1 SAMUEL 14:15 - Bibəl ta Sar̄

¹⁵ Ɓōĺ kə́ ngá̰ý əsō kem gérger yā Pilistin gə̄ tə́ ō, kem de gə̄ malang ń ndin̄ kə gō gidə gérgereé ní ō. Ɓūtə̄ ngé rɔ̄ɔ̄ gə̄ kə́ ngé nujə loo gə̄ ní kə̄ngā sāā gān̄gdə́ ō. Dɔ nang ndebə, adə̄ i ɓōĺ kə́ ḭḭ i rɔ̄ Nə́ɓā tə́.

Bible sar

¹⁵ Ɓōĺ kə́ ngá̰ý əsō kem gérger yā Pilistin gə̄ tə́ ō, kem de gə̄ malang ń ndin̄ kə gō gidə gérgereé ní ō. Ɓūtə̄ ngé rɔ̄ɔ̄ gə̄ kə́ ngé nujə loo gə̄ ní kə̄ngā sāā gān̄gdə́ ō. Dɔ nang ndebə, adə̄ i ɓōĺ kə́ ḭḭ i rɔ̄ Nə́ɓā tə́.

1 SAMUEL 14:15 Referans Kwoze

1 SAMUEL 13:17

Ɓūtə̄ ngé rɔ̄ɔ̄ kə́ ngé nujə loo gə̄ teēn̄ gérger yā Pilistin gə̄ tə́ ba kēgə̄n̄ naā gír loo mətá. Gír ɓūtə̄ kə́ ta kəga dɔ aw̄ kum kə̄ Opəra dɔ nang yā Sual tə́ ō,

TA KƏLA 35:5

ba ndɔ́tə̄n̄ ɓē aw̄n̄. Nə́ɓā rāā adə̄ ɓōĺ kə́ ngá̰ý əsō kem ɓē gə̄ ń gīrə̄n̄ gidədə́ tə́ ní, adə̄ de kə́ ngɔ̄də̄ gō ngán Jakob gə̄ gətóo.

2 SAMUEL 5:24

Ré ōō kōō yá̰a̰ ɓār̄ jam kāgə̄ gə̄ ní tə́ tītə̄ nja deē anī, ī-lōō kɔr bā̰ā̰ banī ī-nāgə́ láẃ, tɔdɔ̄ i kum mbang ń noō tə́ n m-ā m̄-mānəń kété noí tə́ yā rɔ̄ɔń ngé rɔ̄ɔ̄ gə̄ yā Pilistin gə̄ ní.

Teē Ngán Israel gə̄ 19:18

Dɔ mbal̄ Sinai i sa hor malang, tɔdɔ̄ Kɔ́ɔ̄ɓē risə reē dɔ tə́ kum hor tə́. Sa hor ní əɓa luk luk tītə̄ sa hor nə́ngā katə̄ beé ō, mbal̄ ndebə ngin ngin ō.

MATIYE 24:6

Ā ōōī najə̄ yā rɔ̄ɔ̄ gə̄ ō, ā ōōī kōō rɔ̄ɔ̄ gə̄ ō, ba ādī ɓōĺ rāāsí alé, tām̄ i gáŕ kadə̄ yá̰a̰ gə̄ ń noō a rāān̄ yá̰a̰, banī i ta ngóy ndɔ̄ gə̄ aĺ ɓáý.

DANIEL 5:6

ta kumən tetə ndaa ō, gír̄ yān gə̄ əlan̄ ɓōĺ kemən tə́ ō, ni sōl̄ ō, dɔ kur jejə njan gə̄ tə́ndān̄ naā ō.

PĀ GƏ̄ 14:5

I nin̄ n ran̄ a a̰a̰n̄ woy woy noó. Tɔdɔ̄ Kɔ́ɔ̄ɓē i dām̄ yā de kə́ súmūú gə̄ tə́.

Makətūbə̄ yā Job 18:11

Yá̰á̰ kə́ to ɓōĺ gə̄ teēn̄ kə̄ ta gə̄ tə́ əlan̄ ɓōĺ kə́ ngá̰ý kemən tə́. Nin̄ unən̄ gōn tḛ tḛ, tə́ndān̄ njadə́ gotə yān tə́.

1 SAMUEL 13:23

Ɓūtə̄ ngé rɔ̄ɔ̄ gə̄ kógə̄ḿ yā Pilistin gə̄ aw̄ ndin̄ ta róbə́ kə́ dūú kə́ Mikəmas tə́ ń teē mbo̰ō̰ mbal̄ gə̄ tə́ ní.

NGÉ SARYA 7:21

Nin̄ ran̄ gotə kógə̄ḿ kə gō gidə gérgereé, banī de gə̄ malang kə́ kem gérgereé a a̰ȳn̄ i ngɔ̄də̄ ō, a əgan̄ i kɔŕ ō, a a̰ȳn̄ i naā ō.

JOJUE 2:9

Ni-ədadə́ na: m̄-ger̄ kadə̄ Kɔ́ɔ̄ɓē adə̄sí dɔ nang yājí ō, jə-ɓōl̄sí ngá̰ý ō, de gə̄ malang kə́ kem ɓēé ní kemdə́ gān̄g man̄ najə̄ yāsí tə́ ō.

1 SAMUEL 7:10

Dan ń ra a róō ngōn̄ batə̄ horoó ɓáý ní a, Pilistin gə̄ reēn̄ yā rɔ̄ɔ̄ Israel gə̄. Banī Kɔ́ɔ̄ɓē rāā adə̄ man̄ ndang kə ngangá ngá̰ý dɔdə́ tə́ ndɔ̄ ń noō tə́. Kɔ́ɔ̄ɓē əla ɓōĺ kə́ ngá̰ý kemdə́ tə́ adə̄ a̰ȳn̄ naā no Israel gə̄ tə́.

1 SAMUEL 13:18

kə́ nge ko̰ jōó aw̄ kum kə̄ Bet Horon ō, kə́ nge ko̰ mətá aw̄ kum kə̄ dɔ nin̄ ń i loo kə́ kḭḭ kə̄ dɔɔ́ ń deē ra dɔ tə́ anī a̰a̰ wól loo yā ɓon̄g gə̄ kum kə̄ dəla loo tə́ ní ō.

1 SAMUEL 14:14

Tetə rɔ̄ɔ̄ kə́ ta kəga dɔ yā Jonatan nin̄ kə nge kətō yá̰a̰ rɔ̄ɔ̄ yānneé ní rāā adə̄ Pilistin gə̄ kutə jōó oyn̄. Loo ń Pilistin gə̄ oyn̄ tū tə́ ní i loo kə́ sḛ́ý beē ngóy.

1 SAMUEL 14:16

Ngé kum̄ loo yā Saul gə̄ ran̄ kem ɓē kə́ Gibea yā Benjamḛ tə́ a a̰a̰n̄neé loo. Nin̄ a̰a̰n̄ kósə Pilistin kə́ ngá̰ý gə̄ ń a̰a̰n̄ woy woy kə̄ loo gə̄ tə́ ní.