1 SAMUEL 14:44 - Bibəl ta Sar̄

⁴⁴ Saul əda na: Ādə̄ Nə́ɓā rāā yá̰á̰ kə́ tōr̄ ń toō ba tél rāā ɓáý to̰. A̰á̰ā̰ Jonatan ā óy.

Bible sar

⁴⁴ Saul əda na: Ādə̄ Nə́ɓā rāā yá̰á̰ kə́ tōr̄ ń toō ba tél rāā ɓáý to̰. A̰á̰ā̰ Jonatan ā óy.

1 SAMUEL 14:44 Referans Kwoze

1 SAMUEL 14:39

Tītə̄ ń Kɔ́ɔ̄ɓē nge kajə ngán Israel gə̄ ndiń kə kumneé noō ní, deē ń rāā yá̰á̰ kə́ majaĺ ɓōólaā toó, ká i ngōnə̄ḿ Jonatan gə̄gē anī a oy. Ba dan de gə̄ tə́ malang ní, deē kógə̄ḿ kə́ tūrə̄n najə̄ tə́ gətóo.

RUTƏ 1:17

Loo ń ā óy tū tə́ ní m-ā m-óy tū tə́ ō, a dubə̄mə̄n̄ i loo ní tə́ ō. Ré i yo tá a kēgə̄jí naā tə́ seí, ba ré i yá̰á̰ kə́ rang anī ādə̄ Kɔ́ɔ̄ɓē rāām̄ yá̰á̰ kə́ tōr̄ ń toō ō, rāām̄ adə̄ tɔȳ dɔ ō!

1 SAMUEL 25:22

Beé ɓáa de gə̄ malang kə́ ta kújə yā Nabal tə́ ní, ká ré i dəngam kógə̄ḿ n m-ə́ya̰n adə̄ loo tīī dɔn tə́ gə̄gē anī ādə̄ Nə́ɓā rāām̄ yá̰á̰ kə́ tōr̄ ba tél rāām̄ ɓáý to̰.

Gōsə̄ najə̄ gə̄ 25:16

Ré ə́nge yibə̄ tejə anī ó̰o̰n ādə̄ asiī, ba ī-lōō ko̰o̰ kadə̄ al̄ dɔ kemií na sōgə́ ī-tōmbə̄ kɔ̄ɔ́.

2 SAMUEL 19:13

Nin̄ na i kojə yān gə̄, ba ké i ba̰ý á nin̄ i de kə́ gō gogə́ gə̄ loo tél reē kə mbangāá gogə́ ɓēé tə́ wa.

2 SAMUEL 12:31

Ba de kə́ kem ɓēé gə̄ tá ni ɔydə́ aw̄ sedə́ kadə̄ əjan̄ kāgə̄ gə̄ kə síí ō, tɔ́sə̄n̄ mbal̄ gə̄ ō, tə́gān̄ kāgə̄ gə̄ ō, ɔrə̄n̄ bəríkə gə̄ ō. Ni-rāā tītə̄ ń noō kə gotə ɓē gə̄ yā ngán Amon gə̄ malang. Gō tə́ anī Dabid nin̄ kə ngán Israel gə̄ malang tél reēn̄ gogə́ Jerusalem.

2 SAMUEL 12:5

Wōn̄g rāā Dabid ngá̰ý dɔ deē ní tə́ adə̄ ni-əda Natan na. Tītə̄ ń Kɔ́ɔ̄ɓē ndiń kə kumneé noō deē ń rāā yá̰á̰ kə́ tītə̄ ń noō ní majə kadə̄ ni-oy.

2 SAMUEL 3:9

Yá̰á̰ ń Kɔ́ɔ̄ɓē túbə ənīń ndūn yā rāā tām̄ yā Dabid tə́ ní, ré m̄-rāā m-ādə̄n aĺ anī, ādə̄ Kɔ́ɔ̄ɓē rāām̄ yá̰á̰ kə́ tōr̄ ń toō ō, tél rāām̄ ngé kə́ tōr̄ ń toō ō.

TA KƏLA 38:24

Asə nāā mətá gō tə́ anī, deē kógə̄ḿ reē əda Juda na umən Tamar na rāā rāȳ adə̄ na ndān̄ ngōn̄ loo rāȳ tə́. Anī Juda əda na kə teēn̄ seneé ndágá kə róōnən̄ kɔ̄ɔ́.

NGÉ SARYA 11:35

Dan ń Jepte a̰a̰n anī əhɔ kūbə̄ kə́ rɔ̄n nəkɔ́ tə́ rə̄yā̰ ba əda na: Aa, ngōnə̄ḿ. ī-rāām̄ ādə̄ rɔ̄ḿ óý yélélé kɔ̄ɔ́. Ḭ̄ i dan ngé reē kə yá̰á̰ kə́ to kum kaȳ aĺ dɔḿ tə́ gə̄. M-ə̄nā ndūḿ m-ādə̄ Kɔ́ɔ̄ɓē kɔ̄ɔ́ ɓá, adə̄ m-ā m̄-tūr̄ to̰ alé.

1 SAMUEL 3:17

Anī Eli dəjen najə̄ əda na: Ədaī na i rí? Ɓɔ́, najə̄ ń ədaī ní ī-lōō mundə̄m̄. Ré ī-mundə̄m̄ najə̄ kógə̄ḿ kə́ dan najə̄ gə̄ ń ɔr̄ seí tə́ ní anī, ādə̄ Nə́ɓā rāāī yá̰á̰ kə́ tōr̄ ń toō ō, nge kə́ tōr̄ ń toō ō.