1 SAMUEL 14:39 - Bibəl ta Sar̄

³⁹ Tītə̄ ń Kɔ́ɔ̄ɓē nge kajə ngán Israel gə̄ ndiń kə kumneé noō ní, deē ń rāā yá̰á̰ kə́ majaĺ ɓōólaā toó, ká i ngōnə̄ḿ Jonatan gə̄gē anī a oy. Ba dan de gə̄ tə́ malang ní, deē kógə̄ḿ kə́ tūrə̄n najə̄ tə́ gətóo.

Bible sar

³⁹ Tītə̄ ń Kɔ́ɔ̄ɓē nge kajə ngán Israel gə̄ ndiń kə kumneé noō ní, deē ń rāā yá̰á̰ kə́ majaĺ ɓōólaā toó, ká i ngōnə̄ḿ Jonatan gə̄gē anī a oy. Ba dan de gə̄ tə́ malang ní, deē kógə̄ḿ kə́ tūrə̄n najə̄ tə́ gətóo.

1 SAMUEL 14:39 Referans Kwoze

2 SAMUEL 12:5

Wōn̄g rāā Dabid ngá̰ý dɔ deē ní tə́ adə̄ ni-əda Natan na. Tītə̄ ń Kɔ́ɔ̄ɓē ndiń kə kumneé noō deē ń rāā yá̰á̰ kə́ tītə̄ ń noō ní majə kadə̄ ni-oy.

1 SAMUEL 14:44

Saul əda na: Ādə̄ Nə́ɓā rāā yá̰á̰ kə́ tōr̄ ń toō ba tél rāā ɓáý to̰. A̰á̰ā̰ Jonatan ā óy.

1 SAMUEL 14:24

Ndɔ̄ ń noō tə́ ní de kə́ Israel tə́ gə̄ a̰a̰n̄ tápə̄, tɔdɔ̄ Saul ədadə́ na: Deē ń a əsa yá̰á̰ kété no mbang kudə tə́ kanjə̄ kadə̄ m̄-dal ba̰ā̰ dɔ madə̄ ba̰ā̰ḿ gə̄ tə́ ní ndɔ̄ĺ i dɔ kɔ́ɔ̄ tə́. Adə̄ dan ngán Israel gə̄ tə́ ní deē əsa yá̰a̰ alé.

KOHELET 9:2

Yá̰a̰ gə̄ malang ton̄ tītə̄ naā tām̄ yā de gə̄ tə́ malang. Yá̰á̰ ń rāā de kə́ súmūú ō, nge kem ndul ō ní i yá̰á̰ kə́ kógə̄ḿ beē. Yá̰á̰ ń rāā de kə́ majə ō, de kə́ majaĺ ō ní i yá̰á̰ kə́ kógə̄ḿ beē. Yá̰á̰ ń rāā de kə́ unjə̄ njáý njáý ō, de kə́ majaĺ tákə̄n ō ní i yá̰á̰ kə́ kógə̄ḿ beē. Yá̰á̰ ń rāā nge ndējə̄ yá̰a̰ ō, nge ndējə̄ yá̰a̰ aĺ ō ní i yá̰á̰ kə́ kógə̄ḿ beē. Yā de kə́ majə to tītə̄ yā de kə́ majaĺ ō, yā nge túbə to tītə̄ yā nge ɓōĺ túbə ō.

1 SAMUEL 28:10

Saul túbə kə rī Kɔ́ɔ̄ɓēé əda na: Tītə̄ ń Kɔ́ɔ̄ɓē ndiń kə kumneé noō ní, yá̰a̰ a rāāī dan najə̄ ń toō tə́ alé.

1 SAMUEL 22:16

Banī mban̄g əda na: Ahimelek, ā óy naā tə́ kə ngééí gə̄ malang.

1 SAMUEL 20:31

Banī ōō najə̄ ń toō majə, ré ngōn̄ Jese ń noō ndi kə kumneé ta kaw̄ jóo anī, ngəraī ḭ̄ a əhɔ nang aĺ ō, ngəra ko̰o̰ ɓē yāí a əhɔ nang aĺ ō. Adə̄ ī-mēr̄ kəhɔn ngɔr ń toō tə́ ādə̄ reēn̄ seneé adə̄mə̄n̄, tɔdɔ̄ ni-rāā yá̰á̰ kə́ asə yon.

1 SAMUEL 19:6

Saul ndigə najə̄ ń Jonatan ədan ní, adə̄ túbə əda na: Tītə̄ ń Kɔ́ɔ̄ɓē ndiń kə kumneé noō, deē a tɔ̄l̄ Dabid alé.

1 SAMUEL 14:40

Loo ń noō tə́ Saul tél əda Israel gə̄ malang na: Sḭḭ̄ ī-raī dām̄ kógə̄ḿ ō, jḭḭ kə ngōnə̄ḿ Jonatan, j-a jə-ra dām̄ kə́rēý tə́ ō. De gə̄ ədan̄ Saul na: Yá̰á̰ ń á̰a̰ā̰ kadə̄ i yá̰á̰ kə́ majə ní ī-rāā.

2 SAMUEL 14:21

Mban̄g əda Joab na: Majə! Gír najə̄ gān̄g. Āw̄ ī-reē kə Absalom.