1 SAMUEL 14:12 - Bibəl ta Sar̄

¹² Ba Pilistin gə̄ ní ədan̄ Jonatan nin̄ kə nge kətō yá̰a̰ rɔ̄ɔ̄ yānneé na: Ālī kə̄ rɔ̄jí tə́ laā na j-aw̄ kə yá̰á̰ kógə̄ḿ yā kədasí. Anī Jonatan əda nge kətō yá̰a̰ rɔ̄ɔ̄ yān na: Āl̄ gōḿ tə́ na Kɔ́ɔ̄ɓē əladə́ kem jī Israel gə̄ tə́ kɔ̄ɔ́ ɓá.

Bible sar

¹² Ba Pilistin gə̄ ní ədan̄ Jonatan nin̄ kə nge kətō yá̰a̰ rɔ̄ɔ̄ yānneé na: Ālī kə̄ rɔ̄jí tə́ laā na j-aw̄ kə yá̰á̰ kógə̄ḿ yā kədasí. Anī Jonatan əda nge kətō yá̰a̰ rɔ̄ɔ̄ yān na: Āl̄ gōḿ tə́ na Kɔ́ɔ̄ɓē əladə́ kem jī *Israel gə̄ tə́ kɔ̄ɔ́ ɓá.

1 SAMUEL 14:12 Referans Kwoze

2 SAMUEL 5:24

Ré ōō kōō yá̰a̰ ɓār̄ jam kāgə̄ gə̄ ní tə́ tītə̄ nja deē anī, ī-lōō kɔr bā̰ā̰ banī ī-nāgə́ láẃ, tɔdɔ̄ i kum mbang ń noō tə́ n m-ā m̄-mānəń kété noí tə́ yā rɔ̄ɔń ngé rɔ̄ɔ̄ gə̄ yā Pilistin gə̄ ní.

2 MBAN̄G 14:8

Tā anī Amasia əla de gə̄ rɔ̄ mban̄g kə́ Israel tə́ ń i Joas kə́ ngōn̄ Joakajə kə́ ngōn̄ Yehu ní tə́ kadə̄ ədanən̄ na kə reē kadə̄ kə n-rɔ̄ɔ̄n̄ naā.

1 SAMUEL 14:10

Ba ré ədan̄jí na: Ālī kə̄ dɔɔ́ rɔ̄jí tə́ laā anī, j-a j-al̄ yā kaw̄. Tɔdɔ̄ nge ń noō i yá̰á̰ kə́ ɔjə kadə̄ Kɔ́ɔ̄ɓē əladə́ kem jījí tə́ kɔ̄ɔ́.

NGÉ SARYA 7:15

Dan ń Jedeo̰ oō nī ní ō, kumən ō anī, əsō kə̄ nang tə́ rɔȳ Nə́ɓā ba tél aw̄ gogə́ gérger yā ngán Israel gə̄ tə́ aw̄ əda na: Ḭ́ḭḭ̄ dɔɔ́. Tɔdɔ̄ Kɔ́ɔ̄ɓē əla gérger yā Madian gə̄ kem jīsí tə́ kɔ̄ɔ́ ɓá.

NGÉ SARYA 4:14

Anī Debora əda Barak na: Ḭ́ḭ dɔɔ́ tɔdɔ̄ Kɔ́ɔ̄ɓē a əla Sisəra kem jīí tə́ i kem ndɔ̄ ɓōólaā tə́. Kɔ́ɔ̄ɓē nəkɔ́ i kété noí tə́. Barak risə kɔ̄ɔ́ dɔ mbal̄ Tabor tə́ kə deē yān gə̄ kə́ dūbú kutuú. Nəkɔ́ i kété nodə́ tə́.

TA KƏLA 24:48

Gō tə́ anī m-ɔ́sə noḿ nang tə́, m̄-tɔ̄ȳ Kɔ́ɔ̄ɓē, Nə́ɓā yā kɔ́ɔ̄ḿ Abəraham, ni ń reē seḿ kə gōó adə̄ m̄-taā ngōn̄ kaa ngōkó̰ó̰ kɔ́ɔ̄ḿ tām̄ yā ngōnə̄n tə́ ní.

TA KƏLA 24:42

Ɓōólaā, loo ń m-ūgə̄ dɔ bəlo maná ní, m̄-ndɔ̄ȳ Nə́ɓā m-ə́da na: Kɔ́ɔ̄ɓē, Nə́ɓā yā kɔ́ɔ̄ḿ Abəraham, ī-rāā ādə̄ mbā yāḿ ń toō majə.

NGÉ SARYA 9:54

Kə̄ ta jī tə́ noō Abimelek ɓāŕ balsáá kə́ nge kətō yá̰a̰ rɔ̄ yān ba ədan na: Ɔ̄r̄ kaskar yāí ī-tɔ̄l̄məń na sōgə́ ədan̄ na i de kə́ dəyá̰ na tɔ̄lə̄m̄ ní. Loo ń noō tə́ balsáá ní ɔsən kə kaskaraá adə̄ oy.

1 SAMUEL 14:13

Jonatan əndā jīn gə̄ kə njan gə̄ nang tə́ a alə̄ń ta kaw̄ dɔɔ́, ba nge kətō yá̰a̰ rɔ̄ɔ̄ yān al̄ gōn tə́. Jonatan tɔ́sə̄ Pilistin gə̄ tə́nīdə́. Ba nge kətō yá̰a̰ rɔ̄ɔ̄ yān i nge tɔ̄l̄də́ gōn tə́.

NGÉ SARYA 7:14

Madə̄n ní tél ədan na: Nge ń noō i kaskar yā Jedeo̰ ngōn̄ Yoas ń i de kə́ Israel tə́ ní ngóy ō ba i rí? Nə́ɓā əla Madian gə̄ kə gérger yādə́ malang kem jīn tə́ kɔ̄ɔ́ ɓá.