1 SAMUEL 14:40 - Bibəl ta Sar̄

⁴⁰ Loo ń noō tə́ Saul tél əda Israel gə̄ malang na: Sḭḭ̄ ī-raī dām̄ kógə̄ḿ ō, jḭḭ kə ngōnə̄ḿ Jonatan, j-a jə-ra dām̄ kə́rēý tə́ ō. De gə̄ ədan̄ Saul na: Yá̰á̰ ń á̰a̰ā̰ kadə̄ i yá̰á̰ kə́ majə ní ī-rāā.

Bible sar

⁴⁰ Loo ń noō tə́ Saul tél əda *Israel gə̄ malang na: Sḭḭ̄ ī-raī dām̄ kógə̄ḿ ō, jḭḭ kə ngōnə̄ḿ Jonatan, j-a jə-ra dām̄ kə́rēý tə́ ō. De gə̄ ədan̄ Saul na: Yá̰á̰ ń á̰a̰ā̰ kadə̄ i yá̰á̰ kə́ majə ní ī-rāā.

1 SAMUEL 14:40 Referans Kwoze

2 SAMUEL 15:15

Ngé kəla gə̄ yā mban̄g tél ədan̄ mban̄g na: Ká kɔ́ɔ̄jí mban̄g ndigəń i rāā rí gə̄gē, jḭḭ ngé kəla yān gə̄ jə-ndi dɔ rɔ̄jí tə́ kɔ̄ɔ́ yā rāā yá̰á̰ ní.

1 SAMUEL 14:36

Gō tə́ anī Saul əda deē yān gə̄ na: J-awī ngɔ̄də̄ Pilistin gə̄ tə́ ndɔ̄ɔ́. J-ɔyiī yá̰a̰ kənge yādə́ gə̄ bátə́ kadə̄ loo tīī dɔjí tə́ ō, j-əya̰ī deē kógə̄ḿ ādə̄ ndi kə kumneé aĺ ō. De gə̄ tél ədanən̄ na: Yá̰a̰ malang ń á̰a̰ā̰ kadə̄ i yá̰á̰ kə́ majə ní ī-rāā. Banī nge tun̄ yá̰a̰ əda na: Ādə̄ j-oōī yā Nə́ɓā pá tá.

1 SAMUEL 14:7

Nge kətō yá̰a̰ rɔ̄ɔ̄ yā Jonatan tél ədan na: Ī-rāā yá̰a̰ malang ń kemií ndigə ní. Ī-njə̄rā kə̄ noó ādə̄ j-aw̄ na mā i gōí tə́ tītə̄ ndílí kə́ a un gōí beē.

1 SAMUEL 14:39

Tītə̄ ń Kɔ́ɔ̄ɓē nge kajə ngán Israel gə̄ ndiń kə kumneé noō ní, deē ń rāā yá̰á̰ kə́ majaĺ ɓōólaā toó, ká i ngōnə̄ḿ Jonatan gə̄gē anī a oy. Ba dan de gə̄ tə́ malang ní, deē kógə̄ḿ kə́ tūrə̄n najə̄ tə́ gətóo.

1 SAMUEL 14:41

Anī Saul əda Kɔ́ɔ̄ɓē na: Nə́ɓā yā Israel, ə́dájí najə̄ kə́ kumən unjə̄ wáńg wáńg. Gō tə́ anī nin̄-túgə̄n̄ wə̄lā ɓáa wə̄lā ɔjə i dɔ Saul nin̄ kə ngōnən Jonatan, banī ngán Israel gə̄ tá teēn̄ karī.

1 SAMUEL 1:23

Ngaan Elkana tél ədan na yá̰á̰ ń a̰a̰ ta kumən tə́ kadə̄ i yá̰á̰ kə́ majə ní kə rāā. Kə ndi kə ngōn̄ ní bátə́ kadə̄ ɔrə̄n ta mba tə́, ba kadə̄ Kɔ́ɔ̄ɓē rāā yá̰á̰ ń ənī ndūn yā rāā ní. Adə̄ Ana tél ndi gogə́ Rama adə̄ń ngōn̄ mba bátə́ ɔrə̄nneé ta mba tə́.