰á̰ kə́ sɔɔ̄ dɔn ō, nge rāā yá̰a̰ gōtə́ dɔ nang tə́ ō ní. Rɔ̄kum, i yá̰á̰ ń noō n nelə̄m̄ mā ní. Najə̄ ń Kɔ́ɔ̄ɓē əda ní n noó:

2 MBAN̄G 19:4

Majanī Kɔ́ɔ̄ɓē Nə́ɓā yāí a oō najə̄ gə̄ malang ń mban̄g kə́ Asiri əla ngol ngé kadə̄ yá̰a̰ ka̰ȳ gə̄ adə̄ tájəń Nə́ɓā kə́ ndi kə kumneé ní ō, majanī a əndan tām̄ najə̄ kɔrə̄n tə́ ō! Ba ḭ̄ ī-ndɔ̄ȳn tām̄ yā gotə deē yān gə̄ ń na̰yn̄ tə́ ní.

2 SAMUEL 1:20

Ī-lōōī kəda najə̄n kem ɓē kə́ Gat tə́. ī-lōōī kəda gotə kum róbə gə̄ kə́ kem ɓē kə́ Askalon tə́, na sōgə́ adə̄ ngán Pilistin kə́ dəyá̰ gə̄ rɔ̄nel̄, na sōgə́ ngáń kə́ dəyá̰ gə̄ yā ngé kəja mɔtədə́ aĺ gə̄ ń noō rāān̄ walya.

1 SAMUEL 17:36

Nge kəla yāí tɔ̄l̄ ɓɔl ō, tɔ̄l̄ dā̰ úrsə ō. Adə̄ yá̰á̰ ń m̄-rāā kə dā̰ gə̄ ń noō ní m-ā m̄-rāā kə Pilistin kə́ nge kəja mɔtən aĺ ń toō ō. Tɔdɔ̄ ni tɔ́sə̄ gātə̄ ngé rɔ̄ɔ̄ gə̄ yā Nə́ɓā ń ndi kə kumneé ní.

1 SAMUEL 17:26

Dabid dəje ngé rɔ̄ɔ̄ gə̄ ń ran̄ rɔ̄n tə́ ngɔr ní na: Deē ń tetə Pilistin ń toō rɔ̄ɔ̄ yā kɔrə̄ń rɔ̄sɔl̄ kɔ̄ɔ́ dɔ ngán Israel gə̄ tə́ ní a əndān̄ njan i kə rí? Pilistin kə́ kəja mɔtən aĺ nəkɔ́ ń toō i náā á a tɔ́sə̄ gātə̄ ngé rɔ̄ɔ̄ gə̄ yā Nə́ɓā kə́ kə kumneé beé?

NGÉ SARYA 15:18

Dan ń kəndā man̄ rāā Samso̰ ngá̰ý anī ɓāŕ Kɔ́ɔ̄ɓē kadə̄ rāā seneé, ədan na: Kɔ́ɔ̄ɓē, m̄-tetə rɔ̄ɔ̄ ń toō i kə ta kūlīí. Ba ngɔlaā ní kadə̄ kəndā man̄ kə tɔ̄lə̄m̄ ō, kadə̄ m-ə̄sō kem jī de kə́ ngé kəja mɔtədə́ aĺ gə̄ ń toō tə́ ō a?

PILIPƏ 3:3

I jḭḭ̄ n i ngé kəja mɔtə kə́ rɔ̄kum gə̄ ní ba i nin̄ alé, tām̄ jḭḭ̄ jə-rāāī kəla j-adī Nə́ɓā i kə Ndíĺ Nə́ɓāá ō, i Jeju Kərist n i kɔsə gɔn yājí ní ō, j-əndāī tɔ́gə́jí i dɔ rɔ̄jí jḭḭ̄ kɔ́ gə̄ tə́ aĺ ō.

1 SAMUEL 14:5

Mbal̄ gə̄ ní kógə̄ḿ ra i dām̄ mbɔ́r ɓē kə́ ko̰ó̰ tə́, ba sɔɔ̄n̄ ta naā kə ɓē kə́ Mikəmas ō, kə́rēý ra i dām̄ mbɔ́r ɓē kə́ geleé tə́ ba sɔɔ̄n̄ ta naā kə ɓē kə́ Geba ō.

1 SAMUEL 14:7

Nge kətō yá̰a̰ rɔ̄ɔ̄ yā Jonatan tél ədan na: Ī-rāā yá̰a̰ malang ń kemií ndigə ní. Ī-njə̄rā kə̄ noó ādə̄ j-aw̄ na mā i gōí tə́ tītə̄ ndílí kə́ a un gōí beē.

1 SAMUEL 17:46

Ɓōólaā nəkɔ́ ń toō Kɔ́ɔ̄ɓē a əlaī jīḿ tə́ adə̄ m-ā m̄-tɔ̄lī ō, m-ā m-ə́ja dɔí yā gān̄g ō. Ɓōólaā nəkɔ́ ń toō m-ā m-ādə̄ yel̄ kə́ dɔɔ́ gə̄, kə dā̰ kə́ dɔ nang tə́ gə̄ nīń ngé rɔ̄ɔ̄ gə̄ yā Pilistin gə̄. Loo ń noō tə́ de kə́ dɔ nang tə́ gə̄ malang a gerə̄n̄ kadə̄ Nə́ɓā yā Israel gə̄ ndi noó o,

1 SAMUEL 17:47

ngán Israel gə̄ malang ń kánə̄n̄ naā laā ní a gerə̄n̄ kadə̄ Kɔ́ɔ̄ɓē a sāā i kaskar, aké i səngɔy tá yā kajəń deē aĺ ō. Ni i ngol rɔ̄ɔ̄ ń toō adə̄ a əlasí jījí tə́.

1 SAMUEL 31:4

adə̄ ni-əda nge kətō yá̰a̰ rɔ̄ɔ̄ yān na kə ɔr̄ kaskar yān kə ɔsənneé na sōgə́ de kə́ ngé kəja mɔtədə́ aĺ gə̄ ń noō reē ɔsənən̄ ba mbóon̄neé seneé. Banī nge kətō yá̰a̰ rɔ̄ɔ̄ yān ɔdə alé, tɔdɔ̄ ɓōĺ asən nák. Anī Saul un kaskar yān nəkɔ́ ba əsō ta tə́.

PĀ GƏ̄ 135:6

Yá̰a̰ malang ń Kɔ́ɔ̄ɓē ndigə ní, ni-rāā, dɔ rā̰ tə́ ō, dɔ nang tə́ ō, kum bā bo gə̄ tə́ ō, kem bəlo loo gə̄ kə́ kum bā bo gə̄ tə́ malang ō.

JEREMI 9:25

Adə̄ i Ejiptə gə̄ ō, Juda gə̄ ō, Edom gə̄ ō, Amon gə̄ ō, Moab gə̄ ō, de gə̄ malang ń ndin̄ kem dəla loo tə́ á i ngé dəsā mbɔ́ŕdə́ gə̄ ní ō. Tɔdɔ̄ nápar de gə̄ malang əjan̄ mɔtədə́ aĺ ō, de kə́ Israel tə́ gə̄ nəkɔ́ gə̄gē ní ə́jan̄ mɔtə kə́ dan wurdə́ tə́ aĺ ō.

TƏ́DA 10:32

Ré āw̄ sejí anī yá̰á̰ kə́ majə gə̄ ń Kɔ́ɔ̄ɓē a adə̄jí ní, j-a j-ādə̄ ā ə́nge sejí ō.

TƏ́DA 31:4

Ɔ̄rī deē dūbú kógə̄ḿ kə dɔ gír ɓē gēé yā ngán Israel gēé kógə̄ḿ kógə̄ḿ ādə̄ aw̄n̄ rɔ̄ɔ̄ tə́.

JOJUE 14:12

Adə̄ ādə̄m̄ gō nang kə́ mbalá ń Kɔ́ɔ̄ɓē əda najə̄n ndɔ̄ ngeé ń noō tə́ ní. Tɔdɔ̄ ndɔ̄ n noō tə́ ní ōō kadə̄ ngán Anak gə̄ ndin̄ tū tə́ ō, ɓē bo gə̄ kə́ ndogə̄ mbal̄ gīr̄ gidə gə̄ i tū tə́ ō. Ré Kɔ́ɔ̄ɓē i seḿ anī, m-ā m̄-tə̄ɓādə́ kɔ̄ɔ́ tītə̄ ń nəkɔ́ ədań ní.

2 YÁ̰A̰ GƏ̄ 14:10

Asa əga kɔŕ kə̄ dɔ Kɔ́ɔ̄ɓē Nə́ɓā yān tə́, ə́da na: Kɔ́ɔ̄ɓē, de kə́ asə ra dɔ dán de kə́ tɔ́gən i ngá̰ý tə́ kə de kə́ tɔ́gən gətóó tə́ kə́ rang gətóo, i ḭ̄ ngóy. Kɔ́ɔ̄ɓē Nə́ɓā yājí, ī-rāā sejí! Tɔdɔ̄ j-ə̄ndā tɔ́gə́jí i dɔí tə́ ō, kósə de kə́ ngá̰ý gə̄ ń toō, jə-reē yā rɔ̄ɔ̄də́ i kə rīí ō. Kɔ́ɔ̄ɓē, ḭ̄ i Nə́ɓā yājí. Ādə̄ deē ndul tɔ́sə̄ gātīí alé!